خالي ورفضه للزواج
 

السلام عليكم
عندي موضوع وعجزت افهمه ..عندي خال موظف من 8سنين وعمره تقريبا 28سنه ..أصحابه كلهم تزوجوا الا هو رافض الزواج ..طبعا هو جالس يعمر بيت له ..بس جداني مقتدرين وبيساعدونه في الزواج ..سبب رفضه ماهي الفلوس ولاشي كل مره بعذر اعتذاره تافه جدا ،،جدتي وجدي كبار بالسن ونفسهم يفرحون فيه ..كل ما حاولنا نقنعه نخطب له يرفض ..هو مايكلم بنات ولاشي إنسان محترم ..ما تصدقون كل رجال العائلة حاولت تقنعه بالزواج وهو يأجل الموضوع طبعا كانوا بيخطبون له ذاك اليوم سافر وسحب عليهم بس الحمدلله ماقد كلمنا اهل البنت ..إحساسي انه في شي للرفض ما اعرف ايش هو. .مره يصير مهموم اذا احد كلمه عن الزواج ،،احسه حزين ..بصراحه ما عرفت ايش ممكن يكون سببه للرفض ..أتمنى من الرجال يقولون ليش الرجل ممكن يرفض يتزوج؟ايش الأسباب

رد: خالي ورفضه للزواج
 

رد: خالي ورفضه للزواج
 

هو أكيد الزواج برضاه ..احنا تركناه 8سنين من يوم توظف ماقلنا له شي ..بس هو ساكن مع جدي وجدتي في البيت وحدهم ولايأكل من طبخ الشغالة البيت بس يجي ينام فيه تحسينه مثل الضائع ما يخلي احد يهتم فيه ...نسيت حاجه مهمه ..كان يزعل اذا انخطبنا .،أختي قالها مو لازم تتزوجين ،،وفي يوم زواج خالتي بعد الزواج سافر ومره زعلان بس ماتكلم ،،وليله الزواج مانام بس جالس بالغرفة مقفل ع نفسه الباب ،،

رد: خالي ورفضه للزواج
 

والله ماله داعي
تتضايقوا
خلاص مافيه فكرة زواج براسه هو بكيفه
خلوه بكرا تجي الفكرة ويتزوج

رد: خالي ورفضه للزواج
 

بعدين ترحون تخطبون له مثلا
والرجل مو مقتنع بالزواج
وع قولك يتضايق
اذا سمع احد يتزوج
ماله داعي تَحُطُّون بنات الناس بذمته ثم يطلقها وهم نيتهم يدخلون ع مرحلة الزواج لبناء حياه كويسه
ويستانسون
اقدر ضيق صدركم عليه بس عقده مفروض ماتعالج ببنات الناس

رد: خالي ورفضه للزواج
 

وضع خالك ليس طبيعي معليش أذا كانت الكلمة قوية الشاب الطببعي أذا توفر له كل مايلزم للزواج لن يتأخر دقيقة ولاكن يوجد بعض الشباب يرى أن الزواج هم و ثقل و مسؤولية كبيرة و قد لايتوفق في بنت الحلال فتصبح حياته جحيم خاصة أذا كان شخص حساس (حتى احنا يابنات يوجد عندنا احساس 😂) وشخص يحسب كل شيء ويحاول أنه مايخطي لا على نفسه ولا على بنت الناس

رد: خالي ورفضه للزواج
 

حالتين لاتخلو منها 1- اما له علاقات مستمتع بيها مقفل الباب على نفسه اتوقع له علاقات 2- مشكله جنسيه يمكن عقم مايجيب اطفال

رد: خالي ورفضه للزواج
 

الخيار الاول مستبعد جداً خالي جداً محترم وما يكلم بنات ومن الناس اللي فيه شهامه ومايرضى ع بنات الناس
الخيار الثاني ما أتوقع ،،كان شرط انه يتزوج وحده ما تنجب وتنتهي السالفة

رد: خالي ورفضه للزواج
 

لا مستحيل نخطب بدون رضاه ..حتى احنا عندنا بنات وما نرضى عليهم ..

رد: خالي ورفضه للزواج
 

ترا بعده مو كبير عشان تقلقون وتلحوون عليه ،،
وتاركينه 8 سنوات عادي بتزوجونه مثلا وعمره 20 ولا 22 !!

