|
زوجي لايحتويني ولايقدر مشاعري له
يجلس على جهازه 24ساعة ،، طلبت منه سفره زي ماوعدني رفض بحجة إنه مشوار ..
أكثر شيء متعبني بعده عني وجلوسه على الواتس 24ساعة مع قروبات اخوانه .. ياناس أنا جالسة بجنبه ولا يكلمني ولايعبر جلوسي ،، لاحول ولاقوة إلا بالله تم تعديل العنوان ليتناسب مع المضمون |
رد: وصار اللي خفت منه ،، تغير زوجي علي
الله يعينك
|
رد: وصار اللي خفت منه ،، تغير زوجي علي
صار قاسي معي في كلامه ،، صرت أحس بوحدة لاطفل ولازوج يحب ،، ماعاد يهتم ويسأل ويداري كأنني جدار جنبه ،، لا أحاسيس ولا مشاعر ولا كلام حلو ،، يعني فين الاقي هالشيء لو ماعطاني اياه زوجي ،، استغفر الله العظيم بس
|
رد: وصار اللي خفت منه ،، تغير زوجي علي
التغير يكون في فترة طويلة
وليس تغير مزاج في يومين عزيزتي كم صار له متغير؟؟ |
رد: وصار اللي خفت منه ،، تغير زوجي علي
اقتباس:
من قبل الشهرين اتوقع كان مراعي ظروف مرض الوالد ،، بس بعد وفاته حسيته تغير علي كثير |
رد: وصار اللي خفت منه ،، تغير زوجي علي
كان مخطط يسافر لمنطقة قريبة عشان العمل من دون مايخبرني ،، وحنا جالسين على العشاء قاعدين نشوف نشرة الاخبار ونشوف الاحوال الجوية الا يقول المذيع ان على هالمنطقة امطار ،، فقال زوجي ان شاءالله تستمر الخميس ،، سألته ليش ؟ قال عشان نسافر لها ،، قلت نبي نسافر المنطقة الفلانية قال لا صعبة ومشوار ،، وقال أنا بسافر الخميس تبي تجين معي ولا بسافر وبرجع لحالي ،، قلت أوك ،،
|
رد: وصار اللي خفت منه ،، تغير زوجي علي
انا ما اشوفه انه كان بيسافر بدون علمك
لانه شاورك اذا بتروحين معاه ! ترى الرجال مو كل شيء يقوله احيانا يشوف ماله داعي يقولك بدري ااو ب الاصح ما يخطر على باله ان لازم يخبرك قبلها بفترة ! احسك حساسة مرة و تبغين انتباه زوجك على طول عليك حاولي تطنشين ولا حتتعبين كثير |
رد: وصار اللي خفت منه ،، تغير زوجي علي
اقتباس:
|
رد: وصار اللي خفت منه ،، تغير زوجي علي
اخواتي الكرام خففوا على ازواجكم لا يكون الزوج محور حياتكم
ولا تلصقوا فيه لدرجة لا تطاق . الرجل اذا هو نافر من زوجته لفترة مؤقته اتركيه لحالية يا اختي الكريمة فعد مدة سيشتاق ولكن اذا لم تعطيه فراص للشوق وتلتصقي فيه وهو نافر سيزيد نفوره وسيصبح نفور مزمن. وبعض الرجال يقول هذه المراة مزعجة وتجلب لي القرف والملل ولا تتركني لحالي ونفرت منها بلا رجعة . اختي حتى لا يصبح عنده نفور مزمن اتركيه لحاله ، ولا توسوسي فعادةً الشيء الذي نفكر فيه المزعج اذا عاودنا التفكير فيه وقلنا انه سيحصل فستجيدنه يحصل بالفعل، والتطير والتشائم مرفوض تفائلي بالخير واحسن الظن بالله وسيرحمك الله وسيحسن الله حالك مع زوجك هل انتما عندكما ذنوب في البيت ؟ استماع للغناء او افلام امريكية وتركية او افلام مصرية ورقص؟ بعض الذنوب عقوبتها تحل في البيت سريعاً. تشغيل القران والادعية والاذكار في البيت له نتائج عجيبة في نزول البركة والرحمات الالهية وطرد الشيطان اللعينة التي تفرق بين الزوج والزوجة. |
