كرهت زوجي وافكر بالطلاق
 

احس نفسي كارهه زوجي وكل تفكيري الان أني انتقم منه ع كل شيء سواااااه فييني .. انا لي متزوجه 7 سنوات وعندي ولدين والآن حامل وولادتي بالإجازة تخيلوا يقولي زوجي انه مسافر اربعه شهور !! قلت وانا ؟ ماتبغى توقف معايا ؟ في الأثينيين اللي قبل ما شفت وجهك مسافر وبعد بوالدتي ذي تبي تسافر قال عاد ش أسوي انتي ولادتك ماتجي الا بالإجازة .... نفس الكلام يعيييد فيييه .. واذكر اني بطفلي الثاني بكيت عنده واتدلعت عليه عشان مايسافر ومن ذا الكلام يقوول خلاص طيب ونصحى اليوم اللي بعده ويقول بساااافر وزي كذا لييين نشف ريقي و جفت دموعي وطااار وماجاء الا بعد ولادتي ب اسبوعيين الان ناوي يجي بعد اربعه شهور. ... وغير ذي انا بوقت الحمل تتغير نفسيتي وزوجي مايقدر ذا الشيء قبل اسبوعين حسيت من كلامه انه ينفخ علي فقمت طبخت وجهزت الاكل وناديته وقلت له هيا ابلع ورحت الغرفه قام جاء معصب وش فيك انتي ومن ذا الحكي قلت له ليش تنفخ علي قام يصرخ وينفخ ومسوي بيده وكأنه بيضربني وراح وكان. ولدي الصغير برا وقال دخلي ولدك اكليه وولدي اللي اكبر منه قفل الباب عليه وجاء ماصدق وينافخ وقلت لولدي افتح الباب وقلبي مو متطمن حاسه راح يضربني ودخل واخذ مفتاح الباب ويصرخ ويسب قلته خلاص لا تعصب انا ماقفلت الباب عليه قام جاني ودفني بيده وبعدت يده عني قام اخذ المفتاح وضربني ع راسي ويدي وانجرحت قمت دفيته قلت ابعد عني ويضزب فين بالمفتاح ع فخذي وركبتي وظهري وراسي ونزل دم من كل مكان صربني فيه وصار جرح كبيير بظهري و بفخوذي وركبتي وراسي وقعدت اصرخ وابكي وراح حضرته ويقول جهزي شنطتك بوديك عند اهلك وراح عند الغدا وجلس شويه بعدين قام ياكل ويتجشأ بصوت مقرف وعالي وانا ابكي واتألم .... وقبل مايضربني كنت مجهزه جنبي شاهي مع الخبز والجبن وهو سويت له كبسه ولما ضربني انسدت نفسي عن الاكل ما اكلت شيء الا في العشاء ،، ع اي شيء تافه يقوم يمد يده علي وبعدها بيومين كنت بالمطبخ اطبخ وقفلت الباب عشان العيال مايدخلون عندي وجاء دق الباب وفتحت له وخرج وقفلت الباب ورجع مرا ثانيه قلت له وش تبغى قول مو كل شويه طالع ونازل ويصرخ قمت فتحت الباب ودف الباب بالقوه علي وسكت ماقلت شيء ومشيت من جنبه بدون ما اتكلم قام دفني قمت دفيته من ظهره ومشيت وجاء رفستي بقووه من ورا وقلت له ... اصلا انت منت رجاال ورحت غرفتي وبكيت شوي وضحكت قلت ماراح ابكي عشان انسااان...واطي زيه وجاني يقول جهزي شنطتك برميك عند اهلك وقمت جهزت الشنطه ونظفت البيت ووكلت امري لله وشفته داخل ع الخطووط السعوديه بس بعدها ماجاء كلمني مدري ليييش وبعدها بيوميين حسيته ...ماعنده قلب وكل ماجلست كذا زعلانه ماراح استفيد شيء وصار هو لما يكلمني يتكلم معايا من خشمه وينفخ وانا اتكلم بهدوء وماسكه نفسي مع ذا الحمل واجاهد نفسي مجاهده وكانه هو الحامل وانا الرجال الصابر الرحيييم .. لين صار يقط كم كلمه سوالف وجاب غدا من السوق وناداني وجيت واكلنا وبعد الاكل قلت له اشري لي كذا وقام طلبني للفراش وجيييت ،، ماكلف نفسه يعتذر ماكلف نفسه يمسح دموعي ماكلف نفسه يفكر لو للحظه بنفسيتي ..... اضحك ومن قلبي حاقده عليييييه وقبل امس بعد دفني وضربني ليش لاني قلت له ليش مانمت في السياره احسن لاني كنت انتظره وهو قاعد بالسياره ساعه كامله وجاي ع الساعه 11 وعليها ، واتذكر قبل شهر لما كنت عند اهلي وطلعت اتمشى مع اختي واخوي الصغير ورجعت الساعه 10 ونص البيت اتصل علي وقعد يسب فيني ويقول عني داشره وايش الغرض من روحتكم هاه وانتي واختك سايبين وامكم مو عارفه تضبطكم كل ذا الكلام الخاااايس وانا طيب ومن حقك وانا اسفه لكن لما جاب سيره اختي قفلت الخط بوجهه واتصل مره ثانيه وامي تصرخ ردي عليه لانه يتصل ع جوالها ورديت وينفخ ويسب وبالاخير قال ... وع تربيتك وقفل الخط. ؟!!! حسيت للحظه اني ... ؟! ورايحه اغازل واواعد شباب ؟؟؟ كل ذا الكلام وش يجي جنب كلمتي ؟ بالله مايستحق ... ذا الانسان ؟؟ انا اصلا اشك انه انساان. !!! وفوق هذاااا كله فوق هذا كله يتابع اباحييييات وانا ساكته ومسويه نفسي غبيه مااعرف شيء عنه واعرف اني اذا نصحته راح يضربني. تخيلوا لما اسمع موسيقى صافيه يخاصم وشوي ويضربني ؟ اما هو سبحان الله مايشوف نفسه مسوي ملتزم فوق راسي الله لا يوفقه وايش شيء يصييير يهدد بالطلاق وبرميك عند اهلك ومن ذا الكلام كنت قبل الزواج اسمع انه الحريم اللي يهددون بترك البيت وطلقني لكن الحيين شفت العكس صراحه انا مع نفسي فكرت اني اتطلق بعد سنه .. ابغى نصايحكم وشوركم تشوفوا الطلاق حل ولا لا ؟

