|
زوجتي ضربت ابني - فطلقتها -
بسم الله الرحمن الرحيم
السلام عليكم ورحمة الله وبركاته البارح اتصلت علي زوجتي وقالت لي ابي اروح لبيت اختي وابي انام عندها ثلاث او اربع ايام وطبعا انا رفضت وانا اصلا مفهمها ان النوم برى ممنوع وخصوصا عند اخواتها مهما كان هذا بيت رجال غريب ومافيه حاجه للنوم برى لاني ماامنعها تروح لهم كل يومين تزورهم وهم يزورونها يعني يوميا ياانهم عندنا او هي تروح عندهم المهم لما قلت لها لا رفعت صوتها قلت تكلمي شوي شوي لاترفعين صوتك قالت انت تستهبل وقفلت الخط بوجهي وكنت وقتها بالدوام وكملت دوامي وانا كنت قاصد عشان اهدى وهي تهدي نفسها بعد ومايكبر الموضوع ولما رجعت البيت اسمع صوت العيال يبكون وانا برى ولما دخلت لقيت ولدي الكبير يبكي وراسه يصب دم طار عقلي وعلى طول اخذته للمستشفى وخيطوا الجرح الحمدلله المهم سألتهم وش فيه ومن ايش الجرح فـ قالوا لي ان الصغير يشرب عصير وانكب على الفرش وجت هي وضربته ولما شافه اخوه الكبير انها تضربه حب يدافع عن اخوه ومسكته ورمته على الجدار وجت الضربه على الراس فـ سألتها صحيح هالكلام قالت ايه كنت معصبه وصار اللي صار قلت اوك جمعي اغراضك وانتي من اللحظه حرمتي علي واخذتها ووديتها لبيت اهلها وحنا بالطريق تقولي بس ياليت تعجل بورقة الطلاق ماابي اتعلق مثل ماتعلقت من زوجي الاول قلت اوك اول يوم بالدوامات الرسميه كل شي راح ينتهي الغريب في الموضوع واللي خلاني اسوي هالشي طبعا غير ضربها للولد بهالشكل هو اني لما دخلت الولد يبكي وراسه دم وهي بالغرفه تتمكيج !!! ولا حتى اتصلت علي وقالت لي عشان اجي واوديه للمستشفى يعني لو تأخر مشكله الولد ينزف وهي ماجابت له خبر الحقيقه انا منصدم مدري وش الموضوع فعلا كانت قبل هالسالفه انسانه محترمه وانا كنت احترمها واحاول ارضيها بكل شي اقدر عليه لكن الحمدلله والشكر لله قدر الله وماشاء فعل تم تعديل العنوان ليتناسب مع المضمون |
رد: زوجتي ضربت ابني
هذي زوجتك الثانية
ياليت تأخذ تقرير من المستشفى عن ضرب ابنك وتشتكي الشرطة عليها خليها تتربى |
رد: زوجتي ضربت ابني
الله يهديها ...
الطق مع انه يعور القلب بنمشيه .. لكن ردت فعلها ... غير مباليه .. هذي القويه الله يصلح ما بينكم |
رد: زوجتي ضربت ابني
سبحان الله!
جذي فجأة؟! فجأة تنقلب ويظهر كل هالعنف اللفطي عليك .. والعنف الجسدي على اليهال؟!!! وعشان زيارة؟!! |
رد: زوجتي ضربت ابني
ياربي ياقسي قلبها!
اخوي الوحيد تذكر ردودي على موضوعك القديم الله لايعيد الشر؟ قلت لك وتكلمت مطولا محد بيحن عالعيال مثل امهم! ولا في وحدة غيرها بتكون امهم او تتصرف مثلها حتى لو خافت ربها فيهم وقلت ان زوجة الاب لو كفت شرها حتى لو ماجا منها خير فكفاية وكثر الله خيرها ويعطيها العافية سواء بقيت عليها ولا تزوجت غيرها خلهم تحت عينك ولا تعتمد على احد اذا زوجتك ماعابها الا هالمشكلة افصل عيالك عنها وعيشهم بدور وهي بدور سواء هي ولا غيرها افضل لك وافضل لهم الله يسهل عليك ويوفقك يارب |
رد: زوجتي ضربت ابني
.................
ترميه بالجدار وين الرحمه!! هل نويت طلاقها لما قلت تحرمين عليه؟ اجل لو انها مخلفه منك وضامنه مكانه كان اش سوت فيهم؟؟!! |
رد: زوجتي ضربت ابني
لا حول ولا قوة الا بالله..
صراحة لو كنت مكانك كنت كسرت عظامها قبل لا اطلقها .. مدري شلون مسكت اعصابك.. |
رد: زوجتي ضربت ابني
لا حول ولا قوة الا بالله .... اتمنى يا خوي انك تسال عيالك هل هذي المرة الوحيدة اللي انضربوا فيها ؟ عشان تتلاحق نفسياتهم ..
