|
ارد ع طليقي من نفسي ؟
السلام عليكم
بكتب لكم مشكلتي اولا لاني محتاجه افضفض لكم وثانيا حبيت تساعدكم لبعض وردودكم العقلانيه ابرار عمري منتصف العشرينات طليقي طلقني من سنتين وداخله في الثالثه قريب سبب الطلاق ظلمني ظلم عمري ماانساه راماني فعز حاجتي له وخدعتي هذا الشي خلاني اكرهه مااطيقه تخلى عني لان بعد زواجي منه مرضت مرض مابي اقوله بس تركني وجحدني وسبني بابشع الالفاظ والكلمه اللي ماانساها ليومكم هذا ) روحي انتي ماوراك رجال !! مثل السكين بصدري كل مااتذكره تجي ببالي ذي الكلمه جرحتني قهرتتي وبكتني كثير وقتها بس كنت انام بمهدئات قالها لي وهو عارف لان ابوي متوفي من زمااان واخواني عارفهم مايدرون عني لاني من اسره مفككه استغل ضعفي وحزني ودايم كان يعايرني المهم بعد ماطلقني كانت بقلبي حره بقولكم بعيدآ عن المثاليه دقيت عليه ماخليت ولا بقيت فيه وقلتله عسا ربي يوريني عجائب قدرته ويحرق قلبك بعز انسان لك وسكرت بوجهه وغيرت رقمي كلام الناس كثر علي الشمااته وغيره لاني تطلقت ونا بكر وعروس بس 3 اسابيع جلست معااه!! بس احمدلله ع نعمته الزبده هاذي الايام جاب رقمي من اول وكل مايرسل ان فلان وسامحيني وكلام فاضي فالبدايه انشغل عقلي من وين جاب رقمي بعدين كل مايرسل احذف رسايله كلهااا حاول كثير مالقى الا التطنييييييييش مارديت ولا على رسالة من كم اسبوع ارسلي ابي ارجع اتزوجك واصلح غلطي ونا ندمااان بس خلاص انا مااكتبت هالموضوع الا ابي ارتااح والحمدلله جاني غيره واحسن منه بس رفضت لان حاليا اكمل دراستي الجامعيه وفي واحد متقدملي قبله ونا اجلت موضوعه الحين وش الحل اغير رقمي من جديد ولا ارد واقوله ماعاد فيه نصيب لاني خلاص ماابيه مستحيل للكابوس اللي عشته انتظر رايكم |
رد: ارد ع طليقي من نفسي ؟
لا تغيري رقمك ولا حاجة خلاص طنشي مصيره يتعب ويعرف مافي نصيب بينكم
|
رد: ارد ع طليقي من نفسي ؟
الحمدلله على سلامتك والله يمدّك بالصحة والعافية.
لا تغيرين رقمك ابد ، اللي خلاه يجيب هذا بيجيب الجديد. الا ردي عليه بجدية تامة مافي نصيب لا قبل ولا بعد وانتهى، علشان تتفادين الحاحه وازعاجه. وبعدها احظري رقمه والله يعوضك بالأفضل |
رد: ارد ع طليقي من نفسي ؟
طلاق بعد 3 اسابيع وشماته الناس ويقول ما وراك رجال واستغنى عنك وقت مرضك وحاجتك له .. صراحه سلبياته كثير اذن طنشيه وهدديه برساله انك بتبلغي عليه الهيئه في حال تكررت رسايله .. ويمكن رجع لأنه ما لقى بنت توافق عليه ..
|
رد: ارد ع طليقي من نفسي ؟
ربنا يفرج همك ويعوضك بالخير..
تجاهلية تماماً، ولا تردي عليه.. إذا تقدري توسي له حظر أحسن عشان ما توصلك رسائل.. |
رد: ارد ع طليقي من نفسي ؟
خليك زي ماأنتي لاتغيرين رقمك ولا تردين عليه
خليه يموت ألف مره وهو مايدري إنتي وش تفكرين فيه عقب كل اللي سواه بهالسهوله برجع أتزوجك! إنتي عشتي معاه وجربتيه مافيه خير حطي عليه أكس وجربي حظك مع غيره والله يوفقك ويديم عليك عافيته |
رد: ارد ع طليقي من نفسي ؟
لا
خليه لا حي ولا ميت وشوفي حياتك طلاق بعد3 اسابيع؟!! يا وجه استح |
رد: ارد ع طليقي من نفسي ؟
منتهى الوقاحة ..
