عدم تقبل زوجي لي ورغبته في الانفصال رغم عيوبه
 

السلام عليكم
كيفكم
انا عندي مشكله وحابه استشيركم فيها..انا متزوجه من ست شهور عمري 25وهو 32 من اول شهر شفت عنده جوال ثاني فيه صور خالعه اولاد استغفرالله انصدمت وماوجهته كانت معاملته معي جافه ماعمري سمعت منه كلمه حلوه ومطنشني ومو مهتم فيني وجاني مرتين شارب بس ماسكت من بكرا قلتله الي شفت بجواله وانك شارب بسكت هالمره واذا تكررت بقول لابوي طبعا هو نكر انه جاي سكران ومن بعدها خاف ولا شرب وانا موجوده..ومايصدق ع الله يجي الخميس عشان يوديني لاهلي ولا يسال عني يرجعلي السبت ع الساعه 1 وماقد قال اشتقت لك ومرتين عطيته هدايا لعل وعسى يتغير بس لاحياه لمن تنادي ..غير كذا امه ماسحه شخصيته كل اسرارانا يقولها ومايسوي شي الا هي الي قايلته!احيان يكون جاي منهم ويقول كلام اعرف انهم هم الي يقولونه امه وخواته..وشخصيته مرا غريبه غامض ودايم يفكر وصاير اخر الفتره مو طايقني واذا سالته قال مافيني شي او مالي خلق وهو اذا كلمه احد بالجوال يضحك ويسولف!ومن فتره اساله انت مرتاح معي ولا لا مايجاوبني والاسبوع الي راح سالته انت تحبني ولا لا قال لا قلت اجل ليش جالس معي وكل سبت تمرني من بيت اهلي قال اتصبر امي قلتلها اني مو مرتاح معها قالت اصبر يمكن بعدين ترتاح!قلت وانا بصبر لين ترتاح ولا لا قال وش بتسوين قلت ودني لاهلي قال طيب رحت الغرفه بكييت كثير ويوم كنا بالسياره الخميس بيوديني لاهلي قال وش بنسوي قلت اخر انا عرفت رايك وكنت متوقعه اصلا وانتهينا قال توقعين انو ودي اكون اني مو مرتاح غصبن علي سفهته وقبل لاانزل قال بخليك اسبوع فكري واستخيري قلت ماراح استخير ونزلت..والله من يومها يابنات انجرحت وبس اصيح مو عليه مايستاهلني بس ع حظي عافته نفسي ومابي اعيش مع واحد مايبني ولا هو متقبلني اذا ارسلي الاسبوع الجاي وش ارد عليه هو يبي يطلق بس يبيها مني مدري ليه اقوله خلاص انتهينا ولا ايش اقول والله ضايقه فيني الدنيا معليش طولت عليكم وادعوولي الله يجزاكم خير وفيه وحده مرت نفس تجربتي وكيف بتكون نفسيتي بعد الطلاق

(تم تعديل العنوان ليتناسب مع المضمون)

رد: مدري وش اسوي محتاره
 

رد: مدري وش اسوي محتاره
 

الله يفرج همك ويسعد قلبك
إستخيري ألف مليون مره قبل تفكرين ترجعين ومايمنع تستشيرين شخص حكيم في العايله لكن عموما بقولك رايي لو انك وحده من خواتي

فيه أمور في الشريك تقبل اخذ ورد وتفاوض وتنازل وفيه امور مصيريه دينيه أخلاقيه ماتقبل نقاش !

1- صور اولاد وعلاقات اولاد اعوذ بالله والله يسترنا هذا شذوذ وانحراف ومرض وابتلاء وهذا سبب جوهري يخليه لايمكن يميل لك او يحبك لأنك أنثى وهو شاذ !! (والله تعالى أعلم عنه مني ومنك وما نبهته لكن هذا حسب اللي شفتيه )

2- شارب للخمر والمسكرات !!

3- مايحبك او يعزك او يغليك او بينكم رباط عاطفي قوي ممكن يشفع له وزود عن هذا غير مسؤول ويدخل أمه في امور ماتقبل التدخل



انا أقول انت صغيره وعمرك 25 واطلعي بدون خساير وعيال وعمر يضيع وكرامه تنهان وهم وغم مع شخص مثله لا صلاه ولا دين ولا أخلاق ولا حتى حياه سويه وميل عاطفي طبيعي ؟!

الله يسعدك ويكتبلك الخيره في أمورك كلها يآرب jyh

رد: مدري وش اسوي محتاره
 

رد: مدري وش اسوي محتاره
 

روان أختي الكريمة..

تتوقعي الحياة مع إنسان هكذا ماذا ستكون؟!

