|
رولات التونه
مساكم الله بالخير واللي ما فتحوا الموضوع في المسا صبحكم الله بالخير ايه مانبي نشطف احد وكذا وهذا شي موب غريب علي من يومي راعية واجب الله يحفظني بس عاد يقولون من طول الغيبات جاب الغنايم وانا جيت بحوساتي وبأبثركم بها بعد صلاة العشاء كنت جالسه اقلب في برنامج للطبخ ( قايلتلكم السناعه ذابحتني ) الله يذكرك بالخير يَ سُقيا هي اللي قالت لي عنه وبينما انا اتنقل بين ما لذ وطاب وقعت في غرام احدها وقررت اجربه والصدز لا وقعت في غرامه ولا شي بس حسيته اسهل الموجود لا وبدلت في المقادير وزدت وحذفت ما ارتاح لو سويتها مثل ماهو مكتوب كأني طولتها طيب نخوش في الموزوع [IMG]http://im75.***********/ZfzQ22.jpg[/IMG] رولات التونة استخدمت عجينة العشر طقايق الله يكتب اجر اللي اخترعتها ومقاديرها : - 4 ملاعق حليب بودرة - فنجان قهوة سكر - ملعقة وربع خميرة - كأس طحين - وكأس مويا دافيه - وانا احط شوي فانيلا عشان طعم الخميرة بعدين نخلطها مع بعض ونتركها 10 دقايق وبعدها نحط شوي زيت و3 كاسات طحين انا احط بكيفي لحد ما تشد معي الحشوة : - تونة ( مفروض صدور دجاج ) استخدمت التونه لان تقطيع صدور الدجاج 😝 - جزر - فلفل رومي - بصله صغنونه - ملعقتين جبن سايل - ملح - بهارات عني مريت على كل الموجود الطريقة : يُقطع البصل قطع صغيرة ويقلب مع الزيت لحد ما يصير ذهبي وتضاف اليه التونة والجزر والفلفل الرومي وتترك خمس دقائق على النار بعدين الجبن وتخلط مضبوووط وخلاص بعدين تُفردين العجينة وتحطين التونه وتلفينها زي السينابون وتتقطع وتنرص بالصينيه وعلى الفرن مدري قد ايش بالضبط انتو ادرى المهم لحد ما تصير دبا وتستوي وسمع الله لمن حمده fdh |
رد: رولات التونه
يعني الصورة الحلوة اللي تفتح النفس هذي من إيدج؟؟ شكلها شهي يا بت يا أقحوان. وطلعتي جدعة والله .. أنا عمري ما تصاحبت مع العجينة ولا عرفت لها ... ولما تسنّعت من شهرين .. صرت أشتريها جاهزة. :D زين باقي عندي شوية في الفريزر عشان أجرب رولاتح. gnn |
رد: رولات التونه
;;
يم يمي اشتهيتها .. الله يسلم هاليدين .. والله انك سنعه .. وروحك كلها فن ! |
رد: رولات التونه
انا رح مد ايدي ونصيحة استعجلوا يا صبايا خدوا حصتكن والا اعذر من انذر 😁😁😁😁😁
يمي يمي بالفعل انك طلعتي سنعة 10/10 مممممم شكلها بشي فكيف الطعمة يا سلام ما شاءالله تبارك الرحمان تسلم الايادي حبيبتي اقحوان 😙😙😙 ويتو مأكوووووول الهنا يعطيكي العافية وان شاءالله بتضلك فاتحة على برنامج الطبخ لتضلك تنزليلنا وصفاتك الشهية 💖💖💖💖💖💖💖💖💖 |
رد: رولات التونه
يممممي شكلها لذيذ من جد...
تسلم الايادي الله يعطيك العافيه... |
رد: رولات التونه
ماشاء الله ،. صحة و هناء :)
|
رد: رولات التونه
مانتيب سهله أجل
|
رد: رولات التونه
اقحوان وفي قسم الطبخ :eek: هو جرى ايه يا قدعان hhر
بيطق مطر على قولة ابوي fgn ,,,,,, عقبالي اتسنع مثلش واحب الطبخ ghjj |
رد: رولات التونه
انا زيك يَ مهره ما كانت تضبط معي ابداً بس اللحين اسويها وتطلع تسذا 👍👍👍 والجدعه انا جدعه من زمان بس ميمتي خربتني 😂 |
رد: رولات التونه
شقردية حبيبة قلبي لو انك قريبه مني رسلت لك منها موب لله عشان ترسلي لي من الحركات اللي تسوينها ✌️ |
رد: رولات التونه
ولا يهمك ميموزا اصلاً ناوية اجلس لكم فيذا كل يوم حاجة ( مشكلة البزران اذا تعلموا الطبخ ) :d |
رد: رولات التونه
عبير الله يعافيك حبيبي روح الطير نورتي يَ فتاه شوك اعجبتس ✌️ |
رد: رولات التونه
كوكي اسكتي يختي دانا كُنت في التجنيد الإجباري ما تسنعت من قليل بس احب اطمنك دام مشيت انا ففيه امل منك |
رد: رولات التونه
خطيرة مرة وحدة
ايش الجمال وايش الابهه وايش الطعامه وايش الحقات اللذيذه دي.. سنعة ياخلف طوايفي.. ياجميلة ..fffsg |
رد: رولات التونه
ماشاء الله ولا حول ولاقوة إلا بالله تسلم الأيادي أقحوانة روعة والصورة تتكلم أسلوبك الجميل الخفيف ذكرني بفراشة رائعة كان اسمها " روح رتلتها الأقدار " أرجو أن تكون بخير ، وأنتم جميعا .. بالعافية يارب |
رد: رولات التونه
ماشاء الله اقحوان رووعه
بااجربها بس باغيير الي دجاج عندي الفيليه وان شاء تضبط بس ممكن الموقع الي عطتك اياه سقيا تذكرت سقيا 😭😭. اتمنى تكونين بصحه وعافيه غاليتي سُقيا افتقدناها بقوووه |
رد: رولات التونه
تسلم الايادي ياعسل ماشاء الله تبارك الرحمن روووووووووعة
مهرة هذه العجينة تضبط على طول رووووعة والله مجربتها |
رد: رولات التونه
يَ جعلني فدوتن لتس ي ضي اللحين انام بالمطبخ من الترفيع :d الله يعافيك يَ مؤيدة ويجمعك ويجمعنا بالناس اللي حبيناها ولا شفناها |
رد: رولات التونه
ان شاء الله تضبط معك يَ ملكة واسم البرنامج ي طويلة العمر Cheflr مره حلو وبوه اشياء جديده سديم إنما المرئي من الرآئي .. ( من قائل هذه العباره ) |
رد: رولات التونه
ماشاء الله روعه بجد تفتح النفس الصوره ونقدر نحشيها بأي حشوة مرغوبة
يسلمو أقحوانه ماشاء الله عليك ايش اسم البرنامج 😋 |
رد: رولات التونه
ندوش اسمه Cheflr |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©