|
كيف اقنع أهلي بالنوم في بيتي عند غياب زوجي؟
السلام عليكم ورحمة الله وبركاته
استشارتكم ان شاء الله تفيدني زي مااحنا متعودين الفائده منكم انا ساكنه الدور الاسفل وفوق اهلي وزوجي يسافر اسبوعين او اكثر ويرجع وهكذا سؤالي لو صرت ابات في بيتي مع عيالي صح اللي راح اسويه او غلط اولازم نومي يكون عند اهلي اهلي شايفينها جريمه ومالي حق حتى اناقش فيه ممكن تفيدوني كيف اتصرف تم تغيير العنوان ليتناسب مع المضمون |
رد: كيف اقنع أهلي بالنوم في بيتي عند غياب زوج
وش وجهة نظرهم اهلك
ليش رافضين اذكر زمات لما سكنت في بيتي كات يصير معي مثلك اذا سافر زوجي رحلة عمل قالوا اهله لا تجلس لحالها مع العيال و اذا رحت لهم تضايقوا من ازعاجهم و صاروا مثل الي محمليني جميل صرت اطنش و ما اروح حتي تعودوا و سكتوا |
رد: كيف اقنع أهلي بالنوم في بيتي عند غياب زوج
العكس حقك أقل مافيها وقت النوم ترتاحين ببيتك وتقدرين تنظمين نوم عيالك وحياتهم أفضل بكثير من بيت اهلك عشانك وعشانهم.
|
رد: كيف اقنع أهلي بالنوم في بيتي عند غياب زوج
كم عدد اطفالك الله يحفظهم ؟ وكم أعمارهم؟ ليه اهلك يشوفوها جريمة! جربتي تطلبين من اخواتك يباتون عندك؟ |
رد: كيف اقنع أهلي بالنوم في بيتي عند غياب زوج
اقتباس:
ونفس اللي يصير معك لو جلست عندهم ينزعجون من اطفالي وبنفس الوقت محرومه راحتي جلستي عندهم تعبت صحتي كل شي يحاسبوني عليه وكل كلمه بانتقاد ونوم عيالي مافيه انتظام بما انهم يسهرون ماشاء الله مااقدر امنعهم براحتهم بس برضو لي حق انظم نوم عيالي وارتاح انا رفضهم ماله اي سبب او مبرر بسرعه يعصبون او يتعذرون بالخوف |
رد: كيف اقنع أهلي بالنوم في بيتي عند غياب زوج
اقتباس:
تعبت والله |
رد: كيف اقنع أهلي بالنوم في بيتي عند غياب زوج
اقتباس:
قام البيت ولا قعد الوالده منعت اختي وقالت قفلو الموضوع نهائي وحتى زيارتها لي واننا نجلس في بيتي لو شوي تزعل مرررررا تقول زوجك مو موجود خلاص انتهى انتي عندنا اما جلسه او نوم تحت مافيييه |
رد: كيف اقنع أهلي بالنوم في بيتي عند غياب زوج
قولي لهم اريح لكم ولي وخذي معك وحده من خواتك تونسك بالبيت أو من اخوانك.
|
رد: كيف اقنع أهلي بالنوم في بيتي عند غياب زوج
ابي ارتاح
اطفالي بدأو يكبرون وحتى صاير وزني في نزول من التفكير والتعب النفسي مالي اي خصوصيه بغياب زوجي كل شي ممنوع وبلا اي نقاش لي الحق او لا ابيكم بس تفهموني عشان اقدر اتخذ موقف بدون ندم او تأتيب ضمير اهم شي يكون صحيح وعلى حق |
رد: كيف اقنع أهلي بالنوم في بيتي عند غياب زوج
اقتباس:
مو في حي ثاني او منطقه بعيده ت ح ت وهنا المشكله وييين الخوف مو فاهمه |
رد: كيف اقنع أهلي بالنوم في بيتي عند غياب زوج
ف نفس البيت يعني ؟
اذا كيذآ ليش الخوف نامي ف بيتك اريح لك ولآطفالك لو توك عروس او عندك طفل واحد بقول اوووك بس تقولين اطفال وبدأو يكبرون واهلك ينزعجون نامي ببيتك حبيبتي وتكلمي مع اهلك بهداوة ،، |
رد: كيف اقنع أهلي بالنوم في بيتي عند غياب زوج
جربي قولي لزوجك يكلم امك ويقنعها يارب توافق.
|
رد: كيف اقنع أهلي بالنوم في بيتي عند غياب زوج
خذي الأذن من زوجك انك تكونين في بيتك. اذا هو وافق خلاص.
