|
زوجي سافر بدون علمي كيف اتصرف مستجدات رد 69
السلام عليكم ورحمة الله وبركاته
كيفكم جميعا لي فتره بدأت بأسلوب جديد مع زوجي والحمدلله ماشيه الأحوال طبعا الحياة الزوجية لاتخلو من المشاكل .. امس اتصلت على زوجي اسأل عن أخباره وعرفت من الصوت انه مسافر بالخليج قلتله انت وين قال مكاني.. قلت خير وقفلت اتصلت الليل عشان اتأكد ع أساس اتطمن عليه وسألته بكل صراحه انت ووين صوتك في فندق قال ايه ومالك دخل انا عندي شغل اوكي انا ادري عندك شغل بهالمنطقه لكن ليش ماتبي تقول وين بالضبط رفض يجاوبني وطبعا عرفت اليوم من كلامه انه مسافر وشكي في محله بصراحه مره زعلت واسلوبي تغير معاه حسيت حركته مافيها شي من الاحترام زوجي مو صغير بالسن عشان يتصرف بحركات المراهقين مع انه كان واعدني بياخذني معاه قبلها بخمس ايام وراح لحاله!! ايش راي الزوجات لو زوجك سوا معاك هالحركه كيف تتصرفين وللأزواج ايش القصد مو مافيها احترام للزوجه الحياة شراكه ياناس مو كذا.. تم تعديل العنوان ليتناسب مع المضمون (مستجدات الرد 20) http://66n.com/forums/showpost.php?p...1&postcount=20 مستجد الرد(69) http://www.66n.com/forums/showpost.p...5&postcount=69 |
رد: رايكم يهمني
صار بيننا تتش اليوم
حاول يستفزني لما اتصلت اليوم قال تبين تتأكدين ان كان عندي احد او ايش ايه عندي مومو وميمي<<مزحه ع اساس قلتله من قهري فحريقه انا اتصلت عشان البنت تبي تسمع صوتك وكلمها كان متضايق مني بدون سبب واسلوبه ناااشف معاي مره متضايقه من اسلوبه وعدم احترامه وتقديره لي ولوجودي كزوجه بحياته صار على اي مشكله يحسسني انه بيطلق وياخذ عيالي مني صرت قلقانه اتحاشاه كثر مااقدر عشان عيالي وبس.. لي فتره مااعلق على اي مصيبه يسويها ومطنشته لتمشي الحياة بيننا لكنه يمسك اي خطأ عليا ويكبرها بالكلام كاني قلت مصيبه او غلطت بحقه والكلام جدا عادي يعني مثلا لما يافر فجأه مايبي اي تعليق مني ولا حتى ازعل علي اني اكون راضيه بأي شي يسويه ومااقول الا تم وحاضر لكن ساعات يزودها مااقدر كل إنسان له طاقه |
رد: رايكم يهمني
القلق اللي انا تعبانه منه
طبيعي من تصرفات زوجي او انا ابالغ تكفون بس احد يفهمني |
رد: زوجي سافر بدون علمي كيف اتصرف معاه؟
ياكثر ماتتصلين!؟!؟
يا اختي امسحي رقمة ولو شي ضروري جدا جدا جدا مسج اثقلي نصيحة من قلب اثقلي اثقلي اثقلي ولاتعودين أطفالك يتصلون عليه هو المفروض يتصل ويسأل الله يهديك بس |
رد: زوجي سافر بدون علمي كيف اتصرف معاه؟
اختي مرام
مرا مايتصل ولا يسأل واذا مااتصلت يزعل ويتغير علي مرررا |
رد: زوجي سافر بدون علمي كيف اتصرف معاه؟
عاد كنت ناويه اتصل فيه بكرا الظهر
اسأل عنه لكن شكلي بهون شكلي من جد رميت نفسي بزياده والناس ماتقدر ولاتستاهل |
رد: زوجي سافر بدون علمي كيف اتصرف معاه؟
