علاقة زوجي بالرقم الغريب ( تم الانفصال رد158)
 

قبل يومين جات رساله مسج ع جوال زوجي وكاتب فيها الو فقط واتس اب زوجي انتبه اني جنبه قفل

قفل بسرعه الجوال خلاني اشك واصريت يفتحه وفتحه وخذيت الرقم بالقوه وتناسيت الموضوع لانه حلف انه مايعرف هالرقم
الرقم بدون اسم تناسيت الموضوع عشان لو ماشي يغلط يكمل وامسكه بالدليل عشان مالوم نفسي

سبحان الله والبارح حلمت بعقربه تبي تقرصني وتبي تبعدني عن زوجي المهم صحيت وتعوذت من ابليس
وجاتني حاله بكاء فظيعه وانا اذا بكيت اعرف انه صاير شي بحياتي
فتحت جوالي ورحت السناب وقعدت اقراء اسماء الي عندي ضايفتهم وشفت هذاك الرقم كاتب اسمه
اسم بنت

رجعت الواتس ولاشعوريا تهجمت عليها قالت انا اسفه انا غلطت وسامحيني
جررجرتها بالكلام وقلت شفت محادثتكم وقعدت اهدد طبعا هي حقيره وبنت شارع قليل فيها ومصيري اطلعها
جاء زوجي من دوامه وانا ابكي طبعا ماعلمته بس مشمئزه منه وقرفانه منه حيييييل

نام وصحي وفاتحته وزعل وهاوش ويقول مااعرفها وانا متاكدة بينهم علاقه بعد شوي الا يجي ويبوسني
ويطلع يسهر
انسان مريض او انا

انا ماصارخت ولا بكيت عشانه وخيانته
بكيت لاني استاهل افضل منه

الحين الاخت معطيتني حظر واعرف انه من تدبير زوجي بس زوجي الغيته تماما
هو طلع من هنا انا اخذت شاور وتضبطت ولبست ولبست ولدي ورحت اسهر مع صديقاتي وتو رجعت
وراسلت اخوي اني ابيك توقف معاي لو طلع يخوني وثبتت الادله

وانا باابلغ الهيئة الاحد عشان اقهره واقهرها
تذكرت انفنتي لما سالتني مره وقالت لو خانك مره ثانيه وش بتسويين قلت ع الاقل ماالوم نفسي

هذا الي حسيت فعلا

ليش انا ماازعلت كثير وليش انفصلت فكريا واعتبرت نفسي مطلقه من العصر اليوم

مايهمني خيانته او لا احسه طاح من عيني

تتوقعون مارجع للخيانه وهي راسلت بالغلط طيب ليه هي تاسفت مني وقعدت تترجاني
طيب ممكن هي قاصده تخرب بيننا

لو انتي محلي كيف تفكري وتصرفي

وانت يالرجل لو حصلك هالموضوع كيف تشوف موقفك

تم تعديل العنوان ليتناسب مع المضمون


مستجدات
الرد 50
http://www.66n.com/forums/showpost.p...9&postcount=50

مستجدات
الرد 133
http://www.66n.com/forums/showpost.p...&postcount=133

مستجدات
الرد 158
http://www.66n.com/forums/showpost.p...&postcount=158

رد: مابين اليقين والشك
 

ملكه اعرفك اذكئ من كذا ؟
مو احنا دائمآ نقول بالمنتدي لااي عضوه تشك بزوجها
لا تواجهينه الا ومعك دليل مليون بالميه بالخيانه ؟
وش استفدتي الحين ، زوجك وبيلملم الموضوع ويطلعك انتي الغلطانه
واتصلتي ع اخوگ كمان ؟؟
يختي كان صبرتي شوي وعصرتي عنفسك ليمونه لين تتآكدي
يمكن ضالمته يابنت الحلال ؟

لما جرجرتيها بالكلام ايش قالت ؟
هل فهمتي منها انها تعرف زوجك ؟
وعلئ اي اساس واجهتي زوجك ؟ عشان كلمة ( الو )