رد: وصار اللي خفت منه ،، تغير زوجي علي
اقتباس:
|
رد: زوجي لايحتويني ولايقدر مشاعري له
كيف فراغ عزيزتي
الست موظفة؟؟ |
رد: زوجي لايحتويني ولايقدر مشاعري له
اقتباس:
|
رد: زوجي لايحتويني ولايقدر مشاعري له
اتركيه وطنشي وهوا راح يرجعلك ويجري عليكي
صدقيني لا تعطيه اهتمام وعيشي حياتك ويومك لنفسك بس وشوفي وخبرينا |
رد: زوجي لايحتويني ولايقدر مشاعري له
طناش وان شاء الله ترين النتيجة
تركت زوجي الإجازة كلها من ثاني العيد وللآن وانا عند امي الحبيبة ،،،،، ولا حتى اتصال يجي مني واذا رديت أرد بعد عدة مكالمات ،،،،،،،وكله بكيفي ،،،،،، علشان يعرف انه ماعاد يهمني واسال عنه ،،،،،وصار يبحث عني والسيد يظن اني كرهته ،،،،، ،،،،،،،،،،خلاص نفسي نفسي وبس |
رد: وصار اللي خفت منه ،، تغير زوجي علي
اقتباس:
انتبهي تغلطي ويصير وكأنه الفلك الوحيد اللي تدور عليه كل حياتك حسب ما ذكرت هنا، ما أشوف فيه عندك مشكلة بس إنت متعبة جدا .... طول الوقت تبغي زوجك يغمرك مشاعر وعطاء ويداري ويحتوي وهذا شي مستحيل ! أنا الحرمة اللي المفروض يكون عندي طولة بال لهذه الأشياء، والله ما أتحمل واحس شي يجيب الغثاء.. فما بالك بالرجل ! الإنسان مو على طول له نفس يعطي ويداري ويحب.. تجيه أوقات يفتر ويبعد ويبغى شوي ينسى انه عنده مسؤولية، وفي أحد وراه ولازم ياخذ بخاطره سيبيه شوي في حاله يروق.. وحيرجع لك أقوى وأحسن بس خففي من حساسيتك ونظرتك للأمور بهذه الطريقة وراح ترتاحي |
رد: زوجي لايحتويني ولايقدر مشاعري له
انت وزوجك تتجاهلون مشكلتكم الاساسية
|
رد: زوجي لايحتويني ولايقدر مشاعري له
اقتباس:
|
رد: وصار اللي خفت منه ،، تغير زوجي علي
اقتباس:
|
رد: زوجي لايحتويني ولايقدر مشاعري له
اقتباس:
|
رد: زوجي لايحتويني ولايقدر مشاعري له
خذي طلة سرعة على مواضيعي السابقة
بتشوفينها تدور حول محور واحد - تقريباً - ألا وهو رغبتي بإحتواءه لي ومداراة مشاعري . إحدى البنات هني في المنتدى الله يذكرها بالخير آفاق المجد عطتني مثال كان فعلاً على الوتر : + تخيلي ...عندج بنت حلوة ، طبعاً بديهياً تحبينها كونها بنتج ، تمام ؟ لكن هذي البنت طول اليوم تركض وراج .. يمه احضنيني يمه تعالي جنبي يمه بوسيني يمه قوليلي قصة يمه نامي عندي يمه آنه متضايقة يمه آنه خايفة تروحين المطبخ وراج .. تروحين الغرفة وراج ، تطيرين للسماء هم تطير وراج ، وكل هذا وهي تحن وتزن فون راسج وتبيج على طول جنبها ، وعلى طول محتاجة لج وعلى طول تبي منج مداراة وحنية ... تحبينها ؟ طبعاً تحبينها ، لكن تتضايقين منها ، تنفرين من تصرفاتها ومن ركضتها الدايمة وراج وهم الأخ مثابر يزاه الله خير هم عطاني مثال ، قال : بما معناه ، طالع مع ولده حق مشوار ، وطول الطريج ولده يسأله عن هالمشوار وين يصير ، متى بنوصل ووو إلخ لحد ما طلع من طوره وصرخ في وجهه يكرهه ؟ لا اكيد لا ، لكن مل من كثر الإلحاح بالحديث عن الأمر وطلب تفاصيل... وهم اللطيفة انلمتيد قالت لي : الزوج يبي اللي يبحث عنها يدورها يركض وراها ، ويمل من الزوجة اللي كل ما طلبها لقاها . . ممكن تتسائلين : يحبني ؟ نعم يحبج ، بس تملل ... وآنه هم يحبني بس " لاعت جبده " . . حبيبتي ، آنه كنت ملتصقة في زوجي لدرجة لو يفتح الثلاجة إحتمال يلاقيني داخلها انتظره ، لو يفتح حنفية الماي اطلع له .... تعرفين اللي يقول بكل مكان اطلع لك ؟ .. مو معطيته مجال يتنفس .. اراقبه .. اشوفه مرة شهيق ومرة زفير .. لو مرة اخذ شهيق مرتين وراء بعض بدون زفير اقول له : حبيبي ، ليش تغيرت عملية التنفس عندك ؟ - طبعاً مبالغة بس عشان اوريج شلون خانقته - اشوفه متى دخل الواتس اب متى طلع .. اعرف تاريخ كل شيء يخصه ، صرت له رزنامة من كثر ما اراقبه ، إذا نسى ان عنده اجتماع انه عند ويهه اذكره لو لو لو .... hhf لو آنه مكانه ما اتحملني يوم كامل بس تعرفين اللي يقول ( كفـ " ــن " صفعني نفعني ؟ ) لا تنتظرين إن تتلقين صفعة عشان توتعين حق نفسج .. ترى الأمر مؤلم ، فجأة تحسين إن ما تقدرين تنطلقين في مشاعرج مثل قبل تحسين فيه حاجز مريح للنفسية بس مؤلم للقلب ... صحيح مع الوقت يصبح الشيء هم مريح للقلب الحب يختفي ؟ لا ما يختفي ، بس وقتها تعرفين متى تظهرينه ومتى تخفينه ومع الوقت الزوج اللي كان يهرب ، هو نفسه اللي يقبل عليج وتصيرين متوازنة في مشاعرج ... انتي ترتاحين ، وهو يرتاح .. انشغلي بنفسج بأي شيء يخصج ... كنت احس الأمر صعب التطبيق بس ألحين وآنه اكلمج .. هو موجود ما اهملته صحيح ، بس مو طول الوقت علة على جبده ترى حتى آنه وانتي وغيرنا ... لو احد يلاحقنا وملتصق فينا بهالطريقة نمل منه كانت لي صديقة ، اذا تكلمني واتس اب وتقول السلام عليكم وارد عليها وعليكم السلام فعلاً واللي رفع السماء تظل يومين وراء بعض تكلمني ما تغفل عني الا شيء بسيط وترجع تكلمني .. تكتب لي تصبحين على خير واذا شافتني اون لاين مرة ثانية ترجع تكتب لي ليش ما نمتي شتسوين شلونج وووو إلخ .. احبها بس مليت منها يوم خف التصاقها فيني صرت اكلمها بشكل طبيعي .... ادري طولت ، بس اتضايق اذا شفت احد مثل وضعي السابق |
رد: زوجي لايحتويني ولايقدر مشاعري له
اقتباس:
كلامها من ذهب وعن تجربة.. حطي في بالك: النفس البشرية على ما تربيها وتهذبيها |
رد: زوجي لايحتويني ولايقدر مشاعري له
اقتباس:
|
رد: زوجي لايحتويني ولايقدر مشاعري له
حاليا مسافرة مع زوجي منطقة باردة منها عمل لزوجي ومنها تغيير جو ،، وخبرني زوجي انه ممكن نلتقي في عمه وأسرته لانهم احتمال يمرون المنطقة وممكن نلاقي أخته اللي توها تزوجت من كم يوم ،، طبعا أنا بداخلي تضايقت شوي بس ماابديت هالشيء لزوجي بالعكس قمت وسويت قهوة وحلى واخذته معي ،، تضايقت لاني كنت اتمنى نكون انا وزوجي لحالنا ونستمتع بهالاجواء الحلوة بس بعدين قلت في خاطري اهم شيء اني اطلع واغير جو وزوجي بالنهاية مرده لي وين بيروح يعني،،
|
رد: زوجي لايحتويني ولايقدر مشاعري له
نعم اللزقة مو حلوة حلو الاتزان
|
| الساعة الآن 02:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©