|
مدح الناس لي سببا للمشاكل بيني وبين زوجي
من يومين صار نقاش بيني وبين زوجي ..
سالته كم سوال انا الحين لي متزوجه اربع سنين مشاكلي مع زوجي كثيره و بعدين عرفت السبب مو مني اول شي زوجي مقصر معي كثير ما يجلس معي ابد اذا جلس في البيت يكون نايم ولا على جواله مايعطيني مصروف و اذا شريت شي يستقعد لي انتي مبذره وانتي وانتي لين اكره اللي شريته مقصر مررره في علاقه مافيه سبب يبعد عني كلامه معي رسمي يجرحني كثير انا مو مقصره معه بشي ابد فطور غداء عشاء حلا فنانه في طبخ لو يبي ذبيحه طبخت له بيتي نظيف مرتبه اموري حتى مع ولدي اغراضه كل شي مرتب كل مضبوط يدخل البيت يدور شي يمسكه علي ينقهر لما يشوف كل شي نظيف ومجهز هذا كله مو السبب كره لي السبب عشان الشباب يمدحوني عنده من قبل زواج وبعد زواج هو يقول اكره كره اذا احد مدحك طيب ليش وش ذنبي انا تم تغيير العنوان ليتناسب مع المضمون |
رد: زوجي يكرهني 😔
قلت له بالعكس مفروض تنبسط
ما تكرهني كبر عقلك هو مقهور عشان يبون يخطبون خواتي يكلمونه هو يصرفهم توني اعرف صراحه انقهرت منه يبي يهز ثقتي ماقدرت اتكلم مصدوووومه مرره بعني هذا اللي يخليه يخوني ويكلم بنات ويسووي بلاوي قمت من عنده و انا انتفض مقهوررررره منه جلست ابكي لي يومين ما تكلمت معه ولا طلعت عليه وش اسوي معه ليش كذذا يهدم ويعكر حياتنا على شي تافه عطوني حل الله يعافيكم |
رد: زوجي يكرهني 😔
عزيزتي الله يفرج همك ويسخر لك زوجك
مهما حكى وقال ابدا ابدا ما تخلي ثقتك بنفسك تنهز امدحي نفسك دايما امامه وامدحيه ممكن يكون بغار منك لانو مش معقول الكل بيمدح فيكي وهو شايف العكس واكتر شي بخلينا نعتبر انو بغار يعني اذا شاف البيت نظيف بينقهر طيب جربي شوي قللي اهتمام فيه بمعنى اذا جلس على تلفونه اعملي نفس الشي او اشغلي نفسك بهواية او اي شي ليعرف انك ما رح تنهزي بمجرد انو عم يجرح بكلامه وردي الكلمة الجارحة عليه بالصمت او الكلمة الحلوة او اشكريه ممكن يخجل من اسلوبه بس تشكريه حاولي تفرجيه بطريقة حلوة وما تكون منفرة انو ممكن يفقدك خليه يحس بوجودك بس كأنك ما موجودة معه في حال ما نفع اعملي العكس متل اشياء يتعود على وجودك ويتعلق فيكي وما يقدر يستغني عنك كوني كذا امرأة بإمرأة على حسب قداراتك وطاقتك ما تستنزفي كل طاقتك لاجله واهم من هيدا كلو ادع الله سبحانه تعالى هو وحده القادر على تسخير زوجك لك اسأل الله ان يرزقك السعادة دنيا وآخرة احترامي |
رد: زوجي يكرهني 😔
الله يعينك أختي. هل تعتقدي أن زوجك يشعر انك متفوقة عليه ويغار من ذلك؟
|
رد: زوجي يكرهني 😔
mimomea
مدح مدحت اما بنسبه للبيت عودتنا امي على ترتيب ما اقدر احيانا اكون جالسه جنبه ابيه يسولف يتكلم اذا شفته صاد اقوم عنه كثير اشغل نفسي عنه بس مليت لمتى جزاك الله خير |
رد: زوجي يكرهني 😔
اقتباس:
بس تصرفاته غريبه مره في رمضان كان في جمعه عند اهله وكل وحده تجيب معها شي انا سويت مقالي و لقيمات الفطور رجال و حريم واحنا طالعين قال بشيل معك عطيت صحن لقيمات قام هو قلب الصحن في الحوش قدام عيني قلت حرام عليك واقفه طول الوقت عشان لقيمات قال خلصيني شيليه و طلع و راح لاهله و تركني في البيت وش الحكمه من الحركه اللي سوواها |
رد: مدح الناس لي سببا للمشاكل بيني وبين زوجي
شوفي اختي الروتين أكبر عدو للعلاقة الزوجية لذلك حاولي تجددي ولا تخلي الملل يسيطر على حياتكم حاولي تتعاملي معاه على اساس انكم في فترة خطوبة او انكم في شهر عسل يعني كلام جميل ولما يكون بالشغل ارسليلو مساجات حلوة ومساجات زي بتاع المراهقين خليه يحس انو شاب وانه مرغوب وحتى بالبيت اجذبيه يعني كل يوم حطي برنامج يوم اتفرجو على فيلم مع بعض ويوم تفرجو برامج اويوم العبو ألعاب المهم لازم تقضو وقت مع بعض بشكل يومي عامليه كأنو طفلك المدلل جربي ورجعيلي خبر انا فادت معي وجابت نتيجة والحمد لله وربي يخليكم لبعض
|
رد: مدح الناس لي سببا للمشاكل بيني وبين زوجي
اتذكر مره الدكتور طارق الحبيب تكلم عن هالحاله...يقول الزوج يغار من زوجته ويحسها اعلى منه بنفس الوقت مايقدر ابداً يطلع لها..يروح يسحبها معه للاسفل بواسطة حركات اذلاليه ك الخيانه او الضرب وممكن يتزوج عليها بعد بس لانها احسن منه ف نظره..
|
رد: مدح الناس لي سببا للمشاكل بيني وبين زوجي
السلام عليكم ورحمة الله وبركاته.
مرحبا عزيزتي توق.. يمكن زوجك الكثير ينتقذ تصرفات لهذا يكره مدح الإخرين لك.. عليك بمدحه والثناء حتى في أبسط الأمور، فهو لا يشعر بقيمة نفسه لهذا زيدي في جرعات المدح.. ينظر بطريقة سلبية لنفسه جدا معتقد بأن المدح والثناء كل شيء. ربما في تنشئته كان كثيرة الانتقاذ مابيفعله معك ردات فعل لمواقف بالماضي حصلت معه. موفقة.. |
رد: مدح الناس لي سببا للمشاكل بيني وبين زوجي
سؤال
الناس لماذا يمدحونك؟ وماهي المميزات التي يمدحونك بها أمامه ؟ وكيف عرفوا مايمدحونك به؟ |
رد: مدح الناس لي سببا للمشاكل بيني وبين زوجي
اقتباس:
|
رد: مدح الناس لي سببا للمشاكل بيني وبين زوجي
اقتباس:
|
رد: مدح الناس لي سببا للمشاكل بيني وبين زوجي
على كلام بنت عمي تقول يمدحونك من ناحيه الطبخ واهتمامي ب ولدي و زوجي شافو تغير بعد زواجنا من لابسه واذا راح لدوام مجهزه له القهوه والشاهي والفطور
يمدحون شكلي امي الله يهديها ما تغطيت الا وانا في ثاني متوسط كل ما تذكريت اجلس ابكي احسني مفضوحه عندهم تكفون ضايقه فيني الدنيا كيف اتعامل معه اهمل البيت واهمله هو عشان يرتاح ولا وش اسوي مابي توصل للطلاق |
رد: مدح الناس لي سببا للمشاكل بيني وبين زوجي
بِسْم الله والصلاة والسلام على رسول الله