رد: مابين اليقين والشك
 

مااعرف ياارائحه ليه فاتحته وليه استعجلت يمكن لاني ابغى اخلص من هالموضوع كامل
البنت ردت وقالت انا اسفه ومافي احد مايغلط ولاتفضحيني وطلبت مني اصور لها محادثات زوجي معها عشان تتاكد لانها حضرتها متعرفه ع اكثر من خاروف يتضح لي

اخوي لانه يقدر يطلع لي كل شي اسمها وموقعها وكل شي لازم استعيين فيه ....
واجهة زوجي لانها تترجاني اسامحها وماافضحها بشكل شككني انهم مسوين علاقه قويه

بس نسيت اقول شي قبل فتره لما جاتنا امه وراحت لاختها حصلت بنت خالته تراسله من جوال ام زوجي واتس اب
وقال لما عرفت انها بنت خالتي مااخذت وعطيت معاها

رد: مابين اليقين والشك
 

الشك يااختي حياه قاااتله جحيم مرض شي يتعب الزوج والزوجه
عشت فتره بشك زوجي فيني كان ودي اتطلق وكرهته اذا مو متأكده ريحي بالك وتغافلي واذا متيقنه خليك هااااديه وابحثي بكل هدوء عشان تاخذين قرار صح ماتندمين عليه الله يفرج همك حبيبتي.

رد: مابين اليقين والشك
 

ام 33 لعلمك انا عايشه مع زوجي وبنكمل ثلاث سنوات بعد شهر كلها شك تخيلي انك عايشه مع احد وانتي شاكه فيه

والله هو السبب ومهما اتشحنا القوة والصبر فالروح اضعف

القوانين المجتمعيه مجحفه في حق الانثى
اتمنى اتطلق واطلع ببيت لحالي مع طفلي بدون جنس ذكر معي سواء طفلي
حاجتي للرجل في حياتي لو لنا مجال اوسع مايتشكل حاجتي له 1 بالميه

رد: مابين اليقين والشك
 

طيب اصبري لين اخوگ يتآكد لگ من الموضوع كامل ؟
بعدين ليش تتخذي موقف من البنت وتتصلي ع الهيئه ؟
خذي موقف من زوجگ ، مااحد غصبه يكلم بنات وهو محصن وعنده زوجه تملئ عينه

بس ارجع اقولگ موقفك ضعيف
لافي مكالمات بينهم ولا في رسائل واتس
والاثنين انكرو معرفتهم ببعض
وزوجك وبيآخذ حيطته وحذره
من وين بتجيبي الادله يختي ؟
وبآيش يفيدك معرفة موقعها والمعلومات عنها ؟

كبري عقلك حبيبتي ولا تسوي شي الا لو اتضح انه فيه علاقه ميه بالميه بينهم
وخذي موقف جاد وحازم مو بالهيئه والشرشحه لاابو ولدك الله يهديگ

ولا تتواجهي مع زوجك حاليآ الا وبيدك الدليل القاطع

رد: مابين اليقين والشك
 

كلامك صحيح رائحه

بس هي كيف جابت رقمه وليش تاسفت لي

ليش تتاسف وتقول انا غلطت لما راسلت زوجك وسامحيني

رد: مابين اليقين والشك
 

هالكلام ياملكة انتي جالسه تحرقي بآعصابك فيه ع الفاضي
من وين جابت الرقم ، وليش تتآسف ، بدون ادله مايفيدك صدقيني

وممكن فعلآ غلطانه ، وخافت تكوني زوجة واحد هي تعرفه غير زوجك

نصيحتي لگ لاتفتحي السالفه مع زوجك وتهري وتنكتي بحالك
وانتي ماعندك دليل

طيب حبيبتي اخوك يقدر يعرف انه فيه علاقه بين رقم زوجك والرقم الغريب
وهل فيه بينهم اتصالات وكم مدتها وهل بينهم رسائل واتس آب ؟؟
اذا يقدر يعرف هالشي بيكون دليل
لكن فقط معلومات عن البنت ووين ساكنه ماتفيدك بشي

رد: مابين اليقين والشك
 

ملكة حبيبتي ليه؟

ليه؟

الطريقة المتهورة اللي واجهتيه فيها تشبه اللي قبلها واللي قبلها!

ماينفع نعيد التجارب بنفس الطريقة ونتوقع نتائج مختلفة..

