|
مشكلتي مع زوجي بسبب اخوه ( حلت رد57)
السلام عليكم ورحمة الله وبركاته
نزلت قبل فتره مشكلتي عن عمل زوجي المتواصل والآن الحمد لله اخذ اجازه يوم في الاسبوع ،، اهل زوجي قبل اسبوع انتقلوا من المدينة اللي احنا ساكنين فيها لمدينه ثانيه تبعد 4 ساعات لظروف عمل عمي ابو زوجي لديهم ابن اصغر من زوجي يدرس في الجامعه رفض النقل معهم ويريد البقاء في المدينه اللي احنا ساكنين فيها عشان جامعته وان باقي له سنتين ويتخرج المشكله ان زوجي عرض عليه انه يسكن معنا وهو اكيد وافق ،، انا في البدايه اعترضت لأن بيتنا صغير مارح اقدر اخذ راحتي وفوق هذا زوجي دوامه طويل واخوه لا شغل ولا مشغله طول الوقت بالبيت ولسى مابدت الدراسه ،، الحين له اسبوع ساكن معنا واخذ كل البيت يعني انا اكون محبوسه بغرفتي او المطبخ وهو وقته بالصاله عشان التلفزيون ووقت نومه يروح غرفته صبرت قلت عشان زوجي بصبر ،، بس من وقت ماسكن معنا وزوجي يتغدى ويتعشى معاه ماقد اكل معي الا مره وحده ،، امبارح صارت مشكله بينا قلت له ابغى اجلس معاك واتعشى معك ومن يوم ماجا اخوك وانت طول الوقت معاه ،، قاال لي انه لسى ضيف لازم مايحسسه انه ثقيل علينا قلت له طفشت وانا اكل لحالي وشهيتي تنسد قال خلاص ولا يهمك وجبه عندك ووجبه عنده وقال بمزح حسستوني اني متزوج ثنتين وخلاص اعتبري اخوي ضرتك ولازم أعدل بينكم عصبت وقلت له طيب والمشاركه مو بالاكل بس حتى النوم روح نام معاه وليلتي متنازله عنه له روح نام معاه ،، وقلت كلام مو كويس بحقه ضربني كف وقال لي يبغالك تربيه من جديد طفشت من الحاله هذي مو مرتاحه ببيتي ما احب اصير محكوره بغرفة حتى قبل يومين زوجي كان مداوم واخوه كان بالصاله يشوف التلفزيون وانا كنت بالغرفه وطلعت منها عشان اروح اسوي رضاعه لولدي وقلت بصوت عالي - حتى الواحد وهو ببيته مايقدر يتحرك ولا يرتاح - عشان يسمع ،، وهو طفى التلفزيون ودخل الغرفه يعني سمعني بس الحمدلله انه ماقال للحين لزوجي ،، الحين حطيت ملابسي وملابس عيالي بالشنطه عشان اروح بيت اهلي بس ماقدرت اتصل على ابوي يجي ياخذني لانه زعل مني اني كذبت عليهم وقال تجين زياره اهلا وسهلا بس مشكله بينك وبين زوجك حليها مع زوجك ولا تجين بيتنا انا مابغى اجلس بالبيت لاني مو مرتاحه بوجود اخوه ولأن زوجي ضربني ؛؛ ممكن نصايحكم ،، مستجدات الرد 57 http://www.66n.com/forums/showpost.p...0&postcount=57 |
رد: مشكلتي مع زوجي بسبب اخوه
لاحول ولاقوة الى بالله يعني بدال ماكنتي صاحبة حق فقدتية بسبب لسانك الله يهديك