اصلا والله طفشت وماعاد فيني شده
اتهاوش معاه نفس قبل كان شي جديد علي وبديت اتعود كنت ابكي وانهااار لين صحتي تتعب اما الحين لا ف صار يحسسني بيشيل عيالي مني ويحرمني منهم يعني إلا يعيشني بقلق او يخلي شي ينكد علي فيه يوم شاف الامور هدت بيننا وخلاص صرت هاديه ومتفهمه ومطنشه تقريبا صبينته قام الحين الموال الجديد عيالي وانا الا هالشي صعب مرا علي هذول عيالي قطعه مني الله يحرمه انفاسه اللي يفكر يبعدهم عني |
رد: زوجي سافر بدون علمي كيف اتصرف معاه؟
شوفي مو صعبة تثقلين
يعني اذا اتصلتي بعد السلام سوي نفسك البنت أزعجتك وقولي يووووه البنت ازعجتني اذا عندك وقت اتصل بعدين واسحبي لاتتصلين واذا زعل عادي قولي كنت أحسبك مشغول او قولي كنت مشغولة مع العيال اهم شي لاتقولين انا اتصل وانت ماتتصل! لا تحطين الموقف براسه خلي الأمور. تسير بهدوء واذا جاء للبيت لاتخنقينه بس لاصقة فيه وتدلعينه لا اطلعي وانشغلي في البيت وخليه هو يتمنى سوالفك والجلسة معك أتمنى من كل قلبي تفكرين جديااااا تغيرين شخصيتك وبالتوفيق |
رد: زوجي سافر بدون علمي كيف اتصرف معاه؟
اقتباس:
قالت وفري الراحه خلي بيتك المكان المريح ودلعيه وووو باختصار عيشيه عريس وألبسي اشكال الوان وجددي بشخصيتك لين يلاحظ تغييرك سويت نفس ماقالت وفعلا الامور هدأت الحين صدمني لما اتصلت لقيته مسافر حضرته للشغل طيب وين المشكله لو علمني ليش بالسر!!! اختي مرام نصيحتك على راسي راح اسوي مثل ماقلتي ولا عاد بتصل لكن لو صلر موجود صعبه اطلع من البيت والتزم بزيارات واخليه وهو يجي فترتي ويروح و اعرف طبع زوجي لو سحبت عليه مرا يسحب علي عشرين مرا اتوقع ع قولهم شخصيته شمالي او شمالي شرقي يمكن الله اعلم |
رد: زوجي سافر بدون علمي كيف اتصرف معاه؟
ومن قالك الشمالي يحب اللزقة؟!؟
الموضوع مو تحدي وتحطين رأسك براسه الموضوع انه مايحطك على الرف وعارف انك بتطاردين ورآه هذا هو مااهتم زعلتي ولا رضيتي عايش حياته لا تضغطين على نفسك واعملي اللي يريحك أصلا بالعلاقة بالزوجية في طارد ومطرود وإنتي خلاص صرتي الطارد وبتبتلين تطاردينه طول العمر الله يعين |
رد: زوجي سافر بدون علمي كيف اتصرف معاه؟
مين قال راح اظل اطارده طول العمر
لا حبيبتي انا فعلا تغيرت ماني الاولى ابد الله يعينه على حاله يستمتع بوحدته مع الصور الاباحيه اللي يطالعها ليل نهار هذا شي جديد اكتشفته فيه وطنشته كاني ماشفت شي |
رد: زوجي سافر بدون علمي كيف اتصرف معاه؟
الرجال مايحب يسمع كلمة . انت وينك الحين . ترفع ضغطه
|
رد: زوجي سافر بدون علمي كيف اتصرف معاه؟
لايمكن نتوصل لحل اي مشكلة الا اذا عرفنا سببها
