|
عدم اهتمام زوجي بي
السلام عليكم ورحمة الله و بركاته
الحمدلله اموري تحسنت مع زوجي و لكن فب بعض الامور ما زالت قائمة . مثلا ... حاليا يداوم من الساعه 7الصبح لين 3 ... و الجمعه والسبت اجازة من يرد من الدوام يتغدى و يقعد عالتلفون . و احيانا ينام شوي و بعدها يطلع وما يرد الا 11او 12 . ممكن لو رد قبلها بس يبدل و يروح يلعب كرة . و يرجع بنفس الوقت المعتاد12 طبب انا وين في قائمة حياته؟؟ عور راسي هالسؤال ؟ في انسان يحب وما يههتم ؟؟ طبعا هو يطلع و لما اسأله يقول عندي شغل وما يرضى يتكلم اكثر .. فبراحته يطلع لكن عللاقل يرد مبكر شوي .. وهو مصحصح .. مب يرد و هو هلكان و ماله نفس يقول شي الا سويلي مساج . حطيلي دوا ايام اجازته .. الجمعه صار يوديني بيت اهلي و السبت نظامه العادي يطلع و ما يرد الا متاخر . الحمدلله احاول اشغل نفسي و قريب البيت فيه حديقة .. دايما اخذ بنتي و نروح نقعد شوي مع الجيران بس حاسة حياتي مب طبيعيه .. والا انتوا كلكم عايشين هالحياة قلت له بفتح مشروع ووافق ... بعدها طلبته السوق و تم يماطل فرحت مع اهلي .. ومن يومها ما سالني شو سويتي او حتى اهتم يعطيني فلوس عشان ابدأ .. ما يعرف اي شي . اخاف يجي اليوم اللي احطه وراء ظهري و امحي وجوده من حياتي ... كملنا خمس سنوات و للحين ما احس باهتمامه الفرق اني ما صرت لهتم كثير وما فرقت وياي مثل قبل . صرت اعيش حياتي بعيد عنه . و اخلق لي عالم خاااص . تتوقعون انه سبب عدم اهتمامه .. تقصير مني او عدم فهمي لشخصيته بصراحة جذبني رد ل رائحة البخور على الاخت ريف الاشواق .. تقول لها انه زوجها شمالي و ما يهتم للكلام بس يهتم بالافعال فرديت افكر شو هالافعال ؟ و زوجي من اي نمط ؟ و يمكن اكون مب عارفة مداخله عدل ؟ بعطيكم امثلة اكثر للي مضايقني .. آخر مرة عطاني هدية من سنتين تفريبا .. حتى بولادتي رغم انها كانت صعبه و جبت الينت بعد 3 سنوات ونص من زواجنا مع هذا ما عطاني . لو بطلب طلعة ممكن يلببها بعد فترة مب قصيرة .. بس حلات الشي بالتفاهم وبدون الحن و الزن و التكرا الممل اللي يحب .. يقضي وقت مع الشخص .. مب يبتعد . تلفونه يمسكه وهو عالفراش ... واحيانا ابا اكلمه او حتى اتحركش فيه .. بس يتم ماسكنه فاحس باهانة قوية و كم مرة طلبته يبعد التلفون من الفراش لكن لا حياة لمن تنادي . شاااركوني تعليقاتكم |
رد: عدم اهتمام زوجي بي
بغير العلاقة .... لا أحضان و لا قبلات . ولا لمس للايدي ولا اي لفته حلوة
طبيعي ؟!! |
رد: عدم اهتمام زوجي بي
هناك احتمالين في اعتقادي :
- اما انه يحبك ولكن لا يعجبه بعض سلوكك سواء كلام معين او فعل معين.. ولايعه كبده منك فخلق لنفسه عالمه الخاص.. - او اما انه لا يحبك فالبتالي نفس النتيجه.. خلق له عالمه الخاص بعيد عنك وقريبا من هواياته واصدقاءه كان الله في عونك |
