|
صديق اخوي عاجبني !
السلام عليكم
اعرف ان موضوعي المفترض يكون في قسم ثاني لكن انا اتعمدت اضعه هنا لاني احتاج رأي المتزوجين والمتزوجات خصوصا الرجال رجاء يامشرفين لا تنقلونه على الاقل بس اسبوع أنا مبتعثة مع اخوي والصراحة صديق آخوي عاجبني اخوي يسولف عنه دايم وعن اخلاقه لعاد اني حبيته! اليوم اخوي يسولف عنه قلت ليش ماتخطبني له! الصراحة انصدم اخوي (مالومه) بس قلت له عادي مافيه شيء صدق انا اعجبتني اخلاقه والتزامه وخديجة رضي الله عنه خطبت الرسول المهم اخوي اقتنع لكن الان مبتلشين مااعرف كيف نخطبه!! اخوي الصراحة ماعنده حسن تصرف وانا بعد يقول اخوي اخاف يرفض وانحرج معه بعدين هو صديقي موسع صدري في الغربة والله ياعالم مادري وشلون نحلها وقلت مابي اتسرع هذي المرة لكن كيف اتصرف نلمح له؟ او نقولها له مباشرة؟ والا نسكت؟ ياخواني واخوات اتمنى تعدوني مثل اختكم وكونوا صادقين بردكم لان والله والله مادري وين ربي حاطني خصوصا بمثل هذه المواضيع دايم اجيب العيد اي شي تقولونه بنفذه مباشرة |
رد: صديق اخوي عاجبني !
تأكدتوا انه مو خاطب أحد من بنات عمه أو ديرته
|
رد: صديق اخوي عاجبني !
ايه مو خاطب
يسولف على اخوي انه يفكر بالزواج لكنه خايف يتزوج وحده غير مرتبة وكذا |
رد: صديق اخوي عاجبني !
اذا جدا جدا واثقة ان الولد كويس وتعرفين عن عائلته وبيئته وان كل شي مناسب..
سوقي لنفسك من بعيد لبعيد بدون العرض المباشر.. لو بعدها شاف ومابادر معناها ماضبط الوضع.. عشان انتي ماتخسرين ولا اخوك يخسر |
رد: صديق اخوي عاجبني !
وش خطبته الله يهديك
وبعدين وش جاب زمننا لزمن الرسول عليه الصلاه والسلام انتبهي وعدي للالف شكلك صغيره سن فرضا لو تزوجتى مع اول مشكله بيعايرك ماهكذا تورد الابل ولا بهالطريقه نوصل لاهدافنا بامكانك نبهتى اخوك مايجيب سيرته مايتكلم بالكم والكثره عنه ولو وقع بقلبك شيء من حبه افرشي سجادتك وادعي الله يوفق مابينكم قلوب العباد بين يديه اتمنى انك تلتفتين لهدفك الان واكمال دراستك ولا تستعجلين فتندمين وتعظين اصابع الندم |
رد: صديق اخوي عاجبني !
اقتباس:
لكن ماعرف عن اهله شيء لكن شكلهم ناس طيبين كيف اسوق من بعيد لبعيد يعني ايش اسوي؟ |
رد: صديق اخوي عاجبني !
اقتباس:
وقصدت بكلامي افتعال مواقف معينة.. مثلا يقدر اخوك يتكلم عنك انك سويتي له خدمة جبارة اليوم اللي قبله يسولف ومن ضمن السوالف يذكرك بموقف..الخ ترا مو شرط تضبط.. مثل ما العرض مو شرط يضبط.. |
رد: صديق اخوي عاجبني !
اقتباس:
اولا انا ماني صغيرة (ثلاثينية) ثانيا انا ماحبيته بالشكل اللي متصورته ... لا انا اعجبتني اخلاقه واتمنى الارتباط فيه على سنة الله ورسوله بصورة مااحرجه او احرج نفسي طبعا مع فرش السجادة احتاج حلول عملية |
رد: صديق اخوي عاجبني !
متل ما أخوك كلمك عنه و عن أخلاقه و صفاته الجميلة الى أن حببك فيه ..
يعمل نفس الشي معاه .. يتكلم عنك أمامه و يمدح فيكي و في صفاتك الجميلة الى أن يتمناك ... |
رد: صديق اخوي عاجبني !
