|
تطلب الطلاق بعد ثلاث ايام تم الطلاق رد72
السلام عليكم
ادخل بالموضوع بشكل سريع في البداية قبل الزواج كانت زوجتي تحبني مرره و ما ننقطع عن بعض ولا دقيقة و سوينا ملكه و مراسم الفرح و عشنا زوجين من احلى الازواج في العالم و بعد ثلاث ايام ... فجئة اختلفت و تغير مزاجها و تفكيرها و صارت ما تطيقني و تقرف مني ولا تبغاني اقرب منها ولا اكلمها ولا اطالع فيها ولا تبغى تجلس دقيقة عندي صارت تلومني على اي تصرف و تتنرفز و عصبية مرره و طلبت الطلاق بدون اي مبرر و انا اسالها يا روحي يا حياتي في شي مزعلك ؟ انا مضايقة ؟ في شي ؟ قوليلي مستعد انفذ الي تبغيه بدون تردد صارت تقول انا كرهتك !!! صرت اقولها طيب ايش السبب انا غلطت بشي ؟ قصرت بشي ؟ تقولي لا !! طيب تغيرت عليكي في شي ؟ تقول لا !!! طيب يا حبيبتي يا عمري ليش كارهتني و ما تبغيني تقول ما ادري انا بتجنن عن سبب الكره و العصبية و النرفزه هاذي قالتلي بطلبك طلب تردني ؟ قلتلها لا والله دام يسعدك و يهدي بالك ما اردك قالت و ديني عند اهلي و الله و فعلا وديتها لاهلها و طلبتني يومين و بترجع قلتلها يا عمري انت متى ما هديتي و روقتي كلميني و اجيلك مر اليوم الاول و الثاني و الثالث و هي عند اهلها و نتواصل و تتجنب الكلام معي و الرابع و اخامس و السادس و السابع صارت تتجنبني و تحاول تموت العلاقة بيننا و ما ترد علي رحت لها بالبيت و ما تبغى تقابلني !!! اهلها اصرو اني اخذها قالو زوجتك تدلع ولا فيها شي و اخذتها و كانت مشحونه و عصبيه اكثر و صار اسلوبها وقح و تردد علي انا اكرهك و ما احبك ولا ابغاك و طلقني انا مو مرتاحه صرت اكلمها بكل هدوء و احاول اتجنب القرب منها و اقولها كل كلام حلو ولكن بالمقابل يجيني سب و تجريح و اهانه جلسنا على هل حال اسبوع مافي فايده و حاولت اتجنبها يومين ما ازيد كلام معاها و بعد يومين كلمتها ها يا عيوني كيفك الحين انشاء الله مبسوطه لكن للاسف زي ما هي و اكثر نرفزه و عصبيه و كره لي صارت تتمادى اكثر و اكثر بكلامها و تقول انت مو الرجال الي في بالي و انا ما اشتهيك و انا اكره شكلك و اكره تصرفاتك و اكره كل شي فيك !!! مع العلم اننا حبينا بعض و كانت تموت فيني و شافت كل شي و عارفه كل كل كل شي فاهميني @@@ كل شي الفرق الوحيد قبل و بعد الزواج العشرة في بيت واحد و المعاشرة الزوجية . بس هاذي مو اسباب انها تكرهني و هيا عارفتني زين قبل الزواج و كل شي واضح و باين و انا الى الان ماسك اعصابي و لا قلت اي كلمه بذيئة عشان ما اكبر الموضوع و اجرحها كرامتي راحت و اهنت نفسي كثيير و حاولت بشتى الطرق بس مافي فايدة كلامها