|
زوجي حاقد علي بسبب مواقف قديمة
مستاءة هالايام من عدة امور في علاقتي بزوجي،وحياتي كزوجة.زوجي لاحظ هذا الشيء و حاول يلطف الجو.الحاصل اني استغليت الفرصة و سالفة تجر سالفة.و هو بعد جاب طاري* بعض الاشياء ال تضايقه.
المرعب في القصة ان لازال حاقد على اشياء صارت قبل 6 سنواات! اشياء صارت قبل الملكة.و يربط المواقف القديمة بحاضر علاقتنا. اصلا مواقف مالي دخل ف اغلبها! طبعا مصدومة و محبطة. نمطه شمالي شرقي.قريت عن هذي الشخصية حقودة و ما تنسى. المطلوب: _كيف اتصرف معه؟ كيف ابرمج مخه يطالع حسنات حاضرنا،و يصرف مشاعره عن الماضي و السلبيات ال صارت فيه ؟؟ (تم تعديل العنوان ليتناسب مع المضمون) |
رد: زوجي حاقد علي بسبب مواقف قديمة
تجاهلي ...
و تعاملي بالحسنى.... استمتعي بالحاضر ... و لا تكدريه بماضٍ فاتَ و ولَّى.... كلمات كلها تحتاج الى عزمٍ و صبر ... |
رد: زوجي حاقد علي بسبب مواقف قديمة
المثل يقول من طق الباب لقى الجواب
الحين هو راضاك تروحي تفتحي ملفات قديمه ليه هو بيفتح اقدم والرجال لاينسون ليس لانهم حاقدون لكن عشان محد يلومهم |
رد: زوجي حاقد علي بسبب مواقف قديمة
لأنكم ماحليتوا الموضوع ولا حصل للي برأسه مبرر واقتناع ماهو أنه حقود بس ماينسى ايه.
لذلك المفروض الواحد يحل مشاكله بوقتها لا يقفلها قبل ينتهون فعلياً منها ومتفاهمين فيها. إذا هو على قولتك شايل ف حتى أنتِ شايله بتسمي نفسك حقودة؟ شيء طبيعي الأمر يكون الواحد مو عاجبه شيء من الطرف الثاني. حلكم التفاهم والصراحة والوضوح. |
رد: زوجي حاقد علي بسبب مواقف قديمة
مبتعثة..
هو ما راضاني.و حتى الاشياء ال وضحت استيائي منها كان مجرد مستمع او مجادل في محاولات جادة منه ان يثنيني عن التفكير فيها و بيان سلبياتها فيم لو حدثت! الملفات ال فتحتها ملفات تتعلق بحياتنا الحاضرة بس سبحان الله زوجي الليلة بدع في الربط العجيب بين الامور الحالية و ملفات قديمة غبار. مستغربة من الربط و لما ابديت استغرابي،برر ان فعلا ماله علاقة بس هو ما نسى! شنو الهدف عجل؟ انا فتحت مواضيع تستحق الاصلاح،و نقدر نصلحها اذا بغينا لكن المواقف ال ذكرها ما اقدر ارجع الزمن و اقولب فيها حتى توالم شخصيته! هل لأنه ارتاح من جو النقاش،و جى ع باله يفضفض لاحظت عقب ما قال كلامه حاول يشغل نفسه ف المطبخ. رجعت و سألته يعني انت حاقد ع اشياء صارت قبل 6 سنوات!! حاول يعدل فكرتي عن مشاعره_انا ما حقدت لكن جى ع بالي المواقف. مرة يقول ما ف علاقة و مو حاقد و مرة يقول له تأثير و انا تضايقت و انا ما نسيت!! متى بيتصالح مع أخطاء الماضي مو عارفة ! |
رد: زوجي حاقد علي بسبب مواقف قديمة
اقتباس:
هل هو يتعامل معاك ويتعامل مع المواقف على اساس المواقف السابقة؟ عطي مثال. بتأكد ماهو من اعتقادك الشخصي وتصورك. وكيف انتِ تتعاملين مع الموقف ! |
رد: زوجي حاقد علي بسبب مواقف قديمة
اقتباس:
لا تنعتينه مره ثانية بالحقود. أنا شخصيتي مثل زوجك يفكروني حقودة بس تراه مو حقد بس ماخذه عليه. (على الموقف ياانه مو عاجبني ولا راضيه فيه او اني ماخذه درس ، واذا فتحت شيء قديم على اساس اعلمك بحالك ، واذا شخص عزيز لأني حريصة بعلاقتنا وعلشان مايأثر هالشيء على علاقتنا احاول ابديه علشان يكون عنده علم). |
رد: زوجي حاقد علي بسبب مواقف قديمة
اقتباس:
و مواقف يدعي ان فيها كذب،و الحقيقة انها بالفعل و صحيحة! هل أقدر اتحكم في كل أهلي و اربط لسانهم و اغير شخصياتهم عشان يرضى!! و هل من العقلانية انه يحاسبني ع امور و مشاعر قبل الملكة،قبل لا أكون زوجته! بالعكس دائما أرغب ف النقاش و اسعى للشفافية لكن زوجي يرفض النقاش و تغيير افكاره! |
رد: زوجي حاقد علي بسبب مواقف قديمة
اقتباس:
لما تقدم خذينا وقت طويل على ما ردينا.. مرةأمي كلمته في التلفون و من ضمن كلامها قالت_انا ما أبغي زوج لبنتي بس ملتزم دينيا_ طبعا خانها التعبير؛و اصلا ما كنت ادري بالمكالمة الا بعد أن تمت!و ما كان الكلام بطلبي. كانت تقصد ان الظاهر ملتزم و لكن الجوهر و المعاملة أهم. اثر الموقف السابق. _يتجنب أمي و شبه مقاطع لها. _يرى بأنه قد ظلم في التقييم. _يعتقد ان اهلي يركزون ع المادة أكثر من الدين._ _واثق من انني التي أوصيت أمي ان تخبره بذلك. |
رد: زوجي حاقد علي بسبب مواقف قديمة
لاتحطين في بالج
ليش ما حاولتي تعطينه تطمينات بانه لو ما شافوه الشخص المناسب و اقتنعوا فيه كان ماانقبل . او قولي .. ما انا بنتهم الدلوعه خليفين علي لازم يتطمون . ملاحظة شي من حياتي الزوجية .. انه صعب نسيان الزوجة لأخطاء اهل الزوج و نسيان الزوج ﻻخطاء أهل الزوجة . تصير حساسية و خلاقات مالها داعي و اللي يخفف هالشي .. تحسين العلاقة بين الزوجين انفسهم .. كل مااتطورت العلاقة يزيد تقبل اهل الطرف الاخر هذا لو ما كانوا سيئين بالتعامل . والشي الثاني .. انه الزوجة تتحمل تحسين صورة اهلها عند زوجها وانهم يمدحونه و ...الخ والزوج نفس الشي مع اهله . يعني كل حد يتحمل مسؤولية تقبل. اهله للطرف الثاني . لاحظت انه هالشي يلعب دور . لا تزعلين من كلامه احيانا يخونا التعبير و نتم نكر ابماضي و مساوئه لكن نندم بعدين . يكون من باب الفضفضة وكل ما تكلمنا نسينا . بس انتي لااتمين تناقشين .. عطيه كم من كلمة تهديه وصكري ابموضزع |
رد: زوجي حاقد علي بسبب مواقف قديمة
اول مايفتح سالفه قديمه علطول غيريها وجيبي سالفه ثانيه
طول ماهو يناقش امور الماضي ويستحضرها تتأثر مشاعره وتسير كأنها توها صارت علشان كذا اذا تبينه ينسى لا تناقشينه ولا تجادلينه ابد وقوليله اللي فات مات واحنا عيال اليوم |
رد: زوجي حاقد علي بسبب مواقف قديمة
النسيان ماهو على كيف الشخص
احياناً لا نستطيع النسيان وهذا ليس معناه اننا حقوديين والمهم هو التعامل الطيب منك له أيضاً حاولي ماتناقشيه في المواقف الماضية والتي يتضايق منها وبالتوفيق |
رد: زوجي حاقد علي بسبب مواقف قديمة
ة عليكم السلام
