|
طفشت من خطيبتي
السلام عليكم ورحمة الله ...وبعد
يااخواني ويااخواتي انا متملك من 4 شهور تقريبا المهم البنت اسلوبها بارد جدا معي وكل مااحاول اتقرب لها تبعد عني وسبق ونزلت موضوع بالمشكلة ذي الان مافي تحسن ممكن شي بسيط اخبارك كيف حالك وبس انا من جهتي ماني مقصر بشي لابكلام ولا ب اشاء اخرى وامها تشهد بذلك وهي معي على بنتها قلبا وقالبا لكن تعبت منها مافي تجاوب وكل مااقولها ليش انتي باردة تقول موب باردة تخيلو لحد الان ماسمعت صوتها بالجوال مكتفي بالواتس اب اطلبها اقولها ابي اكلمك لو دقيقة تقول لا وش السبب تقول كذا بس ماحب اكلم بالجوال ولا اعرف انا مليت يعني 4 شهور وكل شي سويته ومافي تجاوب وامها حبيبة وقلبها ابيض وتعبت من كثر ماتحكي لبنتها وتقولها والبنت تبكي وتقول ابيه ومن الكلام ذا ولا اعلم عن صحته طبعا لنا اسبوع نكلم بعض ( واتس ) عادي جدا اخبارك كيف حالك انتبهي لنفسك وبس لاني ادري انها ماتبي تكلمني طبعا السبب خوياتها الله لايوفقهن يعبو راسها بشهادة امها امس دخلت تويتر بالصدفة ولقيتها حاطه علي حظر ( بلوك) كلمتها قلت خير ليش مبلكتني قال مو انا ذي خويتي وهي كذابة لاني دخلت من حساب لي ثاني محد يعرفه ولقيتها منزله على العام الكيك حقها قلت لها وصورت لها الشاشة كدليل لي ليش يافلانه تحظريني ماتبيني اشوف صح قالت ايه صح المهم قلت لها ... بعدين يصير خير انا بصراحة ي ناس تعبت نفسيتي محرق حالي وكل شي اسويه لها وماني معبي عينها مع انها من عيلة بسيطة جدا وش رايكم انتم ؟ للامانه امها انسانه جدا خلوقة وعسل وتحبني مثل عيالها لكن زوجتي اتعبتني ومليت من تملكت وانا ماتهنيت لو بيوم واحد بكلام حلو ): انتظركم وفعليا افكر اطلق طبعا العيب عليها انا اطلق اليوم بكرة اتملك على 10 مثلها واحسن منها بس ارحمها وارحم امها ): |
رد: طفشت من خطيبتي
يابن الحلا هذي تعليمات تجي كل
وحدة بعد الملكة من الي حولها اثقلي علية خليك باردة خلية هو يطرد وراك لاتوضحين لهفتك علية ........ الخ طبعا هذا نابع عن جهل وقلت ثقافة وعي والا احلا ايام ايام مابعد الملكة لزوجين انت سو مثلها وثقل حبتين وينعكس الوضع بقدرات قادر لاتحرق نفسك ونا خوك كلها فترة وتكون في بيتك ..الله يوفقكم |
رد: طفشت من خطيبتي
انا عارف انها احلى الايام عشان كذا منفسسس منها
طبعا انا كرشتها وقلت لها انقلعي واليوم بسحب الجوال منها خلاص ماعاد تفرق معي |
رد: طفشت من خطيبتي
تقول لها ...