اقتباس:
مافيها شي اذا عاجبتكم اخلاقه ودينه اخوك يقوله عروستك عندي والا احنا شارين رجال ويشرفنا تناسبنا كثير صارت عندنا والزواج مستمر والأمور ماشيه .. |
رد: صديق اخوي عاجبني !
كيف نخطبه khh
هذي يبيلها قعده وتخطيط ffhhf اعرفي اي كوفي يقعد فيه وروحي مع اخوش وخليها صدفه او اطبخي طبخه معتبره وخل اخوش يذوقه طبخش ويمدحش والذي من هالحركات ودقي على اخوش خل يعرف عنده اخت الله يوفقش وتصيدينه hhر |
رد: صديق اخوي عاجبني !
اقتباس:
كيف يعني مافيه توافق ؟ قصدك يعني قبائل وكذا؟ كلنا قبائل ايه حلو اقول لاخوي يسولف عني، ايه صدقتي ممكن تضبط واحتمال كبير لا بس قلت نحاول الواحد مايدري |
رد: صديق اخوي عاجبني !
اقتباس:
اخوي يقوله اختي فيها وفيها (يوصلني السماء) ويقول وش رايك في اختي؟ كذا زين او عيب مايصلح؟ انا مترددة اخاف يطلع عيب او اخاف افشل او احرج اخوي والا انا عادي عندي :D |
رد: صديق اخوي عاجبني !
يمكن يحب وحده و احطها في باله
عموما فكرو في طرف ثالث يقول له او يقترحك عليه عشان اذا صار نصيب ما يعايرك |
رد: صديق اخوي عاجبني !
اقتباس:
يعني مو عيب خلاص بقول لاخوي.... احب الشيء المباشر.. اريح للطرفين...بس قلت اخاف يكون عيب |
رد: صديق اخوي عاجبني !
ههههههههههههههه ياحليلك مبتعثه
شوفي مالك إلا الدعاء ثم الدعاء و الإستغفار بنية و سورة البقره الدعاء ييسر أمورك و يتحققلك إللي تبغينه من غير أي مجهود منك الله يدبرها و ييسرلها لك سبحان الله |
رد: صديق اخوي عاجبني !
مو بس القبائل.. البيئة والعادات الاجتماعية وحتى مستوى التدين
عزيزتي الاهل لهم دور كبيير.. تخيلي طلعوا بالنسبة لك مجتمع منفتح جدا؟ او منغلق جدا؟ عيالك بكرا بيشيلون اسمهم.. لو عندهم عادات مو كويسة عيالك ممكن يتربون عليها حتى لو ماكانت برضاك.. كبنت خليجية وهذا الواقع المر انتي بتتزوجينه "مع" اهله.. في حالات كثيرة ومتفرقة واسباب بالهبل العالم تتنصل من خطبة بعض العوائل.. تكون امهم مجننة زوجات عيالها او مثلا يكونون عائلة عندهم ثقافة متربين عليها مايحترمون المراة.. الخ الخ الخ الله يكتب لك اللي فيه الخير 💜 |
رد: صديق اخوي عاجبني !
اقتباس:
والطبخ ماعرف اطبخ حتى اخوي يفشل قايله قبل فترة اختي ماتعرف تطبخ موتتني من الجوع ! لو بتعلم الطبخ قد العريس خطب وخلف وانا ماعرفت اصلح صينية مكرونة ايه عجبتني سالفة الدق على اخوي، بدق من وقت للثاني |
رد: صديق اخوي عاجبني !
في نقطة أخوي الكبير يذكرها بشكل متكرر
ان بعض أصدقاء أو زملاء الدوام يخطبون لخواتهم بشكل صريح بينهم في منهم من قبل وتزوجوا وفيه من رفض الفكرة لأسباب يحتفظ فيها لنفسه ومن حقه وفيه منهم من يمدح في بيت فلان عايلة فلان بنات فلان بالتحديد فيه تلميح وفيه تصريح . |
رد: صديق اخوي عاجبني !
ما أدري ليه ضحكت لما قريت موضوعك
أنت أعُجبتي فيه وبأخلاقه من مدح أخوك له خلي أخوك يتصرف و يمدحك قدامه ولو عندك صوره لك يشوفها |
رد: صديق اخوي عاجبني !