جارح و تكرهني لابعد الحدود و تحاول التهرب مني و تحاول تكرهني في نفسها بس ما قدرت و صارت تقول انت ما تحس ما عندك احساس و انا صابر و متمسك فيها لاني اعرفها حنونه و تحبني و بيننا عشره حب حلوة طبعا صار لها شهر و نص ما اقربها ولا تقربني و انا صابر و الله حرام و بعد كذا فجئة قالت ابغى اروح لاهلي و ما ابغاك خلاص روح انقلع و من الملام الجارح و فعلا ما رديتها و صلتها و نزلت اغراضها و كل شي المهم صارت تكرهه اهلها فيني و اهلها صدقوها اني مو زين و كلامي و تصرفاتي معاها مو زينه و صارت تكذب و تخلق مشاكل بيني و بين اهلها عشان يكرهوني طبعا انا وصلت حدي و صبري خلص و صرت افكر بعقلي و انسى قلبي ابوها صار يقول مالي شغل هاذي زوجتك حل مشاكلك معاها و امها معاها و مصدقة اني مو زين صرت محطم و ما ادري وش اسوي ليش كل هاذا ليش موتت العشرة و الحب الي بيننا و خربت حياتها بدون سبب ليش ... مستجدات الرد 28 http://www.66n.com/forums/showpost.p...0&postcount=28 مستجد الرد ( 34) http://66n.com/forums/showpost.php?p...2&postcount=34 مستجدات الرد(42) http://www.66n.com/forums/showpost.p...2&postcount=42 مستجدات الرد(62) http://www.66n.com/forums/showpost.p...0&postcount=62 مستجدات (الرد 72) http://www.66n.com/forums/showpost.p...7&postcount=72 |
رد: تطلب الطلاق بعد ثلاث ايام من الزواج
(مكانه الأنسب)
|
رد: تطلب الطلاق بعد ثلاث ايام من الزواج
خلي عندك شخصية
و بعد عن شخصية الرجل العاطفي / الرومانسي / حقة الأفلام .. لانه الحرمة ما تحب الرجل اللي بالشخصية هذه .. تهينك و تسبك و تشتمك و انت تقول لها ( ياعمري يا حبيبتي !؟؟؟؟؟ ) يحق لها تطفش و تروح بيت اَهلها .. تغلط عليك .. وقفها عند حدها .. مو شرط بالضرب .. لكن لازم فيه احترام و حدود بينكم .. |
رد: تطلب الطلاق بعد ثلاث ايام من الزواج
يمكن زوجتك مصابه بعين حاولي ترقيها خاصه ان طبعها ما كان كذا
|
رد: تطلب الطلاق بعد ثلاث ايام من الزواج
جربتوا الرقية الشرعية
دامها اخذتك عن قناعه و رضا فاحتمال اللي تطلبه مو قصد منها و الله اعلم زوجتك فيها شئ |
رد: تطلب الطلاق بعد ثلاث ايام من الزواج
مثل ماقالو اللي قبلي جرب الرقية الشرعية يمكن تكون عين اصابتها
|
رد: تطلب الطلاق بعد ثلاث ايام من الزواج
كم عمر زوجتك؟
ببساطة ودها عند اهلها مهمتك صعبة اللين ما يفيد معها و الشدة ستجعلها تنفر منك اكثر و دها عند اهلها الى ان تهدأ من نفسها |
رد: تطلب الطلاق بعد ثلاث ايام من الزواج
إنت قلت ثالث يوم فجأة صار بينا خلاف وتغيرت ممكن توضح الخلاف !
