عدم مدح زوجي لي يضايقني
 

فيه شي مضايقني حاولت بقدر ما اقدر احل المشكله بس ماجاب نتيجه معي
من بداية زواجي ما قد سمعت مدحه من زوجي او كلام حلو
مهما لبست او تمكيجت ما يعلق ابداااا
ارجع من المشغل او من زواج او من عزيمه او جالسه عنده طاقه زين لا تعلييييييييق
كلمته مره قلت له وش عاجبك فيني من الشكل سكت قال عادي ما يهمني قلت طيب شخصيتي قال عادي
انا هنا انصدمت صراحه انا ابي رجل يحسسني باانوثتي ليييييش كذا
معقوله فيه رجال كذا
صراحه حسيت نفسي قبيحه
حتى يوم زواج اختي اخواني خوالي عماني كلهم مدح في مدح و بنفسي انتم شايفن بس كنت اتمنى اسمعها من زوجي
والحمدلله انا محافظه على نفسي مرره ممكن تشوفون مشكله بسيطه بس والله دمرني زي ماهو يبي اهتمام وغزل انا بعد محتاجه انا ما قصرت معه بكل شي
وش اسوي معه عطوني حل

(تم تعديل العنوان ليتناسب مع المضمون)

رد: هل فيه مشكله اذا مدحة زوجتك
 

الله يعين عليهم

رد: هل فيه مشكله اذا مدحة زوجتك
 

في رجال كثير ما يمدحو زوجاتهم ايوا مع الاسف
والله نصيحتي لكل رجال امدح زوجتك ترى والله ماراح ينقص من رجولتك وكرامتك شي
منها تفرحها ضعيفه ومنها تاخد اجر على الكلام الحلو والابتسامه اللي بتشوفها

رد: عدم مدح زوجي لي يضايقني
 

انا حسيت من كلامه و طريقة زي اللي يقول امدحك عشان تشوفين نفسك علي 😳

رد: عدم مدح زوجي لي يضايقني
 

هو ولا شي يعلق مدح مستحيل يمدح
بس اذا فيه شي ما يعجبه حتى لو بالبس او الاكل يعلق
انا صبرت نفذ صبري

رد: عدم مدح زوجي لي يضايقني
 

غريب تفكيره

رد: عدم مدح زوجي لي يضايقني
 

زوجي فعلا غريب انا تعبت معه مرره والله العظيم ابكي من القهره

رد: عدم مدح زوجي لي يضايقني
 

لا تبكين وتقهرين نفسك وهو ما درى عنك

رد: عدم مدح زوجي لي يضايقني
 

مو بس كذا حتى لو صار مشكله بيني و بين وحده
وقلت له السالفه وش انا سويت كيف تصرفت يقول ليش تسووين معها كذا وش هالتصرفات الغبيه يدافع عنها
بس اذا عكست السالفه لا هنا يجي المدخ ايه هذي اللي تعرف تتصرف قويه و ذكيه
صاااارت معي كثير
مره قلت له انا اللي سويت كذا قال ليش تسووين كذا قلت عارفه ما يعجبك شي من تصرفات سكت وتقلب وجه صد عني يومين يكلمني برسميه

انا بوقتها طلبت الطلاق مو عشان السالفه هذا صارت اشياء كثيره صراحه انا كتبت الموضوع بشوف حل معه قبل الطلاق

رد: عدم مدح زوجي لي يضايقني
 

المواقف ألي تصير معك لا تدخلينه فيها

رد: عدم مدح زوجي لي يضايقني
 

زوجي قالها لي : انا مستحيل امدحك واكبر راسك علي وتشوفين نفسك
......
شوفي الكثير من الرجال يعبر عن اعجابه بالأفعال كان يشتريلك لبس دلو او يحضر اكل او اي غرض تحتاجيه ...قله هم من يعبرون بالكلام
الله يكون بعون النساء تنتظر اهتمام فتقابل بجمود ونكران هههه ماعلينا تقبلي الموضوع مثلي وانسي تنتظري مدحه امدحي نفسك امامه يووو شكثر حلو والله لبسي حلو ومن هالكلام يمكن يحس على حاله وتطلع منه كلمه حلوه