سفره بدون علمك ممكن تكون اسرار عمل خاصة وحرص منه ممكن متعمد حتى تهتمي فيه ممكن نسيان وماجيتي على باله! ممكن يكون طبعه... ممكن تكوني لحوحه وكثيره اسأله وهو ماعنده صبر ولا طوله بال... ومهما كانت الاسباب.. استقبليه اذا رجع مثل ماقالت لك وحده وذكرتيه ببدايه موضوعك. بمحبه واهتمام مهما كان لاتعامليه بجفاء.. انت استمتعي بحياتك الزوجية وعيشيها بتفاؤل ماراح تستفيدي شي من النكد والثقل.. |
رد: زوجي سافر بدون علمي كيف اتصرف معاه؟
نفس راي مرام،،،لاتطاردين وراه وتعطين مواضيعه اكبر من حجمها،،خليه يفقد اتصالاتك واهتمامك خليه يحس انه مو اول اهتماماتك..بس بنفس الوقت لاتقصرين بواجباته...البيت دايما نظيف ..الاكل دايما بوقته..ع الفراش تطيريه في السماء...غير كذا انتي شخص غامض مايدري انتي تحبينه او لا انتي مهتمه لامره او لا،،بلاش كل شوي (احبك ياعمري اعشقك ....الخ) ...اذا قال سافرت او رحت او جيت اكتفي بابتسامه وهزي راسك وارجعي لجوالك او للشغله اللي تسوينها..خلي عندك اهتمامات مفيده يااختي غير المطارد وراه اللي جابت لك المرض والعله...اذا براسه شي غلط بيسويه حتى لو انتي حاضنته طول اليوم...
|
رد: زوجي سافر بدون علمي كيف اتصرف معاه؟
زهره
انا اعرف زوجي سفره لعمل مافي الموضوع سهرات وغيره فقط لعمل وماأشك فيه لو للحظه والمطاردات والله ماعاد اطارد خلاص خلاص صرت اشغل نفسي باشياء ثانيه ربي يسعدكم ع اهتمامك ونصحكم شكرا للجميع |
رد: زوجي سافر بدون علمي كيف اتصرف معاه؟
اقتباس:
مع هذا الرد السديد.. استمري بنفس التعامل مادام الأحوال تحسنت ولا تتبعي أسلوب التحقيق لا يحب الرجل ذلك.. فعندما تسألي كوني أكثر ليونة لا تحسسيه بأنك تريدي معرفة أين مكانه فقط الإطمئنان عليه.. التغيير يحتاج وقت ورده الله ردا جميلا. |
رد: زوجي سافر بدون علمي كيف اتصرف معاه؟
متبعه نصيحة الاخت مرام
ماعاد اتصل فيه ولا اهتم مثل اول خلااااص مع اني اشعر بان الحياة الزوجيه مو كذا اصبحت حياة جافه لكن دام يبغى كذا بسلامته حتى اليوم اتصلت لسؤاله عن شيء ضروري ولا اطلت معه ولا سألته متى بيجي راح اخليه بكيفه جا ما جا على نفسه بس استغرب ليش تزوج عشان يظل عايش بعيد عن حريمه يظل عايش حياة جافه كئيبه!! لا انا مطلوب مني اتدخل ولا زوجته الاولى ايش هذي الحياة الممله شايف نفسه ملك واحنا الخدم حواليه!!!! |
رد: زوجي سافر بدون علمي كيف اتصرف معاه؟
لا تخلين الجفاف يوصل لحياتك انتِ وابنائك
عيشي حياتك وخليه يحس بالتغيير وانك مو مثل اول مهتمه فيه ان جاء حياه الله ..حقوقه على اكمل وجه بدون اي زيادة كانت موجودة سابقا وفي نفس الوقت لا تتنازلين عن حقوقك انتِ واولادك الله يكون في عونك ..فيه ناس ما تحس بالنعمة الا لما تفقدها وصليله هذا الاحساس بدون أي كلمة منك.. |
رد: زوجي سافر بدون علمي كيف اتصرف معاه؟
اقتباس:
واتوقع وصل له الاحساس انه قاعده أأدي واجباة فقط اتجاهه حتى رسايل الحب والاشتياق قطعها وانا جربت وارسلت طنش وارسل بعدها رسايل سياسه واخبار!! يعني القصد مو هامه اي مشاعر.. مثل ماذكرتي ميه بالميه بعض الناس ماتحس بالنعمه ولا تحمد ربها عليها الحمدلله على كل حال.. |