ثانيا فعلا ما اعرف كيف أُوصِّف هالانسانه ،. لا حول ولا قوة الابالله ،،،،،،،،،،،،،، ربعا ،. خذ لك فتره مع عيالك اخي الوحيد نفسياتهم اكيد اكيددددد تعبانه لا اله الا الله والله انها وحشية الحمدلله الذي عافانا ممن ابتلاهاو فضلنا على كثير ممن خلق تفضيلا،،،، |
رد: زوجتي ضربت ابني
لا حول و لا قوة الا بالله العظيم
حتي المشكلة اكبر من زيارة اختها العيال وش ذنبهم |
رد: زوجتي ضربت ابني
طول ما انا وعم اقرأ بالموضوع
وانا اتخايل انو ضرب غير مبرح وعم حاول اعطي مبررات لها وممكن ظروف لانو اوقات الام بتفقد اعصابها وممكن تغلط وتضرب ولدها عالخفيف فما رح تكون زوجة الاب معصومة عن هالشي اما تشوف ابنك عم ينزف من راسه وهيي عم تتمكيج بكل برودة اعصاب هون اعجز عن الكلام ولا تعليق .... ما بقدر الك شي الا انتبه لاطفالك وخاصة بهالموقف الصغير والكيبير اتعرضوا لاسوأ انواع العنف المعنوي قبل الجسدي الله يحميلك ياهن من اي سوء احترامي |
رد: زوجتي ضربت ابني
مع مهرة في كلامها
جذي فجأة ؟!!!!!!! معقولة ما فيه مقدمات ما شفت منها شيء قبل هذا! |
ما أردت إيصاله منذ أول مشاركة قرأتها لك.
احفظ الله يحفظك . |
رد: زوجتي ضربت ابني
اقتباس:
لا ماراح اصعد الموضوع للشرطه كرامه للعشره وكرامه لاخوها صاحبي |
رد: زوجتي ضربت ابني
اقتباس:
|
رد: زوجتي ضربت ابني
وحيد معقوله بيوم وليله تغييرت
وانت الله يهديك كان فهمت انه زوجتك محتاجة تبعد هي ماقصرت وارسلت لك ابي اقعد عند اختي الام وهي ام تطلع من طورها فما بالك من زوجة اب مفروض لما طلبتك وحسيت انها مضغوطه يااما طلعتها لاهلها تغيير جو او انت وياها طلعتوا شقق فندقيه يومين بعيد عن الصغار وانت تزوجتها وع اساس ان ام عيالك ع ذمتك وانت جبت عيالك عندها بدون رضاها والله اعلم يعني صعببه بداية الزواج وتشيل هم تربية اطفالك ماتهنت كلامي مايبرر غلطتها بس احاول استنتج اسباب فعلتها ويمكن الضغط النفسي تكون حامل ويمكن هي ماكانت تدري انه راسه ينزف يمكن تحسبه ضرب عادي هي غلطت وغلطتها كبيره بس حاول تصلح الاسباب الي ادت للضرب والانفعال ولاتطلق يالوحيد انتبه انت تحملت طليقتك وهي سوت الاسوء الله يؤاجرك ادري انه شي صعب ومصيبه استخيير وابحث عن السبب اخاف يكون انت مضايقها |
رد: زوجتي ضربت ابني
اقتباس:
يعني انا حتى بالكلام مااحب اجرحها وحتى اني قبل كم يوم كتبت موضوع عن كثرت الكلام وكان فيه اعضاء يقولون قلها اسكتي بكل بساطه وانا كنت مستصعب قولت لها اسكتي لاني ماابي اجرحها باي كلمه لكن مع هذا احتمال ان فيه شي بقلبها علي من تصرف او كلمه ممكن قلتها وانا مدري لكن حتى لو فيه وش دخل العيال باللي بيننا وانا الحقيقه مااخذت واعطيت معها بعد ماشفت هالمنظر على طول اخذتها ووديتها لـ اهلها |
رد: زوجتي ضربت ابني
اقتباس:
اختي ساعات الظروف تجبرك على شي غصب وصعب اني كنت اتزوج واترك عيالي هم يبي لهم اراعيهم ونفس الشي زوجتي ولكن خلاص قطعت عهد على نفسي زواج مافيه خلاص الا اذا كبروا عيالي |
رد: زوجتي ضربت ابني
اقتباس:
فيه كثير حريم فيهم خير واهل صلاح وكثير اطفال عايشين مع زوجة ابوهم وعايشين احسن عيشة |
رد: زوجتي ضربت ابني
اقتباس:
وحرمتها على نفسي حرام امي علي |
رد: زوجتي ضربت ابني
كيف يفصلهم بدور ياافانيتي
اطفال يتركهم لاطبعا ليش ماتتركهم مع امهم افضل لها ولهم |
رد: زوجتي ضربت ابني
اقتباس:
الرجال بمصيبة وتوه ماتمم طلاق! الله يهديك!!! |
رد: زوجتي ضربت ابني
الوحيد هي غلطت بس افهم السبب اول
حاول تادبها هالفتره انت محتاج حرمة فليش طلقتك وترى كلمة تحرم علي حرام امي ماتجوز اطلاقا انا سمعت الشيخ المطلق يقولها الا تنطق بلفظ الطلاق الوحيد هدي نفسك شوي وزوجتك فيها حسنات وهذي غلطتها وان شاء الله درس لكم |
رد: زوجتي ضربت ابني
اقتباس:
|
رد: زوجتي ضربت ابني
اقتباس:
|
رد: زوجتي ضربت ابني
اقتباس:
لكن خلاص راح افرغ حياتي كلها لهم هم راس مالي وكل شي لي |
رد: زوجتي ضربت ابني
اقتباس:
|
رد: زوجتي ضربت ابني
........
