|
الحل مع هذا الزوج وتدخلات الاهل بيننا
هذا رابط موضوعي السابق ...
http://www.66n.com/forums/showthread.php?t=260758 الحمدلله انقضا شهر رمضان بمعاناة وتعب خصوصاً من ناحيته هو مرض الاب وتعبه ودخوله للمستشفى 22 يوم ثم توفى في 22 من رمضان (( الله يرحمه ويغفرله )) والحمدلله من بعد اخر مشكلة حياتنا مستقرة وتكاد تخلو من المشاكل والعناد والعصبيه ولكن زوجي طبعه حب التملك والغيرة الزائدة عن حدها مثال / * يتضايق لمن اخرج مع اهلي . * يتضايق ويزعل اذا خرجت عند احدى صديقاتي . * يزعل اذا رحت لمناسبه عائليه . ياجماعه والله وبدون مبالغه لازم ينكد عليا قبل الخروج وبعده يخليني اندم اذا خرجت وطول الخرجة وانا مو مبسوطة . واللي يقول طيب لا لاتخرجي انا والله مو من نوع الحريم اللي على طول لابسه عبايتها وخارجة فين وفين اقسم بالله اغلب وقتي يا تحت عند اهلو معاه واروح لاهلي مرة اسبوعياً واذا كترت رحنا بنده جمب بيتنا نقضي ونرجع بس .... المهم ما اطول عليكم المشكلة / اخويا اتصل عليا من قبل اسبوع وقال خلينا نخرج نتمشى امر عليكي وكدا المهم استاذنت زوجي ووافق لكن بشروط * لا تكشفي وجهك - لا تتلثمي - لا تبان رقبتك - انتبهي احد يعاكسك . وانا مبسوطة وبكل براءة اقوله حاضر من عيوني . المهم وانا حاطة في بالي اصلا 95٪ انو راح ينكد عليا الخرجة كنت حاطة مكياج ناااعم جداً عادة مع زوجي الحمدلله ما يخاصمني ولا عمره بينلي انو هذا الشي يضايقه لانو اصلا مابيبان شي مني الحمدلله ... امس قبل لا يجي اخي بدقااايق معدودة طالع فيا زوجي وقال (( ايش دا اللي انتي حاطتو )) قلتلو ( بدينا في النكد ) المهم الا هوا عصصب جداً وقال حنعيش مع بعض زي الاخوااان الين مايجو اهلك من السفر واخدك عند ابوكي يتفاهم معاكي ... ( لان اهلي مسافرين وغير متواجدين حالياً ) قلتلو طيب ،ورحت بامسح المكياج الا الاقيه فاتح باب الشقه ويناادي اخته باعلى صوت عشان اختو ساكنة قدااام شقتنا بالضبط .. قلتلو ليش تناديها ؟؟؟ قال ابغاها تشهد عليكي وانتي حاطة المكياج دا كلو وخارجة !!! قمت بعصبيه جلست ع الكرسي وقلتلو ناديها ماني خايفه منها وفعلاً جات مفجوعه وسار يصرخ ويزعق باعلا صوتو شوفي دا شكل تخرج فيه قالتلو اختو ايوا هيا دايما كدا لمن تخرج قام قالها بس معايا انا عادي اسمحلها بس مع اخوها لااااا المهم سارت ماسكتو بقوة وهوا زي اللي بدو يضربني وهيا تهدي عليه خلاص يا فلان المهم مع الزعيق سمعت الصوت امو وطلعت فوق عندنا وبرضو يزعق ويصرخ انا خلاص هنا اتنرففزت وماقدرت اسكت سرت اتلفظ بالفاظ زي (( انا خلاص معد بعيش معاك و ماليا جلسه في البيت دااا انا تعبت منك انتا لازم تنكد عليا وووو )) تخيلو بعدين بدات اهدا شويه وكنا في الصاله انا واختو الا يجي ويفتح الباب ويخرج لسانو بكل استفزاز ويقول احسن اهم شي خليتك تغلطي بالكلام قدامهم . انا هنا خلاااص بغيت انفجر من القهر اللي فيا لانو استفزني وقهرني ونجح هوا في استفزازو ليا حركات وسخه اقسم بالله المهم قلتلو اطلع برا الغرفه مابغا اشوفك وانا طبعا منهارة وابكي الا قال اصلا مانتي متربيه قلتلو ههههه خلينا التربيه ليك والله اصلا معدنك وسخ انا اعترف اني غلطت وبقوووة وقدام اختو كمان الا قالت اختو لا معليش ايش قصدك ؟ انو معدنا احنا وسخ ؟ انتي اتجاوزتي حدودك والمهم زعلت وخرجت من شقتي الا جيت بنادي زوجي ينزل الشنطة من فوق الدولاب الا اختو كانت جمبو قلتلو لو سمحت يا فلان نزلي الشنطة من فوق الدولاب الا قالت اختو(( خلي اخوها يجي ينزلها الشنطة انت مالك صلاح )) والزبدة دخلني الصاله وسار يهديني ويقول انا ماقلتلك اخرجي من البيت ولا طردتك بس ياجماعه خلااااص نكد عليا حياتي والله تعبت من الحال دا ليش يدخل اهلو بيننا ليش ينادي اختو ليش يخلي اهلو يكرهوني بعد ماكانو مرررة يحبوني والله المهم جات الام وقالت انتي سفيهه وما احترمتيني وقلتي الفاظ مش كويسه قدامي وكيف تقولي معدنكم وسخ ووووالخ انا انقهرت كيف واقفين معاه بعد دا كلو ؟؟؟ وشايفينني انا الغلط انا الغلط صح لاني دافعت عن نفسي مستجدات الرد 27 http://www.66n.com/forums/showpost.p...0&postcount=27 |
رد: الحل مع هذا الزوج وتدخلات الاهل بيننا
انا لو مادخل اختو بالمشكلة كان كل شي تماام
انقهرت من ردة فعله وفعلهم ججدً واصلا اغلب مشاكلنا تااااااافهه جداً بس هو يكبرها تخيلو بنص المشكلة والله كدا يقول (( اسكتي لا تخليني افضحك على الشي اللي سويتيه )) يناااس الحمدلله لا شاف مني خيانه و شي مو كويس والله قهرني |
رد: الحل مع هذا الزوج وتدخلات الاهل بيننا
هههههههه
تبيني اقولك زبدة الموضوع وانا رجل واعرف تفكير وحركات بعض الرجال اقسم بالله زوجك يموت فيك ويغار عليك بجنون وعندة حب تملك لشدة حبة لك طبعا صحيح الغيرة وحب التملك ماتبرر بعض افعالة معك وهذي مشكلة الغيرة لا شتدة بس الغلطة الي غلطها انة دخل اهلة بالموضوع..انتي دائما سايرية بالموضوع واحترمي غيرتة عليك..ومن الحب ماقتل الله يوفقك يارب |
رد: الحل مع هذا الزوج وتدخلات الاهل بيننا
وطلعتي مع اخوك تتمشين ولا؟
|
رد: الحل مع هذا الزوج وتدخلات الاهل بيننا
شاطئ الراحة
والله ادري انو يحبني حتى جا وقالي بصراحة انا ماباكي تروحي اجلسي معايا |
رد: الحل مع هذا الزوج وتدخلات الاهل بيننا
اقتباس:
بايت نفس اروح؟؟ لا طبعاً : ( |
رد: الحل مع هذا الزوج وتدخلات الاهل بيننا
مشكلتنا مافي اي تنازل احياننا
زي اليوم يقول انا ماراح اعتذر لك لاني ما غلطت قلتلو حتى انا ما غلطت ماراح اعتذر .... بس عادي معايا يقرا عليا ويهتم فيا ويقول انا ابغاكي وماراح اسيبك حتى لو اهلك جو من السفر .. دحين اوكي انا وهو رجعنا ومصيرنا لبعض ونرجع لبعض والحب بيننا الحمدلله ... لكن يا جماعه تخيلو اهلو زعلانين مني الين دحين يعني احنا اساس المشكلة انحلت تقريباً هوا لمن دخلهم بيننا شوف ايش سار بيني وبين اهلو والله شي يزعل ..... وابغاكم تنصحوني يمكن احنا صغار انا وزوجي وما اعرف اتصرف مع عصبيتو ودايما اهلو ينصحوني اسكتي ولا تردي عليه وروحي غرفة تانيه والله لمن اشوفو يزعق ويعصب ويبدا يغلط ما اقدر اسكت واتفرج عليه .... نفسي خلاص اعيش حياه حلوة مع بعض مو لاي سبب تافه يضارب معايا ويقلب وجهو 😭😭 |
رد: الحل مع هذا الزوج وتدخلات الاهل بيننا
ماعرف ايش اقول ..