أختنا سأنصحك إن وفقت فمن الله و إن أخطأت فمن نفسي والشيطان ولا حول ولا قوة إلا بالله أختاري وقت مناسب عشان تكلمي فيه زوجك وياليت يكون في خارج البيت في مكان مفتوح في الشاطىء مثلاً أو البر إن أمكن ذلك وإن تعذر ففي البيت المهم يكون جو روقان بلغيه أنكِ أنت عرضه وأنكِ كلك له وحده وأنك لا تحبين أن يمدحك أحد سواه بل على العكس مدح الناس لك يضايقك ولا تفرحين به لأنك لا تحبين تسمعين المدح إلا من حبيبك وغاليك أبو عيالك وقولي له أنا ضعيفه ولا أقوى على شيء معتمده على الله ثم عليك يا الغالي لنوقف الناس عن مدحي اللي يضايقني ويضايقك ونتاجوز هذه المشكلة اللي مأرقاتني ومأرقاتك وقوليله الحين يا غالي بسندي بعد الله ما الذي تراه مناسب لنعمله لنتجاوز هذه المشكلة ونوقف كلام هؤلاء الناس ومدحهم لي واسمعي له واتركيه يقترح مايريد و قولي له اختار اللي تشوفه مناسب و أنا شوري ورأيي ما يطلع من رأيك أنت رجلي الغالي أبو عيالي و امدحيه وامدحي الحل اللي حطه وبإذن الله سيشعر بالأمان والثقة و سيعلم أنكم متشاركان في نفس الهم وأن معاناته معاناتك وكانت ردته عكس هذا كأن يهاجمك أو يهاجم أهلك بأن يقول أنت السبب أو أهلك يخبرون الناس أمتصيه وقولي له أنا الآن زوجتك وأنت حبيبي وأنا ما أقوى على شيء الا بك بعد الله وعطيه أحساس بضعفك فعلاً وأنك مالك ذنب وعيدي عليه يعطيك حلول وبإذن الله سيتجاوب معك حينها وسيكون وضعكم أفضل وسكري على الموضوع بعدها في حينها وعيش ليلتكم الجميلة ولكن بيني أنك ضعيفه وأنك لا تقوين بعد الله إلا به حتى يصدق أن أنت مالك ذنب ويسعى هو في الحلول اللي يحطها ملاحظة أي حل يضعه قيسيه على الكتاب والسنة لو وافقهم كان بها ولو شككتي في أنه ممكن يكون حرام لا تعترضي عليه مباشرة بس ضعي له سؤال من خوفك عليه لا يقع في الحرام أو يورط نفسه في أشياء محرمه واشيري عليه يستفتي شيخ في ما يريد فعله أسأل الله أن يشرح الصدور ويفرج الهموم وييسر الأمور ويستر العيوب |
رد: مدح الناس لي سببا للمشاكل بيني وبين زوجي
طبعاً لا تهمليه
إن شاء الله يتعدل بعد هذه المصارحة وبشرينا بجديدك في أقرب فرصه بإذن الله |
رد: مدح الناس لي سببا للمشاكل بيني وبين زوجي
محب السنه
جزاك الله الله يوسع عليك ان شاءالله اسووي اللي قلته لي انشرح صدري بعد كلامك من ضيقه حتى دوامي ما رحت له و مانمت من امس ان شاءالله ابشرك بالخير يارب |
رد: مدح الناس لي سببا للمشاكل بيني وبين زوجي
زوجك يمكن يفهم من كلام الناس ...
انه انتي كثيير عليه .. ويمكن عشان سمعت اهلك جيده هو يتصرف هكذا .. انت ابحث عن شي في اهله .. مثل انجاز قام به احد اهله حتى اذا كان بسيط ...ابحثي عنه وطلعيه من جد جده ...المهم انت تجدي هذا الشي ..وتمدحيه ... ابدأ هكذا .... مثل امدحي قولي له ...كمثال .. انت الرجال محد يقدر عليكم .. مو مثلنا نحنا البنات ينضحك علينا بسرعه ... وجبي له مثال يكون واضح وحقيقي ... المدح كذا من دون شي .... كانك تمدحين طفل ... ما يتقبله الشخص البالغ ...وبصراحه طبيعي يشعر بالاهانه |
رد: مدح الناس لي سببا للمشاكل بيني وبين زوجي
اهم شي يكون الشي اللي راح تمدحينه ..واضح وحقيقي ..