زوجي يلمح برغبته في الانفصال
السلام عليكم
مع انه مافي تجاوب منكم ولا اشوف أشخاص كثير يوقفون معاي الله اعلم ليش لكني جايتكم اليوم منهاره وتعبت نفسيا من زوجي وافعاله.. اخر موضوع لي اقروه وبناءا عليه راح تفهمون السالفه اليوم اكلمه يرد بطريقه رسميه نفس الأسلوب الجديد اللي طالعلي فيه وشكله فعلا مقرر الانفصال ماقالها ولكنه يلمح وباين من طريقته يبينا نتكلم عادي ولكن مايبي يكمل حياة زوجيه بسبب ايش مدري وعلى ايش مدري سبب اني تضايقت يوم سافر وانا مو عارفه هذي مو حجه ولااعتبره سبب للانفصال سبب تافه وماعنده مسؤوليه كلامي مخربط الحين لكن مو عارفه ايش اسوي معاه |
رد: زوجي سافر بدون علمي كيف اتصرف مستجدات رد2
(تم دمج الموضوعين لترابط المحتوى)
|
رد: زوجي سافر بدون علمي كيف اتصرف مستجدات رد2
لو قدر الله وسار الانفصال ايش مخاوفك تحديدا ؟؟لاتقولي أطفالك لأنه الآن الحضانة للأم ومستحيل الرجل يقدر ياخذ عياله إلا برغبة أمهم يعني شيلي من بالك هذا الخوف ... هل وضع اهلك سيء ومايتقبلونك مع عيالك ؟؟؟
|
رد: زوجي سافر بدون علمي كيف اتصرف مستجدات رد2
الله يعينك اختي و يكتب لك الخير
حاولي تقومي بواجبه على اكمل وجه و ما تقصري بشي و ابتعدي ما تتواجهي معه او تفتحي سيرة السفر خليه براحته ... كم يوم و يتعدل الوضع المهم لا تعطيه فرصة يقلب الوضع عليك و يقول جت منك عليك في عيالك و بيتك و نفسك و واجباته ان جا .. اهلا فيه و ان طلع استودعيه الله و استعدي لاستقباله من الى لا تعطيه فرصة يتصيد عليك الخطا ولا تشيلي الموضوع بخاطرك كثير و تفكري فيه على طول حتى ما تكوني مشحونة منه و يمكن يصدر منك موقف يصير ضدك اكثري من الدعاء و الاستغفار و ان شاءالله مو صاير الا كل خير |
رد: زوجي سافر بدون علمي كيف اتصرف مستجدات رد2
هو اتصل ولا انتِ اتصلتي عليه؟
مو قلتي بتطنشين ولا تعاتبينه انه ما قالك على موضوع السفر ايش اللي فتح الموضوع من جديد؟ |
رد: زوجي يلمح برغبته في الانفصال
اقتباس:
كيف لمّح؟ .. ماذا قال وفهمتِ منه أنه يرغب في الانفصال؟! وكيف يريد أن تتكلما عادي وفي نفس الوقت لا يرغب في استمرار حياتكما الزوجية؟ .... يعني على أي أساس ستتكلمان إن لم يستمر زواجكما؟!!! |
رد: زوجي سافر بدون علمي كيف اتصرف مستجدات رد2
شلون حسيتي يبغى الانفصال وهو ماصرح فيها
|
رد: زوجي سافر بدون علمي كيف اتصرف مستجدات رد2
كم مدة تطنيشك له استمرت؟
|
رد: زوجي سافر بدون علمي كيف اتصرف مستجدات رد2
اقتباس:
يعني مستحيل يرمون بنتهم في يوم من الايام عكس الزوج اللي ممكن يبيع بسهوله.. اهلي مهما كان ماراح يسيبوني وهم عارفين اني ماقصرت الحمدلله الخوف حبيبتي من نظرة الناس اللي ماترحم وانا مجربتها قبل الله يكتب اللي فيه الخير |
