كرهي لخطيبي ، وسوء اخلاقه وكلامه
 

السلام عليكم ورحمة الله وبركاته ، ما ادري كيف ابدا بس اللهم صَل وسلم على سيدنا محمد قبل كل شي ، انا عندي مشكله وابيكم تشورون علي لأنكم ما تقصرو ابدا وفيكم الخير ، انا عمري 20 سنه وخطيبي 24 سنه يصير ولد عمي وانا تبون الصدق ما ابيه من الأساس ولا اطيقه حتى إنّو خلاص معروف قد إِيش أكرهه من وانا صغيره بس اذا تكلمو الكبار ما صار لنا خيار ، ابي اقولكم الأسباب اللي مخلتني رافضتنه وبقوه وأنتو حكمو وخبروني شو أسوي : اول شي عنده علاقات مع بنات كثيييييير حتى انه كان في فتره قبل لا يخطبني معه علاقة مع اختي اللي من الأب وهالشيء مستفزني كثير اختي لين اليوم تتصل علي تقولي فلان خبز ايديني فلان يحب كذا فلان يعتبرج كذا فلان طبعه كذا ، لمن واجهته بعلاقاته سواء مع اختي او غيرها من البنات قالي ايوه انا كذا وأكلم فلأنه وفلانه وفلانه ، لا تقولون أغار او شي ابدا بالعكس بس ابيه يعرفني أني ما غبيه وساذجه بس هو يقولي راح اكلمهم وما تهميني، ثاني شي انا مريضه بمرض مزمن بس املك من الجمال ما احمد ربي عليه في كل حال ، الغريب انه خلى كل هالبنات وقرر يتزوجني وهو عارف انه بيلاقي القبول تخيلو جاب رقمي من أمه و كان يضايقني وخبرت الوالد وكلمه وهذا كله قبل الملكه بس بعد الملكه يرسل لي انا تزوجتك شفقه ولا منو يطالعج إنتي انا بتزوجك بس آنتي ما تكفيني ، بجيب غيرك .
انا من دوله خليجيه غير السعوديه وبحكم عاداتنا وتقاليدنا عادي يشوفونا أولاد عمنا وكذا لكن طبعا نكون محتشمين ، صرت أتهرب من الزيارات لاهلي عشان ما يصدف واقابله ، يقول لي دايما إنتي مطوعه وإنتي متخلفه ليش ما تطلعين شعرك شويه او تحطي ميكب بوجهك خبرته إنّو مب هو بس اللي راح يشوفني يمكن اخوانه او حد ثاني يقولي عادي هم اخوانج كلهم ، انا كم مره بينت له أني ما ابيه وحتى قلت له ما ابيييييك بالحرف قالي ببرود دم انا ع بالج خذيتج عشان سواد عيونج لا بس عشان خاطر امي لانها تحبج وراح اكسر لج خشمج(انفك) واوريج الويل ، صررررت خلاص ودي انام وما أقوم كلمت امي وكلمت ابويه وخوالي وعمامي بس محد قادر يقنع عمي وابويه ، يرسل لي صور محادثاته مع البنات عشان يقهرني يصور لي جلساته معاهن وطلعاته ، سويت كل شي ممكن أسويه كلمته بهداوه ، خاصمته ، ناقشته ، أرسل له محاضرات وحكم عشان يتعظ بس ماشي فايده ، صارلي سنتين الحين طاقتي نفدت ، انا اكشخ ومعروفه كيف لبسي وذوقي حتى هو عارف بس الحين لو قالو لنا بيجي بيت عمكم صرت البس أسوأ ما عندي كنت أتمنى أنه عنده خوات عشان أكلمهم ويكونو وسيط بيننا بس ماحد ، ما يتصل فيني ما يزورني ولا يهديني ولا يذكرني ابدا ، بس هي مره جاب لي شوكليت ورسله مع سواقهم وكنت فرحانه كثير عشان كنت حاطه أمل انه بدا يتغير بس بعد دقايق وصلني مسج ترا اهلي قالو أرسل لج شي بالعيد ،
اسفه أني طولت عليكم بس لو اتكلم بالتفاصيل ما اخلص
ساعدوني دخيل الله ابي انفصل عنه خلاص بس العيب والفضايح وأهلي راديني