طبعا مهما كان الخلاف مايحق لها تقلل أدب معاك أيضا إنت غلطان يفترض توقفها عند حدها إنت زوجها وعمود البيت يجب عليها إحترامك بدون تقليل أدب أو شتم !! لاقيمة للحب إذا فقد الإحترام .، من رأيي البنت تتدلع "لي قريبة من هالنوعية وتأدبت بعدين " .. ولكن ممكن جدا مصابة بشيء روحي مثلا عين أو خلافة |
رد: تطلب الطلاق بعد ثلاث ايام من الزواج
الحل من رأيي
إنك تبلغ والدها يرقونها بالرقية الشرعية وبعد ماتتعالج بالرقية ترجع بيتها أو بيكون لك تصرف ثاني بدون لاتوضح شنو التصرف "يعني كون غامض" لايدرون إذا بتطلق أو بتخطب غيرها ! وإقطع التواصل هالفترة وإلتزم الصمت مع كثرت الدعاء والله يهديها .. الحل الي ذكرته إتبعه زوج بنت عمي معاها وبصراحة نفع ماأدري إذا بينفع مع زوجتك أو لأ |
رد: تطلب الطلاق بعد ثلاث ايام من الزواج
اشكركم على تفاعلكم و الله يكتبها في ميزان حسناتكم
مين قلكم اني ما سويتلها رقية شرعية و ديتها لشيخ و جلست معاه 3 جلسات و لا نفع معاها الله يهديها مره رديت عليها و قلتلها خلاص قفلي الموضوع صارت تعاند و تزيد بالكلام و تحاول تنرفزني بكلامها القبيح . المشكلة مو فاهمه ان الزوج جنتها و نارها و المفروض تكون مؤدبه معاه و هو الشخص الي يحبها و يهتم فيها للاسف اهلها عندهم علم بكل شي و ان اسلوبها جدا وقح معاي بس للاسف كانو يقولولي لا ترد عليها انا ما ادري هم يوعوها و ينصحوها ولا لا على كلامهم انهم ينصحوها |
رد: تطلب الطلاق بعد ثلاث ايام من الزواج
ليه تسمح لها تغلط عليك
وتطول لسانها ، المرأه تحب الرجل قوي الشخصيه والكلمه حتى تعمل له ألف حساب أما إنها تغلط فيك وأنت تطبطب عليها أكيد بتزيد في وقاحتها . |
رد: تطلب الطلاق بعد ثلاث ايام من الزواج
تعرف وش حل هذي ( طنننننش )
لا تسأل فيها ولا تتواصل مع أهلها وخلك حازم معهم .، انت تزوجت بتستر نفسك وتعفها وهذي داخله بطول لسان وسوء عشره .، نصيحه أهلها باين باردين وبيضيع حقك معاهم بتعاملك الطيب معاهم .، خلها عندهم ولا تسأل فيها واذا يبون طلاق يرجعون مهرك هذي ما عيشتك اي يوم سعاده يشفع لها انك تسامحهم . |
رد: تطلب الطلاق بعد ثلاث ايام من الزواج
ما اشوف انها محتاجه رفيه ولا شي البنت هي هي ما تغيرت من ايام الخطبة بس زادت بالدلع و التمادي لانك ما اوقفتها عند حدها من البداية ... ايام الخطبة ومن امن العقاب اساء الادب .... الله يهديها و يصلحها ... فاهمه الزواج خطأ |
رد: تطلب الطلاق بعد ثلاث ايام من الزواج
اقتباس:
اخر احصائة لنسب الطلاق عندنا كل عشر زيجات بينها ثمان حالات طلاق شي يخوف والبلا من ...... يدلع وهذي اخرتها المفروض تحطة بعيونها ولكن تاتي النتائج عكسية الله يصلح الحال |
رد: تطلب الطلاق بعد ثلاث ايام من الزواج
السلا عليكم
امرها غير طبيعي لايقدر الحب والحنان ينقلب الى كره وجفاءبين ليلة وضحاها يمكن يكون احد حاسدكم وضع سحر ليفرق بينكم عليك بالرقية الشرعية ولا تتسرع بالهجر والتطنيش لا تظلمها واحسن بها الظن واصبر حتى تتاكد انه ليست عين ولا سحر |
رد: تطلب الطلاق بعد ثلاث ايام من الزواج
اقتباس:
ممكن نعرف عيوبك أنت ؟ |
رد: تطلب الطلاق بعد ثلاث ايام من الزواج