على العموم اخو زوجك لازم يشوف له غرفه ويستأجرها وخصوصا انه مطول وغرف العزاب كثيره جدا ومتوفره في اي مدينه ومن حقك انك تطالبي من زوجك ايجاد حل لاخوه ولاكن باسلوب ولو شديتي علية بأسلوب طيب وذكرتي لة كيف انك قاعدة في البيت مثل المسجونه يمكن يفهمك واذا مانفعت هالطريقه معى زوجك يوجد طريقة اخرى روحي عند اخو زوجك وسلمي علية وبأسلوب طيب اذكري له ان بيتكم صغير وانك حرمة وحيدة وتبغي تأخذي راحتك ببيتك وماقدرتي ومن هالكلام الي يقنعه ويروح يدور له غرفة وخلااااااااص الدعوى بسيطه لاتكبريها وتجعليها مشكلة |
رد: مشكلتي مع زوجي بسبب اخوه
اصبري ياعسل
زمان كانوا كل الوقت مع بعض مو بس سنتين وفيه حل حلو انكم تسوون له جلسة متكاملة بغرفته فيها سريره وجلسة وتلفزيون ويجلس هناك طول وقته وانتي لك الغرفة والصالة والمطبخ. |
رد: مشكلتي مع زوجي بسبب اخوه
من اول ماسكن وانا اتكلم مع زوجي بالموضوع بأسلوب بس مافاد ،،
وثانيا صعب اروح اسلم عليه او اكلمه احنا بمجتمع مايصير اتكلم مع الغريب حتى لو هو ولد عمي وضعه مايسمح له يستاجر غرفه واخو زوجي الثاني الكبير قال له يجي يسكن معهم بس رفض لان علاقته بزوجي اقوى من الكبير نبض الدان ماتعودت احد يعيش معنا عشان كذة ماقدرت اصبر هو اشترى له ثلاجه صغيره لغرفته عشان مايدخل المطبخ وان شاء الله يوفر الباقي شكرا لكم |
رد: مشكلتي مع زوجي بسبب اخوه
لما صارت المشكله بينا البارحه قلت له يا أنا او اخوك بالبيت قال لي اخوي بيسكن هنا ومارح يطلع وانتي بكيفك
يعني هو مفضل اخوه علي حتى يوم اجازة زوجي طلع معنا |
رد: مشكلتي مع زوجي بسبب اخوه
لانه عارف انك ماراح تطلعين😊
وبعدين عزيزتي اكبر خطأ تحطين زوجك كذا ع المحك.. ترا موقفه صعب اخوه عنده تخيلي يقوله لو سمحت اطلع!! مو من الاخلاق ولا المرجلة بس قولي لزوجك جهز له جناح الرجال وصلى الله وبارك هو فعلا جداا صعب انه يكون متواجد اغلب الوقت وسط البيت لكن شوية تنظيم وتنسيق وتنحل ان شاء الله كبريها تكبر..صغريها تصغر |
رد: مشكلتي مع زوجي بسبب اخوه
ادري يانبض الدان انه صعب يقول له يطلع بس انا مو متقبله احد يسكن معنا وبعدين الشقه صغيره يعني دور واحد بس 3 غرف ومجلس وصاله عشان كذاصعب اتقبل وجوده معنا وهو مو صغير كبير يعني اصغر من زوجي بسنتين بس ،، يعني يقدر يدبر اموره لوحده
|
رد: مشكلتي مع زوجي بسبب اخوه
أسلوبك غلط
يمزح معك وقلبتيها جد يا أختي كل شيء تبينه تقدرين تاخذينه بس بأسلوب أفضل هل شاورك بسكن اخوه معكم قبل ما يوافق؟! اذا الجواب نعم فأنتي وافقتي ولازم تتحملي قرارك اذا لا لازم تفهميه انكم شريكين في الحياة وموضوع مثل كذا يأثر ع حياتكم لازم تتشاورون فيه بالنسبة لأخوه ليش مايسكن ببيت اهله او اطلبي من زوجك تنقلون شقه أكبر عشان انتي واخوه تاخذون راحتكم |