رد: عدم مدح زوجي لي يضايقني
 

وش اسوي غصب عني حاولت ما ابكي
بس اذا بكيت هو موجود انا و الجدار واحد

رد: عدم مدح زوجي لي يضايقني
 

بعض الرجال يعتبرون الافعال اهم من الاقوال

رد: عدم مدح زوجي لي يضايقني
 

لأنك تبكين كل شي صرتي أنتي والجدار واحد

نصيحه الدموع وفريها للمواقف الأصعب وألا ما تكون لها قيمه وتهزه

رد: عدم مدح زوجي لي يضايقني
 

هديه ما قد شفت منه هديه حتى لو امدح نفسي عنده او اقول له فلانه تمدحني قال يلعبون عليك انا صادقه بكلامي ما كذبت عليه هنا عرفت الرجال ما يبيني ليش جالس معي انا قد قلت له منت مجبور تخليني على ذمتك وتعذبني ببرودك بس كالعاده ساكت

رد: عدم مدح زوجي لي يضايقني
 

لا افعال ولا اقوال هنا الانفصال حل اريح لي

رد: عدم مدح زوجي لي يضايقني
 

بالعكس ما بكيت عنده الا مرتين حتى هو يقول لي اذا كشفته بشي وتهاوشنا يقول ابكي عشان ترتاحين انا ابكي بس مو عنده

رد: عدم مدح زوجي لي يضايقني
 

طنشي ولا تزنين علية يمدح فيك
وكشخي ولبسي واذا قالك وش حلاتك
قولي ما جبت شي جديد من يومي كشخة
هذا يعزز ثقتك بنفسك امام زوجك
لانك كشفتي ضعفك امامة وقام يتعامل
معك على هالوتر ..الاهتمام يا توق ما يطلب يجي من تلقى نفسة
الله يوفقك يارب ويسخر قلبة لك

رد: عدم مدح زوجي لي يضايقني
 

لبس حلو ....خطأ كتابي

رد: عدم مدح زوجي لي يضايقني
 

ما زنيت عليه بس مره تكلمت معه
والحمدلله انا حتى لو اكشخ في البيت مو عشانه عشان نفسي بس احيانا ودي اسمع من كلمه ترد الروح هو اذا دخل البيت بوقت مفروض ما يكون موجود بالوقت هذا يستغرب يقول وش عندك

رد: عدم مدح زوجي لي يضايقني
 

هذا اللي صار ماعاد اقول له شي
الحين يسال اخبار الدوام ارد عليه ماشي الحال

رد: عدم مدح زوجي لي يضايقني
 

أحسن شي



ياليت أتوظف وتصير لي هذي المواقف

رد: عدم مدح زوجي لي يضايقني
 

لي شهر و شوي اتعامل معه زي ما يعاملني
اذا جلس معي على جواله ولا على تي ڤي
اكون جالسه على جوالي ولا اجلس بالغرفه المهم اكون بعيده عنه ما اتصل عليه ابداااا ولا اكل معه انام قبله نمت عند اهلي اسبوعين من بوم خذيته ما قد نمت عند اهلي وهو موجود كلامي معه جب خذ بس
هو عادي عايش حياة خلاص حصلت قنبله نوويه اخر شي توصلت للطلاق

رد: عدم مدح زوجي لي يضايقني
 

كم لكم متزوجين

رد: عدم مدح زوجي لي يضايقني
 

الله يرزقك ولا يحرمك

رد: عدم مدح زوجي لي يضايقني
 

اربع سنين

ابي من الرجال كيف اتصرف معه هل فيه حل

رد: عدم مدح زوجي لي يضايقني
 

بداية الزواج طبعة زي كذا؟
عندكم اطفال؟

رد: عدم مدح زوجي لي يضايقني
 

هناك شريحه من الرجال ينجذب للزوجه الغامضه التي يشعر بأنها لغز امامه وتلك الواثقه من نفسها واهتمامها بنفسها اول اولوياتها تلك التي تسره اذا نظر
تمشي بغنج امامه تتكلم معه بدلع وتصمت اغلب الوقت
فعلا هذه الشخصيه هي التي تعجب بعض من الرجال ربما زوجك من ضمنهم
...............
نصيحه اخويه :
اهتمي بنفسك واستقلي بذاتك ( استقلي عاطفيا ) لا تطلبي منه العاطفه وتشحتي الحب منه لا حسسيه انك واثقه من نفسك حسسيه انك به وبدونه عايشه مبسوطه مو تحسسيه انه الهواء الي تتنفسيه ترا بيخنقك....
اعطي الحب بعقل وشويه شويه خليه هو يبدا يحس بتغييرك تجاهه ويبدا يتحرك خوفا من ان يخسرك
.......
موفقه اختي

