|
رفض اهلي عودتي لطليقي ..!
السلام عليكم ورحمة الله وبركاته حابه أدخل بالموضوع من غير مقدمات حابين نرجع لبعض أنا وطليقي منفصلين لنا أكثر من سنتين لكن نواجه عقبة و هي رفض أهلي من غير سبب مقنع سبب الطلاق ؛ أمور تافهه جداً جداً منها تدخلات الأهل هل من حق الأهل منعي من الرجوع لزوجي من غير سبب ؟؟ وصلت الثلاثين و مازلت أحلم بالإستقرار و الأمومه حسبي الله ونعم الوكيل تم تغيير العنوان ليتناسب مع المضمون |
رد: رفض اهلي عودتي لطليقي ..!
والله اذا كنتم متفقين ومتفاهمين على الرجعة
والرجال كويس اهلك مالهم حق يحرموكم من بعض اضغطي على الوالد والوالدة وقنعيهم ان عمرك راح لا بيت ولا زوج ولاستقرار ولااطفال . وان شاءالله يتغير الحال |
رد: رفض اهلي عودتي لطليقي ..!
طيب اختي ماهي الامور
التي قام بها طليقك لاعادتك الى ذمته |
رد: رفض اهلي عودتي لطليقي ..!
الله يسهل امورك يا اختي وترجعون ل بعض مثل اول وأحسن
ممكن تعطينا فكره كيف صار الطلاق وكيف حدث الاتفاق غِل العوده ؟ |
رد: رفض اهلي عودتي لطليقي ..!
الله يسهل امرك ي اختي حاولي في أمك أو حتى اخوانك انك تبغي ترجعي له وانكم متفقين ع خط الرجعه حرام اذا انتم ندمانين ع الطلاق وتبون ترجعون لبعض وتوقف مشاكل الاهل بينكم
كل دعواتي لك بتيسر أمرك وامر كل مسلم |
رد: رفض اهلي عودتي لطليقي ..!
اذا كانت اسباب الطلاق بسيطه الى هذا الحد ايش الي كبر الموضوع براسهم لها الدرجة اشرحي لنا شوي
|
رد: رفض اهلي عودتي لطليقي ..!
تقريبا مشابه لقصتي
اسأل الله الفرج للجميع |
رد: رفض اهلي عودتي لطليقي ..!
نفس الوضع اللي عندي
طليقتي تبي ترجع بس اهلها معندين المشكلة فيكن الوحدة تفزع اهلها ثم يتمشكلون مع الرجال وتجئ في النهاية تبيهم يتصالحوا : ) فلم هندي هو : ) |
رد: رفض اهلي عودتي لطليقي ..!
اقتباس:
كل ماتقدم لي شخص حتى لوكان من نفس قبيلتهم بس الفخذ مختلف يرفضونه عنصريين مايحترمون غير فخذهم وقبيلتهم فقط الوالدة هي المسيطره في البيت كل همها برستيجها المظاهر الماديات بنظري البيت الذي تحكمه إمرأه ( يضيع ) طبعا أقول هالكلام عن تجربه مره لما تزوجت زوجي أصريت عليه لاني كبرت ومن حقي أتزوج بعد الزواج صارت تكلمه من صباح الله خير وهو في دوامه تدخل بأمور ماتخصها تتهاوش مع أمه تخلق المشكله من لاشي يعني صار تخبيب على أصوله حتى دخل الشيطان بينا وتم الطلاق للأسف اقتباس:
الآن صار إللي صار مو حابه أكتب تفاصيل أكثر عن الماضي وكيف تم الطلاق ساعدوني بحل لنا بارك الله فيكم اقتباس:
آخر مره قالوا له انخطبت تزوجت كذذذذب ! حسبي الله ونعم الوكيل |
رد: رفض اهلي عودتي لطليقي ..!
اقتباس:
اقتباس:
اقتباس:
اقتباس:
|
رد: رفض اهلي عودتي لطليقي ..!
مارلين اصلحي وضعك وبنفسك من غير تدخل الاهل
فقط اقدمي بنفسك على الخطوه الاولى |
رد: رفض اهلي عودتي لطليقي ..!
اقتباس:
أشرحيلي بارك الله فيك |
رد: رفض اهلي عودتي لطليقي ..!
هذي مشكلتكم يالحريم لاجيتي لبيت اهلك زعلانة
كل شي تقولينة لهلك وياخذون موقف من زوجك بقولك حل اذا فية احد من عمانك او خوالك تقدرين تكلمينة وتشرحين لة معاناتك عشان يتكلم مع ابوك ومك وخوانك ويقنعهم ان مارلين تبي ترجع لزوجها وتفتح معة صفح جديدة بحياة مشرقة وكلها تفائل |
رد: رفض اهلي عودتي لطليقي ..!
قدر الله وماشاء فعل طالما زوجك يبي الرجعة فمن رايي ترسلين له رسالة تبين انك تبينه ومتمسكة فيه
حتى لا يزوج غيرك وقلبك وقلبه متعلقين ببعض. خليه يكلم احد كبير عندكم ويتفاهم مع اهلك وبيني لاهلك رغبتك بالرجعة وانه هذا عضل ودخلي الدين في موضوعك اعرفي وش مفاتيح اهلك . وبعد الجعة ان شاء الله ابعدي عن اهلك قدر المستطاع لو قدرتوا تنقلون مدينة ثانية افعلي . وتعلمي من درس طلاقك . الله يوفقكم ويجمع بينكم بخير . |
رد: رفض اهلي عودتي لطليقي ..!
اقتباس:
للأسف الأقارب مجرد إسم لا أكثر _ عائلتنا مفككه مافيه أي تواصل تجمعنا المناسبات الأعراس المجاملات ( مجرد نفاق إجتماعي أمام الناس ) فقط لا غير اقتباس:
|
رد: رفض اهلي عودتي لطليقي ..!
استخيري
الله يسهلها لك واذا اسباب الطلاق تافهه وهو متمسك فيك ارجعي واقنعي اهلك منتي صغيره واهلك ماراح ينفعوكي |
رد: رفض اهلي عودتي لطليقي ..!
اقتباس:
أعرف محد نفعني ولا احد بينفعني منهم إن شاء الله أرجعله مالي إلا الله ثم القضاء |
رد: رفض اهلي عودتي لطليقي ..!
هل مازال شاريكي ويريد ارجاعك ؟؟
وهل ينتظر رد ابوكي عليه ؟؟ |
رد: رفض اهلي عودتي لطليقي ..!
شوفي احد يمون على الوالده ..
دام الموضوع بيدها على كلامك . ارسلي لها احد .. وانتي تقولي يهمها الماديات .. اذا شاريك هو .. جربي مثلا يشتري لها هديه ثمينه ويجيكم ويزوركم ويسترضي امك .. |
رد: رفض اهلي عودتي لطليقي ..!
اقتباس:
طبعاُ كذب لا تزوجت و لا غيره اقتباس:
|
رد: رفض اهلي عودتي لطليقي ..!
الله يهديهم ادعي اختي والله كريم
|
رد: رفض اهلي عودتي لطليقي ..!
طيب فيه صك طلاق بينكم وهل فيه امكانيه للرجعه تأكدي من هذه الناحيه إذا تمام حاولي مع الوالده وقولي لطليقك يرفع قضية ارجاع للمحكمه
|
رد: رفض اهلي عودتي لطليقي ..!
اقتباس:
اقتباس:
|
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©