|
كيف اخلي هذي الموظفه تخرج من مكتبي
السلام عليكم ورحمة الله وبركاته
ابي حلولكم بسرعه انا موظفة ولي مكتبي الخاص جت عندنا متدربه بتجلس معانا 3 شهور كانت تجلس بمكتب موظفه اخرى وامس جت عندي تسولف وعطيتها وجه وسولفت معاهة بعدين احرجتني وقالت ممكن احط شنطتي عندك من بكره لان الموظفه الفلانيه تخرج وتقفل مكتبها على شنطتي انحرجت اقول لا وقلت طيب ما فيه مشكله على بالي بتحط شنطتها وتطلع ال جت اليوم حطت شنطتها وجلست متكيه بالمكتب بصرااااااحه متضايقه من وجودها متعوده من 4 سنوات لوحدي بهذا المكتب تجي وحده تجلس على قلبي لا اعرف اشتغل ولا اخذ راحتي بشي اعطوني حلول كيف اطفشها من القعده عندي بدون ما اسيء لها ولا لنفسي علما ان فيه مكاااااتب كثيره تقدر تجلس فيها انتظركم |
رد: كيف اخلي هذي الموظفه تخرج من مكتبي
خلصي شغلك بكره بدري
وقفلب غرفتك ع اغراضها ساعتين ثلاث وانتي فرفري ف الاقسام gnn اللي طفشها من المكتب الاول بيطفشها من الثاني jyjy او اتركيها عندك واحتسبي الاجر .. حل ثاني اذا فيه مكان خاص او مناسب للمتدربات خلي وحده من الموظفات بتنسيق معك تناديها وتستضيفها وتقول لها تقدرين تظلين هنا وتحطين اغراضك هنا كل يوم.. |
رد: كيف اخلي هذي الموظفه تخرج من مكتبي
تطفشيها ليه ؟!
هي ما ضرتك بشي ... والعمل والمكاتب ملك الجميع دون استثاء سواء موظفه قديمه او جديده .... هي متدربه وبتقعد فقط3شهور وما تقبلتيها كيف لو قعدت لين التقاعد ,,, تكيفي وتقبلي الوضع الجديد وسواء هي اوغيرها المكتب ما راح يظل فاضي طول العمر |
رد: كيف اخلي هذي الموظفه تخرج من مكتبي
اقتباس:
انكسار ؟؟؟ البنت بكيفها تقعد في المكان الي يريحها محد يفرض عليها تتنقل من مكان لمكان هذي مو مرتاحه لها وهذي تبي راحتها في المكان ارحموا البشر تراها جديده في الشغل ومحتاجه لناس تتقبلها وتساعدها مو تقبضها الباب |
رد: كيف اخلي هذي الموظفه تخرج من مكتبي
أكسبي فيها أجر ودربيها على الشغل بدال ما تطفشيها..
وفي نفس الوقت تنفعك تشيل عنك بعض الأعمال.. |
رد: كيف اخلي هذي الموظفه تخرج من مكتبي
انكسار حلم
هي عطتني فرصه اقفل المكتب؟؟ جالسه عندي طول اليوم ويوم طلعت شوي طلعت جنب المكتب لو خرجت بشوفها وتشوفني ! كوكي خاطري فيك هي ليست جديده هي موظفة في مكان اخر وجت هنا دورة 3 شهور بس انا غلطت وكتبت متدربه (اظنها دوره لتحسين مستواها الوظيفي يعني اني اشتغلت في المكان الفلاني 3 شهور) كنت ناويه اليوم الصبح احط شنطتي واقفل المكتب واطلع قبل تجي حطيت شنطتي جيت خارجه الا وهي بوجهي امام المكتب انحرجت وقلت تفضلي وعليها ما تحركت لين صارت الساعه 10 خرجت شوي جنب المكتب ورجعت :: وش ذي الدوره!!! المهم ناويه بكره اجي بدري وادخل مكتبي واقفل عليه لحد ما تلاقيلها مكان ثاني على فكره فيه كذا مكان تقدر تجلس فيه وبالراحه لكن عجبها لما عطيتها وجه وسولفت امس معها اليوم سويت نفسي رسميه ومشغوله بعملي ما كلمتها الا السلام عليكم كيف حالك وهاتك يا شغل على الصااااااامت ولمحت لها اني يمكن بكره ما اجي وتقدرين تجلسين في المكان الفلاني او المكان الفلاني وان شاء الله انها فهمتها وشكلها طفشت وما بتجي عندي بكره ان شاء الله |
رد: كيف اخلي هذي الموظفه تخرج من مكتبي
يا حرام البنت شكلها حبتك ومبسوطه معاك وهذا سبب تركها كل المكاتب وجلوسها عندك
ترااها 3 اشهر اتحملي .. او اطلبي منك تسحب اي مكتب فاضي وتحطه جنب مكتبك |
رد: كيف اخلي هذي الموظفه تخرج من مكتبي
هو فيه مكاتب فاضية طيب عشان تجلس فيها ?
