غيرتي الشديدةعلى زوجي/ملكةالاحساس+فاكهةالشتاء
 

السللام عليكم

بديت اقتنعت ان فعلا فيني مرض غيرة وامتلاك زوجي

اغار على زوجي من اهله وبالذات اخواته واخاف هالشيء يفرق بيني وبين زوجي لاسمح الله .. والمشكلة زوجي مو متفهم هالشيء ويقول اني فيني مرض نفسي اسمه عدم الثقة في النفس..

اللي صار ان زوجي يبي يسافر بكره لاهله عنده شعل .. وبيقابل اخوه الكبير لانهىماالتقى فيه ايام العيد لانه كان مسافر .. وقالي انه بيشتري شاشة تلفزيون لاخته .. تضايقت مرة .. وقلت له يعني مافي الا انت من اخوانك تودي وتجيب وحتى الطلعات مافي الا انت تطلعهم .. اخدم اخواتك بس كذا كأنك متزوجهم معي يشاركوني كل شيء فيك.. قال من ابسط حقوقهم علي.. قلت فعلا وهم اخواتك بالنهاية ولا انا مالي قيمة عندك(لاني انقهرت من كلمته من ابسط حقوقهم).. قال انتي فيك مرض نفسي اسمه عدم الثقة في النفس.. قلت تنت زوجي واللي اشكي له ويسمعني بدل ماتحتويني وتقدرني تقول انتي فيك مرض..قال من جد في ايش قصرت عليك او اهنتك .. قلت بالعكس ماعمرك قصرت بشيء .. قال انتي لك مكانه واخواتي واهلي لهم مكانه ومااحد بياخذ مكان احد .. قلت له فعلا وانا اللي فيني مرض اسمه حبك والغيرة عليك ورغبتني تكون لي انا لوحدي وهالشيء بيتعبنا كثير ..


ابي اعرف كيف اغير نفسي ؟؟ كيف اعيش لنفسي انا ومااظل اجري ورى زوجي واخلي حبه وغيرتي عليه تتعبني وتخرب حياتي معه؟؟؟

ساعدوني

رد: غيرتي الشديدة على زوجي/ ملكة الاحساس+مثاب
 

المشكلة حاولت اصلح الموضوع مع زوجي بكلام حلو ودلع بس للاسف مايرد علي ..

حتى وصلني لبيت اهلي ولانطق ولا كلمة .. الظاهر انه مل مني خلاص!!!!

رد: غيرتي الشديدة على زوجي/ ملكة الاحساس+مثاب
 

وعليكم السلام

احبه كيف تشوفين حياتك بعد مشاكلكم الاخيره وبعد مااقترحنا عليك الحلول
وحاولنا نعلمك اخطائك
تحسين نفسك تغيرتي ... تحسين حياتك للافضل


زوجك يحبك وحبه لك غير عن حبه لااهله وقاله لك انتي غير عنهم !!
علاقتك فيه غيير وعلاقتهم فييه غيير

وحطي ببالك انتي الوحيده الي عايشه معاه وتشاركينه اسراره واحزانه وافراحه

انتم متشاركين نفس البيت ونفس الحياه ووووووو
انتي اختياره ورغبته وانتي حبه وانتي من يترجم لها الحب

وانتي ماشاء الله تحبينهم وعلاقتك فيهم حلوه واكييد ماجات هذه العلاقه الا وانتي شايفه احسانهم

حطي ببالك الزوج ماينسى كيف تتعامل الزوجه مع اهله
حتى لو تحبهم بس ماتحب انه يساعدهم

لو كان بشكل يومي صح معك حق بس بالشهرين اربع ايام
تخيلي ستين يوم لك منها 56 يوم معك واربع ايام مع اهله

بعضهم تمر بظروف سيئه مع زوجها ويشوف اخته تحت ضغط ويخفف عنها او يساعدها

ان شاء الله مو خلاص
بس ليه فاتحتيه بغيرتك ... ليه تفتحين موضوع ممكن ينكد ع زوجك

ع فكره مشكلتك مو بس الغيره حتى كلامك غلط اختيارك للموضوع وتضخيمه مشكله

رد: غيرتي الشديدة على زوجي/ ملكة الاحساس+مثاب
 

الحمدلله أحس إني تغيرت بعد المشاكل اللي صارت وكتبتها هنا واستفدت منكم .. بهالشهر اكتسبت خبره مااكتسبتها في فترة زواجي كلها..