طلاقك الآن أفضل من وجود أطفال ضحايا، لا تفكري بالإنجاب من هذا الرجل..

اخبري والدك ليساعدك الخلاص منه..

بالنسبة لحياتك بعد الطلاق لن تقف، دوما البدايات صعبة لكن بالإرادة والروح القوية تستمر الحياة ويكون القادم أجمل..

اجمعي الأدلة وكل شيء رأيتيه وأعطيه للوالد، لا تنتظري أكثر والعمر الذي يذهب لا يعود..

أنت في بداية حياتك ولطف من الله لك جعلك تكتشفين حقيقة زوجك.. وكيف تؤمني نفسك مع إنسان غير سوي أخلاقيا وفاقد عقله..

رزق الله لا ينقطع يا روان فمن رزقك بهذا سيرزقك فالأفضل وثقي به سبحانه.

رد: مدري وش اسوي محتاره
 

مابزيد عن كلام الاخوات الي قبلي هم وفو وكفو
اكيد مابينك وبينة مشاعر لسى انتي بأول الطريق
انسحبي من الان قبل لاتتعلقي فية
او تنجبي منه اولاد
والحياة ماراح تتوقف علية هو بس
_ لكن السؤال يطرح نفسة ماسئلتو عنة قبل لاترتبطي فية ؟!

رد: مدري وش اسوي محتاره
 

من غير ماتسألين تطلقي ولا تندمين عليه

رد: مدري وش اسوي محتاره
 

انتظري يطلع الطلاق منه
بس احرصي لا تحملين هالفتره

رد: مدري وش اسوي محتاره
 

لاحول ولا قوة الا بالله

شخص بالصفات هذه الطلاق ارحم من العيش معاه و الصبر على مصايبه
يشرب و يسكر و فيه ميول شاذة ولا يملك اي عاطفة او احترام لك هذا شخص غير مأسوف عليه
اللي يرتكب الحرام ولا خاف من الله ولا عنده رادع ديني ماراح ترجين خير منه

نصيحه وانا اختك استخيري بأمر الطلاق و انفذي بجلدك قبل لا تحملين و تجيبين ضحايا يدفعون ثمن غلطه ابوهم

الله يساعدك و يكون بعونك

رد: مدري وش اسوي محتاره
 

استخيري كثير قبل لاترجعييين ...

الله يكتبلك اللي فيه الخير..

رد: مدري وش اسوي محتاره
 

انتي اصبري هالاسبوع يمكن يجد جديد..يمكن يشتاق او يحن ويراجع نفسه...لاتستبقين الاحداث...نصيحتي لك يا اختي هالفتره تصدقي كثيررر واستغفري طووول اليوم من تصبحين لحد النومه وثقي بالله..متاكده انها بتنفرج باذن الله

رد: مدري وش اسوي محتاره
 

امين جزاك الله خير

رد: مدري وش اسوي محتاره
 

لا اكيدسالنا عنه قالوا اخلاق ويصلي بالمسجد وهو فعلا يصلي بالمسجد بس

رد: مدري وش اسوي محتاره
 

اللهم امين ويعوضني خير

رد: مدري وش اسوي محتاره
 

هذا الي بيصير

رد: مدري وش اسوي محتاره
 

هذا إنسان شاذ.
يعني لا يشتهي النساء
وهذا موب ذنبك.
انفذي بجلدك ولا تنجبين منه أطفال.

رد: عدم تقبل زوجي لي ورغبته في الانفصال رغم ع
 

شربه للخمر بحد ذاته سبب انك تتركينه
فما بالك يقولك ماحبك ولا اني مرتاح معك
يعني شين وقواة عين

رد: عدم تقبل زوجي لي ورغبته في الانفصال رغم ع
 

الله يكون بعونك ,,يصلي ويسكر واهواء شذوذ الله يهديه يارب ,,
شوفي في شخص من حولينا خطب وحدة من يوم ماخطبها صار له ثلاث شهور يصلي بالمسجد عشان عارف ان في احد من اهلها راح يسال عنو ,,بس ناس ماقصروا قالوا الحقيقة ان بس له ثلاث شهور يحضر ,, وصدقيني الناس ماتحب تدكر احد بل باطل فعشان كذاا سؤال ناس مايكفي يبغاله مراقبة عن كثب ,,وفترة الملكة الاهل المفروض كمان يستقصوا عن الولد اكثر ,, انا بشوف انك مارتجع له والحمدالله انك اكتشفتيه قبل ماالله يرزقك بذرية ,, ويتبهذلوا بسبب ابوهم ..