عشان يقدر يشوفه ... احيانا الانسان لما يشعر بفقد او نقص في شي واااحد من الاشياء اللي عنده ما يستطيع ان يري باقي الاشياء اللي موجوده عنده ويمتلكها |
رد: مدح الناس لي سببا للمشاكل بيني وبين زوجي
ومض القمر
انا ما اتكلم عن اهله بخير او بالشر بس ماشاءالله عنده خوات تقطر السناعه منهم جد جد وقد قلت له مره هو انبسط كثير انا الحين مو قادره اتكلم معه احس ب ضيقه منه بس فتحت الموضوع مع امي قالت لي اصبري حلي مشكلتك بالدعاء هذا هو حل امي سكت امي تعبانه نفسيتها وتحسفت اني فتحت الموضوع معها 😔 طيب عادي اروح بيت اهلي اجلس فتره عندهم تعبت منه ابي ارتاح شوي ولا اجلس في بيتي رايكم !!؟ |
رد: مدح الناس لي سببا للمشاكل بيني وبين زوجي
لا تستهينين بحل امك ابدا
واذا رحتي عند اهلك بيتغير شي؟ ولا يترجعين وهو شايل عليك أكثر خليك في بيتك وانشغلي بنفسك وولدك غيري طريقة تعاملك معاه ،، خليك غامضة لا تهملين في البيت شي لكن خففي من الخدمات والامتيازات اللي كنتي تسوينها له ، خليه يفقدها وطنشي تصرفاته اللي يستفزك فيها ..لا تدققين على كل صغيرة وكبيرة |
رد: مدح الناس لي سببا للمشاكل بيني وبين زوجي
اقتباس:
هذا بالضبط الذي خطر ببالي يشعلر أنك أحسن منه وهو دونك فيحاول يقلل من قدرك ويهينك أذكر د.طارق قال كعلاج لهذه الحالة أن تكثر الزوجة من مدح زوجها وتردد له دائما أنها من غيره لاتسوى شئ وأنها بحاجته في حياتها ...الخ ..الخ وأذكر أن السائلة كانت موظفة فقال لها الدكتور تعالي لعنده أحكي مشكلات حصلت في الشغل وأطلبي رأيه وأستشيريه (طبعا مشكلات ليست من أسرار العمل وأشياء يستطيع هو أن يكون مفيد فيها حتى لو كانت قصص وهمية) ونصحها أن تردد دائما أمامه وأمام الناس الله يخلي لنا أبوفلان من غيره ما كنا نعرف نتصرف ... الخ ... الخ حاولي هذا الأسلوب معه والله يعينك |
رد: مدح الناس لي سببا للمشاكل بيني وبين زوجي
خلاص ما راح اتعب نفسي
تناقشنا بالموضوع وكنت هاديه معه ومستمعه له مره بس خلاص راح نفترق بكره بكون في بيت اهلي اللهم اجرني في مصيبتي واخلف لي خيرآ منها |
رد: مدح الناس لي سببا للمشاكل بيني وبين زوجي
سبحان الله احساسي غريب عادي ما تضايقت ماكان صار شي
مو مستوعبه ... هل هذا طبيعي ولا بداية صدمه مستحيل يحبني ما اعتقد حركاته هذي واضح كره مو غيره اتذكر مواقف كثيره اكره زياده انا بصراحه من يوم تزوجت ماحسيت اني احبه ولا حسسته بشي مواقف اللي تصير احسه حقود نذل بذكر لكم كم موقف مره كنا تونى جاين من دوام فتح الباب دخل سكر الباب علي اقول له بمزح افتح مو وقته مزح قال ضفي وجهك رحت مشي بيت اهلي مره اتفقنا مع اهله و حريم اخوانه نسافر بيوم الرحله قال بروح اغير زيت سياره و ما اجي الا انتم جاهزين بعد ثلاث ساعات اذن المغرب كلمته ما يرد خفت صراحه و رحت كلمت وحده من خواته قلت لها فلان قال بطلع اغير زيت ولسى ما رجع ادق عليه ما يرد هي البنت تغير صوتها قالت هو معنا راكب ماله داعي الحركه يبي يقهرني هذي بعض المواقف اللي سواها معي |
