|
راتب الموظفة .. هل للزوج حق فيه؟
السلام عليكم ورحمة الله وبركاته
سؤالي لكم ... لو توظفت الزوجة هل تعطي للزوج نصف الراتب مثلا لانه سمح لها بالخروج للعمل ؟ كيف يتم التفاهم على هذا الأمر مع العلم ان عملها بالبيت كاااامل للموظفات . أتمنى تفيدوني كيف تتفاهمون مع ازواجكم على هالراتب |
رد: راتب الموظفة .. هل للزوج حق فيه؟
اميرة وين الخروج قلتي بتشتغل في البيت
وش طبيعة الشغل و هل ايراداته تساوي ايرادات وظيفة |
رد: راتب الموظفة .. هل للزوج حق فيه؟
أهلا هاجر
بدأت في العمل في مركز تخفيظ يومين بالأسبوع فترة المساء . و الراتب جيد بالنسبة ليومين يعتبر ربع راتب زوجي لكني تفاجات فيه يقولي يريد طريقة مساهمة قلتله مصاريفي اتمفل فيها واكيد ان طلعت باخذ لبنتي و لو ظرف طارئ بساهم . لكنه يقول ادفع له نص الراتب مساهمة مني قلتله طيب اعطيك الربع ووتحطه بجهه بدون ما تخلطه بفلوسك وفي حال شرينا بيت او احتجنا لشي تدفع منه . يعني ما يخلطه بفلوسه يقول .. لا مااريد شي بذمتي وكاني مدين احطهن بحسابي و كيف ما صرفتهن كنت متحمسة جدا اداوم فترة الصبح 5 ايام .. ووراتبي راح يكون مساوي لراتبه .. لكن بعد كلامه كنسلت . شو الفايدة اطلع من الصبح و ادفع لحضانه بنتي و ارد اطبخ و اشوف امور البيت و هو ياخذ نص الراتب شو بيبقى لي .. و ليش هالكرف يكفيني يومين اشوف الناس و اطور من قدراتي و اخذ شهادة خبرة . |
رد: راتب الموظفة .. هل للزوج حق فيه؟
حاول معاه باللين قولي له انا مستعددة اساعدك واعينك لكن باني اعطيك فلوس ما اقدر
لكن بتكفل بمصاريف نفسي واساهم في مساعدة الاسرة |
رد: راتب الموظفة .. هل للزوج حق فيه؟
جربي تكلمينه بصراحة انه هو مو بحاجة لهالمبلغ .. والشيء الثاني قوليله مافي مشكلة اعطيك الريع لكن بشرط دفعك لمصروفي ومصروف البنت ..
ولو رفض الله يعينك صراحة انتي اللي تتعبين وهو اللي ياخذ منك وهو مرتاح ! |
رد: راتب الموظفة .. هل للزوج حق فيه؟
خليك علي موقفك مصاريفك الشخصية و اذا اشتريتي لبنتك و بس و كذا بتكوني بتساعديه
و يومين بالاسبوع ما يعتبر غياب و تقصير |
رد: راتب الموظفة .. هل للزوج حق فيه؟
قلتله انه مب محتاج وحالتنا ميسورة
يقول يعني لو احتجت بتساهمي . مااريد هالطريقة و قال .. ان كنت ما بعطيه بنفس طيبة فراتبي لي لكن في حال السفر او احتجت علاج او مستشفى ما يخصه فيني . الحين محتارة طيب لو عطيته .. بصراحة ما تعجبني هالطريقة .. و اعرف اني ممكن اشل بقلبي و يقل مقداره عندي و ما عاد اامن له مرة 2 اصلا من البدايةةاختي نصحتني اقوله انه راتبي اقل من اللي اخذه ب500 لكن خبرته لانه زوجي و ما خبيت شي لكنها ااااخر مرة باذن الله |
رد: راتب الموظفة .. هل للزوج حق فيه؟
ماأريد نفوسنا تتغير من هالمبلغ
وشغلي في بيتي كااامل . اصلا هالوقت اللي اروح للدوام هو وقت فرااغ عندي . بس هو يقول الموظفة لازم تساهم . طيب مصاريفي تتضمن ملابسي وكريماتي وو شو عن الاعياد ؟ |
رد: راتب الموظفة .. هل للزوج حق فيه؟
اختي كم راتبك
وكم راتبه زوجك بدون وظيفة بخيل؟ |
رد: راتب الموظفة .. هل للزوج حق فيه؟
مااحب اذكر الرواتب
امممم لكن بذكرها راتبي 2000 راتبه 7000 لكن حالتنا ميسورة . زوجي حريص .. يدفع للشي المهم و اللي يقتنع فيه الفترة الاخيرة علاقتنا تحسنت واشترا لي تلفون نوت5 . ودفع لي جلسات الليزر لكنه بشكل عام حريص و كسوول يعني الملابس تقريبا ثياب العيد وولو في مناسبات .. بشكل عام انا ما اتشرط ولااثقل عليه |
رد: راتب الموظفة .. هل للزوج حق فيه؟
هو ما يهتم باموري واايد
يعني مشروعي ما اعطاني اي شي .. ما فكر كيف ابدا و من وين راس المال اهلي اللي عطوني .. طبعا هذا قدامه بس بالاساس عندي مبلغ عند اهلي مخليته للضرورة .. |
رد: راتب الموظفة .. هل للزوج حق فيه؟
ماله حق يااخذ من راتبك وعلى حسب مواضيعك انتي ساكنه في بيت أهل زوجك يعني زوجك حتى ما يدفع اجار ..