رد: مشكلتي مع زوجي بسبب اخوه
اول شي انت تتحملين خطأكبير اخو زوجك معزتة من معزة زوجك المفروض ما تحسيين زوجك انك ما تبينه ونه مثقل عليكم والكلام السيئ اللي تلفظتي فيه على اخو زوجك
المفروض تحرصين تطبخين لهم احسن الاكلات وتحسسين زوجك انك تغلينه وان قدره عندك عالي مو كذا تتصرفين الله يهديك . بعد ما يجلس كم يوم تلمحين لزوجك انه هذي خلوه وانه ما يجوز هالوضع وانه يا يبني له ملحق خارجي فيه كل اللي يحتاجة اخو زوجك وانك ما راح تقدرين تاخذين راحتك كذا والوضع غير لائق ابدا ، وانك بتتكفلين بغسيل ملابسة والطبخ لهم وكل احتياجتهم والمفروض تحسسين اخو زوجك انه غالي عندكم وان له قدر ومعزة . حتى يحس ويستحي ان الوضع الحالي غلط . موضوع اخر موضوعة الالفاظ والضرب اولا لازم يكون الكلام بينكم باحترام وفيه خطوط حمراء ما يتم تجاوزها ومن اهمها الضربوش مصير عيالك اذا كبروا وشافوا امهم تنضرب تعتقدين راح يقدرونها ويحترمونها ؟ لازم توصل هالنقطة لزوجك . والله يوفق بينكم ويجمع بينكم بكل خير . |
رد: مشكلتي مع زوجي بسبب اخوه
مرحباً أختي
إسمحي لي أقول رأيي بصراحة والمعذرة منك تصرفك مافيه حكمه... بل أنانية وأحرجتي زوجك مع أخوه بل ربما مع عائلته لو بلغها أمر زعلك وعدم رغبتك بوجود أخوه ضيف في البيت كذلك يبدو أنك أستفزيتي زوجك بالكلام إللي تقولي عنه مو كويس وتسببتي لنفسك بكف كنتِ بعيدة عنه ( بغض النظر المفروض ما يضرب... بس هذا إللي حصل في وقت غضب ) كذلك تأزيم المسألة ووضع زوجك بين خيارين صعبين كذلك ليس من الأدب تجريح أخو زوجك وتسميعه كلامه يشعره بمضايقة أهل البيت منه الحل عدم تصعيد المشكلة... والبقاء في بيتك... مع المصارحة مع زوجك بأنك متضايقة من وجود أخوه ليس كرهاً فيه ولكن لأنه حبس حريتك وكذلك من الناحية الدينية خطورة وجود رجل في البيت مع إمرأة ( الحمو الموت ) كذلك أذكري لزوجك أنك سوف تتحملين قليلاً من الوقت حتى يستطيع التصرف مع أخوه بطريقة مناسبة أما موضوع الضرب فتفاهمي معه أنك لم ولن تقبلي منه مثل هذا التصرف مرة أخرى أعانك الله |
رد: مشكلتي مع زوجي بسبب اخوه
قعدته معاكم غلط ومعاج حق تتضايقين