تم تعديل العنوان ليتناسب مع المضمون

رد: انتو أهل الخير والبركة فيكم ، ساعدوني بمش
 

ما تقدرين تورين ابوك رسايله ؟

رد: انتو أهل الخير والبركة فيكم ، ساعدوني بمش
 

حبيبتي ..
هذي اولها ..الآدمي قلك راح اكسر خشمك.. شوفي يابنت الناس وري ابوك محادثاته مع البنات والصور وقولي له بالحرف الكلام اللي قاله لك ..ترا ذبحتونا الناس الناس وانت وانسانيتك وتكريم ربي لك يجي انسان مثلك مثله يهينك!! !!!!!ليش هذا كله عشان الناس
الناس مادرت عنك ولاحتدري عنك اذا اخذتيه ووراك الويل وانت اللي تنهار اعصابك.. الناس ماراح تقدم او تأخر ..
قدري ذاتك يااختي واعملي لانسانيتك حساب واوقفي قدام العالم بالحسنى عشان مصلحتك
والله يختار لك الصالح

رد: انتو أهل الخير والبركة فيكم ، ساعدوني بمش
 

وريته ووريت عمي اللي هو ابوه ، قلت لهم شلون تبوني اتزوج واحد ما يلي مني الا بعيني قالو انا اعدله بعد الزواج ومن هالكلام

رد: انتو أهل الخير والبركة فيكم ، ساعدوني بمش
 

والله وريته وأنهرت قدّامه كنت أتمنى إنّو يرحم حالي ويقيني من بلاء ولد اخوه بس قالي اصبري اصبري ومرات لمن اناقشه توصل انه يخاصمني ويغضب علي وكم مره قلت له سعادتي مو معاه انا شنو ينقصني عشان أخذ واحد مثله قالي لا تسكر عليكم باب يتفاهمن انا ما متخيله ابدا إنّو ممكن يتسكر علينا باب لان حزتها بيصير شي ، كلمته بطاقتي بس يقولي انه عناد لي ما بيطلق وانه انا اهينه كذا وراح يردها الاهانه

رد: انتو أهل الخير والبركة فيكم ، ساعدوني بمش
 

اسمحولي ع الأخطاء داشه من الفون 😔

رد: كرهي لخطيبي ، وسوء اخلاقه وكلامه
 

ما راح يتغير لانش انتي ما تغيرتي معاه ,,,, يعاندش مثل ما تعاندينه وكل واحد فيكم حاط راسه براس الثاني

كل حركاته بس يبي يقهرش لانش رافضته كزوج ,,, هو اختارش انتي ومحد جبره عليش

شاف فيش الحشمه والعفه حتى لو ما بين اعجابه بذلك

انتي بس ارضي فيه وغيري تعاملش معاه وراح يتغير ,,,, جربي !

جربي تتعاملين معاه كزوجه ,,, انتي قلتي انه راح يهينش مثل ما هنيه ؟ شو السبب ؟

لانه حاسس انه غير مرغوب فيه

رد: كرهي لخطيبي ، وسوء اخلاقه وكلامه
 

والله انه قبل لا اعرف سواياه وطبعه كان حلم حياتي ، بس بعد ما عرفت سوابقه وكذا انكسر فيني شي صرت ما اطيقه، وثاني شي من وين انا اشوفه او أكلمه او اتعامل معاه تواصلنا قليل جدا بس لمن يكون فاضي وما عنده شغله يجي يضايقني بكلامه وتصرفاته حاولت بكل شي قلت بسمع كلام اهلي واصبر غيرت من نفسي قلت الغلط مني غيرت تعاملي معاه ارسله اتصل ما يرد صعبه تحس نفسك مو مرغوب فيك قلت انه ولد عمي ومالي بد منه بس ماكو فايده حسّيت نفسي أني لو أسوي اي شي راح أهين نفسي ولا بيتغير ، هو خطبني عشان أمه مصره واهله مصرِّين ووافق بس عشان يرضيهم هذا اللي قاله لي ، العرس بعد ما اخلص دراستي وانا باقيلي ثلاث سنوات ، بس هو يبيه الحين ومصر بشكل غريب