رد: عدم اهتمام زوجي بي
حتكلم كلام عام
لكل الي يشتكي قلة الاهتمام ابدا انت بالاهتمام البنت الي رزقها الله زوج صالح قائم بواجباته يخاف الله فيها مهتم ببيته و اولاده هذه قمة النعم و عطاء تشكر الله عليه اهتمي انت تحركشي و اتلزقي و قولي كلام حلو و افعال احلي اضحكي و امزحي و امدحي وووو....... ما يحتاج تطلبي هو راح يشتاق للحظاته معاك و يقتقدها اذا توقفت لانشغال او غياب طبعا سددي و قاربي لا افراط و لا تفريط |
رد: عدم اهتمام زوجي بي
اقتباس:
لاني احتار اكثر كيف ممكن اعرف كنت مجهزتله ورقة كاتبة فيها اهماله و اني محتاجة وجوده ومشاركته بحياتي و حياة بنتي و طلبت لو في شي مضايقه انه يتكلم ويصارح مااعرف اعطيه او لا ؟ |
رد: عدم اهتمام زوجي بي
مشكلة بعض الزوجات اذا اهتم فيها زوجها بزيادة طارات من يدة
كيف؟ راح تزعل على اتفة الاسباب راح تطلب المزيد من الحب والعناق تراى انة ضعيف مقابل اغداقة عليها بالحب ..وعندما تشبع عاطفتها منة وتزعل تبدا لعبت الحق وراى تروح لهلها زعلانة وتقعد سبوعين قاطعة اتصالاتها عنة بهدف شاريني الحق وراى ..الكثير من الرجال اصبح واعي لهذا الامر وتدركة بمقياس معين يعطيها جرعات الحب بالقطاره او يمنعة فترة ويعود من جديد دون اندفاع |
رد: عدم اهتمام زوجي بي
اقتباس:
رغم انها صعبه اعطي واضحك وافرفش واللي معاي لاهي بتلفونه والا ردة فعله باااردة |
رد: عدم اهتمام زوجي بي
اقتباس:
الله يسعدك .. هالكلام مع غيري انا من تزوجت اشتكي من نفس النقطة .. قلة الاهتمام حتى مرة يمكن بعد زواجنا بسنتين و 3 . ال لي انا مستغرب انه للحين ما تحسين اني مهتم فيج و سالفة اني اروح لاهلي وافعد .. سويتها مرةمن شهرين بعد ما طفح الكيل و لو ما دخلت الاهل ما كنااستمرينا بديت امل من الوضع و البخث عت حلول .. و مليت من اتي ادور بنفس الدائرة صح في اشيا تغيرت .. بس حلو الشخص يعطي و يبذل من نفس |
رد: عدم اهتمام زوجي بي
شااركوني ردودكم
|
رد: عدم اهتمام زوجي بي
للاسف رجال كتير متعبين كده بس صدقيني لو حطيتي زوجك هدف من اهدافك هتوصلي للي انتي عايزاه بس متخليهوش يحس انه هدف اتغيري تغيير جذري واعملي اللي قلتلك عليه قبل كده وكلام هاجر برده حلو وتغيير جميل ايجابي وممكن يوصلك بسرعة للي انتي عايزاه اهتمامك بيه زيادة هيعوده علي ده منك بس طبعا اهتمامك ودلعك لنفسك مهم اوووووي لما يتعود علي اهتمامك ودلعك ليه هتبقي عادة بالنسباله مش هيقدر يستغني عنها في الاول ممكن تلاقيه بارد اصبري بس بعد شوية خليه يشتاق لاهتمامك بيه ودلعك عايزاكي تفاجئيه بدلع انثي عمره ما كان يتخيل انك تبقي كده حيريه فيكي خليه مشغول بيكي
والله بحبك في الله ونادرا لو علقت علي موضوع الا ليكي وبدعيلك ربنا يكرمك ويحققلك كل اللي بتتمنيه ويرزقك الفردوس الاعلي |