بس ألحين هو معاكم لا هو من الذوق ولا الأخلاق ولا من حسن إكرام الضيف تقولين له چذي عشان يسمع ويقوم!!!! ترى وايد عيب .. المفروض تتفاهمين مع زوجج مو تقولين حق أخوه هالكلام ، حطي نفسج بمكانه ، إن زوجج يقول حق اخوج هالحچي ، بترضين ؟!!!! ثانياً حتى كلامج مع زوجج كان فيه تقليل من احترامه ، يا أختي لسانك حصانك... والكلمة الزينه والشينه من حلج واحد ومن لسان واحد ، شخسرتي لو تكلمتي بالكلام الطيب " والله حبيبي اخوك واهلك كلهم على راسي وهم الداخلين وانه الطالعه واشيلهم بعيوني ، بس اخوك رجل وكبير وبيظل فترات طويلة بالبيت وانه امرأة ما يصير نقعد بمكان واحد لو فرضا بالغلط انكشفت عليه ووو الخ " عموماً الافضل ان زوجج يعرف ان قعدت اخوه عندكم غلط ، والمشكلة ما تستدعي تدخل اهلج ، كلميه بالحسنى ، وهم افتحي معاه موضوع الضرب انه شيئ غير مقبول مهما كان السبب |
رد: مشكلتي مع زوجي بسبب اخوه
اقتباس:
الوضع مايسمح ننقل لشقه اكبر واهله نقلوا لمدينه ثانيه قبل اسبوع او 10 ايام تقريبا واخوه يبغى يكمل بالجامعه اللي ابتدى فيه اقتباس:
وانا قلت له كيف اخوك يجلس بالبيت وانت مو موجود يقول عادي اعتبريه اخوك الكبير موضوع الضرب هذي اول مر يسويها ماقد ضربني من اول ماتزوجنا ولما قلت له بروح بيت اهلي واقولهم انك مديت يدك علي قال لي بس لاتنسين تقولين لهم انتي ايش قلتي صعب اتقبل وجود اخوه بالبيت حاولت وماقدرت اقتباس:
انا تصرفي فيه غلط وانانيه لكن هم هو فيه انانيه يجلس مع اخوه ياكل يشرب ويطلع وانا حاالي حال الجدار في البيت |
رد: مشكلتي مع زوجي بسبب اخوه
روى البخاري ومسلم عن عقبة بن عامر أن رسول الله صلى الله عليه وسلم قال: إياكم والدخول على النساء. فقال رجل من الأنصار: يا رسول الله أفرأيت الحمو؟ قال: الحمو الموت. والمراد بالحمو هنا أخو الزوج أو قريبه غير آبائه وأبنائه...
|
رد: مشكلتي مع زوجي بسبب اخوه
صح من حقك تتضايقن
بس انتي بطريقتك تقدرين تحلين المشكله بالعكس لو منك بحاول فدر المستطاع اكسب زوجي من ناحية اخوه اطبخ له او روحي انتي و اشتري له تلفزيون ضبطي له مكان و اعتذري من زوجك عشان سمعتك عند اهل زوجك و اخوه لا تتضايقن مو طول عمره بيجلس عندكم |
رد: مشكلتي مع زوجي بسبب اخوه
هي فتره ياكل ويشرب معه توه رجال ماله الا اسبوع عندكم اصبري ما تدرين وش الخيره
|
رد: مشكلتي مع زوجي بسبب اخوه
اقتباس:
وانا ماقلت له هالكلام الا من قهر خروجه معنا وماستفدت من الاجازه شي بسببه وتناقشت كثير مع زوجي بالموضوع هذا بس معيي يسمعني وكل كلمه والثانيه هذا اخوي له صدر البيت واحنا العتبه |
رد: مشكلتي مع زوجي بسبب اخوه
تكلمت معاه كثير انه مايصير اخوه يجلس بالبيت وهو يدري بالحديث ويدري انه مايصير بس يقول اخوه ويثق فيه وانه مثل اخوي ،، ويقول انتي مارح ماتختلطي فيه ولا تسولفوا مع بعض ولا تظهرين قدامه يعني مافي شي
|
رد: مشكلتي مع زوجي بسبب اخوه
اخوه بيقعد معاكم سنتين ؟!!!!!!!!!!!!!!!