اذا فيه شي يستغرب هو زعله اذا ان خطبت وحده فيكم ،،
ممكن شخص مقرب له يناقشه ويفهم منه ليش وايش يضايقه فالموضوع ،،
وان شاء الله مافيه شي بس حاب يخلص أموره ويكون مستعد للزواج ،،

رد: خالي ورفضه للزواج
 

ان شاء الله ..انا بس حابه أتطمن عليه

رد: خالي ورفضه للزواج
 

لا تزنون عليه ولا شيء
خلوه على حاله لين هو بنفسه يجي و يقول ابغى اتزوج
لو زوجتوه وهو غير مقتنع فأنتم راح تكونوا سبب ظلم انسانة مالها ذنب اللي هي زوجته

رد: خالي ورفضه للزواج
 

اما عنده مشكله نفسيه او جنسية.

مافي حل الا مواجهة المشكلة أو الاضطرار الى سؤال مختص.

رد: خالي ورفضه للزواج
 

هو حر!

المشكلة فيكم انتو وباصراركم مو فيه..

😕

رد: خالي ورفضه للزواج
 

اذا المشكله فينا عادي اهم شي خالي يكون وضعه طبيعي

رد: خالي ورفضه للزواج
 

رد: خالي ورفضه للزواج
 

يمكن متزوج مثل حال احد اخوتي ...
وكل ما امي تحاول معه ما في نتيجه ...وخطبت له بنت وكان حزيييين . مع انه امي كانت تقول البنت جميله جدا ..وامي تساله متزوج لا تخبي علي وهو يرد لا ..
اخرته صدمنا انه متزوج وعنده ولد عمره سنتين اظن او سنه وقتها ..
يمكن متزوج من جنسيه اخرى ..وخايف من ردة فعلكم .

اتركوه اذا انكر ورفض ... لانه ما راح يصرح الا لما يشوف جاء الوقت

رد: خالي ورفضه للزواج
 

مره يقول من فين أجيب المهر وتكاليف الزواج ..الكل قال بنساعدك خصوص هو الولد الصغير وجدي حالته المادية ممتازه
العذر الثاني فين تسكن ؟؟قلنا استأجر بيت قال صعبه اترك بيت أهلي ..بيت جدي الغرفة اللي ينام فيها خالي ما تنفع لمتزوجين ..حاليا جالس يعمر بيته ومابقي غير السراميك والبويات ..خلال السنه هذا بينتهي البيت ان شاء الله

وأحيانا يعترض ع البنات لا أبوها فلان ماينفع اخوها فلان لا مااحب هذا العائله ..قلنا اختار براحتك
ومرات يقول من فين اصرف عليها الدنيا غلاء ..هو راتبه أتوقع فوق 9الاف ريال سعودي ..هو الله يصلحه ماعنده حسن تدبير للميزانية

يقول ماني فاضي أوديها وأجيبها وأسفرها ما أبغى ارتبط بمشاوير ومجاملات اجتماعيه


شخصيه خالي جداً حساس وخجول احيانا

رد: خالي ورفضه للزواج
 

لا ما توقع لانه موظف في ديرتنا وتعريف القريه صغيره ومافي شي يتخبأ

رد: خالي ورفضه للزواج
 

كل اعذاره اللي قالها يقصد فيها انه مو حاس انه مستعد للزواج والمسؤولية..

اذا دفيتوه يتزوج وهو مو مستعد فذنبكم على جنبكم..

الواحد مايتزوج لمجرد انه يتزوج

شوي وتقولون له بنشيل عنك المسؤولية وندبر لك كل شي بس تزوج.. مو مهم كيف و ليه وتقدر او ماتقدر..

المهم تزوج

مع انه قالها لكم على بلاطة انه مايبي ومايقدر

الرجل باي عمر عادة لو حط بباله زواج يدبر نفسه لو عايش بكوخ وياكل كسرة خبز..

ذكرتيني بواحد من اقاربي عمره فوق 30 مبتعث ماستر ويشتغل.. مايرجع السعودية بالاجازات عشان ماتزن فوق راسه يتزوج..

ذكرت المثال عشان تعرفين قد ايش الموضوع يسبب ضغط..

رد: خالي ورفضه للزواج
 

وعليكم السلام ورحمة الله وبركاته
أنا مع هذا الرد
هو حاليا مو مستعد للزواج

رد: خالي ورفضه للزواج