تراهم فوق، يعني اي طارئ الا وهم عندك الفاصل بينكم درج والا باب ماله داعي هالخوف وماله اي مبرر دامكم في نفس الفيلا |
رد: كيف اقنع أهلي بالنوم في بيتي عند غياب زوج
انا كلمت زوجي
بالعكس هو وافق ماعنده مانع |
رد: كيف اقنع أهلي بالنوم في بيتي عند غياب زوج
انت بالطابق السفلي لواجا حرامي بيختصر الطلعة لفوق وبيسرقك ويخطفكو
.لهيك اهلك خايفين . . . . . معلش بمزح بدي اضحكك شوي صراحة موقفهم غريب قولي لجوزك هوةالمسؤول معك حق بكل الي قلتيه ..... حقك راحتك وتربية ولادك وتنظيمهم موفقة |
رد: كيف اقنع أهلي بالنوم في بيتي عند غياب زوج
حرصهم زايد بصراحه، لانكم في بيت واحد فما فيه داعي لهالخوف..
عموما، انا عندي لك حل طيب.. اتفقي مع زوجك على الموضوع وبلغيه انك بتقولين لاهلك انه رافض انكم تطلعون فوق عند اهلك فترة غيابه بسبب ان الاولاد صايرين مزعجين وما يخلونكم ترتاحون.. قولي لهم زوجي رفض مره لما عرف ان الاولاد يسوون ازعاج.. |
رد: كيف اقنع أهلي بالنوم في بيتي عند غياب زوج
ليه ملزومة تقنعينهم اصلا اذا كان الموضوع بالاتفاق مع زوجك??
الشي هذا لك ولراحتك وتعبك وحياتك متعلق فيك انتي بالدرجة الاولى اذا شورك بيد نفسك وزوجك وهو ماعنده مشكلة ماينفع اي شي يخصك تروحين تشاورين فيه كل احد لانك بتتشوشين وبتضيعين وتتخبطين حتى لو مانفذتي لما يجيك مليون راي وسوي لاتسوين بالنهاية كل واحد بيقيسها على نفسه وقدراته وظروفه وبيعطيك رايه بناء عليها بالتوفيق |
رد: كيف اقنع أهلي بالنوم في بيتي عند غياب زوج
اقتباس:
ما ممكن أحد من أهلك يأتي لينام معك مثل اخت أو أخ؟ |
رد: كيف اقنع أهلي بالنوم في بيتي عند غياب زوج
اقتباس:
خلوهم في بيتهم ياخدوا راحتهم اكثر بيستحوا من زوجك بالاخير هو صاحب الكلمة عليك |
رد: كيف اقنع أهلي بالنوم في بيتي عند غياب زوج
أهلك حريصين عليك ويحبونك وقلبهم عليك بزيادة
الله يخليهم لك .. تفاهمي بالهداوة مع مامتك وقولي لها تجي عندك لو حابة .. وإذا لزمت ما يخالف تحملي هذي الغالية والأهل مامنهم زعل ولا حرج حتى لو نقدوك وعاتبوك .. هذول أهلك اللي تعبوا فيك وكبروك نفس ما تسوين الحين بعيالك .. يا غاليتي مدري ليش البنت قبل تتزوج اهلها يمونون عليها والحياة حلوة مع إن العتب والنقد أكثر مما بعد الزواج وإذا تزوجت تتحسس منهم .. هم مايتغيرون علينا الأهل ..بس إحنا اللي نفوسنا تتغير وماعاد نتحمل منهم شي .. الله يهدي النفوس |
رد: كيف اقنع أهلي بالنوم في بيتي عند غياب زوج
اخواتي عند اول مولود يبطلون يجون وقت سفر ازواجهم ..
والطريقة انهم يماطلون لحد مايجي الليل بعدين يقولون عادي بننام وبكره ان شاءالله نجيكم وهكذا بعد ليلة او ليلتين يقولونها بالوجه لامي انه اريح لنا وانتم قريبين من عندنا والاولاد يزعجونكم ويخرب نظامهم الخ .. بس صاروا يخلون السواق يجيبهم مثلا وقت العصر والمغرب من كل يوم نقريبا يعني قهوة مع الاهل وعشان ماياخذون بخاطرهم .. انتي ماسويتي شيء غلط ليه تخافين ! قولي حمدلله انتم قريبين والابواب اقفلهع كويس واريح لي واريح لعيالي اذا نمنا ببيتنا ghg |
رد: كيف اقنع أهلي بالنوم في بيتي عند غياب زوج
غريبه دامك بنفس العماره ليش يمنعونك
تجلسي في بيتك من حقك تجلسي في بيت زوجك افضل واريح لك ولاطفالك طيب اقضي النهار كله عندهم وبالليل انزلي بيتك قولي ماابغى ازعجكم بالاطفال خاصه انهم يسهروا |
رد: كيف اقنع أهلي بالنوم في بيتي عند غياب زوج
أهلكِ يبالغون جداً! وحقيقة لا يستوي الخوف عليكِ والإصرار على المبيت عندهم .. مع التنغيص عليكِ والتذمر من أبنائكِ!! على كل حال موقفكِ صحيح تماماً .. ولو كان أهلكِ خائفين عليكِ فليأمّنوا مداخل البيت جيداً. |
