|
زوجي والشغالة
مساؤكم جميل
الحمدلله جاتني شغالة ووكويسه ارتحت لها المشكلة في زوجي فهمته مايسولف معاها ما ابغاه يتواجد معاها في نفس المكان وقت ما اكون غايبه او نايمه مره تزاعلنا عشان هالنقطة على قولته بتقيدني حركتني عشانها المشكلة انا ارجع من دوامي بعده يكون هو والعيال والشغالة في البيت واجي الاقيه هو والشغالة يسوون غدا لمحت له مافي فايدة اليوم لم جيت حسيت ضغطي اتش بنفجر وماقلت ولا كلمه وحسيت كلهم لاحظوا وحاول يلطف الجو ويسولف عادي تعوذت ومشيتها له بس اليوم بالليل بقولها له صراحه لا عاد الاقيك انت والشغالة في المطبخ يا تطبخ هي يا تجهز وتطلع وادخل بعدها انا ما ابغى كل مره اكلم الشغالة لاني كلمتها قبل كذا وانا محتاجتها وهي ماتخالف كلامي بس هو وش اسوي المفروض من نفسه يعرف ان هذا الشيء غلط ويتلافاه اعتبروها فضفضه على استشاره واعطوني رأيكم والرجال لا يقولوا استغني عنها لاني ما اقدر |
رد: زوجي والشغالة
لا حول ولا قوة ألا بالله
أنتبهي لا تبينين لخادمتك أنك تتضايقين من هذا الوضع أمسكي نفسك وبيني لها أنك واثقه من زوجك لا تسكتين له تفاهمي معه قولي له لا تدخل عندها في المطبخ هذا عملها وهو يجلس مع الأطفال لما ترجعين من دوامك والله ما وراهم ألا الغثا |
رد: زوجي والشغالة
تكلمين الخدامة في شو؟ .. هي مالها علاقة.
للأسف ما في حل ما دام زوجج شايف إن ما في مشكلة. |
رد: زوجي والشغالة
احسني الظن
وين تبغينه يروح ؟ وش رأيك يطلع برى البيت ؟ |
رد: زوجي والشغالة
وليش الشغالة تطبخ ؟؟ الطبخ مو شغل الشغالات ابد.. الشغالة تساعد في غسل المواعين والتنظيف..
وبعدين تقولي زوجك كان يصلح الغداء.. اجل خلاص خليه هو يصلح الغداء وبعد ما يخلص الشغالة تدخل المطبخ .. |
رد: زوجي والشغالة
اشوف انو غيرتك زاااايدة عن حدها
كمان لمن كل شويه تنبهيه وتكلميه بخصوصها كانك تفتحي عينه على شي هو اصلاً غافل عنه نصيحتي استودعيه عند الله وخلاص او انك تخرجيها واخدمي بنفسك بيتك |
رد: زوجي والشغالة
والله حاله !
يااختي الدنيا ماتجي ع الكيف ! تبين شغاله وتقولين لاأحد يقول استغني عنها ! وتبين زوجك مايدخل المطبخ وتغارين عليه ! مافيه حل الا تتأقلمين مع وضع وطبع زوجك بالتعامل مع الخادمه وهذا فيه مآخذ شرعيه اهم من غيرتك عليه ! او وابقولها لو زعلت هههههه ا س ت غ ن ي عن الشغاله وقومي بخدمة بيتك وأهل بيتك وريحي دماغك او اتركي وظيفتك مثل ماقالت مهره دام زوجك ماحس ان فيه مشكله فهذه بحد ذاتها مشكله ههههه سبحان الله تبين شغاله ووظيفه ورجل ع طوعك لايرى ولايسمع ولاحتى يتنفس الا بشورك لكل شيء ضرررررريبه فتحملي مايجيك ومن بغى الدح ماقال آح ... ودمتي سالمه غانمه 🌺 |
رد: زوجي والشغالة
هل دخوله للمطبخ ضروري؟!!