تصرفات زوجك .. تصرفات - طفل - و الله يعينك الان لانه خلاك بموقف مو حلو قدام اهله .. |
رد: الحل مع هذا الزوج وتدخلات الاهل بيننا
اهله من حقهم يزعلوا ..
لانه الكلام الي قلتيه - ما يتقال - و يمكن ما راح يقدروا ينسوه .. اتركيهم يهداوا فترة .. |
رد: الحل مع هذا الزوج وتدخلات الاهل بيننا
اقتباس:
والله غصب عنة لانها بدافع الغيرة عليك ويحب دائما تكوني حولة وقدام عينة هنا يطمئن ان حبيبتة بخير... طبعا انا ضد الخنق بالغيرة ولكن مشاعر يصعب كبحها بعض الرجال يكرة زوجتة راحت او جت عادي عندة ولا يسئل عنها .. |
رد: الحل مع هذا الزوج وتدخلات الاهل بيننا
اقتباس:
يعني مافي حل وسط : ( |
رد: الحل مع هذا الزوج وتدخلات الاهل بيننا
اقتباس:
زي الاطفال وعنيد وبس يبا يصرخ ومايتفاهم معايا والله بس يشوف اهله يتفرعن عليا بزيادة |
رد: الحل مع هذا الزوج وتدخلات الاهل بيننا
ادارة التفكير
انظري للجانب المضيء من كل شيء ولاتسلطي الضوء على سلوكة وتترقبي تصرفاته وتضعيها تحت المجهر هذا يغيظك فانت كنت تنتظرين "النكد منه" قبل خروجك وما ان اتى حتى انفجرت وهو ضمن بقاؤك معه هههه ولكن بثمن اغلى لانه الان يتقطع ندما هو الان بمأزق زهرة الرمان استمتعي بحياتك ولو قال مكياج قولي شكرا ذكرتني وبرواق قومي غسلي وجهكمع قبله بخده يعني لاتنتظري النكد عشان تحزني وتعايشي عشان تفرحي هونيها وتهون |
رد: الحل مع هذا الزوج وتدخلات الاهل بيننا
اقتباس:
|
رد: الحل مع هذا الزوج وتدخلات الاهل بيننا
بالنسبة لاهل زوجك وكأن شيئا لم يكن لاتناقشيهم بالي كان الامر بينك وبينه
قومي اعملي حلا مع قهوه وانزلي به و اطلبي من اخوك يسوي ابديت للنزهة |
رد: الحل مع هذا الزوج وتدخلات الاهل بيننا
اقتباس:
الله يجزاك الجنة |
رد: الحل مع هذا الزوج وتدخلات الاهل بيننا
اقتباس:
ايت ابديت ربي يسعدك بس خلاص ماعاد لا ابغا اخرج ولا شي خليني جالسه بالبيت احسن لحدت مايرجعو اهلي بالسلامة من السفر |
رد: الحل مع هذا الزوج وتدخلات الاهل بيننا
مرحباً أختي
رأيي الشخصي أنكم تحتاجو أنت وهو إلى توعيه بالحياة الزوجة... فلا تهملو هذا الجانب كذلك... رأيي أن تنزلي لأم زوجك وتعتذري لها وتقبلي رأسها مثل والدتك... لأنها فهمت من كلامك أنك تقصدي أن معدن ولدها مو كويس وبالتالي معدنهم وتربيتهم مو كويسه ... ثم بعد ذلك إعتذار خفيف لأخته... لأنه ليس لها ذنب بالمشكلة وأخوها أقحمها بها وكانت واقفة بصفك تقريباً ... لكن سمعت شئ مايرضيها أما بالنسبة لزوجك... فتصارحي معه وتعاهدي معه أن أي شئ يحصل بينكم بعد كده... مايطلع من البيت... ولو طلع فسوف تكون زعله كبيره لأي واحد يغلط على الثاني أعانك الله |
رد: الحل مع هذا الزوج وتدخلات الاهل بيننا
اقتباس:
حاضر ان شاءالله شكراً لمرورك فعلاً نصايحك من ذهب |
رد: الحل مع هذا الزوج وتدخلات الاهل بيننا
اقتباس:
والله لو هي زوجتك وتنكد عليك كل مره بتطلع فيها بحجة الغيره بتستانس اول مره وثاني مره لكن بعدها بتطفش ,', تصرفاته مافيها نضوج أبد كأنه طفل زعلانين ع كلمة معدنه وسخ وناسين كلمة ولدهم ، منتي متربيه !! الله يصبرك ،،ويهديه ،، حاولي وقت ماهو رايق تكلميه عن أسلوبه هذا ، مافي داعي كل موقف بينكم يدخل أهله ، هو كل ماله يخسرك بتصرفاته الطائشه ،، ودام عرفتي ان هدفه استفزازك حاولي قد ماتقدرين تكوني بارده وتحتوي الموقف ، دعواتي لك ،، |
رد: الحل مع هذا الزوج وتدخلات الاهل بيننا
حبيبتي الحل الجذري انقلوا واشتروا راحتكم اما كل العائله تتدخل بالكبيره والصغيره ماصارت حياه زوجيه هذي حياه اشتراكيه بسم الله عليهم معلنين حالة الطوارئ طول الوقت. هجي انتي وزوجك من عندهم وارتاحوا واضح ان زوجك ماشاءالله مرن مره بس وجودكم قريب من أهله أكبر مشكله. الله يصلح حالكم.