احسن لك تشيلي جزء من راتبك واتجمعي لسكن مستقل ان شاء الله في المستقبل او حتى تجمعي لمبلغ يكون أمان لك في المستقبل ولا تخبريه .. |
رد: راتب الموظفة .. هل للزوج حق فيه؟
لا ما له حق.
خليك على رايك |
رد: راتب الموظفة .. هل للزوج حق فيه؟
كفايه تشيلين مصاريفك اذا يبي اكثر من كذا ماله حق بالمره ..
وإذا كان حريص ومو سخي وانتي مابيدك فلوس بيصير سخي وانتي معك ؟ ريحي راسك وكبري مخدتك هالوضيفه اللي بتتشحططين فيها وبيصير ربع الراتب لزوجك وجزء لحضانة بنتك ومصروفك وبتسبب لك مشاكل مع زوجك وحرصه بيزيد ☺ و راتبها اصلا مو جايب همه ... طالما انه مقتدر ماديا ريحي واعتمدي عليه الا لو حصلتي وضيفه راتبها يسوى .. |
رد: راتب الموظفة .. هل للزوج حق فيه؟
الله يعين على هالدنيا مااحد مرتاح
|
رد: راتب الموظفة .. هل للزوج حق فيه؟
بس واخزياه 2000 ويقول ساهمي والله عيب
يكفي شايله نفسك وبنتك وحضانته واخزياه بس |
رد: راتب الموظفة .. هل للزوج حق فيه؟
الله يعينك ويهديه لك ويسخره
|
رد: راتب الموظفة .. هل للزوج حق فيه؟
اقتباس:
توقعته راتبه4000 لكن راتبه ممتاز ماشاء الله انتي اساليه هل فعلا هو بحاجة مرتبك خاصة انك مو مقصره معاه بشيء واذا بياخذ بياخذ قولي اتوظف الصباح احسن لي توظفي الصباح واقبضي شيء عليه الكلام منها تقدرين تجمعين ومنها تقدرين تعطينه الله يكون بعونك وبهديه |
رد: راتب الموظفة .. هل للزوج حق فيه؟
اقتراح ( غطيه 500)
قولي له مصارفي الترفيهيه علي طلعات بنات وكذا بس ملابس ومستشفى وجوال عليك وخبريه ان خروجك مو كثير ، وأساسا ألفين مو شي عشان بفاصلك فيها |
رد: راتب الموظفة .. هل للزوج حق فيه؟
أميرة تسافرون كثير؟ معدل كم مرة في السنة؟
والعلاج والمستشفى .. عندك امراض لا سمح الله تحتاج متابعة مستمرة ولا بس جلسات ليزر |
رد: راتب الموظفة .. هل للزوج حق فيه؟
مشكووورين كلكم عالردود
سحابة لا ماااا نساافر الا كل سنتين او 3 لليمن .. و نظرا للظروف الحالية فما راح نسافر . لكنه يقصد لو اريد عمرة مثلا . المستشفيات الحمدلله اتعالج حكومي لكن احياانا نمر عالخاص لو مالقينا حل بالحومي حاليا مرتبطة بالليزر فقط وندفع بعد للولادة تقريبا عشرة الاف .. فلو وافقت ممكن يخليني ادفعها |
رد: راتب الموظفة .. هل للزوج حق فيه؟
طيب .. هالشهر عطوني 1000 فقط لاني داومت من نص الشهر
سالني قبل كم من يوم عطوج الراتب قلتله هيه و خبرته المبلغ قال وين مالي ؟ قلتله ليش مالك و انا ماخذه الامر مصخره المهم شاف الظرف اخذ الورقة وطلع وما كنت موجودة بالبيت بالليل رد وهو صارف منها 200 خذت الباقي وخبيته وبعده يسالني وين فلوسي ؟ واليوم يكلمني انه جاد بسالفة الفلوس ادري زوجي مب محتاج ..و احس باسلوبه انه استغلال راح احاول اني اعطيه مبلغ سواء 500 او 1000 ويلتزم بمصاريفي وباقي الفلوس اسوي فيها شو مااريد . و دوام الصبح كنسلته . ما راح اعور راسي واخرب بيتي ومشروعي راح اكمله وما راح اعطيه اي تفاصيل للطلبيات . و باذن الله اي مبلغ يتجمع عندي راح احطه عند اهلي . |