رد: مدح الناس لي سببا للمشاكل بيني وبين زوجي
يحاول يفشلني عند اهله او اي احد
معقوله كل هذا غيره ؟!!! |
رد: مدح الناس لي سببا للمشاكل بيني وبين زوجي
أختنا الفاضلة صَل على رسول الله
وهدي أعصابك و أخبرينا مالذي دار في النقاش ولا تستعجلي في شيء |
رد: مدح الناس لي سببا للمشاكل بيني وبين زوجي
اللي دار بينا
انا كلمته قلت تعال ابي اتكلم معك بالموضوع فتحته معه قلت يافلانه حرام عليك تخرب بيتنا على اشياء تافه مو مقصوده اللي زيك ينبسط اذا الناس مدحو زوجتك قلت له كله هذا انا اسوويه عشانك انت ابيك تطلع وانت مرتاح بس صار شي ما توقعته قال لي انتي تتعمدين وتبين رجال يمدحونك و مبسوطه وانا ما اتحمل و صراحه انتي مو مناسبه لي قلت طيب وش المطلوب قال تروحين بيت اهلك بكره ورقتك توصلك على طول بيطلق حتى ما يمدني امدح فيه ولا عطاني فرصه قلت ابشر على خير و من بكره لما جاء انا ماطلعت من البيت قال ليش ما رحتي مو احنا اتفقنا امس قلت له تبي اطلق طلق بس بيتي مو طالعه منه الا لما تخلص عدتي قلت له اسمع انا بجلس بس مالي دخل فيك ابدا لا في ماكل ولا مشرب ولا غسيل ملابس اعتبر نفسك من اليوم عزابي هو سكت قال على خير خلال هالاسبوع ما غسلت ولا طبخت له ولا اتكلم معه بس كل شي لنفسي صراحه هو ماعاد يطلع من البيت جالس بس يراقب وش ازين وش احط ملابسه كومه اكله من برا او يروح لامه حتى الفطور يروح ادوام ما افطر جاني امس قال يهون عليك تتركيني كذا ملابسي مو مغسوله اكل مالقى حتى العيال في دوام يطقطقون علي و كلاااااااام كثير قلت هذا اللي تبيه وش اسوي انا عشان تعرف اني اسويه عشانك لاني احبك وابيك ترتاح بس هدمت كل شي من تصرفاتك قام يتاسف و يتعذر و تكلم كلام كثير ما دخل راسي قال لي بس بشرط مابيك تمشين دوريات مع الحريم واذا عزمت ماابيك تسووين بوفيه ولا ابيك تتبادلين طبخات مع الجيران قلت هذي صعبه علي الدوريه لازم امشي ابي اشوف الناس هذا الدوريه الوحيده اللي اشوفهم اما الباقي ابشر الحمدلله انحلت المشكله صراحه هذي فكرت امي قالت لي اجلسي في البيت وسووي كذا وكذا وهو بنفسه بيشوف الفرق والحمدلله مع دعاء بس فيه شي مضايقني كلامه لي جرحني كثيررررر ما قدرت انسى هو الحين يعني حلينا المشكله على كلامه نفتح صفحه جديده كيف انسى كلامه و الحركات اللي كان يسوويها لي |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©