رد: كرهي لخطيبي ، وسوء اخلاقه وكلامه
 

طيب كيف تعاملش معاه واسلوبش

شو ايجابياته وليش كان حلم حياتش قبل ما تعرفين سواياه

وليش مستعجل اذا ما يبيش

رد: كرهي لخطيبي ، وسوء اخلاقه وكلامه
 

ايجابياته حنووون كثير على اهله بس معاي مثل اللي يقولو يكشر عن انيابه ، ابدا ما ارفع صوتي عليه <<<قصدي من مكالماته النادره يعني ، أكلمه بجداره وأناقشه بس هو ما يحبني أكلمه وأناقشه يقول ما أحب الفلسفة ف غيرت صرت ما أناقشه كثير ، كان حلم حياتي لأنو اممم مدري شو اقول يعني من لمن احنا صغار كنّا نلعب وَيَا بعض ذكريات طفولتي كلهاااا كلها معاه بس من فترة المراهقة طبعا تغير طبعه أسلوبه وتصرفاته وسؤاله مكشوفة الكل يعرفها وسالفته مع اختي بعد الكل يعرفها بس محد قال يزوجوه لها ، انا اقول انه مستعجل عشان تهديداته ينفذها خايفه كثير

رد: كرهي لخطيبي ، وسوء اخلاقه وكلامه
 

اسفه مره ثانيه ع الأخطاء
أكلمه بجداره= بهداوه
سؤاله= سوالفه

رد: كرهي لخطيبي ، وسوء اخلاقه وكلامه
 

اختش شو قصدها انه حبز يديني شو تعرف عنه وشو يقول عنش

رد: كرهي لخطيبي ، وسوء اخلاقه وكلامه
 

هو قبل يتقدم لي كان له علاقة مع اختي مكالمات وكذا بفتره مدري بس اكيد طويله ، تقول كذا يعني كأنها تخبرني عن طبعه وشو يحب وشو ما يحب ومن ربعه ووين يحب يروح وكذا يعني حياته الشخصية انا أرد عليها انه ما همني الا لمن نكون مع بعض حزتها يهمني << اقول كذا من القهر والغم وهو ولا همني ابدا كرهته خلاص ، بعد ما خطبني انقطع تواصله معاها ولمن فتحت معاه الموضوع قالي حالها حال غيرها ، اذا قصدك شو يقول عني عندها ف انا ما اعرف ، بس مثل ما ذكرت هو شايفني متخلفه ومتفلسفه وإني ما عايشه حياتي ع قولته وخالي يقوله عكس تماما بس يمكن لأنو تفكيرنا مختلف واهتماماتنا مختلفه يمكن 💔

رد: كرهي لخطيبي ، وسوء اخلاقه وكلامه
 

نظاره طبيه يبليش نظاره اكبر من نظارتش حتى تشوفين الامور عدل ghjj


الي بين اختش وخطيبش مو حب ,,, كلام اختش عنه دليل ما بينهم غير سوالف


اخذي كلامها عشان تعرفينه عدل من الحين ,,, قال حالها حال غيرها يعني كلهم

مثل بعض وما يهمونه ,,, شو الاختلاف الي بينكم ؟


شو اهتمامه واهتمامش ,,,,,,, هو اجتماعي وانتي انطوائيه ؟!