رد: عدم تقبل زوجي لي ورغبته في الانفصال رغم ع
 

نصيحتي لك استخيري
و صلي و ادعي الله كثير إن يكتب لك الخير والخيرة
ولو كنت أختي
لباركت طلاقك، لأن مثل هذا، الله يهديه ويتوب عليه، العيشة معه ستدمرك وتدمر أطفالك إن لم تنتهي بالطلاق

والحمد لله الطلاق ماهو نهاية الدنيا، عمرك صغير و ألف شاب يتمنى وحدة خلوقة وطيبة مثلك

الله يكتب لك الخير

رد: عدم تقبل زوجي لي ورغبته في الانفصال رغم ع
 

لا تستعجلين على طلب الطلاق
ممكن ترجعين له بشروط

رد: عدم تقبل زوجي لي ورغبته في الانفصال رغم ع
 

إستخيري الله في كل أمرك ...
ثم فوضي أمرك للرحيم سبحانه !!

فرج الله همك أخيتي

رد: عدم تقبل زوجي لي ورغبته في الانفصال رغم ع
 

أعطينا سبب واحد يدعوكِ للاستمرار معه ؟!

رد: عدم تقبل زوجي لي ورغبته في الانفصال رغم ع
 

والله مافيه سبب بس خايفه من لقب مطلقه واخاف محد يتزوجني ولا بيجيني شايب ولا متزوج

رد: عدم تقبل زوجي لي ورغبته في الانفصال رغم ع
 

الزواج رزق وهو بيد الله وحده

رد: عدم تقبل زوجي لي ورغبته في الانفصال رغم ع
 

كان الله في عونك

رد: عدم تقبل زوجي لي ورغبته في الانفصال رغم ع
 

زوجوه عشان يعقل ..

للاسف بعض الناس يمشون على هذه المقوله يوم يشوفون ولدهم مب نافع قالوا زوجوه عشان يعقل .. طيب وبنت الناس شو ذنبها ..
بس يا اختي قبل الزواج انتوا ما سالتوا عنه ما عرفتوا عنه .. عن اخلاقه و خلقه ودينه وعمليه ... الخ الخ ..
انا اذكر يوم اني تزوجت حتى سألوا عني في جهة عملي !!

انتي قلتي انه يصلي .. والله ماعتقد هذا الشي .. كيف واحد يصلي ويشرب .. ها الشيئين ما يجتمعون في واحد .. الله يستر عليه ما بحط في ذمتي ..

موضوع طلبه للطلاق وانه يبيه منك ماله الا تفسير واحد .. انه خلاص الرجال ما يبيكي ولا يبغي يدفع لك لا مؤخر ولا نفقه وبيرغمك على التنازل عن كل حقوقك فيما بعد الطلاق .. ولا اعلم ما السبب ..

اعتقد انه ما يمر في ضائقه ماليه والعلم عند الله .. بس القرار الاول والاخير بايدك .. قولي له اذا ما تبي طلقني وكل واحد يروح في حال سبيله ولا ابي منك شي ولا تبي مني شي .. الا اذا شفتي بصيص من الامل في انه ممكن يتغير انصحج بالصبر عليه يمكن يتغير .. اما اذا شايفه انه مافي مجال فالطلاق هو الحل الاخير ولا غيره ..

لا تنسين بكره الله يرزقكم بعيال وراح تكون الحياه اصعب والمسؤوليه اكبر واذا استمر على حاله راح تكون هالامور كلها عليج .. ففكري زين قبل لا تتخذين اي قرار سواءا بالاستمرار او الانفصال ..

ولا تخافي من لقب المطلقه ... والزواج والرزق كله بيد الله سبحانه وتعالي .. وما راح يصير الا اللي ربك كاتبه .. فلا تخافين من المستقبل .. فكري بيومك ..

رد: عدم تقبل زوجي لي ورغبته في الانفصال رغم ع
 

الحمدلله
الخلاص منه الآن وانت بدون أطفال خير من الاستمرار
والله يعوضك بخير منه واصلح

رد: عدم تقبل زوجي لي ورغبته في الانفصال رغم ع
 

جزاك الله خير اخوي..للحين مااتصل ولا ارسل استغرربت مدري وش ناوي عليه بس ابوي يقول بكلم ابوه وبنهي الموضوع بس خلاص انا حاطه فبالي انو بيطلق..الله يكتب الي فيه الخير

رد: عدم تقبل زوجي لي ورغبته في الانفصال رغم ع
 

الله يكتب لك الخير يا روان
وثقي تماما الخيرة فيما اختاره الله .. النجاه منه و من الرجال اللي زيه غنيمة

الله يسخر لك الخير و يصرف عنك الشر .

رد: مدري وش اسوي محتاره
 

الله يسلم يدك ع ذا الرد

::PPP