|
ذكرى زواجي وهدية زوجي
يسعد مساء الجميع
بعد شهر ستحل الذكرى الثالثة لزواجنا ،، محتارة في هدية مناسبة لزوجي ،، فكرت بطقم كبك وقلم وسبحة وتعليقة مكتوب عليها اسم زوجي وبين مسدس صغير ،، قبل فترة سألت زوجي تحب يكون عندك مسدس تلبسه في المناسبات والاعياد وحسيت إنه متشجع للفكرة مرة ،، بس المشكلة أبي اشتريه من دون علمه عشان يكون مفاجئة بس ماعندي أحد يوديني اشتريه وفكرت أقول لواحد من زميلاتي تشتريه لي ،، وش رأيكم؟ وإذا عندكم افكار ثانية للهدية ياليت اسمعها، |
رد: ذكرى زواجي وهدية زوجي
فكرة المسدس حلوه
فصلي له ثوب فاخر مطرز |
رد: ذكرى زواجي وهدية زوجي
سبحان الله ماأحب ذكرى يوم الزواج
احس انه في اشياء اهم من كذا بكثير وانها شكليات فقط لكن سبحان الله لها اثر كبير عند الزوجة |
رد: ذكرى زواجي وهدية زوجي
يممممممه مسدس حته وحده ):
اذا مصره خليك على شوزن وش زينه (: وواقنصي معاه دخل وقماري << يم يمي الله يهنيكم ويحفظكم . |
رد: ذكرى زواجي وهدية زوجي
عندي سؤال يقرقع
مسدس حقيقي ؟ هذا اللي لين طلقت منه على احد يخر صريعاً ؟ |
رد: ذكرى زواجي وهدية زوجي
اقتباس:
ماادري بس عن نفسي احس مسدس ماهي هديه رومانسية .. |
رد: ذكرى زواجي وهدية زوجي
شوفي يا ساعة فخمة من الحميضي او الدهام
او اطقم عطور رجالية او ثوب مطرز فخم او محفظة وكبك وسبحة |
رد: ذكرى زواجي وهدية زوجي
ذكرى ميلاد وذكرى حب والام وذكرى زواج << ولو دخلوا جحر ضب لدخلتموه أمرنا الله بمخالفة اليهود والنصارى وفي كل يوم نسأل الله 17 مره في صلاتنا ان لايجعلنا من المغضوب عليهم ولا الضالين ثم نتشبه بهم !!! هذا حكم الاحتفال بذكرى الزواج ابن باز -ابن عثيمين -الفوزان http://t.co/4g07biCis6 https://m.youtube.com/watch?v=ACd2WEi9MpU و لا ننسى من ارضى الناس بسخط الله وتعلق بهم سخط الله عليه وتقلبت عليه الاحوال عندك السنه بطولها وعرضها اهدي زوجك فيها اهم شي مايكون يوم مخصص يتجدد كل سنه بتخصيص هديه واحتفال |
رد: ذكرى زواجي وهدية زوجي
حلو .. تسلمي فرح تائه
احبه حبيبي .. شوفي زوجك ايش يحب !؟ المسدس أحسه يخوف :) انا مرة عملت كبك لثوب زوجي و عليه اسمه .. و كان من فضة .. و عجبته .. و مرة جبت قلم من النوع الغالي و حفرت عليه اسمي و اسمه :) |
رد: ذكرى زواجي وهدية زوجي
اذا قصدك المسدس الي يطخ ويخر صريعاً😁مستحيل تلاقي احد يجيبه لك الا بالدس واذا لقيتي احد يبيعه بترخيص ارسلي خاص لانه انا ابغى مسدس ...
واذا تبغي رأيي المسدس ابداً هديه مو حلوه جوال عطر ممكن تفصلي ثوب فاخر جدا له شوفي سيارة زوجك ايش تحتاج من كماليات داخلها والرجال هنا يساعدوك لو حبيتي تشتري شي خاص بسيارته مع العلم اني رديت عليك ع الهديه واكيد عندك علم انه مثل هذي الاعياد محرمه وبدعه فحاولي تعتبريها لزيادة المحبه بينكم ولا تهديها في نفس يوم زواجكم اليوم الي قبله او بعده |
رد: ذكرى زواجي وهدية زوجي
جزاكم الله خير على ردودكم
بالنسبة للي يسأل عن المسدس إذا الحقيقي اللي يطخ فأقول ايه هو .. طبعا في مسدسات اشكالها حلوة وتصلح تلبس في المناسبات .. وكمان سبق وسألت سؤالي كذا سؤال عابر اجس فيه النبض انه وش رأيك تحتاج مسدس؟ وكان متحمس مرة لفكرة يكون عنده مسدس بالنسبة للاحتفال بيوم الزواج جزاك الله خير للتنبيه بس اولا مانخصص يوم الزواج لتبادل الهدايا .. وايضا مانسوي احتفال وبهرجة لا مجرد هدايا وحجز في فندق ليلة وكذا وبس .. أبدا مانسوي حفلة ونحتفل |
رد: ذكرى زواجي وهدية زوجي
نصيحة اذا تشوفين زوجك ما يحب التكنولوجيا .. أشتري له مسدس او جنبيه ..
اذا تشوفين زوجك طاير بأمور التكنولوجيا .. أشتري له LG G4 جوال جديد قيمته 2500 ريال في جرير بصراحه جوال فخم جداً مواصفات وشكل وجوده .. او اذا ما عجبتك شيء من الافكار .. بقولك جربي تشترين له ساعه فخمه من رولاكس وقلم وعطر مثلاً فيه عطرين فخمه أحبها عندك عطر سعره مناسب جداً من أجمل أسمه SHADOO يعني شدو يعني (ظل) بالعربي سعره 100 ريال لون المويه نفسها أزرق فاتح ومن فوق فيه ورد مجفف في نفس القزاز حقه أو عطر الابيض قيمته فوق ال1000 الاصلي منه اللي هو ( كريد ) الابيض فخخخخخخخخخخخخخخخخم جداً ويعتبر هديه محترمه + محفظه نقود جلد فاخره . |
رد: ذكرى زواجي وهدية زوجي
اقتباس:
أشكر لك مشاركتك،، |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©