رد: راتب الموظفة .. هل للزوج حق فيه؟
زوجك استغلالي .. لا تعطيه ..حتى لو اضطريتي تخلي الوظيفة . يكفي انك تصرفي على نفسك
...ومشروعك لا يدري عنه ابدا وهذا درس لك عشان ما تعلميه بالتفاصيل لأنه أساسا شغلك من البيت .... أما مسألة أنه إذا ما اعطيتيه مو ملزوم بالمستشفى والسفر وغيره قولي له حتى أنا إذا ما وفرت لي هذي الأشياء ماني ملزومة اطبخ لك أو اغسل ملابسك وغيره .. المشكله انه حاسدك على 2000 ليت أنه راتب عليه القيمه .. أنا مع مساعدة الزوج إذا كان راتبه قليل جدا وفي نفس الوقت يكون يستاهل ... مو أرمي فلوسي لواحد استغلالي بكره يجمعها ويصك رأسي بمصيبة.. |
رد: راتب الموظفة .. هل للزوج حق فيه؟
اذا في عقد الزواج اشترطتي عليه وظيفتك فماله حق في هلله
ااذا اعطيتيه بطيب نفس انتي حره اذا لم تشترطي العمل في عقد زواجك وبعد الزواج وافق تعملين واشترط عليك نسبه او مبلغ ووافقتي فعليك الالتزام سددي لاهلك الفلوس الي بديتي فيها مشروعك من الاشياء الي تجعل الرجل راغبا في المرأه مالها هذي نزعه عند بني ادم يبون مال المرأه كان الله في عونك وبالتوفيق |
رد: راتب الموظفة .. هل للزوج حق فيه؟
اجل اقفلي الباب من اول راتب ولاتفتحين على نفسك باب ماراح ينقفل
وبتلاقين نفسك تدفعين كللل شي .. ساهمي باللي تقدرين عليه من كماليات لنفسك لبنتك لبيتك حابه تهدينه لكن تحطين مبلغ في يده لااااا دام قال اذا مابتعطيني بنفس طيبة ،، قوليله اي والله النفس مو طيبه لو الراتب اكثر ما عندي مانع لو انا محتاجين من عيوني لو بقصر في بيتي وبنتي ممكن ادفع النص لكن بس لأني توظفت ادفع النص مش منطقي ابدا. ومن الآن ادخري شي من الراتب ولا يدري عنه ،،خبيه عند امك ولا اذا تقدرين تفتحين حساب ما يدري عنه أفضل . |
رد: راتب الموظفة .. هل للزوج حق فيه؟
لو قال لك تشاركين في جزء في راتبك للبيت ككل فما فيها شي
و لكن يأخذ نصف راتبك لنفسه فهذا استغلال طبعا و لا ترضي بهذا الشيء و بلا هذا العمل عموما الشرع يقول النفق عليه و انت تقري في بيتك ما عدا هذا يخضع للاتفاق الا لو كنت شارطة العمل في العقد |
رد: راتب الموظفة .. هل للزوج حق فيه؟
سحابة
هذا رأيي اني اساهم بمصاريفي وكماليات بنتي . لكن هو يريد مبلغ واحسه استغلال . من اول ما وصل اتبي و هو يقول وين فلوسي ومن صدقه ماخذ للفلوس وصارف منها . هادي ... هو فقط يدفع ايجار البيت مصاريف البيت ابوه ما يقصر و عنده شغل اضافي لو ما رضيت اعطيه مبلغ راح يعورني راسي وكل شوي ادفعي و ادفعي و ان عطيته حسيت باستغلال و بيطيح من عيني و بنفس الوقت لو يرضىةاعطيه وكل مصاريفي عليه اكون افتكيت من عوار الراس لكن ممكن كل شوي يقول ادفعي سوا جلسات الليزر او غيره |
رد: راتب الموظفة .. هل للزوج حق فيه؟
حبيبتي ريحي راسك واقعدي بالبيت ودلعي نفسك وخليه يصرف عليك زوجك من الرجال اللي مايصلح أن زوجاتهم يتوظفون ابد.