من حقها الزوجة تغار، ﻷن الشغالة مهما كانت أنثى والشيطان يستشرف الأنثى والرجل قد يتعود عليها شيئاً فشيئا إلى أن يصير شئ طبيعي بالنسبة لهنا وبعدها يحصل أمر ما هو طيب، أما احسان الظن فأمر مطلوب ولكن حركات الشخص وأسلوبه تضعه في دائرة سوء الظن. لكن لا اقصد أنك تسيئ الظن بزوجك، لكن حاولي تقنعيه بهدوء وتجيبي له حل إذا كان هو لازم يدخل المطبخ مع الشغالة، كأن يترك الشغالة تخلص وبعدها يدخل أو العكس. والرسول صلى الله عليه وسلم ما خلا رجل بامرأة إلا كان الشيطان ثالثهما، أو كما قال صلى الله عليه وسلم -. |
رد: زوجي والشغالة
قولي لاتدخل المطبخ ولاتطبخ
وجهزي أمور الغداء كلها بالليل يصير تجين يادوب تطقطقين بالقدر وانت مخلصه يعني مثلا تسوين صينية وتجهزينها يصير بس تنحط بالفرن خليها الين تجين او الشغاله تحطها بتطبخين مثلا كبسه سوي اللحمه وكل شيء يصير باقي الرز تحطيه لاجيتي وقدك مقطعه السلطه وهكذا او تعلمين الشغاله الطبخ وتطبخ ، بس كثير رجال مايعجبهم وضع الشغاله تطبخ شوفي زوجك اذا عادي كمان حل لك .. المهم زوجك لايدخل المطبخ واذا مرا يحب الطبخ ومتعود يطبخ ، يخليه عشاء تكونين معاه ، يمكن محتاج مساعده وقت الطبخ فيناديها .. |
رد: زوجي والشغالة
ماخلا هو والخدامه لوحدهم
عياله معاهم فمستحيل يتغزل او يتحرش بالخدامة وعياله حوله بس انتي حاسة ان الخدامة اخذت مكانك وان انتي المفروض تكونين بهالمكان تطبخين وزوجك جنبك وعيالك حواليك افتقدتي هالشي بسبب وظيفتك مفروض قبل تجيبينها متفقة معاه على اساسيات التعامل مع الخادمة وتقولينها له انا بحد من تحركاتك بالبيت لاتدخل معها مكان ولا تتقابلون بمكان وشوفي ردة فعله ممكن يبطل من الخدامة ويقول لا لاتجيبين خدامه اما تجيبينها وتحطينه قدام الامر الواقع لاتدخل لاتروح لاتجي لاني اغار مابيك تتقابل معها صدقيني هذي اخر خدامة تدخل بيتك اذا شعر زوجك انك بتتحكمين في خطواته ثم هذا الشي انتي تتحكمين فيه مو زوجك لاتخرجين وتتركين زوجك والخدامه الحالهم ضحي بالطلعه واقعدي ببيتك او خذيها معاك فترة الغداء العيال حواليهم فمافيه خلوة ولا احد له مزاج لشي اصلا جوعانين ثم مو عيب زوجك يضبط بالغداء الى ماتجين من شغلك مافيه اي حلول يقيل ينام شوي يريح الى ماتجين وتجهزين الغدا وهل زوجك عادي ياكل من طبخ مشترك من يدين خدامه وام عياله احنا 30 سنة وخدامة طالعه وخدامة داخله كويسات وسيئات نظيفات ووسخات ماعمرها خدامة قطعت سلطة ولا لمست دجاجة مجمدة مهمتهم فقط تنظيف وغسيل الصحون لان ابوي يكره اكل من يدين خادمة تدرين مرة غسلت الخيار والطماط مالمس السلطة وعمرنا ماطلعنا وابوي والخدامه الحالهم دايم ياتكنسل امي الطلعه او تاخذها معنا مرة بنروح الملاهي وماتبي تاخذها وكنسلت طلعتنا وبكينا عليها وزعلنا ولا همها اهم شي ابو عيالي مايقعد الحاله معها لو هي غير جميله ومستحيل تتحرك مشاعر اتجاهها مستحييييييل تتركها انا اشوف الحل انتي لاتتركين مجال تطلعين وتخلين زوجك الحاله مع الخدامة باي وقت وبس |