ـ الخروج عن الآداب العامة, والمداخلات الشخصية التي ليس فيها عرض لمشكلة, ......... -تحويل الموضوعات إلى حوارات شخصية ودردشة بين الأعضاء, وكذلك المداخلات غير المناسبة للموضوع. نرجو الالتزام ....... |
رد: تطلب الطلاق بعد ثلاث ايام من الزواج
لعلك تذكر ما تجد نفسك متحفظا في ذكره
مابك؟ |
رد: تطلب الطلاق بعد ثلاث ايام من الزواج
اقتباس:
مافي احد مافيه عيوب و كلام على العين و الراس فعلا كان فيني عيوب بس كلها كانت قبل الزواج و عددتها لي و كانت اشياء بسيطة زي اللبس و حلاقة الدقن اشياء سطحية بحكم اختلاف الاذواق طبعا يهمني رأيها و بدون تردد افكر اروح المحكمة و ارفع قضية معاشرة زوج ضد زوجته وقتها يحدد الشيخ اما ترجع بيتها او تطلب طلاق و ينتهي كل شي تتوقعو بتتفاجئ و بتحسم الامر و بتترك دلعها ؟؟ |
رد: تطلب الطلاق بعد ثلاث ايام من الزواج
يعني لو في عيوب فيني تطلب طلاق على طول ؟؟؟
و هل احكم على الشخص في 3 ايام ؟؟؟ و معقوله ما جا ببالها انها تقولي تصرف او حركتك هاذي ياليت تغيرها و اتحاول في تغييري ؟؟ |
رد: تطلب الطلاق بعد ثلاث ايام من الزواج
اقتباس:
ما ألومك يا أخوي الله يعينك ما أمداك تتهنى ، الحل إنك تطنشها ولاتحاول تتواصل معها بأي طريقه هي وأهلها وطول بالك الأمور هذي يبيلها سعة صدر . |
رد: تطلب الطلاق بعد ثلاث ايام من الزواج
اقتباس:
غريب أنك بدأت موضوعك بهذه العبارة!! لأنني عندما عدت لموضوعَيك السابقَين لم أجد حباً .. بل وجدت عصبية وانفعالاً وعدم احترام وطول لسان. فبصراحة لا أفهم لمَ أنت متفاجئ من تصرفها الآن؟! |
رد: تطلب الطلاق بعد ثلاث ايام من الزواج
بعد رد مهرة أخذت لفة على مواضيعك السابقه وصعقت بصراحة !
زوجتك إسلوبها سييء جدا ومستقوية عليك ومتهوره بنفس الوقت "صور المعضل " ! على فكرة بعض الزوجات يستقوون على أزواجهم مستندين على مكانتهم عند الزوج إنت أظهرت لها كل الحب وتعتذر دايما وأشوف إن هذا أحد الأسباب الي خلتها توصل لهالمرحلة البايخة من الدلع الماسج الحل "برأيي" التطنيش خلها ببيت أهلها ولاترد أبدا لا على مسج ولا إتصال إختفى فترة حتي الحاله بالواتس أب خلها عاديه ولاترمز لشيء وإذا تواصل معاك أبوها قول شروطك إما تعدل إسلوبها وترجع بأدب والا خلوها عندكم وأنا لي تصرف ثاني (تصرف ثاني لاتوضح شنو أهو هالتصرف لاتلوح بالطلاق خلهم يشكون بكل شي ) إذا شافت الحزم الي ماقد شافته معاك أتوقع ببتأدب والله أعلم |
رد: تطلب الطلاق بعد ثلاث ايام من الزواج
مهرة
Over love فعلا كلامكم صحيح للاسف كانت تخطئ كثير وكانت بعد كل انفعال تتغير و ترجع للافضل لسانها طويل بس ما توقعت ان يوم بيوصل كذا للاسف انا الضحية و ما كنت واعي لاشياء كنت اتخيلها مجرد كلام دائما ادعيلها ان الله يهديها لكن جى وقت اني احزم اموري و اكون قاسي و ماراح اتهاون ولا عن اقل حق وراح انسى العشرة الي بيننا و الله و الله اني اكلمكم و قلبي مليان حزن و اتمنى ان الارض انشقت و بلعتني قبل اشوفها الان انا عرفت ليش في ازواج يكونو حنونين و طيبين فجئة يقلبون وحوش عارفين ليش ... الرجال يتغيرو زي ما تحب البنت ولكن البنت مستحيل تتغير انا مو كذا مو من صفاتي الشدة و القسوة على المرأة لا يارب ياكريم انك تشوفلي الخير في زواجي هذا و اصرفه عني ان كان شرا لي |
رد: تطلب الطلاق بعد ثلاث ايام من الزواج
بوحسين يعني على قول المثل ياظلمه ياسراجين !