من جدك وش هالاسلوب |
رد: طفشت من خطيبتي
استفزتني وكذبت علي عينك عينك
وقلتها بالغلط مامسكت نفسي |
رد: طفشت من خطيبتي
اربع شهور كثيرررر
ماشاءالله هذي فاضيه تحط الكيك وتبي الهروح والسوالف كم عمرهاا |
رد: طفشت من خطيبتي
هروج وسوالف ومعي باردة
يعني مدري وش اقول بصراحة عمرها 20 |
رد: طفشت من خطيبتي
150 مشاهدة والردود محدودة
اقل شي ادعولي ينصلح حالي |
رد: طفشت من خطيبتي
عاملها بنفس اسلوبها
طنشها باليومين والثلاثه والاسبوع لين تدور وراك ان اقبلت اقبل وان تثيقلت وادبرت تثيقل وادبر وعطها جوها لين تتعدل او تعرف ايش حكايتها ولا تخليها زي اللغز الي تدور حله يمكن هذا هدفها تخليك تدور حولينها واستخر الخيرة حلوه |
رد: طفشت من خطيبتي
انتم يالحريم
كتاب غريب عجيب الي يحبكم ووده يسكب قلبكم تسحبونه عليه ولاتعبرونه الي ثقيل ومغرور تلحقون وراه عموما الجوال بينسحب منها وبكلم موبايلي يكنسلون الشريحة لانها باسمي ماتستاهل للاسف |
رد: طفشت من خطيبتي
مو كلهم
بس بعض البنات والنساء يفهمون الثقل غلط يفهمونه انو طنشيه اسحبي عليه لا تعبريه مع ان الثقل هو الاعتدال والتروي مش السحبه والتطنيش هل تحبها..؟ هل فيها مميزات حلوه تشفعلها..؟ |
رد: طفشت من خطيبتي
افا ونا خوك بتسحب الجوال من
زوجتك وتقولها كلام غير لائق ليس هكذا تؤكل الكتف يابعد راسي اترك عنك العصبية وستخدم الحكمة والعقل الكبير بحل المشاكل وقلم نفسك على الهدوء ومتلاك الاعصاب في مثل هالمواقف مو شرط تكلمها وهملها فترة ولاترد على الرسائل مانت ملزوم عشان تحس وتستشعر الامر بس طلبتك وانا اخوك والله اني عارف احساسك ومقدر موقفك لكن .. لاتكنسل الشريحة ولا تسحب الجوال وش موقفك قدام اهلها خل صورتك زينة امام الجميع الله يوفقك |
رد: طفشت من خطيبتي
لا يا اخي الفاضل لا تعمم
مو كل البنات .. اذا أحد تعلق فيهم سحبوا عليه أو العكس يعتمد على عدة امور لا تعد ولا تحصى منها شخصية البنت و خجلها .. وعيها بالزواج "وهل تتأثر باللي حولها أو شخصيتها مستقلة" .. مستوى خوفها من الله و تدينها "و أنها تحتسب الأجر بمعاملة زوجها معاملة طيبة" .. الخ عموما زوجتك عمرها صغير .. كنت أتوقع سابقا ان خجلها هو السبب يبدو لي مثلما ذكرت أنها تتأثر باللي حولها "و هذا شي موجود و واقع و اظن يزيد مع صغر السن" انا اشوف انك تبطل تتصرف بانفعال و تسحب الجوال و و او تفكر بالطلاق او تكلمها عن بعد بالذات و الموضوع مأثر فيك جدا جدا افضل شي تجلس معها بوجود أمها و ابوها و تتكلم معها بكل حزم قول انا قدرت و اعتبرت انك خجولة لكن اشوفك مهمشتني و قول لدرجة صرت افكر بالطلاق و المسألة مو تبيني او ما تبيني .. لازم تبعات لهالشي و إثبات له و انتي ما اثبتي لي كون واضح وصريح و حاسم الله يهديها و يصلحها |
رد: طفشت من خطيبتي
بخصوص اني احبها
انا تعلقت فيها جدا وبخصوص الجمال اقل من عادي وتحت العادي لكن الجمال جمال الروح والحمد لله على كل حال انا ابي امراه تحتويني وتكون لي عون مو فرعون شاطي الراحة اهلها معي خصوصا امها وامها تعبت من كثر ماتكلمها لكن لاجدوى هي تقول انها تحبني ولكن مدري عن صحة كلامها انا تعلقت فيها اول بنت بحياتي خصوصا اني محافظ على نفسي مع اني كثير سفر واشوف اشكال والوان بس يحرمون علي وش حل المشكلة ؟ برايكم |
رد: طفشت من خطيبتي
لكل امراة مفتاح لا يصلح لغيرها
فلا تعمم يرحم والديك خذ نفس عميق و تعوذ من الشيطان الرجيم يمكن هي ثقيلة و ما تحب تظهر مشاعرها انك تسحب الجوال منها فلا يصح منك و انت اهديتها اياه انشغل عنها و لا ترسل شئ خلها تشوف انك موجود بس ما تكلمها اكتب و عبر عما بخاطرك اذا هي من متابعينك بس كون ذكي في التعبير ما تقول صراحة استخدم الكنايات و الاستعارات و اللبيب بالاشارة يفهم اذا ما سالتك و لا اهتمت لكل حادث حديث حينها الله يهدي بالك |
رد: طفشت من خطيبتي
إستهدي بالله
|
رد: طفشت من خطيبتي
إصبر و لا تستعجل حلَّ المشكلة ....