بالنسبة للغيرة فهي فعلا مشكلة وأنا فاتحت زوجي عشان يتفهم ومايظن انه كره في أهله بحد ذاته .. أنا احتاج فعلا لدروس عشان اتجاوز هالمشكلة لان زوجي بدأ فعلا يتملل من مشاكلنا الكثيرة ،،

رد: غيرتي الشديدة على زوجي/ ملكة الاحساس+مثاب
 

احبه تحتاجين تمارين في الصبر ... لو كنتي تمتلكين قليل من الصبر واجلتي الحديث في هذا الموضوع

وبعد ساعتين راح تبرد وترجعين تفكرين فيها تقولين ماتستاهل ليش اخرب حياتي ع شي مو من حقي ازعل عليه

وبعد ساعتين يكون هو مسافر ومبسوط منك وانتي بردتي وارتحتي وراجعتي نفسك

بس تكلمتي والحين ندمتي وهو سافر زعلان ... احبه الحمدلله اهتمامه. بااهله واخواته
ولا ببنات حرام وعلاقات ويروح تعبه وجهده وماله بالوجه الغلط

انتي وقفتي مع اهلك وقت حاجتهم بالرغم عند اخوان ورجال يعني ممكن اهلك يستعينون فيهم وش معنى انتي
نفس زوجك قلتي عنده اخوان ليش مايخدموهم وش معنى زوجي

نفس الشي

زوجك لما قالك ماعندك ثقه بنفسك لان الحب والامتلاك مايجي بالقوه
ولاتجي بالمال ... مهما دفعنا وبذلنا

الحب مشاعر وايثار وعطاء وبذل وتنازل وتفاهم وتغاضي

رد: غيرتي الشديدة على زوجي/ ملكة الاحساس+مثاب
 

فعلا احتاج تمارين في الصبر ،، واحتاج اشغل نفسي عن زوجي لاني احسه محور حياتي كلها .. تصدقين حتى الواتس اشوفه متى اخر ظهور .. واقول في نفسي طيب توه قبل شوي اخر ظهور ليش مايراسلني .. واذا شفته متصل اتضايق .. مااعرف احس فيني مرض اسمه حبه..

رد: غيرتي الشديدة على زوجي/ ملكة الاحساس+مثاب
 

كويس انتي اصلا عارفه الي تسوينه غلط .. الي فيك حب امتلاك والدرجات تبعه الحب المفرط والغيره وووو
بس ع فكره هو شعور سيء وان شاء الله راح تتخلصين منه اذا ماكان طبع من الصغر فيك وانتي اعلم بنفسك

اختي تاكدي ان زوجك وصل لمرحلة الاختناق وان شاء الله ماوصل لها

لابد تنشغلين عنه اشتركي بنادي افضل لك وتغيير جو لك ... زوري صحباتك جمعيهم بالبيت عندك اعزمي اخوانك وتقربي منهم بس بدون مبالغه عزيمه اخت عاديه مع حسن استقبال وضيافه

اقرائي كثير في تطوير الذات والثقه بالنفس ... مايقصد زوجك انتي مو واثقه انك غيير عنهم مو واثقه بنفسك ان حبك غيير انا لاحظت فعلا اخر مشكله لما رحتي تعلمين اخته

عرفت انك غيرانه منهم ومو مرتاحه بطلعتهم معاه للحديقه وكنوع من التخريب عليهم انتصار لحبك وغيرتك عليه

بامكانك انقاذ حياتك الزوجيه او خسارته وان شاء الله تنجحين

انتي عندك اهلك واهتميتي فيهم وتزعلين لو رفض ممكن هو كمان يغار وزعلتي
طيب طبيعي بيزعل اذا ماتبغيه يهتم بااهله
الزوج مايبي يحس ان زوجته عائق امام علاقته باهله وماشاء الله علاقة زوجك جيده معهم وتدل ع طيبته ومتوسط معاهم

يعني مو معطيهم كل وقته وماله وانتي هاملك لا معتدل قايم فيك وواجباته واهله باعتدال

احبه ممكن اذا تعذر الحمل في الوقت الراهن ان تتبني طفل حديث الولاده تعيشي معاه الامومه من لحظتها

ويملا عليك حياتك

اصلا بعد مرور خمس سنوات يكون انتهى المنعطف الصعب الخطير بااي حياه زوجيه
خمس سنوات الاولى هي الاصعب في الحياه الزوجيه من حيث التفاهم والانسجام والخفه من حدة المشاكل والغيره