كنتي مريضة وعافك وانتي عروس وهو حتى دخلة مادخل زي الرجال .. وفوقها ماوراك رجال؟؟!! قولي له يدورله على رجال لك يتفاهم معاهم واذا جا عن طريقهم ادخلي عليه وقولي ... قدامهم هذولا رجالي الي عايرتني فيهم منت كفو جزمة واحد فيهم .. ولا ماكان وفرتني وثلاث أسابيع بنت عجزت فيني ... واطلعي ... معليش تحمسسست ... لاتصدقين طبعا اسفهيه ... |
رد: ارد ع طليقي من نفسي ؟
اقتباس:
لكن هو مصخها بالرسايل عشان كذا فكرت اغير رقمي مرا ثانيه |
رد: ارد ع طليقي من نفسي ؟
اقتباس:
ان شاءالله هذا اللي بيصير قريب |
رد: ارد ع طليقي من نفسي ؟
اقتباس:
عساه يلقاها ان شاءالله وماني راجعه له لو يحلم انسان خبيث وجاحد |
رد: ارد ع طليقي من نفسي ؟
اقتباس:
امين يارب تسلميلي حبيبتي |
رد: ارد ع طليقي من نفسي ؟
اقتباس:
انا من يوم تركته قلتله خسارة فيك كلمة رجال انت منت كفو تطول شعره من شعر راسي عطيته كلام حسيت اني ارتحت شويا من القهر اللي ياكل قلبي اكل |
رد: ارد ع طليقي من نفسي ؟
اقتباس:
تصدقين ماهمني ! همني ضعيت فرحة العمر مع واحد مو كفو وانحسبت عليا زواجه وبس وانحسب علي اسم مطلقه ! ونا اساسا ماعشت ولا عرفت شي اسمه حياه زوجيه !! سبحان الله من ونا صغيره اقول بااخذ اللي يعوضني عن فقد ابوي وبعد اخواني لقيت واحد . . وش اقول لكن الحمدلله ربي فكني منه |
رد: ارد ع طليقي من نفسي ؟
اقتباس:
خليتوه يعايرني بعدكم عني خلا اي احد يستهتر فيني مو بس هو وكنت ابكي بحرقه راح اخوي الوسط بغى طول لسانه على طليقي.. طليقي ضعيف شخصيه وبغى اخوي يكفخه قدام اهله بس اخوه الكبير فك اخوي صارت مشاكل قووويه لكن الحمدلله ع كل حال |
رد: ارد ع طليقي من نفسي ؟
الله يفرج همك ويرزقك الزوج الصالح
|
رد: ارد ع طليقي من نفسي ؟
اقتباس:
الله يوفقك ويسهل امورك |
رد: ارد ع طليقي من نفسي ؟
ادا الازعاج منه كثير سكيه بلوك و ادا ما جاب فايدة غيري رقمك و لا وجع الرأس
انتي باين فيك أدمية و بنت عالم بس الظروف خليك كدا متجاهلتيه و ربنا يعوضك خير كملي دراستك و المرة الجاية خلي اختيارك يكون عدل مو مطلق كداب و تكتشفين دا بعد الزواج الله يستر عليك انتي و كل بنات المسلمين |
رد: ارد ع طليقي من نفسي ؟
عطي ابوك او اخوك خبر وعلميه بسالفة ما وراك رجال
وهو بيعرف وشلون يطرده طردة القطو هذا ماهو رجال ... |
رد: ارد ع طليقي من نفسي ؟
طنشيه وما تزعلي على شي راح اعتبريه درس بالحياة للمرة التانية
واي خاطب بيتقدم ومن بعد النظرة الشرعية اسألوا عنو كتير كتير وطليقك في حال ندمان ان شاءالله يكون تجربته معك علمته ويكون الو درس كرمال اذا اتزوج من اي فتاة مرة تانية ما يلعب فيها ويرميها الله يقدملك اللي بيستاهلك يرزقك السعادة من حيث لا تحتسبين احترامي |
رد: ارد ع طليقي من نفسي ؟
وَ عليكم الْسلام ورحمة الله وبركاته . . مرَّه لا تديه أي رد لأن هالشي ممكن ينحسب ضدك ويقول هيا تراسلني . فأنا اقترح تخلي أي حاجه يرسلها وتوريها لأحد من اخوانك وانو زاعجك وخليه يشوف الرجال ايش تسوي فيه . أو إذا هالشي يسببلك مشاكل مع اخوانك تديه بلوك . بس مره لا تديه أي رد حتى لو نُوقطه .. . الله يوفقك ويكتوبلك رجال يحس بقيمتك ويصونك .. |
رد: ارد ع طليقي من نفسي ؟
مشكورين كلكم بالاسم ماقصرتوا
ويعطيكم العافيه |
رد: ارد ع طليقي من نفسي ؟
اذا جوالك ايفون ادخلي على الإعدادات
ثم الهاتف ثم كلمة محظور اضغطي عليها واضغطي على إضافة جديد و ضعي رقمه كذا ماراح يوصلك من رقمه لا مكالمات ولا رسائل لا تردي عليه ينحسب عليك رد ضدك |
رد: ارد ع طليقي من نفسي ؟
ماعدت انا
مارديت ولا برد للاسف جوالي جالكسي مشكوره حبيبتي مشكورين كلكم اتمنى من المشرفات اغلاق الموضوع |
رد: ارد ع طليقي من نفسي ؟
ادعي اخر اليل
خلك قريبه من ربك وان شاء الله مايخيبك |
رد: ارد ع طليقي من نفسي ؟
يُغلق .........
|
| الساعة الآن 02:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©