فسري اكثر نظاره hhر

رد: كرهي لخطيبي ، وسوء اخلاقه وكلامه
 

هههه ضحكتني ، شسمه انت مبسط الأمور او انا اللي مكبرتنها ، ياخي لو سوالف عاديه كان طوفتها بس مب عاديه ، وإذا ما يهمونه يعني يتمادى ويكون علاقات مع الكل وما يحترمني ؟! ليش مطلوب من البنت تعف نفسها لغايه ما يجيها النصيب وهم عليهم بالحلال ما يفكرون حتى بمشاعرنا وما قصدي ابدا أني اشجع البنات ع التصرفات ذي لانها تمس السمعه بس كمثال

العكس هو انطوائي وانا اجتماعيه انا أحب أتعرف أسوي صداقات اطلع وأزور وكذا وهو لا بالبيت او مع بنات (استغفر الله بس) حتى ما يحب يجلس مع شباب العايله ما عنده أصدقاء كثير ، قريب من أمه حيل وبالعكس يمكن هذي الشي الوحيد اللي اشوفه حلو فيه ، ما اعرف شو بعد مهتم وشو يحب ترا للمره المليون خبرتك ما في كونيكشن التواصل ضحل وإذا تواصلنا مصخره ورفع ضغط وقهر بس

رد: كرهي لخطيبي ، وسوء اخلاقه وكلامه
 

سنتين وانا ما اعرف ابسط الأشياء عنه مب حرام ، م مخلي لي فرصه أتقرب وإذا حاولت يصدني ويخليني اكره الساعه اللي حاولت فيها

رد: كرهي لخطيبي ، وسوء اخلاقه وكلامه
 

طيب كيف عرفتي بسواليفه مع البنات

انتي خلاص ما تبينه ؟ وهو ما يبيش !

رد: كرهي لخطيبي ، وسوء اخلاقه وكلامه
 

كم مره أعيد الكلام ؟! قلت انه يرسل لي محادثاته وصوره
اذا هذا سؤال ف انا ما ابيه واحنا متزوجين
اذا عندك حل مشكور وإذا لا لا تأخذ السالفة هبال وتسأل لمجرد الفضول 👏🏻

رد: كرهي لخطيبي ، وسوء اخلاقه وكلامه
 

khh

نظاره هدي اعصابش مو هبال ولا فضول

بس وضحت الصوره انه ما بينكم حتى حوار او معلومات عن حتى ابسط الامور


والحل يا اختي بيدش اذا ما تبينه ابد وكارهته حاولي تتفاهمين مع الاهل تنفصلين عنه

وما اظن في رجل يرضى ياخذ وحده ما تبيه تناقشي معاه

تراني بنت يا نظاره الله يوفقش

رد: كرهي لخطيبي ، وسوء اخلاقه وكلامه
 

اسفه ما مبين من النك سوري 😂

نرفزتني أسألتج شويه ، سويت الي قلتي عليه كله كل يوم اتكلم مع اهلي المشكله انا اكبر اخواني يعني محد معاي يقنع اهلي ويساندني ، تناقشت معاه وفتحت السالفة يتمصخر علي يعني كأنه كلامي ما يعني شي

ويوفقج حبيبتي سوري مره ثانيه 😚

رد: كرهي لخطيبي ، وسوء اخلاقه وكلامه
 

مم تصدقين نظاره..ع كثر السلبيات الي ذكرتيها فيه الا إني حسيت إن ولد عمج يحبج و يبيح خصوصا إن كان في طفوله بينكم.. بس مشكلته يكابر! او يمكن يحس بنقص لإن يعرفج بنت ناس و صنتي نفسج و امه تحبج .. وانتي قلتي الكل يعرف انج تكرهينه فيمكن هو يحس ان انتي ممكن تشوفين نفسج عليه!
ع العموم استخيري وارجعي حاولي مره ثانيه كلمي اهلج و اذا تموا مصرين ساعتها مالج الا انتي تغيرين مشاعرج.. حاولي تتغاضين عن اغلاطه .. ااقنعي نفسج ان هاي مجرد طيش و بعدين بإذن الله بيتعدل.. حاولي تردين مشاعرج قبل ماتكرهينه.. طولي بالج معاه اعتبريها فتره طيش و تعدي.. صدقيني دامه حنون و طيب مع امه يعني ان شاءالله انسان فيه الخير بسس يباله صبر..
انا ماقصد ب هااكلام انج ترخصين نفسج و تسلمين نفسج لانسان ماتحلينه.. هالكلام سويه بعد ما تحاولين مع اهلج..
والله يوفقج ويكتب لج كل خير يارب