|
رد: مشكلتي مع زوجي بسبب اخوه
اقتباس:
مدري بس انا فهمت من كلامهم كذا باقي له سنتين ويكمل الجامعه يعني اكيد بيسكن معنا سنتين ،، هم لحد الان ماقالوا كم بس انا افتهم لي كذه |
رد: مشكلتي مع زوجي بسبب اخوه
الله يعين زوجك عليك
من حقك ترفضي وجود اخو زوجك وما حد يلومك بس مو بطريقتك هذه قللتي من احترام زوجك واهنتي اخوه بكلامك وجعني قلبي عليه وانتي تتعمدي اهانته بكلامك كل هذا وانتي ما تعرفي اذا بيجلس عنكم شهر او سنة او أسبوع |
رد: مشكلتي مع زوجي بسبب اخوه
سمورة! بالج قصير وما فيج صبر .. ومتسرعة!!!! الولد ماله إلا أسبوع وكلامج كأنه صار له سنة!!! هذا وانتي حتى مب متأكدة إذا الولد بيقعد فعلاً السنتين والا زوجج بيدبر له مكان عقب فترة. تصرفج مع زوجج عيب. وتصرفج مع أخو زوجج عيب. |
رد: مشكلتي مع زوجي بسبب اخوه
انا ما اهنت احد ولا قللت احترام أحد لكن من حقي اني اطالب اكون ببيتي لوحدي
لو كان اخوه يطلع يشتغل بس يجي ينام كان عندي عادي بس هو اغلب وقته في البيت وجوده بالبيت اكثر من وجود زوجي حتى لو بدأت الدراسه رح يكون يدرس الصباح وبالمسا بيكون بالبيت وانا وحده احب الحريه ما احب انحكر بمكان واحد |
رد: مشكلتي مع زوجي بسبب اخوه
اقتباس:
طيب يا اختي هو عيب بس حطي نفسك مكاني زوجك طول وقته مع اخوه اكله وشربه وكل شي معاه وتسمعي سوالفهم وضحكهم وانتي جالسه مع البزران طفشانه وش يكون ردة فعلك انا كنت ساكته بس امس انفجرت ولما طلع معنا قلت هالكلمتين لأخوه لما كان بالصاله هذا من حقي |
رد: مشكلتي مع زوجي بسبب اخوه
زوجك مارح يحس بإحساسك
الا اذا جبتي واحد من اخوانك يقعد معكم بالبيت اجل اطلبي منه يجهز غرفة اخوه بكل اللي يحتاجه وما يطلع من غرفته الا لباب الشارع بحيث تاخذين راحتك بباقي البيت وكلميه باسلوب حلو عشان يقتنع قولي له اعذرني انا تصرفت بتهور وانت معك حق هذا اخوك ولازم توقف معه حتى يلقى له مكان ثاني وايش رايك (خليه يحس ان الفكرة فكرته)لو تحط له تلفزيون بغرفته عشان ياخذ راحته اكثر |
رد: مشكلتي مع زوجي بسبب اخوه
اقتباس:
ان شاءالله بعرض عليه هذي الفكره وبأسلوب شكرا اختي |
رد: مشكلتي مع زوجي بسبب اخوه
الحمو الموت
ولا يجوز سكنه معكم لأن إذا طلع زوجك لدوامه بتكون من الخلوه هو رجال يقدر يتصرف أو يرسلون له أهله مصروف ويدبر نفسه ويلقى له شقه خلي موضوع الضرب على جنب لازم تحلين مشكلتك الأساسيه وهي سكن أخوه معكم و الأفضل تخلين أبوك يتدخل ويتفاهم معه .............. |
رد: مشكلتي مع زوجي بسبب اخوه
ذكري زوجك ان الحمو الموت كما اخبر رسول الله صلي الله علية وسلم
وجود اخو زوجك بالبيت يتعتبر رجل غريب وليس من محارمك ويشكل خطر الشيطان يجري مع بني ادم مجرى الدم لماذا يقرب النار عن البارود وقترحي على زوجك ان اخوة يسكن في سكن الجامعة او يبحث لة عن سكن عزاب لو زوجك هو من يدفع الايجار |
رد: مشكلتي مع زوجي بسبب اخوه
اقتباس:
ابوي يدري وماقاال شي بالعكس عنده عادي واذا اشتكيت له بيوقف ضدي بيقول ولد عمك كيف ترفضي ضيافته |
رد: مشكلتي مع زوجي بسبب اخوه
طبعا ردي
