زوجي واهلي
 

السلام عليكم ورحمة الله وبركاته .. عندي مشكلة أتمنى الاقيلها حل عندكم .. انا ي اخواني متزوجه من سنه وشويه تقريبًا ومغتربه انا و زوجي المهم اخر مره نزلنا فيها السعوديه لاهلنا سارت تصرفات من زوجي وسارت تصرفات من اهلي .. زوجي ما كان يزور اهلي الا نادرا وابويه كان يسالني فينو ما يسير كدا ما يسأل ولا شي .. واحنا طبعا ما عندنا بيت انا اروح لاهلي وهوا لاهلو لما نرجع السعوديه كم مره ازعل منو وانا عند اهلي ويبان عليا اني زعلانه واحس اهلي شالو عليه .. المهم فرمضان انا اتسحرت عند اهلو وعلى اساس خلاص افطر عند اهلي الا وهوا يجي يقلي يلا تعالي عشان تفطري عندنا يقلي كلمتك من امس صح يمكن كلمني بس ما اتزكرت .. ابويه زعل و نزل كلمو خليها بس اليوم عندنا تفطر ابويه فرحان اني رجعتلو من السفر وزوجي الا يبغاني اروح افطر عندهم مع انو ابويه نزل تحت الشارع عشان يكلمو ابويه زعل منو ورحت فطرت عند اهلو .. بعد كم يوم ابويه اتصل عليه وكلمو عاادي وقلو الله يحييك عالفطور .. وجا وعادي وكل شي .. وقبل السفر بيوم ابويه قلو تعال عندنا العشا بس رحنا اول سلمنا على اهلو واتاخخر شويه وابويه شويه زعل بس كلوو بيمشي .. زوجي ما عندو سياره قلي شوفي ابوكي ازا يوصلنا المطار كلمتو مع انو كان يبى ينام كان بكرتها دوام .. فالاخير قال طيب .. وفوقتها جدتي ام امي دخلت المستشفى وامي قالت اجي معاكم عشان تروح تزورها .. امي ركبت قدام وانا وزوجي ورى و زوجي جالس يهرج وعاادي .. ومن يوم ما سافرنا دحينا اكتر من خمسه شهور ولا كلم امي ولا ابويه وقلي انو كيف يركبوني ورى و انو امي من ايام الخطبه تجلس تقول كلام مدري كيف ومدري اي صح كلامو فامي بس فوقتها يقلها الكلام اللي زعلو مو لما يزعل يجمع كل شي و يقطعهم صح ولا لا .. امي مرتين دحينا ترسلو كيفكم ايش اخباركم يقلها طيبين الحمدلله وبس ما يسالها كيفكم انتو ولما قالتلو لي ما تسال ولا شي قلها زعلان منك ومن عمي على ابويه امي تقلو على اي بالضبط يقلها انتو عارفين دا كلو واحنا مسافرين .. وانا بس اجي افتح السيره دي معاه يصرخ ويقلي انتي مالك شغل حتى لو اكلمو باسلوب وهوا رايق بس اجيبلو السيره يقلب واحد تاني .. والله اني شايله هم دحينا لما نرجع السعوديه ان شاءالله ما تكبر المشكله .. امي وابويه دايما لما اكلمهم يقولولي سلمي على زوجك اقلو يقلي الله يسلمهم وخلاص كانو اهلي يترجو يكلمهم مع انو سارتلنا افراح كبيره واحزان كبيره برضو بس ولا بارك ولا عزا ولا شي 😢 والله مقهوره بس ايش اسوي انا .. الله يخليكم ساعدوني ايش اسوي مهو راضي ينسى وما ادري ايش يبغى ؟؟؟

رد: زوجي واهلي
 

زعلان عشان امك ركبت قدام
طيب قولي لو الام امك مو أمي كدا بيكون ردك؟

وبعدين اهلك شكلهم يحبو زوجك رغم تقصيره لكن مزودين الاهتمام فيه خلاص يتركوه براحته اذا حب يجيهم ولا مع السلامه

رد: زوجي واهلي
 

رد: زوجي واهلي
 

اي والله ومستغربين يقولولي حتى لو زعلان يجلس الفتره دي كلها ما يسال ولا شي .. هوا مره ما يبغاني اناقشو فالموضوع ولما اهلي يكلموني اقلهم طنشو خلاص بس امي كل مره تفتح السيره ومدري ايش اقلها

رد: زوجي واهلي
 

انتظر ردودكم 😟

رد: زوجي واهلي
 

ما احس الامر يستحق
ماله داعي يتناقش معك
هو يقوم بالحد الأدني رغم انزعاجك. لكنه لم يؤذيهم لفظا او يتجاهلهم

رد: زوجي واهلي
 

كيف يقوم بالحد الأدنى ؟؟ وكيف ما اتجاهلهم اهلي زعلانين انو ما بيسال ولا شي .. انا برضو احس الموضوع ما يستحق دا كلو بس زوجي مره مكبرها

رد: زوجي واهلي
 

غريب
ليس من عادة "بعض" الرجال الاتصال و السؤال و الميانة الزائدة مع أهل الزوجة و يبدو أن زوجك كذلك
له جو مختلف عن أهلك. تقبلي ذلك
و تعذري لزوجك عند أهلك. قولي يستحي. مو اجتماعي

رد: زوجي واهلي
 

طيب هوا قالهم انو زعلان عشان كدا ما بيسأل لو ما قال شي كنت اقدر امشي الموضوع ..