ليش تنسى العشرة والبيوت ماتنهدم بسهولة صحح غلطك وهو اللين الزايد وتركها تتمادى بالدلع إذا كنت مقتنع بالحل الي عطيته لك بالرد السابق طبقة أو إنتظر أصحاب الأراء السديده وهم كثر مثل البليغ ورجل الرجال يمكن يفيدونك |
رد: تطلب الطلاق بعد ثلاث ايام من الزواج
يمكن زوجتك انصدمت من الواقع ..
يعني ممكن تكون هي على درايه وقرأت ... لكن لما جاء وقت الجد انصدمت . اذكر زميله لي متزوجه قالت لي انها ما فادها اللي قرأته تقول نسييت كل شي مازحه حاول ان تتذكر التفاصيل ربما فعلت بشي .. ليس شرط ممكن جرحتها بكلمه |
رد: تطلب الطلاق بعد ثلاث ايام من الزواج
ماذا ستفعل إذن؟
|
رد: تطلب الطلاق بعد ثلاث ايام من الزواج
اليوم رحت لابوها و اخذت ابوي من باب الاصلاح
لكن للاسف راسها معبا علي و ما تبي ترجع تقول انا متى ما قررت ارجع ولا ماني راجعه خلوني ( كأنها مو هامها و بطريقة تكبر للاسف ) و ابوها يقول ما اقدر اغصبها على شي ابشركم خلاص و الله ما اتراجع بقراري انا رايح للشيخ و باخذ موعد و برفع قضية معاشرة ضدها خل الدلع و التسلط حقها ينفعها حسافت العشرة بس |
رد: تطلب الطلاق بعد ثلاث ايام من الزواج
الله يصلح حالها و يهديها
فعلا تصرفاتها غريبة و قلة ادبها اغرب الله يعينك |
رد: تطلب الطلاق بعد ثلاث ايام من الزواج(مستجد
نصيحه لا ترفع قضيه الان اذا كنت تبغاها وركز على كلمة تبغاها .، هي الان شايفتك متلهف وعارفه ان الحبل في يدها .، رفعك للقضيه الان بيهدم كل شي .،
اذا كنت ترتجي منها صلاح ( طنننننننش) ولا تسأل عنها 3 شهور اقل شي .، |
رد: تطلب الطلاق بعد ثلاث ايام من الزواج
اقتباس:
تريث قليلا قبل رفع قضية على زوجتك واجعل خيار المحكمة اخر الحلول بلاشك انت اخطئة بتعاملك مع زوجتك وانا احملك الجزاء الاكبر من المشكلة ..يا اخي الزوجة مثل الطير عندما تمسكة بيدك ان ضغطة علية قتلتة وان بسطت يدك طار لم تكن وسطي يتعامل معها اغرقتها بالحب ونفذ مالديك انت حاولت ارجاعها ولم تفلح جميع المحاولات الان اتركها واقطع اتصالك عنها لتشعر بفقدك..لانها بالعربي مالية يدها منك ولاتوقع انها بتفقدك في يوم من الايام لذالك اتركها شهر شهرين الي ان يحدث الله بعد ذلك امرا اعد المحاولة اذا لم تفلح هذي المحاولة ارفع قصية انقياد وطاعة لبيت الزوجية |
رد: تطلب الطلاق بعد ثلاث ايام من الزواج(مستجد
اقتباس:
لانها تدل ان فيه شي ماعجبها بعد الزواج أكيد او فيه شيء فاجئها والله اعلم |
رد: تطلب الطلاق بعد ثلاث ايام من الزواج(مستجد
اقتباس:
|
رد: تطلب الطلاق بعد ثلاث ايام من الزواج(مستجد
يا أخواني بالعقل لو انا اغضبني اي شي او ما عجبني في زوجتي ما اقلب عليها و ادور الطلاق !!!