كان لاسلوبك الفظ ولو اني ضد بقاء اخ الزوج في البيت بالذات في ظل غياب الزوج الطويل ابوك تقدرين تقوليله يتصرف لان اكيد زوجك موقفه حرج لانه عازم اخوه عنده محد غصبه ولا تعلمين واحد من اخوانك يفهم اخو زوجك باسلوب محترم انه رجال ويقدر يدبر نفسه ولو سمحتي ضبطي اسلوبك تزين امورك |
رد: مشكلتي مع زوجي بسبب اخوه
اسلوبك مشين
بأحد الايام قد تضطرين لسبب او لغيره ان تعيشين ببيت اخيك قد تلمح زوجته وتقول الواحد مايعرف ياخذ راحته ببيته هنا انت ستشعرين بالم شديد بالحلق واحتقان بالعينين وقد تخبري اخاك لتنتصري لنفسك ولكن اخ زوجك صمت ولم يتحدث لانه شخص عظيم حقا وحين صفعك فهو مصدوم ولاحول ولا قوة الا بالله يمكنك تنقية نفسك بان تتعلمي اداب التعامل |
رد: مشكلتي مع زوجي بسبب اخوه
والله الي جالسة تسويه ( عيب )
|
رد: مشكلتي مع زوجي بسبب اخوه
أنا سلام ما أسلم عليهم
هالمره يسكن معي قويه |
رد: مشكلتي مع زوجي بسبب اخوه
اقتباس:
اعرف انه مؤلم لكن كان غصبا عني تكلمت بهذا الكلام وللامانه تندمت على كلامي وخاصة انه قابل الاساءه بالحسنه ولما يسمع بنتي تبكي يناديها وياخذها يطلع يشتري لها حاجات ،،، وفوق هذا ماقال لزوجي شي ،، اعترف انه انسان محترم بس والله مو قادره اتقبل وجوده بالبيت وحاولت مع زوجي بالكلام الحسن بس مو راضي يفهمني ،،، |
رد: مشكلتي مع زوجي بسبب اخوه
اقتباس:
اقتباس:
|
رد: مشكلتي مع زوجي بسبب اخوه
تتفقو معى او ماتتفقو اخو زوجها لازم يطلع من البيت بأي طريقه لان مايحصل معى صاحبت الموضوع هو اقامة طويلة وليست ضيافه عشان ترحب بة وتقوم معه بالواجب
................... كيف تقنع زوجها بايجاد سكن لاخوة ولاكن بأسلوب راقي واخراجة من منزلها لانه مش معقول تقعد حبيسة غرفتها وتراقب تصرفاتها |
رد: مشكلتي مع زوجي بسبب اخوه
اقتباس:
مع هذا الرائي .. انت معاك حق برفض عيش اخو زوجك معاك لكن طريقتك و أسلوبك خطا .. و تصرفك خطا .. و رمي الكلام على اخو زوجك .. ما يصير هو ضيف عندكم .. اصبري شوي .. جيبوا له تلفزيون في الغرفة الي هو فيها .. |
رد: مشكلتي مع زوجي بسبب اخوه
اختي الكريمة مو مطلوب يقتنع بخروجه
بل تقتنعين ببقائه رحبي باخوه وجهزوا له جناح كامل له واطلبي من زوجك تطلعون تشترون ثلاجه صغيره واريكه له و تلفاز كهدية ترحيب به اختي كل شيء في هذا الكون تتعاملين معه انت بالحقيقه تتعاملين مع الله فاظهري اجمل مالديك وراح تلقين خير كثير وراح تشعرين بالحرية وتكسبين زوجك فهذا اعتذار مهذب جدا ورد اعتبار وقنني كلامك |
رد: مشكلتي مع زوجي بسبب اخوه
اقتباس:
اقتباس:
ان شاءالله بأخذ بنصايحكم واحاول ان اعتذر لزوجي |
رد: مشكلتي مع زوجي بسبب اخوه
اقتباس:
هذي بيتي حابه أخذ راحتي باللبس و صعب كل شوي ألبس حجابي أو أتغطى بجلال الصلاة علشان أخذ شي من المطبخ |
رد: مشكلتي مع زوجي بسبب اخوه
اقتباس:
كلما ابتعدت عن الانا واقتربت من حب الخير ستكونين بحرية روحية مطلقه بكل صدق ياحبيبة استمتعي بطوارئ الحياة واجعليها دائما لصالحك بالعطاء والسلام وابتعدي عن وسوسة الشيطاين الجن والانس وتيقني انها ليست صديقتك ولن تاخذك الى بر الامان فكل حدث اختبار فانجحي |
| الساعة الآن 10:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©