في كل تصرف لك بادلي الادوار بينك وبين زوجك

تصرفي بعدم التعجل واعطي الامور وقت وحقها من الوقت حتى تنضج تماما

هل لديك صديقات ؟؟

رد: غيرتي الشديدة على زوجي/ ملكة الاحساس+مثاب
 

نعم عندي بس ماأزورهم ولايزوروني .. هم يتجمعون بين فترة وفترة بس ماكنت اتجمع معهم .. تصدقين البارح انتبهت لهالنقطة لدرجة قلت لاختي نفسي اتجمع مع صديقاتي .. تدرين وش ردها!! استغربت مرة قالت غريبة مع اني كم مرة سألتك ليش ماتتجمون انتي وصديقاتك قلتي ماتحبيfdh

رد: غيرتي الشديدة على زوجي/ ملكة الاحساس+مثاب
 

احبه اتمنى تكوني بخيير .. كيفك اليوم ؟؟

عزيزتي احبه اجعلي الآن جُل اهتمامك الإنجاب الوقت يمضي ياصديقتي وتحتاجين من يزين حياتكـ

غاليتي وش سويتي عشان الانجاب خطواتك للعلاج ماهي اذا امكن لان بانجابك ستتغيير حياتك الى الاروع

بالنسبه لصديقاتك جاراتك انصحك وبقووه ان تختلطي .. وزوجك اعطيه حبك وعشقك واهتمامك ولكن لاتضيقي عليه

انشغلي بتنسيق منزلك واضافة اكسسورات له والانشغال في تجديد حياتكما
تدرين احبه بين فتره او كل كم شهر اغيير اواني اكلنا واجيب كاسات جدد وصحون جديده وملاعق شكل غيير

اغيير الوان مفرش غرفتي واضيف اكسسورات احس حياتي تتجدد وتتغيير وانشغل عن زوجي
اول كنت اراقب ظهور الواتس واذا نزلت اهلي ع اعصابي مابيه يفارقني واحاول اشغله فيني مرره تعبانه مرره اغراض البيت كل يوم اجيب جزء انا وزوجي مرره نطلع نغيير جو ومرات اخلق جو حلوو قهوه وحركات وعشاء اي شي ... بس المهم

مايطلع ولا يروح اصحابه واذا راح يوم بالاسبوع ويكون خميس والجمعه اخذ حق يوم الخميس اضعاف حسيت اني اظلمه
بس كنت اتحجج اني اخاف عليه ... بس انا اختنقت وهو صارحني حسيت فعلاً اني اطارد خلف السراب

احبه الحياه جمييله وجمالها لما نرسمها بالالوان سعاده وصداقات وحب الناس وقيامنا بواجبتنا اتجاه احبابنا
نسعد من يسعدنا

مشكلة الغيره الي فيك وقتيييه واذا تغييرت ظروفك اختفى نصفها

رد: غيرتي الشديدة على زوجي/ ملكة الاحساس+مثاب
 

ارجو قبول اعتذاري

في امان الله

رد: غيرتي الشديدة على زوجي/ ملكة الاحساس+مثاب
 

فعلا حبيبتي مثل ماقلتي الغيرة أللي فيني وقتية واذا تغيرت ظروفي راح تتحسن حياتي مع زوجي بأكملها ،، وأصعب ظرف امر فيه الان عدم الانجاب..

رد: غيرتي الشديدة على زوجي/ ملكة الاحساس+مثاب
 

الحمد لله الامور طيبة بيني وبين زوجي .. أحاول اكون وسط معه لااخنقه ولا اتركه بالمرة طبعا عن طريق الواتس لانه مازال عند أهله..اليوم مسوي حركة ماأدري هو قاصدها ويبي يشوف ردة فعلي ولا عفويه !!! الحركة أنه مرسل صورة له وهو شايل اخته الصغيرة عمرها كم شهر ،، وقالي انا واختي فلانه .. قلت له الله يخليكم لبعض الله يصلحها وتشوفها عروسه .. قال امين ..

وش رأيك؟

رد: غيرتي الشديدة على زوجي/ ملكة الاحساس+مثاب
 

بالنسبة للانجاب هالشهر ان شاء الله ببدأ مرحلة العلاج وأفكر في اطفال الانابيب أو الحقن المجهري.. وان شاءالله ربي يرزقني الذرية الصالحة يارب ..