(تم تعديل العنوان ليتناسب مع المضمون)

رد: تنصحوني اتطلق ولا لا ؟؟؟؟؟؟
 

اراى ان تتروي قبل اتخاذ اي قرار لانه واضح من اسلوبك انك متضايقة منه الان
اسأل الله العظيم ان يفرج همك ويهدي زوجك

رد: تنصحوني اتطلق ولا لا ؟؟؟؟؟؟
 

ممكن تذكري لنا النقاط الايجابية في زوجك؟

رد: تنصحوني اتطلق ولا لا ؟؟؟؟؟؟
 

الشيء الايجابي فيه انه في الاكل مايبخل ... وانه يصلي وشخص مثقف ودارس ..اما السلبيات كثييييييييييييره ما احصيها من كثرها ..

رد: تنصحوني اتطلق ولا لا ؟؟؟؟؟؟
 

الا الضرب المبرح لا تسمحي بيه
الثقافة تعقل الانسان وتهذب مو يغلط على حرمته
خليكي في بيت اهلك ونشوف اخرتها

رد: تنصحوني اتطلق ولا لا ؟؟؟؟؟؟
 

اي بيئه يعيش فيها أطفالك و هم يشوفون امهم تنضرب و تنهان قدامهم

لازم تتاخذين موقف قوي يوقف زوجك عند حده

عليك بالصدقه و الدعاء ان ربي يسخره لك

رد: تنصحوني اتطلق ولا لا ؟؟؟؟؟؟
 

صراحه احس الاحترام بينكم معدوم واذا ضاع الاحترام ضاعت الحياه ..
وكلكم غلطانيين بس انتي كوني احسسن واعقل منه لاتتلفظين عليه باالفاظ تحسسب عليك
تصرفااته الله يهديه لك عليها بس كوني ارقى منه يمكن يحس على دمة ويراجع نففسسه
لاتفكررين في الطلاق فكري في الاصلاح زوجك مو ذاك السوء اللي يوصل لحد الطلاق انتي عشانك ذحين حامل والنفسيه تووب عندك ... روقي واهدي وفكري مضبوط ..
الله يهدي سركم يارب

رد: تنصحوني اتطلق ولا لا ؟؟؟؟؟؟
 

استخيري اولاً..واطلعي اهلك على تصرفاته وضربه لك ...لازم تحطين حد لمدة يده عليك باطلاع اخوانك اووالدك على هالامر...الشي الثاني حاولي تتجنبي النقاشات اللتي تستفزه لتتجنبين بلاءه

رد: تنصحوني اتطلق ولا لا ؟؟؟؟؟؟
 

اهدئي ولا تتسرعين بأتخاذ قرار تندمين عليه
زوجك عنيد لا تكوني مثله عنيده
فمثلا دفك لا تدفينه وأستبدلي التصرف بكلمه لطيفه وأسلوب هادئ الله يسامحك الضرب او الدف ما يصلح ولا يهون عليك تسوي هذا الشىء
تجنبي المجادلات والصوت المرتفع
راح يتغير معك بأذن لله
هو يعتقد أنك ما تحترمينه فـ ما راح يحترمك






.