رد: زوجي سافر بدون علمي كيف اتصرف مستجدات رد2
اقتباس:
والرجال الشي هذا في دمهم طبعا اللي مايخاف الله فقط.. انا اعامله مثل ماقلتي لكني قررت اوقف حتى اتصالات ماأنذل له لهنا وكفايه الحمدلله ماقصرت سويت اللي علي واللي مكتوب لي من ربي راضيه فيه |
رد: زوجي سافر بدون علمي كيف اتصرف مستجدات رد2
اقتباس:
بس انا اتكلم عن طريقة تعامله اختلفت تماما 180درجه اللي يموت فيني قبل اسبوعين صرت فجأه ماعاد اهمه يعني هوا مريض نفسي او ايش |
رد: زوجي يلمح برغبته في الانفصال
اقتباس:
لعلاقة اصدقاء اللهم لايبلانا اللي لمح لي به طريقة الكلام ويبين لي انه مو راغب حتى بسماع صوتي وبدوون سبب |
رد: زوجي سافر بدون علمي كيف اتصرف مستجدات رد2
فيه ناس لو تعطيهم عيونك
قالوا عطانا عينه الخربانه |
رد: زوجي سافر بدون علمي كيف اتصرف مستجدات رد2
اختي انتي مواضيعك داااااءما غامضة
ما قد مره فهمت حكايتك بالضبط ايش هل تتقصدين الغموض؟ لا ادري لكن عموما ما نقدر نحكم سمعنا منك لكن ما سمعنا منه يمكن له وجهة نظر ا او اسباب قويه لصده الله اعلم اللي خلاني اقول هذا الراي انو اكثر من موضوع لك تقولين بيطلق بيطلق لمح وما ادري ايش ويرجع الرجال بيته لا طلق ولا شي! ولا حتى قلتي العبارات اللي قالها حتى نحللها زيك ونوصل لنفس فهمك لكلامه او ننفي فهمك! عموما شعوري يقول ان فيه نقطه غامضه او حلقه ضاءعه في قصتك ما فهمناها وهي سبب مشاكلك اعانك الله توفقك |
رد: زوجي سافر بدون علمي كيف اتصرف مستجدات رد2
-سفره سفرة عمل.
زوجك انسان كتوم يحبك وتعود منك الاهتمام بحيث اصبح يهددك بالانفصال . والسبب انه تضايق يوم سافر وانتي منتي عارفة ركزي على السبب الرجال تكلم عن الانفصال لانه يبغاكي تتغيري وتطمني عليه زي ما تعود منك هذي النقطة الاولى. النقطة الثانية تهديده بعيالك في فتره اصبحت الامور هادئة واصبحتي تتجاهليه اصبح يهددك بالعيال يبغاكي تنفعلي ويتغير اسلوبك فهو يبحث عن الاهتمام لكن الغريب في الامر لماذا لا يصاحبك في سفره؟! جواب هذا السؤال وافتراضي ربما لانه سفر عمل وهو مضطر يسافر لحاله وانه الشركه ما بتحسبله تكاليف اربعة اشخاص. ومهما بلغت الصور الاباحية في جواله هو ما زال يبحث عن اهتمامك اللذي تعوده منكي. في الفترة الاخيرة اصبح يعاملكي برسمية ويتجاهلكي وهذا دليل انه زعلان منك بسبب قصورك المفاجئ حيث انه يراكي انكي اخطاتي لانه تعود عليكي وفي المقابل هو لا يعرف اخطاءه وهو مؤمن انه غير مقصر معك لانه لا يعرف ماذا تريدين منه بالضبط ويرى انه غير مقصر في شي . هذا اللي فهمته وجمعته من مفاهيم قضيتك |
رد: زوجي سافر بدون علمي كيف اتصرف مستجدات رد2
انا ما اشوف اي تلميح بالطلاق؟!؟
بالله وش دخل الفكرة هذي برأسك؟؟ عادي الرجال ماله وجهه بعد ما اخلف بوعده انتي لو تشييلين الخوف هذا من رأسك انتي بخير |