اختي الكريمه قلتي في معرض موضوعك "مستاءة هالايام من عدة امور في علاقتي بزوجي،وحياتي كزوجة" لو سمحت ممكن توضحين لنا سبب هذا الاستياء |
رد: زوجي حاقد علي بسبب مواقف قديمة
اقتباس:
ممكن تقوليلنا امثله؟ وهل زوجك يحبك؟ اقصد مواقف الماضي اللي زوجك ما نسيها غير كلمة امك له هاتي مواقف اخرى وياليت تقولين اشد المواقف اللي اثرت عليه وليس المواقف البسيطه شكلو زوجك حساس جدا |
رد: زوجي حاقد علي بسبب مواقف قديمة
الحين هو ناسي ولا جاب طاري للمشاكل القديمه وتحاولين تنبشين وتذكرينه بالماضي وبعدين تقولين حقوود يابنت الحلال لاتدورين المشاكل مدامه مايذكرك بالماضي ويحاول ينساه وعيشي حياتك ولاتددورين علي النكد
|
رد: زوجي حاقد علي بسبب مواقف قديمة
اقتباس:
لما الزوجة تحاول تصلح حياتها و تتناقش و تختلف هذا ما يعني نكد لان الضعط يولد الانفجار |
رد: زوجي حاقد علي بسبب مواقف قديمة
اقتباس:
زوجي يحبني بس ما اتوقع معجب بي الموقف ال ذكرته ما يعتبره هو بسيط و لا هو قادر يتجاوزه او يصغره او يوجد له تفسير ايجابي اصلا هو مكبرنه في مخه و مزيد عليه تخمينات و ظنون غير صادقة |
رد: زوجي حاقد علي بسبب مواقف قديمة
اقتباس:
|
رد: زوجي حاقد علي بسبب مواقف قديمة
فعلا مثل ماقالو الاخوة والاخوات تصرفة ابداا مايدل على انة حقود كبري دماغك واعتذري عن الاشياء القديمة وانة اهلك وافقو علية بقناااعة و كل يوم قاعدة تزيد ثقتهم فية.
وراح تشوفين فرق واااضح في علاقتكم ان شاء الله. |
رد: زوجي حاقد علي بسبب مواقف قديمة
[QUOTE]انا فتحت مواضيع تستحق الاصلاح،و نقدر نصلحها اذا بغينا
لكن المواقف ال ذكرها ما اقدر ارجع الزمن و اقولب فيها حتى توالم شخصيته![QUOTE] مخطأة في أن مواضيعك تستحق الإصلاح و تقدرون إذا بغيتي ومواضيع زوجك ما تقدرون تصلحونها،،، كل شيء ممكن يتصلح وما ذكره زوجك مواقف عالقه بذهنه يبغاله تصفيه بس لا أكثر [QUOTE]هل لأنه ارتاح من جو النقاش،و جى ع باله يفضفض لاحظت عقب ما قال كلامه حاول يشغل نفسه ف المطبخ.[QUOTE] يمكن لأنه أرتاح نفسياً بعد النقاش أي بعد ما فضفض و ظن أنه الأفضل يتركك مع حالك تفكري و تهدأي حتى يهدا الجو [QUOTE]رجعت و سألته يعني انت حاقد ع اشياء صارت قبل 6 سنوات!! حاول يعدل فكرتي عن مشاعره_انا ما حقدت لكن جى ع بالي المواقف.[QUOTE] كلامك معه فعلاً مستفز و مو في محله ... يعني تبغينه يرد عليكي و يقولك أن حاقد !! هو يريد يفضفض عن مواقف اتعبته في حينها و يريد منك كلمات تطمنه و تريحه من مشاعرك و تجاهه وبس اقتباس:
صدقيني لو كان حاقد كان ما قدرتوا تجلسوا مع بعض 6 سنوات نصيحتي لك بكل هدواء و في أقرب فرصه جهدي له جو جميل وشاعري ورومانسي و تبعلي و جلسي معه جلسة فضفضه حتى تصفى النفوس جلسة صفاء ولا تقلبونها مجادله و احتويه وطمنينه بعمق حبك له و انك و انك وأنك و انه وانه و انه و ان شاء الله راح يطيح الحطب الله يفرج همي و همك و يشرح صدري و صدرك و ييسر أمري و أمرك |
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©