احاول تغيير الوضع الي اشوفو غلط اذا انا غلطان في شي تقولي انت سويت كذا و كذا مو تقلب علي و راح استقبل كلامها بكل ترحيب و انصات و ما راح اكرر الغلط بس الي اتوقعه انها شافت مسؤلية زوج و بيت و تبغى ترجع لوضعها الاول ما يهمها غير النوم و الاكل و كله على الجاهز رفعت القضية و الموعد الاربعاء الجاي باذن الله و اهلها عرفو و وصلهم الموعد انا دلعتها بمافيه الكفاية و جا وقت الشدة و القسوة اذا ما تبيني الله يستر عليها في غيرها الي تبغى الستر و العفه و ان رجعت بيتها بتكون عزيزة مكرمهه و راح انسى كل الي فات الله يكتب الي فيه الخير |
رد: تطلب الطلاق بعد ثلاث ايام من الزواج(مستجد
السلام عليكم ورحمة الله وبركاته..
من ردك الأخير اتضح بأن زوجتك صغيرة.. كم عمرها؟ هل هي آخر العنقود؟ تتوقع شو اللي غيرها عليك أكيد في سبب أو تريد شيء ما وترفض أنت؟ أجب بصراحة عن السؤال الأخير.. فرج الله همك. |
رد: تطلب الطلاق بعد ثلاث ايام من الزواج(مستجد
بمكن وزنك زائد وتغيرت نظرتها بعد الزواج
او انت مرررا ماتخليها في حالها طول الوقت لازق فيها او جاها شعور مضايقها فيك او اهتمامك بنفسك مااعرف بس اشعر ان الموضوع متعلق فيك شخصيا والله اعلم |
رد: تطلب الطلاق بعد ثلاث ايام من الزواج(مستجد
اقتباس:
قولها بطلقك مقابل ترجعين لي كل قرش دفعته وإذا وافقت خلاص طلقها مافيه داعي تسحبها بالمحكمه ترا اللي ماجا بالطيب ماراح يجي بالقوه حسسها انك مستغني عنها وطلق برضى وقناعه بدل ما تطلق غصب وربي انشاء الله يعوضك بالأفضل |
رد: تطلب الطلاق بعد ثلاث ايام من الزواج(مستجد
لازم الرقية الشرعية لزوجتك
نفس لي حصل لصديقتي وطلع فيها مس |
رد: تطلب الطلاق بعد ثلاث ايام من الزواج(مستجد
اقتباس:
كان يجب ان تتركها في بيت اهلها على الاقل لشهر واحد ان عقلت كان بها و الا تقدم على هذه الخطوة(رفع قضية) |
رد: تطلب الطلاق بعد ثلاث ايام من الزواج(مستجد
انا اعتقد انها مشكلة الزوجة العاشقة
المحبة لزوجها والتي تتوقع منه كل حب واهتمام ودلال... وفوجئت بالعكس.. يعني الاخطاء والمشاكل التي يراها الرجل عادييييية جدا وتكون بنظر المرأة كارثة.. يعني خلال الثلاث ايام اكيد رحتوا مطاعم ومولات. وحدثت اشياء عابرة بالنسبة لك ولكن بالنسبة لها مدمرة واشعلت غيرتها. واذا ظهرت الغيرة الشديدة يصعب نفسر مشاعرنا ونحس ان الحب كره! وبماانك رفعت قضية. مؤكد ان القاضي ان شاء الله يحاول في البداية الاصلاح. |
| الساعة الآن 06:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©