|
رد: الحل مع هذا الزوج وتدخلات الاهل بيننا
اقتباس:
ولو قلتلو راح يقول (( انا ماراح اسيب اهلي عجبك ولا ماعجبك دا الموضوع خط احمر )) |
رد: الحل مع هذا الزوج وتدخلات الاهل بيننا
اقتباس:
والله قلتلو لا تدخل اهلك خلاص انا وانت نتفاهم .... يقوم يقول لا هما طول عمرهم واقفين في صفك خليهم يشوفو لسانك الطويل كيف .... |
رد: الحل مع هذا الزوج وتدخلات الاهل بيننا
اقتباس:
|
رد: الحل مع هذا الزوج وتدخلات الاهل بيننا
اقتباس:
نعم مع الاسف انا كمان عصبيه ... وان شاءالله راح اطبق كلامك كله |
رد: الحل مع هذا الزوج وتدخلات الاهل بيننا
اذا أهله طيبين معاك ،،
ارى ان تعتذري لامه ،، وفهميها السبب ، واستبدلي عبارة تدخل أهله في حياتكم الى عدم رغبتك في ازعاجهم بالمشاكل الحاصله بينكم ،، لعلها تفيدك بطريقه تعامل مع تصرفات ولدها ،، الله يصبرك ويعينك ويهديه ويصلحه ،، |
رد: الحل مع هذا الزوج وتدخلات الاهل بيننا
اقتباس:
وهي حضنتني فعلاً احبهااا جداً وهي تحبني جداً كاني وحدة من بناتها الحمدلله على هذه النعمه انا ما اعتب عليهم ابدا ابدا وانما العتب كله على زوجي هداه الله |
رد: الحل مع هذا الزوج وتدخلات الاهل بيننا
اقتباس:
الله يوفقك يارب..ويسخر لك زوجك ويهدية ويصلحة |
رد: الحل مع هذا الزوج وتدخلات الاهل بيننا
اقتباس:
الله يسخرهم لك و يسخرلك زوجك و يهديه يارب الله يسعدكم جعلها آخر المشاكل |
رد: الحل مع هذا الزوج وتدخلات الاهل بيننا
الحمدلله ان الامور زانت
اهم شي زوجك وانتي تدخلون دورات عن الحياة الزوجية مع كامل الاحترام وكانكم اطفال في مشاكلكم زوجك يفتقد للثقة بالنفس وتحمل المسؤولية . والنقاش والتفاهم منعدم بينكم لازم تتفقون على اسس حياتكم الزوجية . والله يوفقكم |
رد: الحل مع هذا الزوج وتدخلات الاهل بيننا
هههههههههههه ياااابطني حلوه حركته يوم نادى اخته تجي تكفشك متلبسه على العموم والله ماني متساهل بموضوعك او مستهين فيه بس والله جد ضحكت وفعلا الغيره تسوي اكثر من كذا والله يعينك وامسكي لسانك لانه بالفعل بيدور اي حجه عليك عشان ماتخرجي او تطلعي برى البيت والسبب غيرته عليك مش اكثر
وحاولي انك تقعدي معاه وتناقشيه وياحبذا لوتشجعيه بشوية كلام وتنفخي راسه مثلا تقليله انت مالي عيني وشايفك الدنيا ومافيها ومستحيل اني اناضر غيرك او اسمح لاحد انه يناضرني ومن ذا الكلام الي يطمنه وراح تشوفي النتيجه ؟؟ |
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©