رد: عدم مدح زوجي لي يضايقني
 

عندنا وعندك خير لنا 20سنه زواج ما قد سمعنا مدح ههههههههه مشي حالك
واذا سئلنا ليش ما تمدح قال الحب في القلب هههههههههه
بردي على قلبك حبيبتي وامدحي نفسك بنفسك احسن شئ
بقلك مره رحت المشغل وسويت ميكب وتسريحه وجيت عنده وقلت وش رائيك قال كنك طاوس ابو سبعه الالوان 😂😂😂😂😂😂😂😂😂 من ذاك اليوم معد فكرت اسئله واغث نفسي نهائي

رد: عدم مدح زوجي لي يضايقني
 

رد: عدم مدح زوجي لي يضايقني
 

الشهر الاول من زواج كان طاير فيني مره وزرنا اهله بعد ما رجعت من شهر العسل تغير علي مررره ما كان يمدح بس كلمه وحده عرفت انه يحبني هذا بالبدايه الحين لا تغير الاسلوب معي
عند ولد بس

رد: عدم مدح زوجي لي يضايقني
 

انا مستقله بذاتي مو لزقه عارفه هذي الامور كلها

رد: عدم مدح زوجي لي يضايقني
 

هذا كله احس السالفه كلها من اخته
اخته غيوره مره
وش اللي يخليني اقول هالكلام
مره راجعين لسى من حفلة النجاج فتحت جوال زوجي على واتس
البنت نتفتني تنتيف من الناحيه شكل و لبس حتى الحلا اللي انا مسوويته
معقوله تكون هي السبب

رد: عدم مدح زوجي لي يضايقني
 

رد: عدم مدح زوجي لي يضايقني
 

الخطأ ع وزارة التعليم المفروض بدل ماتحط دروس لسادس إبتدائي عن الحيض والنفاس تحط بدالهم او قبلهم دروس عن معامله المرأه واحترام الاخت والزوجه وكل ماكبر الطالب يوضحو لهم أكثر عن نفسية المرأه ومايمنع انهم يحطو للبنات برضه لكن بما انه الرجل له القوامه خطأ يسمعها من أخت حاقده او أم مسيطره...

رد: عدم مدح زوجي لي يضايقني
 

والله يااختي اذا بتنتظرين مدح من زوجك فااقوولك انتظارك بيطول ّّ
صح كلنا نحب مدح الزوج بس خلاص بكيفه يمكن كذا طبعه مايحب يوضح او يبين الاعجاب
مادري صراحه هم كيف يفكرون ّ..

رد: عدم مدح زوجي لي يضايقني
 

رد: عدم مدح زوجي لي يضايقني
 

اختي الكريمة
هل سبق ان مدحك امام احدا من عائلتك او عائلته
تذكري جيدا
والسؤال الاخر الذي تجدين فيه الاجابه الكافيه والوافيه لك
كيف علاقته معك في اخر الليل
اذا كان يرغب بالنوم معك فتيقني انك جميلة ومفتون بك ولكن كبرياءه يمنعه من مدحك

ودمتم في حفظ الرحمن

رد: عدم مدح زوجي لي يضايقني
 

صمته يعني اعجابه، والدليل أنك قلتي بعض الأشياء ماتعجبه يقول ماتعجبه
ثانياً/ أكثر نساء العاااااااااالم يعانين من هذا الأمر، فكثير من الرجال لايعرفون كيف يثنون ولا يحبون أن يمدحون.
يجب أن تفهم النساء أن أكثر الرجال لايعرفون كيف يمدحون، وطبيعتهم هكذا، وخصوصاً مع تقادم العشرة ومررو الزمن
وجوده معك، وممارسته الجنس دليل على اعجابه.

رد: عدم مدح زوجي لي يضايقني
 

يا ريت يفهموا هذا الشيء


ودمتم في حفظ الرحمن