|
أم زوجي غضبت مني بسبب أغراض بيتها
يالسلام عليكم ورحمه الله.
بالله عليكم جااااوبوني بكل صراحه هل انا غلطانه اووولا انا ساكنه فوق اهل زوجي وام زوجي اخذت اغراضها الزائده مثل ثلاجة فرن وضعتها عند بابي انا غضبت لان عندها مستوددددع مااقدر استقبل احد ومدخلي بهذاء الشكل فرحت لها وقلت لها باسلوب مززح متى تشيلها فقال انها مارح تشيلها لان ماعندها مكان سكتت مده اسبوعين فاارسلت زوجي يكلمهاا فقالت مادري وين اضعها قلنا لها المستودع فغضبت وماردت عليه سكتتت وتحملت اسبوووع فاارسلت عليها تجيني فجات وقلت لها اسالك بالله ياعمتي لو مدخل بيتكك بهذا الشكل عادي قالت لا فقلت لها وانا كمان مو عادي ضعيها في المستودع وزوجي كان معي لما كلمتها ونزلت من عندي بعدها بيومين الا اسمع انها قالت للعائله كلها اني قليت ادبي عليهاوتكلمت عليها وان زوجي سكت لي والكل قلب عليه وزعل وشووهت سمعني بعدها نزلتها للمستودع وكلمتني بنتها اعتذري من امي قلت لها ماغلطت قالت الا غلطتي عليها سحبتيها لعندك فوق وانا ماسحبتها والله فمااارايكم .... (تم تعديل العنوان ليتناسب مع المضمون) |
رد: المتزوجين تعالو عطوني رايكم
والله نفسيتي زفت احس انهم كبروالموضوع وظلمتني وشوهت سمعتي
وفوق هذا مسكت زوجي وقالت له يرضيك الي سوته فيني |
رد: المتزوجين تعالو عطوني رايكم
اعتذري منها عزيزتي
هو لانها مثل اللي تفشلت انك خليتيها تركب فوق و تعطيها كلمتين و هذا ما يناسب قدرها كان وضحتي لها او قلتي هالكلمتين تحت عندها. خالتي مدخل الشقة صار مكركب شوي. تعالي شوفيه. كذا يعني انت اعتذري و قولي لها انك كنت متضايقة و ما عرفتي ان هالطريقة بتزعلك و ان ما قصدك تهينيها لا سمح الله زوجك وش يقول؟ |
رد: المتزوجين تعالو عطوني رايكم
انتي مو غلطانة ومن حقك يكون مدخل شقتك جميل
لكن اسلوبك معها غلط ، واشوف ردت فعلك قوية ولا احترمتيها لكبر سنها من رأيي اشوف تعتذري منها افضل واقترحي عليها اقتراح : اذا هي ماتحتاج الثلاجة والفرن تتبرع فيهاللمحتاج او تبرعي انتي فيها بدلاً عنها ،، |
رد: أم زوجي غضبت مني بسبب أغراض بيتها
من حقك و من ابسط حقوقك بعد
لكن فعلا منادتها فوق عشان تقولين لها كلمتين و ولدها جالس ما هي حلوه بحقها و غلط كبير بعد المفروض نزلتي انتي عندها المهم اعتذري منها و لا تأخذك العزة بالاثم .. اعتبريها زي امك و ترا اعتذارك لها بيرفع قدرك مو منزله |
رد: أم زوجي غضبت مني بسبب أغراض بيتها
اذا اعتذرتي بتكبرين بعينها...عاد وش يبي له سمحت الخاطر..قولي المعذره كان هالموضوع طفشك وماقصدت اتأمر عليك او استصغرك بس كنت متضايقه من الكراكيب وقتها وحبي راسها وقولي المعذره،،،وانتهينا
|
رد: أم زوجي غضبت مني بسبب أغراض بيتها
حتى لو اخطات عليك .. عيب تستدعينها بعدين تعطينها كلمتين كأنك مديرة.الاسلوب مرة مش حلو. او قلتي مثل ماقالت داني
او خليتي زوجك يحل الموضوع .اعتذري منها ولو قلتي لبنتها ابشري و اعتذرتي منها مباشرة كان افضل . |
رد: أم زوجي غضبت مني بسبب أغراض بيتها
اقتباس:
-أنتِ أخطأتِ، ويجب عليك الاعتذار. |
رد: أم زوجي غضبت مني بسبب أغراض بيتها
حطي أمك مكان أم زوجك..ترضي زوجة أخوك تستدعي أمك الى فوق وتعطيها نصايح وشيلي وحطي! وأخوك موجود وساكت!