وانا جالس احنن قلب لكم الله يسهل عليه بس صدق الحين حتى لو تصالحوا صعب يأمن عياله عندها |
رد: زوجتي ضربت ابني
اقتباس:
|
رد: زوجتي ضربت ابني
حسبي الله على كل من يأذي طفل
حرام عليها الولد أيش ذنبه ؟! ناس تتمنى طفل وناس تضرب طفل هذي حرام عليها تكون أم لا تطلقها مهما كان هم يحتاجون أمهم |
رد: زوجتي ضربت ابني
اقتباس:
ولكن الله يهديها خربت كل شي سوته |
رد: ما أردت إيصاله منذ أول مشاركة قرأتها لك.
اقتباس:
|
رد: زوجتي ضربت ابني
لا حول ولا قوة ألا بالله
غريبة كذا بلحظة تغيرت من إلى؟! ربي يعوضك خير ويسخر لك وللعيال |
رد: زوجتي ضربت ابني
انت الآن غضبان جدا
استهدي بالله وتعوذ من ابليس الأمور ما تنحل هكذا الطلاق بسهولة وكذلك في لفظ ظهار لها حكم آخر هي أخطأت وأنت تسرعت الله يكتب لك الخير ..ويصلح بالكم |
رد: زوجتي ضربت ابني
فعلا حكمها ظهار وتلزمك توبه وكفاره
|
رد: زوجتي ضربت ابني
اقتباس:
ويمك هي مالها ذنب تتحمل عيال ماهم عيالها ولكن انا بالنسبه لي زواجي مربوط بعيالي يعني لو ادري اني بجلوسي طول عمري بدون زواج يكون راحتهم راح اسويها وفعلا هذا اللي راح يصير ان شاءالله حتى يكبرون ان شاءالله ولكن اختي السؤال وش دخل العيال حتى لو كنت مضايقها والا وش ماسويت العيال اطفال مالهم ذنب مع العم انها ماشافت مني الا كل خير وبالنسبه للنوم برى اختي كيف تبيني اخليها تنام عند اختها مهما كان زوج اختها رجال غريب يبي ياخذ راحته ببيته وهي اجنبيه بالنسبه له تقعد عندهم بالايام وبيتها موجود وخصوصا انها تشوف اهلها يوميا اما الطلاق خلاص وقع وانتهى الموضوع |
رد: زوجتي ضربت ابني
اقتباس:
|
رد: زوجتي ضربت ابني
اقتباس:
لكن اذا ارجعها فإنه يلزمه كفارة |
رد: زوجتي ضربت ابني
اقتباس:
|
رد: زوجتي ضربت ابني
اقتباس:
اقصد ليش ماطلعتها بشقه يومين ترتاح ع الاقل هي ادرى بنفسها كانت حاسه بضغط انا اقولها من تجربه اوقات اتعب واغير اطلع بفندق يومين ارتاح منها تغيير جو البيت وتجديد الطاقه عند عودتي خصوصا لما انضغط ترى الاطفال حملهم صعب انا اتعب مع طفلي وعمره سنتين واربع شهور فما بالك بثلاث اطفال مادري اربعه واكيد فيهم شقاوه اسمع منهم وخذ منها عهد ماتعاودها وخلي اهلها ع علم بذلك |
رد: زوجتي ضربت ابني
الوحيد شوف مصلحة اطفالك وين معك ام مع امهم
اعتقد اطفالك حرام يبتعدون ع امهم وهم بهالعمر |
| الساعة الآن 12:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©