رد: غيرتي الشديدة على زوجي/ ملكة الاحساس+مثاب
 

احبه ارجوك تخلصي من النكد ... واذا ارسل لك صورته مع اخته عمرها شهور اكييد مايقصد هذي طفله لو بنت العدو حبيناها وعطفنا عليها ... عاددددي جدا ومايقصد شي بس يمكن يحسك تحبين الاطفال فاارسلها لك
انظري للموضوع من الجانب المضيء لاتنظري للامور من الزاويه الضيقه المظلمه

عالعموم بالنسبه للانجاب الحمدلله الطب تقدم واسعي للعلاج وان لم ينفع هنا سافري للخارج اسعي واسعي للموضوع
واستعجلي واطلبي من زوجك ان يساعدك ويستعجل بالموضوع
ابتداي من بكره او الاحد ولا تتاخرين واي شي مطلوب اعمليه مهما كلفك ولاتبنين بيت ولسى ماانجبتي انجبي ثم ابني بيت لك ولاطفالك

رد: غيرتي الشديدة على زوجي/ ملكة الاحساس+مثاب
 

راح اسعى في موضوع الانجاب إن شاءالله وهذا اللي افكر فيه..

رد: غيرتي الشديدة على زوجي/ ملكة الاحساس+مثاب
 

طيب وش رأيك بردي؟

رد: غيرتي الشديدة على زوجي/ ملكة الاحساس+مثاب
 

جدا رائع حسستيه بحبك لهم وهو يعرف انه اصلك طيب وكلامك هذا بيبسطه اكثر
غيرتك من اهله مالها مجال مااهي صح توظيفك للغيره غلط

رد: غيرتي الشديدة على زوجي/ ملكة الاحساس+مثاب
 

البارح جاء زوجي من سفره .. الحمدلله استقبلته احسن استقبال بس حاسة بحاجز كبير بيني وبينه .. يحاول يتودد في كلامه معي بس حآسة في برود غريب تجاهه .. ماأعرف بعد اللي صار آخر مرة حآسة أنه يفضل أهله علي وحسيت إنه ماأهتم فيني ماداراني ولا دور لرضاي ،، خايفة جدا من الجاي!!


الحين مو شاغل بالي الا موضوع الانجاب وبدأت اليوم مشوار العلاج .. أحس ماعاد يهمني يحبني أو ماعاد يحبني ولاعاد أحس بغيرة عليه .. أحسه كسر شيء كبير داخلي .. ساعديني..

رد: غيرتي الشديدة على زوجي/ ملكة الاحساس+مثاب
 

على فكرة اليوم طول الوقت ساكتة وهادئة .. إذا سألني رديت عليه بهدوء .. لدرجة سألني في أحد مزعلك؟ قلت لا .. قال متأكدة؟ قلت ايه والله ماأحد زعلني .. قال أكيد طفشانة .. خلاص بنهاية هالاسبوع نروح المدينة الفلانية والاسبوع الجاي نروح المنطقة الفلانية السياحية .. وقال ها راح الطفش؟ قلت إيه ..

بس كملت باقي اليوم في قمة الهدوء .. أحس ببرود عجيب تجاهه..

رد: غيرتي الشديدة على زوجي/ ملكة الاحساس+مثاب
 

نسيت أقلك شغلة فعلها معي عندما دخلنا شقتنا البارح بعد عودته من السفر قام بتقبيل رأسي ..

رد: غيرتي الشديدة على زوجي/ ملكة الاحساس+مثاب
 

أتمنى من الاخت فاكهة الشتاء مساعدتي في موضوعي بجانب الاخت ملك الاحساس

وأتمنى من الادارة تغير المسميات في الموضوع،،،

رد: غيرتي الشديدةعلى زوجي/ملكةالاحساس+فاكهةال
 

عزيزتي لازم تفرقين بين علاقة زوجك معك وعلاقته مع اهله ومستحيل يقطعهم لانه انخلق بينهم وفيهم ومعهم
انتي الي تحسين فيه تحسين انه زوجك راح وخلاك مع اهله وانبسط وضحك بدونك اكل ونام وسهر معاهم
انتي عندك فكره ان زوجك لك واهله عالسريع يجيهم ويمشي

زوجك مااعمل شي غلط ع فكره بقاءه عند اهله الفتره الماضيه بسبب شغله ومفروض اذا انتي بتنشغلين عليه رحتي معاه
وقلتي بنسكن عند اهلك منها اندمج بالعائله ومنها نكون مع بعض .... احبه انتي خايفه تفقدين زوجك
ماتبينه يبعد عنك لانه يترجم داخل نفسك بالتخلي

انتي تحبين زوجك ومتعلقه فيه ولاتريدين احد يدخل معاك بالمنافسه وتريدينه بنفس حبك له يحبك ...
في الحاله الطبيعيه لايمكن تحصل ياعزيزتي مهما بلغ حبك له وبلغ حبه لك فااهله يضلون اهله ولن تعوضي مكانتهم
والاهل لن يعوضوا مكانة الزوجه