اقتباس:
لا مايحب لانه يسولف على اخوي يقوله امي مبتلشة نفسها تزوجني وانا متردد اخاف اتزوج وحدة مو مرتبة ولا سنعة وكذا لو يحب كان يوضح فكرة الطرف الثالث احس مو حلوة،،، ليه افضح نفسي،،،، اخوي رجل يقدر يوصل له الرسالة لكن ماني عارفة كيف اشوف البنات يقولون عادي خل يقوله مباشرة (عروستك جاهزة عندنا :D ) انت مع هذا الراي؟ |
رد: صديق اخوي عاجبني !
عادي مافيها شي
صديق أخوك وتضمنينه الله يكتب ألي فيه الخير |
رد: صديق اخوي عاجبني !
إجمالاً لي تحفظ على مبادرة البنت .. ولكن أعجبني هذا التفاهم بينكِ وبين أخيكِ. الله يديم عليكم النعمة ويكتب لج الخير عزيزتي. |
رد: صديق اخوي عاجبني !
اقتباس:
ما عليه غامري هالمره واطبخي اندومي muy المهم استخدمي كافة الوسائل المتاحه اتعبي شوي وبتلاقين خير muy |
رد: صديق اخوي عاجبني !
اقتباس:
تسلمين ، ايه انا مع الدعاء والاستغفار بسويها بس والله يا ايفا حايمة كبدي، انا انخطبت اكثر من 20 مرة وجهزت ومرة حللت ووو لكن فشلت قصتي طويلة عشان كذا بجرب اخطب لنفسي! لان جد مليت من الغربة والعزوبية حومة كبد صراحة حتى كل اللي مبتعثات معي متزوجات مو باقي الا انا بعدين انا علة مايعجبني اي رجل،فيه معنى سعوديين كثير لكن ماعجبوني، هذا قرات عنه وجمعت عنه معلومات، وسالت اخوي، حسيت انه شخص يملى عيني مرة، بس مشكلة مادري كيف نفاتحه؟ مشكلتي ماعرف اطبخ والا والله تشوفين قدر رايح وقدر جاي واخوي مو ملكع على وجهه طيب لدرجة تنزفزني احيانا لازم اشرح له (وانا ابي من يشرح لي) |
رد: صديق اخوي عاجبني !
اقتباس:
مادري اذا منغلقين او منفتحين والله مادري اذا امه او اهله طيبين او لا.... لكن انا بتزوجه هو وطالما هو كويس اكيد العيشه معاه بتكون كويسة ... والله كلامك لخبطني، احس اهله مالي علاقة فيهم، لكن مادري بدعي ربي واشوف شكرا على الرد |
رد: صديق اخوي عاجبني !
اقتباس:
|
رد: صديق اخوي عاجبني !
مكانه الانسب
|
رد: صديق اخوي عاجبني !
اقتباس:
كيف عندك تحفظ؟ ممكن توضحين اكثر؟ وهل تأيدين ان اخوي يفاتحه بالموضوع؟ آو نسكت؟ رايك مهم بالنسبة لي |
رد: صديق اخوي عاجبني !
ابغى اوضح شيء
انا مو قصدي اخطبه او حتى اتكلم معه اقصد كيف اخوي يتصرف هل يلمح؟ هل يكون صريح؟ او نسكت لانه عيب والمفترض هو يبادر؟ لاتوقفون على كل كلمة الله يخليكم وتحملون الكلام مالايحتمل |
رد: صديق اخوي عاجبني !
متااااابعه
الله يابنات لو كل وحده تخطب الي تبيه وناسه مبتعثه والله مالك الا الدعاء باخر الليل فقط ان يكتب لك الخير ويجعله زوج صالح لك مابي اذم ولا امدح ولكن الله اعلم بالقلوب والناس مخبايه بثيابهم |
رد: صديق اخوي عاجبني !
اقتباس:
|
رد: صديق اخوي عاجبني !
حتى الان مافيه ولا رجل رد
احتاج رد او ردين يعطوني وجهة نظرهم بكل صراحة اتقبل كل وجهات النظر |
رد: صديق اخوي عاجبني !