ادري انك منفعلة وادري ان الله لحاله هو العالم باللي فيك.. بس هذي مو اول مرة عشان نقول تتصرفين بتهور..

لاحظي حتى زوجك تعود وعادي كذبك وشاف طريقة يخبي عليك فيها مثل ماخبى عليك الفترة اللي قبل هذي وانتي ماتدرين

وبكللل بساطة كمل حياته عادي..

سؤالي اللي سألتك إياه سألته وأنا عارفة وانتي بقرارة نفسك كنتي عارفة ان الموقف بينعاد..

لذلك بسألك إياه مرة ثانية..

ملكة.. تخيلي هالموقف انعاد مثل ما انعاد قبل بعد 10 سنوات وبينها مرات متكررة ومعك 4 عيال وانتي مريضة ضغط وسكر من التفكير؟ كيف تتخيلين حياتك؟ بتكونين راضية عنها؟

قرار استمرارك او عقابك او كل شي ممكن تسوينه لازم يكون لما تستوعبين شي واحد

ان زوجك مرييييض.. ايوا مريض..

كله نتائج تراكمات طفولته.. اقرئي عن المرضى بتعدد العلاقات..

فلانة هذي اللي يكلمها ماتهمه صدقيني.. مجرد رقم..

بس في فراغ عنده بيعبيه باي علاقة..

لذلك ابعدي عن فكرة انك تطفشين اللي يكلمهم.. لان للاسف مشكلتك معاه مو معاهم..

ممكن تهاوشين وتشرشحين ويصرفك ويكلمهم من وراك ويعتذر بدالك بعد ويراضيهم.. هذا الواقع

اذا استوعبتي كويس انه مريض.. اتخذي قرارك..

قلبي داعي لك 💜

رد: مابين اليقين والشك
 

اذكر قبل فتره قلت ان قريباته قليلات ادب
ومنهم من كانت تستقبله بلباس فاضح مغري


يمكن تكون هذي العقربه اللي تبغى تفسد بينك وبين زوجك ..
وحصل مرادها
يمكن اعتذارها خطة منها علشان تفسد بينكم...

غلط تتهمين زوجك وانت ماعندك دليل
وش هالحياة هذي ..حياة الشك والتفتيش يكون بعلمك انت اللي تتعبين وتسببين لنفسك الهموم والامراض والغموم ..

اتركي التفتيش والشك ماراح يفيدك
هو ان سوى شئ غلط بيلقى حسابه وبيلقى جزاته ..


انت مسؤؤله عن نفسك فقط
غيرك مو ملزومه فيه هي ويا ذنوبه ..

رد: مابين اليقين والشك
 

والله صعب الواحد يعيش بين شك ومراقبه وعدم ارتياح ..
لازم حل لتنصيف الوضع عشان ترتاحي وتنسي

رد: مابين اليقين والشك
 

ملكه يسعدك ربي عشان تريحي نفسك
لاتفتشي وراء زوجك الا اذا تغير عليك واهمل بواجباته واهملك انتي وهجرك ساعتها يحق لك تبحثين عن الاسباب
اما اذا اموركم تمام ونبشتي وشفتي اللي يعكر مزاجك ماراح تستفيدين شي الا تخربي علاقتك معاه ويتعود هو انك تكشفيه وتسامحيه فيتجرأ عليك اكثر...
انا ضد التفتيش وراء الزوج اذا الامور معاه مستقره

رد: مابين اليقين والشك
 

ابغى اعرف هي تقرب له فقط من بنات اخواته او بنات خالته عرفتي سبب رغبتي في معرفة اسمها
لو عرفت اسمها يصير انتبه منهم اكثر

واخوي قال اذا طلعت البنت من قريباته بكيفك تصرفي بس لو كانت من برا هو بيتصرف

مادري يبغى يسكتني ولا صادق

خلاص رائحه مافاتحت الموضوع وقفلته معه هو لين اعرف اسمها وبعدها باقرر يكون هديت وفكرت اكثر