بيد الزوجه ان تجذب زوجها وبيدها طرده
حبيه احترميه قدريه اعطيه مساحته الخاصه واهله لهم مايليق بهم من احترام وتقدير فهم اهل حبيبك وزوجك واهل ابنائك

الزوج ينفر ويهرب ويبحث عن بديل عن الزوجه في حالة المشاكل المستمره بدون سبب والتدقيق والتضييق والنكد

لكل زوجين حياه تختلف في ابعادها وصفاتها وتكوينها عن حياة ازواج اخرين وان تشاراكا بالظروف او بالمشاكل

والمشاكل تختلف في حدتها ومدتها وقوتها
اذا المشاكل مستمره والزوج صابر قد ينفجر ويبحث عن بديل وتكون هذي ردة فعله وبعضهم ينفجر فينصح ويهجر ويضرب ويتودد وووو حسب الشخصيات

رد: غيرتي الشديدةعلى زوجي/ملكةالاحساس+فاكهةال
 

سينجلي هذا الشعور لديك ... احبه لاتحرقين اعصابك كثيير وتشديين
اضحكي استهبلي
انزلي وامشي بهواء طلق ... اياك وحصر تفكيرك في زاويه ضييقه اعطي تفكيرك المساحه الواسعه

انظري لبقائه مع اهله من الجانب الحسن وقولي حبه لهم سيبارك لنا الله في ماعطانا وسيسعدنا ويبعد عنا الكدر ونكسب رضاء الله ثم والديه ويتبعها دعوات ترافقنا وتوفيق يلازمنا

بره بااهله سينعكس ع حياتكم بالخير ترابطه مع اهله دلائل ان عائلتكم ستكون متماسكه متحابه معطائه

رد: غيرتي الشديدةعلى زوجي/ملكةالاحساس+فاكهةال
 

تدرين وش يدور بخاطري !!! لما كانت حالته المادية صعبه ماكان بهذه العلاقة مع أهله ،، بس الان لما تحسن وضعه صارت علاقته فيهم جدا قوية ،، خايفة أنه يتركني لانه ماعاد بحاجتي ،، خايفة يؤثرون أهله عليه ويتزوج عشان الذرية،، مرة قالي إن جدته تلومه لانه تزوج متأخر لانها تقول الحين إذا بغيت تتزوج ماحد بيرضى فيك لانك تزوجت على كبر مع انه بنهاية الثلاثينات حاليا ،، تدرين وش يقول !! يقول تفشلت من جدتي ،، كنت اتوقع يقول ماراح اتزوج على زوجتي ،، كانت هالحادثة ناقوس خطر ياملكة ماصرت أحس بالامان ،،

رد: غيرتي الشديدةعلى زوجي/ملكةالاحساس+فاكهةال
 

قاعدة أقوم بواجباتي في المنزل وتجاهه .. وقاعدة اتفنن في الطبخ ،، امارس رياضيتي اليومية ،، أقرأ .. علاقته معه باردة نوعا ما ،، يسألني أرد بقدر السؤال ،، يخبرني بأمر أعلق تعليق خفيف ،، وهو أيضا صار متعلق بالجوال وبالاخص الواتس كثيرا ،، جاه اتصال وأنا في المطبخ دخل غرفة النوم وقفل الباب عليه ،، فقمت بقفل باب المطبخ علي وأنا أحضر العشاء ،، جاء وفتح باب المطبخ وسألني ليش مقفلة الباب قلت له كل واحد يقفل بابه عليه ،، خرج وقفل الباب بدون أي تعليق،،

رد: غيرتي الشديدةعلى زوجي/ملكةالاحساس+فاكهةال
 

اعطيته كل حبي واهتمامي كل اللي كنت اتمناه منه ياخذني بحضنه ويحسسني بالامان ويفهمني اني كل شيء في حياته وانه وان اهتم بغيري فيظل اهتمامه بي أكبر وأعظم ،، حتى حياتنا اليومية من قبل هذا الموضوع تخلو من كلام الحب والاهتمام أو أي كلمة حلوة ،، لا أسمع الكلام الحلو إلا عند العلاقة الخاصة ،، تصدقين أنه في العيد عندما زرنا أخواته كان يمدح لبسهن وشكلهن وأنا والله ماأبالغ إذا قلت أنه مامدح لبسي ولا بكلمة ،، ماأهتميت ،، بس بعد هذا الموضوع قاعدة أفكر في اللي صار وأسأل نفسي ليش أنا لا!!!!