نصيحه من القلب اتركي هالوظيفه إذا أولها كذا. |
رد: راتب الموظفة .. هل للزوج حق فيه؟
اقتباس:
و لكن كما ذكرت ان يأخذ نصف راتبك له و لا يسأل عما يفعل به فهذا استغلال و لو ان ذلك جائز شرعا |
رد: راتب الموظفة .. هل للزوج حق فيه؟
اقعدي في بيتك ماتسوى الألفين تسوي مشاكل بينك وبين زوجك..لو الراتب يسوى كان كلام ثاني
مدري اسمع بحافز مدري مستمر او لا ليه ماتسجلي فيه من دون يدري واتوقع نفس راتبك او تشوفي احد يسجلك في التأمينات تأخذين الف او ألفين حسب الشركه اللي انت مسجله فيها وانت نايمه بالبيت .. اشوف حولي كثير مسجلين بعضهم يأخذون ثلاثة كمان ... |
رد: راتب الموظفة .. هل للزوج حق فيه؟
ماله حق براتبك
ومايجوز ياخذ منه ريال وزين تتكفلين بمصروفك مع انه شرعا هو الي يدفع لكن الرجال يعرفون الشرع بالتعدد بس وان جت النفقه قعدو يألفو ساهمي وساعدي يااعجبي من هالنوعيه ضعيفة نفس |
رد: راتب الموظفة .. هل للزوج حق فيه؟
اقتباس:
هذا هو الشرع و ليس على مزاجنا |
رد: راتب الموظفة .. هل للزوج حق فيه؟
من انذل الأفعال التي يفعلها الرجال
ان يأخذ جزء من راتب الزوجة نظير خروجها وللأسف هذه الثقافة البالية. انتشرت في مجتمعاتنا العربية. الاسلامية!! تطلع برى البيت و يمكن تقصر في حقي الشرعي. اذن تدفع!! |
رد: راتب الموظفة .. هل للزوج حق فيه؟
اقتباس:
هذا الإتفاق . و المساومة لم يذكرها الشرع او يندب لها أو ينوه عليها إنما جاء بها الرجال لتبريد قلوبهن بأخذ اجرة من الموظفة و كأنها عامل أجنبي على كفالته. كل الكرامة و النخوة و الرجولة في جعلها تعمل بلا أخذ فلس أحمر (بالاتفاق) او يحتفظ بكرامته و لا يجعلها تعمل. |
رد: راتب الموظفة .. هل للزوج حق فيه؟
اقتباس:
انا اتحدث من ناحية شرعية, يحق للزوج اخذ جزء من راتبها نظير السماح لها بالخروج للعمل,اذا اشترط ذلك, فان رضيت بذلك فتذهب للعمل و الا تجلس في بيتها و هذه فتوى متعلقة بهذا الموضوع http://www.alifta.net/fatawa/fatawaD...eNo=1&BookID=5 و هذه فتوى اخرى: http://fatwa.islamweb.net/fatwa/inde...waId&Id=113399 |
رد: راتب الموظفة .. هل للزوج حق فيه؟
مضحك هذا الكلام
شرط خروجها للعمل موافقته (فقط) نعم من الممكن ان يتفق معها و يساومها. اقصد هنا دناءة الفعل. و الا من الرجولة ان يوافق بدون هالشرط المادي ؟؟عادي ((شرعا)) و مو ((واجب)) شرعا او مندوب أن يأخذ منها مقابل خروجها. هو اختراع من بعض الرجال. و قيل لهم أنه جائز فاتخذوه عادة. و مفروضا و صار مستساغ |
رد: راتب الموظفة .. هل للزوج حق فيه؟
ولما يشترط شرطا هكذا ؟؟
لما لا يشترط مثلا. أن تزور أمه مرتين بالأسبوع او أن تجلس بالويكند أو تقيم له سهرة خاصة ليش فلوس؟؟ كل الشروط السابقة. تحق له شرعا على فكرة. |
رد: راتب الموظفة .. هل للزوج حق فيه؟
اقتباس:
لا ادري كيف جعلت الزوجة ، امه يعني شيء غريب صراحة ، مثل يقولها موافق أوديك لاهلك لين الساعة 10 الليل ، حابه تسهرين عطيني عشرين ريال عن كل ساعة زيادة لأنك مقصرة وطالعة من البيت !!! والله لو كنت رجل اتوقع اتزوج اربع حريم ، ولاشغل ولا مشغله وافرض عليهم هالكلام الفاضي |
رد: راتب الموظفة .. هل للزوج حق فيه؟
اقتباس:
المهم شرعا جائز له ذلك رضت بذلك فلتعمل و تلتزم بذلك الشرط لا ترضى تقر في بيتها و هذا هو الافضل |
رد: راتب الموظفة .. هل للزوج حق فيه؟
اقتباس:
في علاقة الزوج بالزوجة واللي خلا صراع الحداثه اللي بصف المرأة يطلع هو مثل هذي الامور اللي مادري من وين ابتكرت وزعم انها حق للرجل اي. جل بأخذ من امرأه مال مقابل خروجها للعمل ، وليس مساهمة مثلا في احضار خادمه تقوم مقامها ببعض المهام يرجع هالمال لزوجته احسن من ان ربي يكويه فيه |
| الساعة الآن 04:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©