رد: كيف اقنع أهلي بالنوم في بيتي عند غياب زوج
ماعندنا حرمة تسكن لحالها لازم رجال يكون معاها اسمعي كلام اهلك ولا تعانديهم
|
رد: كيف اقنع أهلي بالنوم في بيتي عند غياب زوج
اقتباس:
لكن الاخت ساكنه بنفس البيت بالدور الاول واهلها فوق _ايش يمنع تجلس في بيتها وقت غياب زوجها ؟! _ وايش يمنع تتطلب من اختها تجلس عندها ؟! |
رد: كيف اقنع أهلي بالنوم في بيتي عند غياب زوج
اشكر كل من رد علي
الله يوفقكم وينولكم كل اللي تتمنونه .. لازلت متردده وخايفه افتح النقاش مع الوالده لاني امس سهرت مع اختي في بيتي ماجت الساعه 1 والا جائت الاتصالات لين متى يالله اطلعو😯 هذا من اولها الموقف هذا خلاني اشيل هم اكثر الله ييسر الامور |
رد: كيف اقنع أهلي بالنوم في بيتي عند غياب زوج
اقتباس:
_ هل والدك موجود ؟! |
رد: كيف اقنع أهلي بالنوم في بيتي عند غياب زوج
اختي الكريمة
تبغي تعرفي السبب لرفض والدتك ان تباتي عندهم وقت ما زوجك يسافر لما تكبري وتزوجي بناتك باذن الله وازواجهم يكونوا مسافرين وقتها حتعرفي خذي القصه الواقعيه الصغيره هذه في واحد متزوج ساكن عند ابوه في شقه منفصله ومره خرب عليهم دش التلفزيون وطلع السطوح في عز الظهر في عز الحر يصلح الدش ابوه شافه وجالس يصيح عليه يا ولدي انزل يا ولدي انزل جيب واحد يصلح لك الدش واخونا في الله مو راضي يسمع كلام ابوه قام ابوه دخل بيت ولده وجاب حفيده الرضيع وطلع واياه للسطوح عند ولده العنيد لما شاف الزوج العنيد ان ابوه جاب ولده الرضيع للسطوح في عز الشمس الزوج قام نزل بسرعه ويقول لابوه حرام عليك تعذبني بولدي رد الاب عليه زي ما تحرق قلبي على خوفي عليك حبيت احسسك كيف الخوف على الضنا مهما كبر الولد او البنت واتزوجوا وخلفوا يضلوا صغار في نظر ابهاتهم وامهاتهم ويخافوا عليهم اللهم احفظنا لامهاتنا واباءنا واحفظ امهاتنا واباءنا لنا اللهم ارزقنا برهم يا رب ودمتم في حفظ الرحمن |
رد: كيف اقنع أهلي بالنوم في بيتي عند غياب زوج
ان مع فكرة انه اذا سافر مره ثانيه لاتعطينهم خبر إلا بعد كم يوم ومع الايام بيتعودون.
|
رد: كيف اقنع أهلي بالنوم في بيتي عند غياب زوج
اقتباس:
صحيح كلامك ميه باليه ومقتنعه فيه وقلبي مو مطاوعني اساسا اسوي هالشي لكني اتخذت قراري بسبب ضغط مريت فيه لفتره طويله نحملت وتحملت لين بدأ يبان علي في صحتي صرت ابي اخفف عليهم حملي الثقيل صرت انزل وقت الغدا انا وعيالي اطبخ لهم وااكلهم وبعدها يكونو روقو ف اطلع عندهم عارفه تفكير الاهل وخوفهم واكيد اني حاسه بما انه عندي عيال الحمدلله لكن مين يتحمل التضييق والكلام من كل جهه صرت احس اني ثقيله احاول اتبع نظام اقلل فيه جلستي عندهم ابتعادا من المشاكل واني اسمع كلمه جارحه الوالدين على راسي وعادي لو سمعت اي شي لكن الاخوان اللي يجي منهم جروح تهد الحيل ترى. قصتك بجد أثرت فيني اكثر الله يرزقنا بر والديننا يارب جزاك الله خير |
رد: كيف اقنع أهلي بالنوم في بيتي عند غياب زوج
ما ألومك اللي جرب هالموقف هو اللي بيحس فيك
وماعليك من اخوانك واخواتك دام اهلك اللي مصرين انك تبقين عندهم وانا مع الاخوات اللي قالوا لا تعلميهم بسفر زوجك وترى اخوانك واخواتك مهما قالوا يضلون من لحمك ودمك وهالاطفال الله يصلحهم يبيلهم طولة بال وتحمل وحتى الاهل احيانا يتذمرون من اطفالهم فما بالك خوالهم وخالاتهم خصوصا لو كانوا لسه ماتزوجوا وجربوا يحسوا نفس احساسك |
| الساعة الآن 08:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©