رد: كرهي لخطيبي ، وسوء اخلاقه وكلامه
 

طيب أختي المفتاح بيدك مو تقولين والدته تحبك و هو دائم معاها و يسمع كلامها اتصلي بها أو قوليلها و علميها ان تواصلكم غير أستفزازات شلون يصير الزواج كدا
بس أحس مع هدا كله ان بشوي تنازلات منك و منه على شوية ثقافة راح تشكلون ثنائي رائع

رد: كرهي لخطيبي ، وسوء اخلاقه وكلامه
 

Noor_zmane
مشكوووره حبيبتي كلامج يطمن بس ليه يعاملني كذا هو ما تقرب مني عشان يعرفني
الله يوفقج دعواتج ❤️

رد: كرهي لخطيبي ، وسوء اخلاقه وكلامه
 

إيمان

أمه ما تحب احد يحط العيب ف عيالها ، كلمتها قلت لها مقصر معاي بس هي تقول تفاهمي معاه وتقربي منه وراح يتغير مع الأيام بس وين ،
الله كريم ومشكووووره ي قلبي دعواتج بسوي اللي اقدر عليه 💔

رد: كرهي لخطيبي ، وسوء اخلاقه وكلامه
 

لو قطعوا راسك لاتتزوجيه

انت مانك عبده يلعبوا فيها

ويفرغوا فيها انحراف وتخلف ولدهم



شو منتظره منه
ميتوعدك و يوعدك بالويل والبهدله

ولاحاشمك ولاعامل لمشاعرك اي اعتبار
ومجاهر بالخيانات والمعاصي


اعوذ بالله منه
الله يصرفه عنك ويقيك شره

رد: كرهي لخطيبي ، وسوء اخلاقه وكلامه
 

الوضع يا اختي مو سهالة كذا بما ان يدك برا الموية
كلمتين و تعدليه. نساء متزوجات عايشات سنيييين مع ازواجهن و قليل من يتغير و من نفسه


خطيبك غير ملتزم. له علاقات. اخلاقه و لسانه مش و لابد
كلمي ابوك بغبنة و بكاء و اصرار
(((استعطفيييييه)))
قولي له يبه يقول انه بيكسر خشمي و يوريني الويل و كذا كذا
يرضيك. أنا في ذمتك و الله الشاهد اني رافضة الزواجة هذه

خوفيه بالدِّين

و لو اني حاسة انك شوي متقبلتنه. أفعلا؟

رد: كرهي لخطيبي ، وسوء اخلاقه وكلامه
 

انا خلاص تملكت عليه وربي قبل الملكة وبيوم الملكة كنت ميته من البكاء ابي أبويه يلتفت لي يشفق علي ، بس ماكو فايده ، تصدقوني اذا قلت حتى ما لبست ولا شي ، المشكله هم عارفينه بس مصرين
دعواتج امانه ي ملكة غاليها

رد: كرهي لخطيبي ، وسوء اخلاقه وكلامه
 

ترا هذا اللي انا متأكده منه إنّو ما بيتغير هذا هو من سنتين ونفس الشي بالعكس يزيد كل يوم اكثر ، ابويه استخدمت معاه كل شي اقدر عليه ، كلمته وبكيت عنده ووريته شو مسوي وبشو يهددني ، حتى أني مره وانا منهاره قلت له لأَنِّي مريضه راخصني له !!! حسيته تأثر شوي بس بعد مصر اعووووذ بالله تقول شي صاير لهم ، انا ما أميل له ابدا ولو تسأليني عن شعوري اتجاهه بقولج ولا شي بس جالسه أكرهه كل يوم اكثر ، الامر بأيد الوالد خبروني شو أسوي ويغيب ف ستين داهيه هذاك

مشكوره حبيبتي مسز داني

رد: كرهي لخطيبي ، وسوء اخلاقه وكلامه
 

طيب ما موقف أمك؟
هل اخبرتيها. هل كلمت والدك.