رد: زوجي والشغالة
يا تاخدي الشغالة مع اولادك لبيت امك وقت دوامك
و ترجع هي معاك او انك تغيري مواعيد دوامك و ترجعي قبل رجوع زوجك |
رد: زوجي والشغالة
ليش دايما حاطين الرجل انه مجرد شهوه تمشي؟؟؟؟ ياناس هو رجل بالغ ويمكن راشد بعد وله عقل يفكر ويميز...يعني الشغاله وهي تغسل وتنظف وراه تكون غلطانه او هو غلطان.!!!!بليز مجتمعي الحبيب ارتق بفكرك قليلاً..المريض والمنحرف لو تحبسينه وتربطين عيونه بيظل يركض ورا هالأمور..لازم تثقين وتتوكلين على الله...الحمدلله سنين نجيب شغالات وماحد تعرضهم ولاهم تعرضو لاحد الا اللي ينشك بامرهم..اذا شفتي شي عليها او على زوجك هذاك الوقت ممكن تسفرينها او تشوفينها مشكله تبي لها حل ..بس الوضع جداً طبيعي
|
رد: زوجي والشغالة
قال صلى الله عليه وسلم " ما خلا رجل بامرأة إلا كان الشيطان ثالثهما " – رواه الترمذي وصححه الألباني
|
رد: زوجي والشغالة
لا والله الوضع مو طبيعي رجل وامرأة اجنبية عنه في المطبخ سوا الشيطان ايش يقعد يسوي بينهم ؟ يقطع بصل مثلا! ليه التساهل في الامر الخطير هذا.. وليه الشغالة هي اللي تطبخ اصلا اذا هو اللي يطبخ يسوي كل شي ولما ينتهي تدخل الشغالة تنظف المطبخ لكن لا يتواجدون مع بعض لا في المطبخ ولاحتى تقدم له اي خدمة سواء انتِ موجودة أو لأ . |
رد: زوجي والشغالة
اقتباس:
كلامك صحيح الخلوة غلط لكن خليك مكان الزوج الزوجة تجي متأخرة من الدوام قبل لا يجي الزوج وين يروح الزوج ؟ ان دخل البيت مشكله وان طلع مشكله |
رد: زوجي والشغالة
اقتباس:
يقدر ينام فيها مثلا أو ينجز فيها أي شئ لكن لا يتواجد مع الخادمة لوحدهم في المطبخ أو في اي غرفة أخرى خصوصا لو الاطفال صغار جدا ما يميزون.. مو بالضرورة انه يخرج من البيت نهائيا لكن دفع المفاسد مقدم على جلب المصالح الاخت نرجسية استقدمت الخادمة وانتهى الموضوع ، الله يعينها على المتابعة واليقظة لكل صغير وكبيرة سواء من ناحية زوجها أو ابنائها |
رد: زوجي والشغالة
الشغالة فهمتها قبل مستر ادا جاء تروحي غرفتك لانها احيانا تجلس مع بنتي بالصالة
وما ابغى كل مره اكلمها في الموضوع هو المفروض يتعاون معايه انا ما اقدر الحق على شغل البيتوهو عارف بحاجتي لها وهو كمان مستفيد من وجودها المهم امس كلمته وكالعادة زعل ولو لقيتهم اليوم سوا ما حتغدا خليه يشبع به وحخاصم لاني طفشت قلت له يا هي تطبخ يا تجهز وتطلع وادخل بعدها كونكم سوا شيء ما يرضيني |
رد: زوجي والشغالة
انا اجي بعده بساعه
|
رد: زوجي والشغالة
اقتباس:
|
رد: زوجي والشغالة
نرجسية ..
فهمي شغالتك - حدودها .. قولي لها .. ( مستر فيه .. إنتي يجلس في غرفتك و ما يخرج منه .. ) و وضحي لها إنه زوجك هو اللي كلمك و اشتكى لك .. و عصبي عليها .. قولي لها ( هذا فيه كذا في الاسلام .. إنتا مو مسلم ؟ ) |
رد: زوجي والشغالة
الموضوع كله في يد الزوج.