رد: مابين اليقين والشك
 

حبيبتي انفنتي الله يسعدك
دايم لما كنت اكشفه كنت امسكه بالدليل ولا مايجحد وكنت انفصل عنه نهائيا واتركه وان رجعت البيت كرهت واكرهه في حركته اطنشه ومااقوم في واجباته وهذا غصب عني اذا كرهت اكره حتى اعطي واتعامل مع الشخص

وهو من النوع الي يتالم لما يخطي علي لو شافني زعلانه واتالم ومطنشته وانتهت حياتنا يكره كل شي

اخر مره تعاهدنا لو خانني ننفصل نهائي وهو حلف يطلقني لو خانني بدون مايتعبني وعندي ورقه موقع عليها

هالمره استعجلت وتهورت بقووه وندمت ع تهوري مااستفدت شي وضاع الدليل مني

بس انا مخلصه له وحافظة بيته واذا هو خاين لي الله يكشف حقيقتهم لي ويريحني لاني ابغى اخلص

رد: مابين اليقين والشك
 

الله يطامنك باسمه ويريحك ويكتب لك الخير..

اهم شي اهم شي اهم شي..

انتبهي لا تحملين بالفترة القادمة..

رد: مابين اليقين والشك
 

مافتشت ياعمري كان قدامي وجاته مسج وانا اخذت الرقم
اي قريباته مُتعبات جدا من ناحية اللبس والاغراء لاازواجنا زوجي واخوانه الشباب


والله صادقه ذنبه عليه والله بيحاسبه ... هذا الي خفت منه تكون حركة عشان نتهاوش وانا صدقت وهدمت بيتي ع الفاضي

رد: مابين اليقين والشك
 

الله يعين ويسهل امري وامرك والجميع والله لي ثلاث سنوات اجاهد نفسي

بس المواقف مادعمتني وريحتني

رد: مابين اليقين والشك
 

نفس كلام اخوي امس قال اذا مو مقصر عليك بشكل يخليك تبحثين ع السبب ويطلع خيانه تعالي
وانا اخذذ حقك وانا الي باابحث
ع فكره ماافتش ابد وراه بس كان قدامي

الله يسعدك ياعمري ويعطيك ماتتمنين ويريحك ويريحني يارب

رد: مابين اليقين والشك
 

الله يريح بالك ياملكة ويصرف عنكم انتي وزوجك كل سوء ،، الطلاق صعب حبيبتي ألدا لاتفكرين فيه الا اذا انغصبتي عليه ،، طيش زوجك وخياناته ربي بيحاسبها عليه ،، انتي كل مايهمك نفسك وطفلك واهم شيء مايقصر عليكم زوجك بشيء،، واكثري من الدعاء والاستغفار وانا اختك والله ان مفعولها عجيب،، الله يهون عليك ويفرج همك يارب

رد: مابين اليقين والشك
 

ليش يامعشر الرجال انتم خوووونه ملكه الله يربط على قلبك والله الاغراءات كثرت ومخافه الله قلت والشباب ماعا عندهم دين وخوف من الله يردعهم وانا قلتها سابقا نفسي اسحب الجوالات ونرجع لابوكشاف طمنينا عنك

رد: علاقة زوجي بالرقم الغريب ؟ هل يخون ام هو
 

تصرف غريب عجيب منك يااخت ملكه الاحساس هذا وهي كلمة الوووو طيب لوكانت محادثة كامله وش راح تسوين الله يستر بس على العموم في مثل يقول لاتقل للسارق ياسارق الى ويده بجيبك والتسرع بالاحكام دون دليل مافيه خير ويمكن تكوني غلطانه فراجعي نفسك وسيطري على تصرفاتك
احياتا افتح جوالي والاقي رسائل في الواتس وماسنجر الفيس مكتوب عليها الووو وهاي وكلها من ارقام غريبه ومجهوله وبصراحه ابتديت اخاف بعدما شفت تصرفك وماادري زوجتي راح تسوي مثلك لان لوسوت مثلك راح تكون مشكله خصوصا ان مالي ذنب