من له تأثير على والدك. من اخوتك أو أعمامك.

رد: كرهي لخطيبي ، وسوء اخلاقه وكلامه
 

امي راحمتني بس تقول انه الوالد ادرى بمصلحتي ، مرة كلمت خالي وراح لأبويه بس جاه رد قوي بعدها حلف انه ما يعيد الموضوع للوالد ، أعمامي مستحيل ألجأ لهم او عماتي يكفيني أني بعد ما عرفو أني ما أريده وما مقتنعه كلامهم عني وإني عيني طويله وحد شاغل بالي ولا ما راح ارفض ولد العم ، متسكره علي من كل صوب ، تصدقيني أني كنت متردده اكتب المشكله لأَنِّي عارفه ما ح ينفع شي كل الطرق لجأت لها ، ادعي ربي بس انه يفكني من شره ويصلحه

رد: كرهي لخطيبي ، وسوء اخلاقه وكلامه
 

طيش شباب و ستهتار
و معصية
اذا جائكم من ترضون دينه و خلقه فا زوجوه
جواب مختصر انتمنى لكي التوفيق
و بنسبة لا مرضك فهو ليس عيب فيك ولا جمالك سبب لي سعادة
كل شيء من من جل في علاه
اذا كنتي لا تحسني الاختيار و تدبير
من اجمل ما في حيات الانسان ان له رب يحسن التدبير
توكلي على الله ولن تندمي في اي امر في حياتك

رد: كرهي لخطيبي ، وسوء اخلاقه وكلامه
 

جزاك الله خير لا نستغني عن دعواتكم 💔

رد: كرهي لخطيبي ، وسوء اخلاقه وكلامه
 

رد: كرهي لخطيبي ، وسوء اخلاقه وكلامه
 

فعلا هذي ما خطرت ع بالي ، بس خايفة من ردة فعل اهلي ، بس ان شاء الله بسويها لعل بواسطتها تفرج ، شكرررررا شكررررا جزيلا ❤️

رد: كرهي لخطيبي ، وسوء اخلاقه وكلامه
 

ماشين على نظام ( زوجوه يعقل ) ..
الله يصلحه ويكون اصلاحه على يدك ان شااء الله ..
..
ويرزقكم الذريه الصالحه .. ،

رد: كرهي لخطيبي ، وسوء اخلاقه وكلامه
 

الزواج باطل لانه بغير موافقتك انتبهي لا يجيك لو يوصل الموضوع المحكمة .

وين عايشين بالقوة هو!!!

رد: كرهي لخطيبي ، وسوء اخلاقه وكلامه
 

قصتك أرجعتني سنين للوراء .. لفتاة ملكت قسرآ على ابن عمها ورفضت الزواج به وظلت معلقة في بيت والدها لسنوات طووووويلة .. حتى كبرت تخيلي اختها الصغرى وحررتها بان كلمت اكبر شيخ في منطقتهم واخبرته القصة خاصة وان من وقع العقد اختهما الكبرى وليست المعنية !! فامرها بان تذهب للمحكمة وفعلا هذا مافعلنه ذهبن للمحكمة وانهين الامر ... والدها لم يغضب كثيرآ كما كان متصور لانها فعلت ذلك دون مشورته كانها ازاحت عنه همآ وفكته من اهم ماكان يشغله الوقوف امام اخيه وابنه ..وفي نفس السنة تزوجت من آخر وفقهاالله ..

عزيزتي استخيري قبل عمل اي شيء ..... فرج الله همك .

قاتل الله تقاليد ليست من الدين بشيء