|
رد: كيف اخلي هذي الموظفه تخرج من مكتبي
اقتباس:
هي حبت السوالف وانا امس كنت فاضيه وسولفت معها الحين ما ابيها تجلس عندي لو بتسولف وتروح ما فيه مشكله لكن تجلس عندي بالمكتب الى الظهر لااااا انا بطبعي مااااا احب احد يشاركني المكان اللي انا فيه تجلس شوي وتروح حيااااها غير كذا لاااا |
رد: كيف اخلي هذي الموظفه تخرج من مكتبي
اقتباس:
لكن انا طبيعة عملي اغلب وقتي بمكتبي خلاص تروح للمكاتب اللي فيها حركة بالعكس هذا احسن لها اذا تبي الفاءده من دورتها مو جالسه عندي للظهر هم تقول اخذت دوره |
رد: كيف اخلي هذي الموظفه تخرج من مكتبي
خلاص قررت بكره اكون شجاعه وصريحه
وبقوله معليش يا اختي تقدرين تروحين المكان الفلاني لاني مشغوله اليوم اش رايكم ؟ احس عادي ومنحقي |
رد: كيف اخلي هذي الموظفه تخرج من مكتبي
هيييييييييه ..
ما بالك في اللي تقولك قصة حياتها بشكل يومي ...واللي ثرثار وداخل عرض كل شوي .. مأساااه المصيبه انه فاهمين انهم معطلينك ...قمة في الانانيه ..واذا تضايقت وبدر بني اني متضايقه يضحون ..ضحكه سخريه ..بينهم وبين نفسهم كاني ما اشوفهم ولا اعرف !:( هذولاء ما لهم الا حل واحد .. تكشينهم . اما هي جديده ... ممكن تعمدت تدخل وتجلس بالقرب منك .. تراك مشغوله عشان تعطينها شغل .. وتتعلم انت استغليها في صالحك ونفس الوقت .. تشغلينها عنك . ممكن انت تعطينها .. شغل ياخذ منك وقت طويل تخلصلك اياه ..ونفس الوقت انتكون انشغلت لكن بعض الموظفين اللي معاك من زمان وعارفين كل شي ما ينفع معهم الا الكشه والعين الحمرا |
رد: كيف اخلي هذي الموظفه تخرج من مكتبي
مادري ؟
الناس أجناس بالفعل :) كثير عندنا يجوا - بشكل مؤقت - و ما يلاقوا مكان .. و كنت افتح لهم مكتبي و أعطيهم جهازي و باسورد الجهاز و الطابعة أخليهم يستخدموه .. و بعد فترة ، يروحوا يتعينوا بأماكن و يترسموا .. و تستمر العلاقات الجيدة بيني و بينهم حتى بعد ما ينقلوا .، و يقولولي ( ما ننسى انك الوحيدة اللي رحبتي بنا و فتحتي لنا مكتبك ) :) . . ما أبغى أبين إني ( وااااااااااااو ) .. لكن خلي قلبك كبير .. هذا مو منزلك ، هذا مكان عمل .. و إذا ما تبغيها تكون معاك ، هي راح تفهم من وحدها لا تشيلي هم ^_^ |
رد: كيف اخلي هذي الموظفه تخرج من مكتبي
وَ عليكم الْسلام ورحمة الله وبركاته . . مَ اتخيل شعورها لو جآت هنا صدفه وشافت كلامك . . يَ عزيزتي كيف ح يكون موقفك لو حطت إدارة المكآن موظفه دائمه في مكتبك ؟ البنت حسب كلامك ماحتجلس الا فترة 3 شهور + مو مضطره تاخدي وتدي معاها + ممكن تتعلم منك حاجه تفيدها بخصوص الشوغل اللي جات عشانو . . واذا استمريتي بتجاهلها هيا من نفسها راح تحس انو مو مرغوب في تواجدها وهتروح من نفسها . لكن الإنسان مايبغى الا طيب الأثر اكيد . |
رد: كيف اخلي هذي الموظفه تخرج من مكتبي
ادا جات تتكلم و تسولف تجهاليها و رتبي أوراقك و انغمسي في العمل هي راح تفهم حالها كان لازم على الادارة ترتب لها وش تسوي و نظام عمل مثلها مثل الموظفات اعاديات
وش ها الدورات الي لا فيها لا ترتيب و لا شغل و لا مشغلة و الله ما فهمت |
رد: كيف اخلي هذي الموظفه تخرج من مكتبي
ومض القمر