وما يكفي إن نرجسية تطلب من الخدامة تظل في غرفتها لما زوجها يكون موجود .. لأن الخدامة مثل ما تسمع كلام صاحبة البيت المفروض بعد تسمع كلام صاحب البيت .. وإن كان الزوج هو اللي يناديها عشان تساعده في المطبخ فهي ما تقدر ترفض ولا تقول شي. أنا أقول يا نرجسية ما دامج واثقة في زوجج وفي أخلاقه .. وما دامج ما شفتي شي يستدعي القلق فاتركي الوضع على ما هو عليه. |
رد: زوجي والشغالة
الله لا يبلانا ، الشغالة يا فرحتها الادمي عنده فلوس ومدري وش. اقول استغني عنها الله لا يبلانا وخذي شغاله عجوزة مكانها خخخ
|
رد: زوجي والشغالة
اقتباس:
|
رد: زوجي والشغالة
اقتباس:
معما كانت اخلاقه والتزامه مستحيل اسمح بهالوضع واعتبره عادي |
رد: زوجي والشغالة
اقتباس:
ضاعت هالخدامه بين مدام ومستر ولاتدري تسمع كلام مين ؟ |
رد: زوجي والشغالة
اقتباس:
|
رد: زوجي والشغالة
يوميا ترجعين تلقينه يساعدها ويطبخ
تتوقعين الامر طبيعي مايختلي رجل بامرأة الا كان الشيطان ثالثهم وبعدين لاتقولين لي واثقه ،،،،اوثقي حبيبتي فيه بس مو ثقه عمياء باقولك شيء ادخلي انتي يوميا اطبخي وقوليله يساعدك والشغاله لاتمر حبيبتي من عنده حتى وشوفي وش بيقول الخرام يحلى بالعين ياليت تفتحين عيونك خيتو وبعدين كيف تاكلون من طبخ الخدم الله يعز النعمه |
رد: زوجي والشغالة
اقتباس:
يانرجسية إنتي الي تنبهين زوجك عالخادمة وإن كان ينظر لها نظرة عادية بسبب تنبيهاتك ممكن تحلى بعينة ! من رأيي لاتكلمينة بأي شي وإستودعيه الله وياليت تشوفين حل بموضوع دخولة للمطبخ إن إنتي موحابة يدخل المطبخ مو بسبب الخدامة لان شغل المطبخ تخصص الزوجة مو تخصصة يعني استخدمي هالحجة وبس |
رد: زوجي والشغالة
أتوقع ان الكلام للزوج ما راح يجيب نتيجه ...
تخبرين الخدامه وتفهمينها ....ان لما تشوفين مستر ..دخل مطبخ تتركين كل شي وتروحين الغرفه ... مستر يكلمك ..انت ما تردين ... وكل ما شفتي طبقت الشي ... انت امدحيها واثني عليها وكوني لها قريبه ..خليها ترتاح لك ... مثلا اساليها عن أهلها ومشاكلها ... لان اغلب الخدم يتجاوبون اكثر مع الشخص اللي يرتاحون له ... و ضعي كميرات خاصه في المطبخ .. وحده عند الطباخه تكشف هي ما تضع ولا تنسين الاذكار ... |
رد: زوجي والشغالة
اقتباس:
يعني مب مهم إن الخدامة ما تحترم المستر؟! |
رد: زوجي والشغالة
أقترحي على زوجك بعد فترة يركّب كاميرات بالبيت حرصاً منك على طبيعة تعاملها مع أطفالكم.