رد: تنصحوني اتطلق ولا لا ؟؟؟؟؟؟
 

شلون تسكتين عالضرب ؟ وين قاعدين يدفك ويرفسك !
أختي لاحظت إنك تجادلينه ببعض ردودك هالنوعية ماينفع معاها الجدال
والضرب لازم لازم ماتسكتين من رايي لازم شخص من أهلك يوقفة عند حدة !
وترجعين بشروط

رد: كرهت زوجي وافكر بالطلاق
 

انتي انسانه صابره وصالحه ولا من مثلك يصبر على هذا بس باين عليك صابره عشان عيالك
الاهل لازم يتدخلون اللي يهدد بالطلاق مراح يطلق
يخوفك بس عشان تسكتين
وانصحك بكثرة الاستغفار ليل نهار والله يتغير

بعدين يسافر لش هل هو مثل عمله؟

رد: تنصحوني اتطلق ولا لا ؟؟؟؟؟؟
 

هذا ما وددت قوله....

فالاحترام بينكم صفر على اليسار....
وقد أعجبني صدقكِ ، فكثيرة هي المواقف التي بادرتِ فيها الإساءة و الإهانة ... فيردُ هو الصاع لكِ ضِعفًا ليعود بك تفكير الانتقام مجددا و هكذا...فكري جيدا في إصلاح الحال و تقويمه ، و محاولة تعديل الخلل و إيقافُ المشاحنة ...
فمن بادر في الخير كان له من فضل الدنيا نعيما و في الاخرة أجرا من ربه...!!

رد: كرهت زوجي وافكر بالطلاق
 

عزيزتي حاليا ماانصح ادخلين الاهل بالموضوع خليها الخطوه الاخيره

لكن الحين اتمنى تهتمين بنفسيتك وراحتك لان الحامل تتعب نفسيتها جدا وتكثر مشاكلها الزوجيه الا مارحم ربي

زوجك يحتاج تغيرين اسلوبك معاه + صبر

حتى تملكينه

ماينفع الجدال معاه ابدا ولا ردات الفعل الانفعاليه

لازم يشوفك انسانه ناجحه مثقفه مشغوله بنفسها بدون تقصير بحقوقه

ماذكرتي شنو تعملين او ماهي شهادتك ؟

رد: كرهت زوجي وافكر بالطلاق
 

اعطي نفسك مهلة لاصلاح زوجك وبعدها اتخذي القرار الذي يناسبك
خلال هذه الفترة حاولي أن تغيري من أسلوبك وتعاملك معه وجاهدي
نفسك على ذلك
لاحظت من خلال كلامك انك تستفزينه وتعاندينه وتبيني له كرهك
ورغبتك في الانتقام
طبعا لا ألومك في اظهار مشاعرك نحو تعامله معك ولكن كوني ذكية
واستعيني بالصبر وحاولي ان تمتصي غضبه بهدوء وبدون انفعال
فزوجك لا ينفع معه الاستفزاز والعناد

احذري من معاندته واستفزازه وإثارته بكلمات وعبارات تبين له مدى
استهانتك بشخصيته واحذري أيضا نظرات الغيظ والاستخفاف لأن هذا
سيجعله ينفر منكِ وقد يكرهك بل يجب أن تتحلي بالصبر وتكوني
صاحبة القلب الكبير وبذلك تكبرين في نظره وتزيدين من رصيد محبتك
واحترامك في قلبه
يقال أن لكل رجل مفتاح والزوجة الذكية هي من تعرف مفتاح زوجها
بما معناه أن تفهم شخصيته مثلا ماذا يحب وماذا يكره فتعمل ما يحب
وتتجنب ما يكره فبذلك تستميله ومع الوقت سترين نتيجة إيجابية
إن شاء الله وتكسبين احترامه ومحبته

وفقكِ الله وأصلح زوجك وأسعدكما وألف بين قلبيكما
وجعل بينكما المودة والرحمة

رد: كرهت زوجي وافكر بالطلاق
 

تأملي جيدا قول الله سبحانه وتعالى في هذه الآيات واجعليها قاعده في حياتك
{وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34)
وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ (35)
سورة فصلت.

رد: كرهت زوجي وافكر بالطلاق
 

لا حول ولا قوة الا بالله العلي العظيم !
ما انتهو الذكور الي يمدون يدهم على زوجاتهم ؟

اختي ابدا لا تسمحيله بمدة اليد لأنه اذا ضربك مرة واثنين وسكتي بيتمادى
وقفيه عند حده ،،
انا ضد خروج اي مشاكل بين الزوجين للاهل اما اذا وصل الموضوع للضرب فيجب ابلاغ اهلك ليكونو على علم

اسأل الله تبارك وتعالى ان يريح بالك ويعوضك خير

رد: كرهت زوجي وافكر بالطلاق
 

ردودك استفزازية و المثال:قصة بقاؤه في السيارة.
حاولي أن تعدلي من أسلوبك كي لا يكون عليك حجة