الصراحه موقف أبد مو حلو ..اعتذري من أم زوجك وحبي راسها.. |
رد: المتزوجين تعالو عطوني رايكم
اقتباس:
رد مميز و في الصميم ! أحسنتِ سلطانة فادية ddg |
رد: أم زوجي غضبت مني بسبب أغراض بيتها
اعتذري وطيبي خاطرها واكسري الشر
|
رد: أم زوجي غضبت مني بسبب أغراض بيتها
ما زلت ابحث عن الأسباب التربوية التي تجعل من الطفل -حين يكون شابا- واقفا بعيدا عن أمه وزوجته تنتصفهما
يالمشقة التربية اؤمن ان تربيتي اليوم هي شخصياتهم غدا، اسأل الله السداد. اعتذري اخيتي وقومي شخصية زوجك |
رد: أم زوجي غضبت مني بسبب أغراض بيتها
زوجك وش موقفه من الإعراب ؟؟
في البداية كنتي صاحب حق لكن بعد ان تصرفتي بهذه الطريقة فيجب عليكي الإعتذار واللوم من وجهة نظري يقع على زوجك في المقام الأول لأنه سمح لكي بأن تحدثي والدته بهذه الطريقة ولم يحل المشكلة من البداية (زوجك عنده مشكلة يجيب ان تعالجيها) ولا تحاولي ان تتصادمي مع عائلة زوجك قدر المستطاع لإن ذلك بداية لمشاكل لا نهاية لها |
رد: أم زوجي غضبت مني بسبب أغراض بيتها
غلطانه وعليك الاعتذار
كان من الواجب انتي تنزلين لها او زوجش مو تجيبوها لمى بيتكم عشان تحاكموها |
رد: أم زوجي غضبت مني بسبب أغراض بيتها
أسلوبك عاجبك؟!!
|
رد: أم زوجي غضبت مني بسبب أغراض بيتها
اشكركم كلكم ووالله العظيم اني ماناديتها عشان اقل ادبي كان تصرفي والله موقصد اهين احد يمكن صدقتو تصرفي غلط لما ناديتها وجهل مني ..
دقيت عليها واعتذرت منها وقالت مارح اسامحك انتي غلطي عليه واعتذرت مره اخرى ثم قامت تتكلم عليه وتغلط عليه وكلام كبييير فقلت لها انا دقيت اعتذر مو نتمشكل مره ثانيه فقالت احاول امشى الموضوع ...وقفلنا ... |
رد: أم زوجي غضبت مني بسبب أغراض بيتها
مو تتصلي
واجهيها وجها لوجه مثل ما جبتيها عندك فوق بشخصها انزلي لها بنفسك. و حبي راسها. و خلاص |
رد: أم زوجي غضبت مني بسبب أغراض بيتها
اقتباس:
|
رد: أم زوجي غضبت مني بسبب أغراض بيتها
ما هو الكلام الكبير اللي قالته؟
|
رد: أم زوجي غضبت مني بسبب أغراض بيتها
اقتباس:
اكسر الشر واكلمها .. لان حصل لسلفتي مشكله معها وراحت لبيتها وكبر الموضوع وغلطت ام زوجي عليها وتقاطعو لين الحين الي مستغربين وضع زوجي لانه طفش من المشاكل كل اسبوع وواحد وزوجته متمشكل وامه داخله في المشكله. |
رد: أم زوجي غضبت مني بسبب أغراض بيتها
موقفك خاطئ وقصدتي ام لا تقصدي يعتبر جارح
موقف زوجك سلبي ولا اعرف فعلا ما موقعه من الاعراب وكيف يرضى على أمه ان تكون في موقف كهذا ام زوجك اخطات لكن الحق لها بكل الأحوال صلحي حلا وقهوه وروحي سلمي عليها واعتذري منها ولو تجيبين هديه افضل وبعد كذا خلي الأمور الي تخص أهله هو يحلها مو انتي وايضاً حاولي تكونين رسميه شوي علشان تحطين لهم قيمه واعتبار بتصرفاتك وما تتعاملين بسجيه وممكن يتحسسون منك كلمة رسميه ما اعني مقاطعتهم اعني بتوجيبهم واحترامهم |
رد: أم زوجي غضبت مني بسبب أغراض بيتها
اقتباس:
ورجعت غلطت ع اهلي والله انقهرت اهلي ليش تغلط عليهم برضه مشيتها عشان اقفل الموضوع ولا موطبعي امشي لاي احد بغلط ع اهلي... بعد كلامها ماودي حتى اقابلها لفتره من الزمن |
رد: أم زوجي غضبت مني بسبب أغراض بيتها
ينقل للقسم المناسب قسم العلاقات الاسرية الإشراف |
رد: أم زوجي غضبت مني بسبب أغراض بيتها
اقتباس:
ولاكن عندهم مناسبه صغيررره بعد يومين مارايكم هل احضرها ؟؟ احس الوضع لايسح والخواطر باقي شايله .. |
رد: أم زوجي غضبت مني بسبب أغراض بيتها
-أصلح الله حالك.
-زوجك يحتاج لتنبيه مع احترامي له. -وأرى أن الحل في يده بعد تطبيقك لخطوة الاعتذار. |
رد: أم زوجي غضبت مني بسبب أغراض بيتها
انزلي اعتذري يا بنت الحلال
ما خفتي منها لما ركبت لك😅بتخافي من المشاكل و انت نازلة لها😮 اطلقي رجيلاتك. غصبا عنها و اعتذري و بترتاحي |
رد: أم زوجي غضبت مني بسبب أغراض بيتها
لا تنتظرين المناسبة يمكن الوضع يكون متأزم
اللحين روحي لها ببيتها و اعتذري وجهاً لوجه |
| الساعة الآن 02:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©