رد: زوجي واهلي
 

بصراحه المفروض امك تجلسه قدام بهذي معه حق ياخذ على خاطره
زوجك من النوع اللي اذا اخذ موقف خلاص مايغيره يعني مهما سوو اهلك مافيه فايده جالس يتذكر غلطاتهم
وامك خربتها معه وانتو مسافرين
انتي فهميه ان اللي صار ماضي ولازم ينسى وحاولي انه يغير فكرته عن اهلك اشتغلي على هالنقطه ولا تخلين موقف السياره هذا يتكرر

رد: زوجي واهلي
 

ايوا بالضبط زي ما قلتي زوجي كدا .. والله باحاول معاه بس لما اجيبلو دي السيره يعصب اخر مره كلمتو قلي شوفي دي اخر مره تجيبيلي السيره دي بعدها مره ما كلمتو ..

رد: زوجي واهلي
 

صراحة اهلك بعد يتدخلو بزيادة يعني ايش ابوك يزعل لان رايحة تفطري مع زوجك في بيت اهله .... وتوصيلة المطار ليش يتردد و جلسة زوجك ورة شويه بايخة ،،،، بس كل هذه ما يستدعي مقاطعة زوجك لهم يعتبرهم كبار في السن و يمشي زين علاقتج باهله كيف هل تسألين عنهم و تطمنين عليهم وتباركين وتعزين ام لا ان كان الامر كذلك ممكن تطنشي فترة واذا تكلم قوليله ابغيك تحس بلي حاسه فيه انا وقومي اتصلي بيهم بدون عناد و اما ان كنت مقصرة معهم فهذه بتلك ومفروض ما تعاتبين زوجك على تقصيره

رد: زوجي واهلي
 

مرحبا يابنتي :)

يمكن يكون يغار من أهلك؟
هل تكثري الحديث عنهم في كل جلسة معه؟
هل تتواصلي مع أهلك يومياً أو بشكل كثير؟

إذا كان الأمر كذلك
نصيحتي جربي لمدة عشر أيام ماتجيبي طاري أهلك أمك أبوك أخوك أختك أقاربك أمامه
لا تتواصلي معهم في ظل وجوده

أتوقع يحدث تغيير بعد ذلك

ربما يعشر أنك تفضلين أهلك عليه، وقد يكون لذلك انعكاسات سلبية في نظرته لأهلك كونهم منافسين له عليك.

رد: زوجي واهلي
 

ما أشوف زوجك غلط بشي
بالعكس واضح ان اهلك ضاغطين عليه
مالمفروض يدققوا عليه ليش ما جا وليش ماسلم
ومالمفروض يزعلوا على طلبه منك انك تروحي معاه بيت اهله
وزعله ان طلع ورى معاه حق فيه لان المتعارف عليه ان المرأه تجلس وتقف خلف الرجل
باختصار المشكله ماهي في زوجك
المشكله في تدقيق اهلك في تصرفات زوجك
حاولي تقربي مابينهم بمدحه امامهم
ووصلي له ان اهلي يحبونك ويعزونك ولاتكثرين
وافصلي في المعامله مابينه وبين اهلك تعيشي مرتاحه

رد: زوجي واهلي
 

.. ماهو راضي ينسى وما يبغاني اتكلم فالموضوع انا عارفه انو اهلي برضو غلطو بس خلاص ينسى .. وابويه لما اتردد على المطار كلمني انا بس مو قدام زوجي
الا الحمدلله انا كويسه علاقتي باهلو دايما اكلمهم واسال عنهم .. ما ابغى اسوي زيو لا يزعلو مني اهله الحمدلله طيبين .. ولما اقلو انا دايما اسال عن اهلك يقلي اهلي ما سوولك شي بس اهلك سوولي شي

رد: زوجي واهلي
 

لا انا ما اتكلم كثير عن اهلي .. بس كل يوم اتواصل معاهم وانا فغربه احس لازم اكلمهم كل يوم .. انا ما اتصل عليهم وهوا موجود بس مرات اهلي يتصلو وهوا موجود اروح الغرفه اكلمهم مو قدامو .. صح يمكن احس في غيرة شويه

رد: زوجي واهلي
 

الصراحه كمان كان شايفني ساكته عالوضع زعل مني انا كمان ديكا الفتره .. بس بالله انا ايش اسوي ايش اقول لاهلي .. حيقولولي اتزوجتي وسرتي قليلة ادب .. باحاول اغير فكرتو بس زوجي صعب اقناعه الله يعين .. هوا من كل غلطة نتعلم ان شاءالله .. و امي كل مره تفتحلي الهرجه وتقلي الحياه مع واحد زي دا ما تمشي تحطمني .. بس والله عادي انا ماشيه معاه وكل شي الحمدلله ..

رد: زوجي واهلي
 

تسلمو كل اللي ردو عليا 🌹