اقتباس:
وان الموضوع جاء من اخوك لان الرجل ينظر بنقيصة للمرأة التي تتقدم للرجل عن ثابت البناني قال : كنتُ عند أنس بن مالك وعنده ابنة له قال أنس : جاءت امرأة إلى رسول الله صلى الله عليه وسلم تَعرض عليه نفسها ، قالت : يا رسول الله ألك بي حاجة ؟ فقالت بنت أنس : ما أقلَّ حياءها ، وا سوأتاه ، وا سوأتاه ، قال : هي خير منكِ ، رغبت في النبي صلى الله عليه وسلم فعرضتْ عليه نفسَها . رواه البخاري ( 4828 ) . وهذا في زمن الصحابة كلهم استغربوا فعلت المرأة فما بالك في هذا الزمن |
رد: صديق اخوي عاجبني !
الحين انتي الله يهديك تقارنين خديجة رضي الله عنها و محمد صلى الله عليه وسلم برجال ونسوان هالزمن .. محمد رجل لن يكرره الزمن .. ولا أعتقد فيه رجل بهالدنيا يستحق إني أعرض نفسي عليه مهما علا شأنه وتعددت محاسنه وفضائله .. ي أختي للأسف مجتمعنا ما يتقبل هالخطوة من البنت وينظر للبنت اللي يعرضونها أهلها بإنتقاص .. هاذي الحقيقة إذا ماسمعتيها من قبل .. يختي نمووت وما تموت الكرامة .. واللي خلق صديق أخوك خلق غيره ..
وسالفة الطبخ ومدري وشو حركات قديمة شوي .. سوي زي بنات هاليومين ياااي دخلت على صديق أخوي بالغلط .. ومرررا أعجب فيني وبعد أسبوع ختبني 😂😂😂 << أمزح لا تسوينها عشان أخوك ما يرجعك السعودية ف أقرب رحلة 😅 |
رد: صديق اخوي عاجبني !
اشوف ان طريقة العرض المباشر محرجه لك ول أخوك خلي أخوك يستخدم طريقة التلميح يعني يقول ودي ازوج اختي الرجال الكفو بس مالقيت كل اللي خطبوها ماعجبوني وفيهم عيوب ومن هالكلام حتى لو ماصار نصيب ماتنحرجوت ولو صار نصيب مايعيرك بالموضوع مستقبلا والله يوفقك
|
رد: صديق اخوي عاجبني !
يعجبني المرأة التي اركض لها
وليس التي تركض لي والكلام هذا ليس على اطلاقه |
رد: صديق اخوي عاجبني !
اولاً استخيري قبل كل شي ..
وثانياً من الافضل ان ينتظر اخوك للوقت المناسب للتصريح بالخطبه او العرض .يعني مثلا .. وهم خارجين كوفي او مطعم او اي مكان وصديق اخوك فتح موضوع الزواج ف عند ذلك يكون هنا الوقت المناسب للعرض والتصريح وتكون في نفس الوقت جاءت من عند الخاطب اللي هو صديق اخوك ... وانتهى الموضوع ... |
رد: صديق اخوي عاجبني !
ممكن أخوك يلمح له او يصرح له بس لو رفض
أخوك رح يخسره استخيري أولا |
رد: صديق اخوي عاجبني !
اقتباس:
أتصور الغالبية فاهمين قصدج حبيبتي .. وفاهمين إن نص كلامج ما ينوخذ حرفياً. ;) .. هذي روحج الحلوة الهزلية اللي حبيناها فيج من البداية. fdgrg لي تحفظ لأني ما أحب المبادرة تكون من البنت ولا من حد من طرفها .. لأن الوضع سيان في الحقيقة .. والعواقب السلبية المحتملة ربما لا تختلف سواءً كانت المبادرة من البنت أو من أحد أهلها. وإن كان ولابد من المبادرة فليكن هذا بإعلام الشاب بوجودكِ من حيث المبدأ .. بمعنى أن تصل إليه معلومة أن صديقه فلان لديه أخت .. ثم يُترك له الأمر بعد ذلك ليمخمخ ويقرر اتخاذ الخطوة التالية. في مجتمعي مثل هذا الأمر سهل .. ولكن بصراحة لا أدري كيف يمكن أن يحدث هذا عندكم يا مبتعثة ما دام أخوج ممكن يرجّعج السعودية مثل ما تقول فرح تايه. ;) الله يرزقج بأحسن من نيتج يا بنية. |
| الساعة الآن 02:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©