رد: علاقة زوجي بالرقم الغريب ؟ هل يخون ام هو
 

واضح من اسلوبها انهاماتدري زوجك اي واحد ..بمعنى انها مو مخططه على شي وحده تافهه وفاااضيه بقوه..بالنسبه لزوجك اذا هو خاين بيوضح عليه ..طلعات كثيره تطنيش لك متمسك بجواله و فكره مو معك ويقصر بواجباتك الخاصه!!!! اذا ماحسيتي بشي من هذا كله اذن كل اللي ببالك شكوك لانه خانك مره..شوفي بالمنتدى رجال خانوهم زوجاتهم وللحين متمسكين بحياتهم عشان اطفالهم

رد: علاقة زوجي بالرقم الغريب ؟ هل يخون ام هو
 

ممكن تكتبن حلمك بالتفصيل اختي ..
لون العقرب الموقف كيف تبعدك عن زوجك وين المكان

لانه يبدو لي من اللذي ذكرتيه الان من الحلم انه هي وحده سيئه وزوجك ماله ذنب
وهي تلاحقه لهدف التخريب منكم وتفعل ذلك مع الجميع لانه طبع العقرب لا يترك احد الا ويقرصه ...لذلك تعوذي بالاذكار ..ولا تخربين علاقتك مع زوجك فتكون حققت هدفها .

رد: مابين اليقين والشك
 

الحمل طبيا مانقدر حاليا

ويسعدك ياعمري

رد: مابين اليقين والشك
 

الله يجزاك خيير

شهادة لله ماايقصر ابد بس هذي اهم درجه وقفنا عندها وماقدرنا نطلع

رد: علاقة زوجي بالرقم الغريب ؟ هل يخون ام هو
 

الي مجنني اليوم حصل معنا شي غريب انا حاطه عند باب شقتي الخارجي درج احذيه

وزوجي نزل تحت راح بجيب اغراض وكلمني قال تقدرين تنزلين ونزلت له قال حذيانك وعبايتك عند باب الشارع قسم بالله شي يحط العقل بالكف
قلت اولا ماالبس زي هذي العبايات ابد والحذيان ماخوذه بفعل فاعل من عند باب الشقه وجد زعلت زعلت مو من زوجي من الحركه ليه ومن ميين
زوجي قال طنشي وتحصلينهم ناس صغار عقل ووو

رحت لصديقاتي وطول ماانا بالجمعه تدق علي وحده وتزعجني
حطيت الرقم بالنمبر بوك طلع اسم بنت ماعررفها

قلت لزوجي ورجعت بيتي
الحمدلله مااني خايفه بس انتظر

رد: علاقة زوجي بالرقم الغريب ؟ هل يخون ام هو
 

امين
والي يبي يكون امين ويخاف الله والله ان الناس بتخاف الله في عرضه
والايام دول

وحسبنا الله وكفى

رد: علاقة زوجي بالرقم الغريب ؟ هل يخون ام هو
 

الي انحرق قلبها بخيانه بتشك لو عاشرته قرن بدون خيانه يكفي الشي الاول والانطباع الاول


انا قلت اني استعجلت بس مو استعجلت بالحكم استعجلت بالتصرف وضياع الدليل

رد: علاقة زوجي بالرقم الغريب ؟ هل يخون ام هو
 

صادقه وربي بعد العيد قلة طلعات زوجي وصارت نادره
ولا والله مو مقصر ابدا

رد: علاقة زوجي بالرقم الغريب ؟ هل يخون ام هو
 

لي ثلاث ايام احلم بعقارب وقطاوه
لونها اسود مع بني غاامق واللون الاسود يغلب عليها
والقطاوه اسود

الله اعلم اذا احد ناوي ع شي

رد: علاقة زوجي بالرقم الغريب ؟ هل يخون ام هو
 

اخت ملكه الرد هذا اقلقني بصراحه اعتقد ان المشكله ماراح تتوقف على الاحلام يمكن بعد فتره تشوفي الحيوانات الي ذكرتيها بالواقع وخصوصا القطط السوداء حاليا لاتتسرعي ابدا هناك شئ غريب بالموضوع انا مااودي اخذك لبعيد حاليا ولاكن لكل حادثه حديث حاليا ياليت تواصلي في ذكر المستجدات لان كل رد بيوضح لنا اشياء جديده

رد: علاقة زوجي بالرقم الغريب ؟ هل يخون ام هو
 

مادري ليه حاسه انه في يد خفيه تبغى تخرب بينك وبين زوجك بس انت لاتعطينهم مجال ولا تخلين خيانته السابقه تاثر عليك بهالموقف
حاولي تصرفين بعقلانيه