الله يعين وشكرا للنصيحه روح الطير لا يعني هذا ان احد افضل من احد كل الحكايه انها قدرات انا ما اقدر اتحمل وجود احد معي بمكتبي وانا ما اسات ادبي معها لكني كنت ارد عليها برسميه ولا اسولف زي امس قلم كحل تخصصها ما يمت لعملي بصله يعني وجودها بمكتبي كمكان للجلوس وليس للاستفاده مني فلا دخل لي بدورتها ولا افيدها بشي لا من قريب ولا من بعيد والناس اللي بنفس تخصصها تاركه مكاتبهم وجايه عندي !! واذا حطت الادراة موظفه على قولك ساعتها يحلها الحلال وساعتها بيكون امر واقع وعمل وليس مجرد وحده جالسه عندي كمكان لشنطتها وسواليف واذا قرات كلامي؟ انا ما سبيتها لا هنا ولا امامها لكن كنت ناشفه شوي معها وارد عليها برسميه حتى تفهمها وما تجي بكره عندي لكن للحق نقدت نفسي بعدين اني ما قلت لها تشربين شي وسولفت معها شوي هم سحبت عليها لكن من كثر مني متضايقه منها ما لقيت لي نفس لا اضيف ولا اسولفkhh ايمان هذا اللي سويته واخرج وارجع ولا كانها موجوده بس القي السلام كل ما دخلت وشكلها شكلها لاحظت ولا رح تجي عندي بكره لانها وهي رايحه قالت لوحده عندنا مع السلامه يا فلانه مع اني كنت جنبها!! |
رد: كيف اخلي هذي الموظفه تخرج من مكتبي
اشوف بكره وارد عليكم جت عندي ولا لا
|
رد: كيف اخلي هذي الموظفه تخرج من مكتبي
مرحباً أختي
المسألة ليست حقوق وطبيعتي وما أحب ذا الشئ المسألة... أولاً من ناحية إجتماعية... ستكسبين أخت وصديقة ربما يوم من الأيام ستحتاجين لها فتحسن إليك كما أحسنتِ لها... كذلك ستكسبين السمعة الحسنة والكلام الطيب الذي ربما تنقله عنك من طيب أصلك وكرم أخلاقك ثانياً ... أجر... فإدخال السرور على المسلم أجر كبير... كذلك فك ضيقة ومحبة فيك وكسب دعاء فربما بإستقبالك لها في مكتبك فكيتي ضيقتها في حبس شنطتها عند الزميلة الأخرى وأحبتك في الله وربما دعت لك في ظهر الغيب ويستجيب الله لها عموماً أنصحك بالتحمل والإحسان لها... وربما لن تستمر في مكتبك فترة... بل قد يتيسر الأمر وتذهب لمكتب آخر من تلقاء نفسها بارك الله فيك |
رد: كيف اخلي هذي الموظفه تخرج من مكتبي
اقتباس:
كلامك صحيح بس اللي صار صار ولا اظنها بتجي بكره عندي عرفت هذا من طريقة سلامها وهي رايحه مع الاسلامه يا فلانه(تقصد وحده جاسه جنبي)!! عرفت انها زعلت وما بترجع عندي قد ما فرحت قد ما زعلت من نفسي اني ما ضيفتها على الاقل والتهيت بشغلي لين تطفش من نفسها |
رد: كيف اخلي هذي الموظفه تخرج من مكتبي
أختي احتسبي الأجر أولا هي صغيرة في السن بما أنها متدربة فيخفى عليها شي كثير مما ينبغي فعله .. وأكيد أنت ........ فوين حديث النبي صلى الله عليه وسلم ولو أن تلقى أخاك ....... . بعدين هي متدربة يعني ممكن من كثر المضايقات ممكن تترك العمل ويكون انت أحد الأسباب .. وترى عادي تشغلينها معااااااك . ويوم اختارتك تعشمت فيك الخير فخليك فوق الظن الجميل مثل روح الطير والمكاتب أختي ليست ملكا لأحد من الموظفين حتى تقولي مكتبي . |
رد: كيف اخلي هذي الموظفه تخرج من مكتبي
قانون المنتدى يمنع
20 ـ النقد غير الموضوعي الذي يوجه لذوات الأعضاء, أو التعرض لهم بالتجريح أو الجمل الاستفزازية والتهكمية. نامل من الجميع البعد عن الاساءة للاخرين تجنبا للعقوبات الاداريه |
رد: كيف اخلي هذي الموظفه تخرج من مكتبي
ابشركم ماجت عندي اليوم
وهي موظفة وليست متدربه انا اخطات وقلت متدربه هي موظفة وليست جديده حتى؛ اتت لدوره لتطوير عملها طيب كيف تطور عملها وهي جالسه عندي ما خرجت غير شوي وترجع!! المهم الحمد لله شكرا للجميع وارجو اغلاق الموضوع |
رد: كيف اخلي هذي الموظفه تخرج من مكتبي
اقتباس:
. . يغلق .......... |
| الساعة الآن 11:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©