رد: عدم اهتمام زوجي بي
عندنا وعندك خير لااهتمااااام ولاكلام
طنشيه وعيشي حياتك بيحلق وراك بس سوي واجباتك ولاتسولفين معاه كثير عجزت اصير كذا ولوصرت راح يلحقني ويركض وراي قلبي رهيف وماتحمل بعده وماتحمل الثقل ورب الايات قريته كاتب لاخوياه طنش المره وبتلحقك انا مثلك ست سنوات وحياتي معاه ايش بالله مثلك انتي احسن مني تطلعين لي يومين اطلبه اطلع ورافض تخيلي حياتنا يداوم يحي من الدوام ينام يصحى ويتغدى بسرعه ويطلع لاهله جنبنا ويقعد معهم ويتعشى معاهم واذا نامو اهله راح الاستراحه ويجي اخر الليل وانا متحهزتله حياتنا نوم فقط وكم مره شكيت له وقلت مافي فايده الله يرزقني الوظيفه اللي تبعدني عن هالحيااه صحت وبكيت وشكيت وسكتت وركدت وكله مانفع كنت انهار والحين لا عادي عندي وبسلامته مصيره لي ومصير قعدته كلها عندي محد دايم له غيري انا وعياله مرده له كتبتلك عشان ترتاحين مو بس انتي ع هالحال كثير والله واولهم انا وع قولتك اذا جلس بجواله حتى بالفراش بجواله اناابع الردود |
رد: عدم اهتمام زوجي بي
اميره بمملكتي
من المفيد تعرفين شخصيه ونمط زوجك عشان تعرفي تتعاملي معااااه اتمنى تقرأين للاستشاريه ناعمه الطنيجي وتقراين مقالتها وقصص ترويها بمملكه بلقيس والاهم والمهم اهتمامك بنفسك وبانوثتك حتى لو كنتى غير متزوجه اما بالنسبه للجوالات فهي شر لابد منه دمرت اسر وبيوت ولكن انتى قادره على اداره بيتك وزوجك بشويه صبر وذكاء منك اقرأي بتوسع فى الانماط مع ملاحظه سلوك زوجك وبعدين لاتتوقعين واحد بالميه يهتم فيك وانتى ماهتميتي بنفسك اخلقي لك هوايات انفصلي عنه عاطفيا واقصد بهالكلمه حاولي ماياثر فيك بعده ولكن بنفس الوقت اجذبيه لك بانوثتك بثقافتك بثقتك بتصرفاتك اخلقي لنفسك سعاده بوجوده او بدونه حتلاقيه جنبك ويبسط معك بانتظارك |
رد: عدم اهتمام زوجي بي
اقتباس:
الحمدلله نفسيتي الآن أفضل بكثير من قبل .. و ما صار يأثر فيني غيابه مثل قبل .. وصرت اقدر انام بروحي. ومرتاحة بحياتي .. لكن أحس بشيء غلط بحياتي .. الطبيعي اني احس اني محبوبة عند زوحي وحقي انه يشاركني بعض أموري . مب تاركني ومب داري عني . ا الحمدلله كلنا تغيرنا لكن اطمح للافضل . والتغيير اللي قلتي عليه .. مااقولج انه تغيير جذري لكن فيه تغيير و خطوة خطوة بوصل ان شاؤ الله للي اريده اهم شي انه نفسيتي تمون مرتاحة ودام اني اتةاصل معاكم فان شاء الله اتم عال العال الله يوفقج . |
رد: عدم اهتمام زوجي بي
اقتباس:
صدق .. من شاف بلوة غيره هانت عليه بلوته. من صدقج كاتب لاصدقاءه ... طنش الحرمة تجري وراك ... و طول يومه عند اهله و الاستراحة وانتي تتزيين له لما يرجع لو انج ما قريتي العبارة .. بقول عادي لكن قريتي و صار عندج خلفية للطريقة اللي يتبعها وباج و سبب لتصرفاته . وانتي بتصرفاتج تأكدين له المقولة وكل ما طال الزمن كل ما طبقها اكثر و رسخت بباله .. لين متى ؟؟؟ لين تتلف اعصابج و تصرخين وتتخذين موقف تدمرين فيه اللي بنيتيه. صح اشتكي من قلة اهتمامه .. لكن الحمدلله صرت اشغل نفسي و نفسيتي واايد تحسنت وما صار يفرق معاي طلعته من البيت لكن اريد وقت لي .. حتى لو بالليل بس يرد مصحصح مب عين مصكرة وعين مفتوحة . الله يسعدنا ويفرج همومنا |
رد: عدم اهتمام زوجي بي
اقتباس:
برد اقرا في النت .. رغم انه المواضيع متفرقة وياليت لو حد عنده خبرة في الانماط يفيدنااكثر . الاهتمام بالنفس و الانوثة .. جاري العمل عليهن من مدة |
رد: عدم اهتمام زوجي بي
اقتباس:
والله هذي حياتي باختصار عايشتها لحالي ومقصر معاي بكل النواحي والله انك صادقه بكل كلمه بس وش تبغيني اسوي قوليلي ؟؟؟ وازيدك من الشعر بيت يقولي انه وااثق ان كل مامنعتك من شي صرتي معاي زي الالف عباله يربيني ،،،ويأديني وقريت كاتبلهم انه عن تجربه المرأه مالها امان هلحين انا مالي امان ياسبحان الله |
رد: عدم اهتمام زوجي بي
اقتباس:
اتوقع لج موضوع الحين عندي مشوار ... من ارد بكتب لج بموضوعج وانتي بعد فضفضي اكثر و اكتبي التفاصيل ةترى لو ما تغيرتي ما بتتغير نظرته نلتقي على خير |
رد: عدم اهتمام زوجي بي
باذن الله وانا بانتظارك يالغاليه
|
رد: عدم اهتمام زوجي بي
اقتباس:
حلو موضوع انك تكتبي ورقه وتعطيه.. عجبتني |
رد: عدم اهتمام زوجي بي
انا كنت أعاني مثلك بالضبط
كان يطّلع العصر ويرجع الساعة12 والويكيند مع اهلة واصحابة وكتبت هنا موضوع بخصوص هالشي بس مافي فايدة واستعملت كل الطرق من دلع وطلب مباشر وطلب غير مباشر وزعلت ورحت بيت اهلي وطلبت الطلاق وكل طريقة فيها تحسن نسبي وبعدين يرجع ينتكس ! وصار موقف انا اعتبرة كان شبه تحول جذري بحياتنا والله خجلانه اكتبه تفكروني بزر بس هو جاء كذا بدون تخطيط مرة كنت جالسه اقراء رواية رومانسية في الصالة وولدي كان عمرة تقريبا تسع شهور ولا شعوريا كنت ابكي من قلب وانظر بولدي وأقول معورني قلبي احرمك من ابوك بس هو مايستاهل يكون زوج وأب وكان بنيتي اترك له البيت المهم سمعت صوت سيارتة وانا ما أحب احد يشوف دموعي ورحت اركض وتخبيت في الدولاب وزوجي دخل البيت وكان يدور علي وولدي كان نايم المهم اتصل على جوالي وكان جوالي عند ولدي ويناديني وانا جالسه بالدولاب ابغا دموعي تجف واطلع وهو المسكين أنجن يدور بكل مكان واتصل على اهلي وبعدها ناديته وانا بالدولاب ههههههه بِسْم الله يحسبني جني ههههه المهم جلس يهاوش وتكلمت معاة وقلت انا ابغا انفصل عنك وكان نقاش طويل وانتهي انه راح كل يوم بعد المغرب يجلس معاي والحمد للة الحين بعد المغرب نتقههوى ونطلع للممشى وفية انتكاسات بس مو مثل قبل . |
| الساعة الآن 01:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©