لا تنتقم منها بسحب هداياك منها ، فإنه - لا ريبَ - تصرفٌ خاطئ .... تعلم الصبرَ و الحِلمَ فهذه فرصةٌ من ذهب ... وهو تدريبٌ و تهيئةٌ قبل بدءِ حياةِ المسؤوليات ..... تعلم ان تَرُدَّ السيئةَ بالحسنة ... فهي زوجتك أولى بحسنِ خُلُقِكَ من غيرها !!!! هكذا الحياة لا تكتملُ لأحدٍ كان ....و ما سَعْيُنا فيها إلا لحصادِ ألاجرِ ألاكبرِ ...و ما نيلُ ذلك إلا بالصبرِ و جميلِ الخُلق ..... أسأل الله ان يُبارك لكما و يجمعكما في خيرٍ ... آمين . |
رد: طفشت من خطيبتي
بصراحة شي غريب ,حرام التواصل على اللي جاء وخطبها من وليها وحلال على لستة best friends أخي الكريم ربنا يعينك فقد عانيت مثلك وكان الضغط عندي مرتفع فترة الخطبة HHH أثقل عليها فترررة وخليك هادئ وبارد ولا تعصب أو تتنرفز خذ الأمور بصبر وحكمة وقم بزيارتها بعد فترة وشوف ايش اللي مضايقها وتضعون النقاط على الحروف وإذا لم يوجد تحسن ولو طفيف بصراحة استخر الله هل تكمل معها أو كل واحد في طريقه. وفقك الله لكل خير dgn |
رد: طفشت من خطيبتي
ما لك يا اخي تهجر البنت لفترة3 ايام او 7 ايام شوف ردة فعلها واذا زرتها مرة القادمة اجلس معاها جلسة صريحة خلها تصارحك بنفسها شوف وش الي مضايقها.
الله يفرج همك |
رد: طفشت من خطيبتي
شف ونا خوك عطيناك الحل طنشها بس
مشكلتك مافيك صبر يا اسود يا ابيض او طخة وطلع مخة ثقل ثم اثقل ثم اثقل ثم اصبر مايحير المراة الا الثقل والصمت قاطعها خلها ماتدري وش وراك اما اذا تلاحقها وتشكى عليها عند امها بتكرهك المراة تبحث عن الرجل قوى الشخصية مو اي حركة تهزة وتخلية يتنرفز على ابسط الامور وعشان اريحك اغلب البنات كذا حسب مشاكل شفناها هنا وفي الواقع بعضهن بعد الزواج بشهر تقول مابية ليش هو كرتون طماط ههههه |
رد: طفشت من خطيبتي
يذمون ثقل البنت ثم ينصحونه يثقل
عجيب صارحها وكلمها واجلس معاها وبلا اسلوب انقلعي.. ولا تطلع منك ردود افعال وانت منفعل اصبر لين تهدي بعدين فكر كلكم اثنيناتكم غلط انت بتاخذها وانت مش مقتنع فيها من الاساس والدليل عند اول مشكلة تذكرت انها اقل منك وانك كنت تقدر تاخذ احسن منها راجع نفسك واعد النظر بالموضوع من اصله |
رد: طفشت من خطيبتي
صارحتها وقلت وش فيك انتي تقول مافي شي عادي
الزيارة صعبة بحكم انها عيب الا ماندر انا تعبان نفسيا مدري ليش الحظ معاكسني حسبي الله ونعم الوكيل يغلق الموضوع واتمنى من اي شي يقرا الموضوع تكفيني منه دعوة بظهر الغيب يعلم الله ان صدري ضايق جدا الله كريم |
رد: طفشت من خطيبتي
اقتباس:
الله يفرج همك وييسر امورك يغلق |
| الساعة الآن 05:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©