و تكون العاملة عندها خبر عن موضوع الكاميرات علشان تنضبط أكثر وتضمر اللي بنفسها في نفسها. |
رد: زوجي والشغالة
اقتباس:
|
رد: زوجي والشغالة
ما قصدت الأساءة
هي نفس تاكل وتشرب وترغب وتشتهي وهذي كلها أشياء فطرية ومعرضّة للوقوع ، خصوصا اذا ما توفر الجو أو أجبرت عليه. حينما يعلم الشخص انه مراقب يكف عن ما يضمر. |
رد: زوجي والشغالة
اقتباس:
طبعا الخدم ايش يفهمهم الكلام المقبول من اللي غير مقبول لانه كله واحده على حسب بيئتها وفهما .. فعشان كذا ما ترد عليه افضل ...الا لما تكون هي في البيت ... وطبعا الا اذا طلب منها شيء او احتاج شي والأفضل انه يكرها |
رد: زوجي والشغالة
لا أحبذ فكرة وضع الكاميرات ولا أنصح بها
اختي في رأيي إما أنك تتكلفين بتجهيز الطعام بعد عودتك من الدوام وتقومي بتنبيه زوجك والخادمة بأن هذا من مهامك انتي وحدك (وطبعا تستطيعين أن تطلبي من الخادمة أن تجهز بعض أغراض الطبخ من تقطيع وتجهيز اللحم والخضروات قبل عودة زوجك بحيث اذا عاد زوجك لا يكون لها حاجه في المطبخ) أو إذا أردتي أن يكون الطعام جاهز بمجرد قدومك ضعي قلبك في ثلاجة :) و ثقي في زوجك والخادمة واستودعيهم الله كثرة التنبيه سواء على الزوج أو الخادمة لا يزيد الوضع إلا سوء |
رد: زوجي والشغالة
هذا الموضوع بالذات لا تحسنين فيه الظن ابدااا
و ياما و ياما سمعنا عن الخيانات اللي كذا ما اقصد زوجك لا و الله بس اللي اقصده الشيطان شاطر و لسى ما مات القي لك حل |
رد: زوجي والشغالة
أختي مثل ما قالت مهره
الحل بيد زوجك مش عند الخدامة لازم ن رف وجهة نظر زوجك بالموضوع وترى ازواجنا اغلبهم تربوا ببيوت وكانوا يتعاملوا مع الخدم فمابيستوعبون نقطة نحط حد بينا وبينهن |
رد: زوجي والشغالة
اقتباس:
في الحقيقة مب شايفة إنه مب محترم نفسه. هو صاحب البيت مثل ما نرجسية صاحبة البيت .. والخدامة مطلوب منها تنفذ ما يطلبه منها مثل ما مطلوب منها تنفذ ما تطلبه منها صاحبة البيت. وما يصير نصغّر صاحب البيت في نظر الخدامة ونقول لها: لو كلمج المستر لا تردين عليه!! يختي إحنا حتى اليهال ما نسوي فيهم جذي عشان تظل الخدامة عاملة اعتبار لكل اللي في البيت .. ومحترمتهم من كبيرهم لصغيرهم. مرة ثانية .. لو كانت في مشكلة فعلاً فحلها بين نرجسية وزوجها .. والكلام يكون معاه هو فقط ..... الخدامة مالها شغل أبداً .. في كل الأحوال هي تتكيف مع أسلوب أصحاب البيت اللي يحددونه ويتفقون عليه هم. وبالعكس .. حشر الخدامة في النص يضعف موقف نرجسية ويخلي شكلها مب حلو جدامها. تخيلي الخدامة تحس إن صاحبة البيت تغار منها أو خايفة منها على زوجها! |
رد: زوجي والشغالة
اذا الزوج ما كان مقدر الوضع و فاهم و متعاون ... ما تقدر توصلي لنتيجة
|
رد: زوجي والشغالة
ابغى اعقب على كل رد بس ماعندي وقت
سكرا لكل اللي رد وادلى برأيه وحاول المساعدة ماعندي مشكلة زوجي والشغالة يفهموا زي ما يفهموا هم عارفين ان هالشيء خطأ بس انا سكت من البداية واكتفيت بالتلميح وكلتم بسيط كلمت الشغالة الظهر لم ترجعوا تجلسي في غرفتك ولا تتكلمي مع مستر في اي وقت على طول قالت اوكي سوري مدام يعني عارفهالشيء خطأ وهو كمان فهم انه انا مو راضيه بالهشيء طبعا زعلان لنا 3 ايام بس بكيفهما اشوف في شيء يزعل انا المفروض ازعل مو هو ام الطبخ انا مضطرة تساعدني بالطبخ وعادي احنا ناكل من المطاعم وش فرقت بالعكس اتوقع الخادمات انظف وهي تاكل من نفس طبخنا الكاميرات ولاجات ببالي ولا افكر فيها ان شاءالله ما احتاجها مايتواجدوا وحدهم بالبيت معه العيال كبار وفاهمين ام امنع تقدم خدمه له صعبه اكيد احيانا بيطلب شيء انزلها تجيب اغراض من السيارة بس انا تساهلات في بعض الامور في البداية معه ومعاها |
| الساعة الآن 03:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©