رد: علاقة زوجي بالرقم الغريب ؟ هل يخون ام هو
 

بولدوزر
اعتقد الي ببالك هو الي ببالي وصراحه التفكير انهكني

خرجت ولدي من غرفته وخليته مع ابوه وانا نمت بغرفته ارتحت مررررره

بس ان شاء الله مااشوفها ع الطبيعه اصلا اكره القطاوه ولايمكن المسها اخاف منها بشكل فظيع

رد: علاقة زوجي بالرقم الغريب ؟ هل يخون ام هو
 

مافي مجال للخوف ابدا الي يكتبه الله خير اتمسكي بحبل الواحد الاحد وكوني جاهزه في اي وقت لازم تكوني قويه عند الشدايد بكره انشاء الله يالفاضله اتوضي وصلي ركعتين وروحي على سورة البقره اقري منها ماتيسر وكل ماقريتي اكثر كان افضل واي شعور تحسيه تعالي بسرعه اذكريه هنا اسئل المولى عز وجل ان يجنبك كل مكروه

رد: علاقة زوجي بالرقم الغريب ؟ هل يخون ام هو
 

ريماس

تذكرت شي مهم قبل البارح واحد جاء وفتح الباب بالمقبض بقوه وكانه واثق ان الباب مفتوح قلت مين قال مويه وسمعت ركض نازل

وقبل كم يوم واحد نفس الحركة بظهر وخفت صرخت مين وليش تفتح كذا قال عامل بلديه بعدها صارخت وهرب

وبعد الحركه وقت المغرب طلع زوجي يصلي وهو ع طول دخل وفتح بالمقبض ولما صرخت هرب يركض اسمع صوت احذيته

بلغنا الشرطه وقال زوجي بنركب نظام الامن ونسينا

لين شفنا العبايه والحذيان مرره خفت

ماادري لها علاقه ولا لا معقوله يبون يدخلون علي ويسوون شي يشكك زوجي فيني
الحمدلله انا مو غامضه وجوالي مفتوح من تزوجته ولا الف ولا ادور

رد: علاقة زوجي بالرقم الغريب ؟ هل يخون ام هو
 

ممكن يكون لها علاقه باالي يراسل زوجي ويزعجني
زوجي الليله لما شافني تعبانه من الازعاجات وحركة العبايه والحذيان قال انا بعد الرقم الي كلمتيه يزعجني
قلت من متى قال له شهر
ليته علمني على الاقل اخذ احتياطي
جدا مرعووبه وماني حاسه بامان

رد: علاقة زوجي بالرقم الغريب ؟ هل يخون ام هو
 

الله يحفظك ويكفيك كل من اراد بك شر

حافظي على اذكارك وربي يحميك من كل سوء

رد: علاقة زوجي بالرقم الغريب ؟ هل يخون ام هو
 

الله يكون بعونك
ركبي كاميرا والأفضل تكون مخفية
وحاولي دائما جوالك جنبك
ومعك شي تدافعين عن نفسك فيه
سالفة كل شوي واحد يفتح الباب
شيء غير طبيعي
وحصني نفسك بالأذكار
وان شاء الله ربي بيفرجها عليكم

لكن ضروري تعرفون من اللي
يجي ويزعجكم

رد: علاقة زوجي بالرقم الغريب ؟ هل يخون ام هو
 

الله يحفظك يا ملكه دائماً استودعي الله نفسك وعرضك وابنك وزوجك ..
اللي يصير معك ابداً مو طبيعي خاصةً اللي يحاول يفتح الباب ..
خلي زوجك معكم دايماً حتى لو بيطلع اطلعوا سوا .. والأحلام رساله ربانيه لك خذي حذرك ولا تخافين دايماً خليك متوكله على الله الكافي ..

رد: علاقة زوجي بالرقم الغريب ؟ هل يخون ام هو
 

انا اشوف وضعك النفسي يحتاج علاج اما رقيه او علاج نفسي
لانك تعانين من اشياء غريبه

لعل العله بك وانتي تظنينها بزوجك

اعانك الله