رد: زوجي يلمح برغبته في الانفصال
اقتباس:
ابتسامة .. البنات معاهن حق .. ليش ما تكونين واضحة أكثر؟! ما ينفع تقولين لمّح وتسكتين .. لأن بعض الكلام يحتمل أكثر من معنى. يمكن لأنج فعلاً حاطة الطلاق في بالج فتفسرين كل موقف أو كلام على أنه تلميح منه بالطلاق. |
رد: زوجي سافر بدون علمي كيف اتصرف مستجدات رد2
خوفك من الطلاق مخليك تفسري كل كلامه بهذا الاتجاه
مش قلتي وعدك ياخدك معاه و سافر من غير ما يقول اعتبري كلامه المبهم نوع من قلب الطاولة عشان يصرفك عن لومه بعد رجوعه |
رد: زوجي سافر بدون علمي كيف اتصرف مستجدات رد2
اقتباس:
لانك مو عايشه معاي وشفتي حياتي وقد ايش اعاني من حرمانه اشكال الوان بعض امور من تقصيره مااذكرها لانه هو اساسا انسان غامض ويتعامل بطريقه والله كانه شرطي وانا علي تنفيذ الاوامر باختصار انا نفسي عايشه حياة غامضه معاه الشعور هذا دائما يوصله لي بسبب تعامله |
رد: زوجي سافر بدون علمي كيف اتصرف مستجدات رد2
اقتباس:
مافي مني قصور حبيبتي متأكده من نفسي ولكنه تعبني كثيييير بتعامله حاسه نفسيتي تعبت منه و في الفتره الاخيره بالعكس زدت الكلام الحلو والاهتمام زاد مني لكني والاهم صرت مااعاتب ان جا حياه الله وان راح باي باي ربي يحفظه يمكن وصلته هالفكره الله اعلم لكن بالنهايه هذا اللي يبغاه وهذا اللي طلبه مني بلسانه وقال ان تبيني ارتاح خليني على مزاجي... طيب وين القصور مادام طلبه حصله اما عن سفره ف هو يسافر على حسابه الخاص يقول ماعندي حق اكلك وشربك !!!! انا مثلك مدري ليش يرفض ياخذني معاه دائما يدور حجج سخيفه واما عن الصور الاباحيه ف هو متعود عليها من زمااااان وبكل وضوح الحياة الزوجيه ماتنعدل بجانب واحد فقط مهما حاولت انا وانا مو عارفه ايش يبي بالضبط ماراح يبان في عينه شي ان ماصار فيه مصارحه منه ووضوح كيف بنفهم بعض هوا مايبغى يعرف ايش ابي منه وانا مايسمح لي اقول اللي بخاطري لانه ضد شي اسمه نقاش يد وحده ماتصفق.. مو متعبني غير انه مايسمعني ابد ياناس مشتتني ودي مثل اي زوجه لما تفضفض لزوجها ماتشيل هم انه ممكن يذلها بعد مايسمع منها او يقهرها ويعرف نقاط ضعفها ودي اشتكي له منه ودي يعطيني شوية اهتمام طوووول الوقت كلامه عن الفلوس والفلوس والفلوس وياليتني شفت شي من فلوسه اللي مخبيها في البنوك |
رد: زوجي يلمح برغبته في الانفصال
اقتباس:
وانا ابادله نفس الشي يعني شي متعوده عليه لكن الفتره الاخيره فجأه توقف عن الرسايل هذي وبالتدريجي خفف كلام حلو وتعبير عن المشاعر وهالمره قفلها عالاخر لما ارسل يطنش ويرد برسايل رسميه واخبار ولما اكلمه مااحس انه يبغى يتكلم مثل اول معاي بحب وشوق هذا واتمنى تكوني فهمتي علي يامهره |
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©