كرهت الزواج بسبب مسؤولية البيت والاولاد
 

بختصار انا عمري 22 وعندي 3 أطفال احس نفسي مو قد المسؤولية حتى أطفالي ماني عارفه كيف أربيهم واهتم فيهم ، لدرجة مرات نقعد نتخاصم انا وولدي الصغير وزوجي يضحك يقول مو كانك أمه كانك اخته !!
وغير كذا تعبت من شغل البيت yjuy كنس غسل صحون غسل أرضيات البيت مع الحمامات غسل المغاسل تمسيح المرايا طبخ غدا وعشا وغسل الصحون ترويش الاطفال الثلاثه وتغيير حفاظاتهم و ملابسهم والعناية بأسنانهم و متابعة دروس ولدي اللي بالروضة و غير كذا كنس البيت والترتيب لازم كل يوم وغير مضاربتهم مع بعض كل ذا فوق راسي انا
وزوجي ذي الأيام قام بس يغسل ارضيه المطبخ وسراميك الدولاب بالمطبخ
وإذا مااشتغلت أسبوع بس البيت ينقلب زباله و زوجي يغلط عليا مع انو يوم جاء خطبني أمي قالت له اني مااعرف بشغل البيت شيء ورغم كذا اذا زعل يقول اني مو حرمه ومو فالحه بشغل البيت رغم كل اللي أسويه يجحد كل شيء بثانيه 😒
احس نفسي خلاص كرهت الزواج وكرهت اهلي اللي أجبروني اتزوج غصبا عني نفسي اتطلق وارتااح واعيش لحالي بدون زوج وأهل ، ومشاكل ووجع راس ، وغير كذا احس الثلاثه اللي جبتهم يكفوني وزيادة وما ابغى أطفال نهائي لان زوجي رامي مسؤوليتهم كلهم عليا مو فالح غير يقفل الباب ع نفسه بالغرفه ويأكل وينام 😌 لا وغير كذا يبي أطفال زيادة عشان التعب مو عليه عليا انا لحالي 💔 أفكر اربط عنق الرحم وارتاح وأعيش حياتي من اول وجديد
ابغى رأيكم ونصايحكم ❤❤❤

(تم تعديل العنوان ليتناسب مع المضمون)

رد: احس نفسي مو قد المسؤولية والزواج 💔
 

رد: احس نفسي مو قد المسؤولية والزواج 💔
 

ارتاحي الحين من الانجاب لحين يدخلوا عيالك للمدرسة حطي لولب تبع خمس سنوات

و نظمي وقتك واعملي جدول امشي عليه بحيث ما تضغطي علي نفسك اذا تاخر عمل لا تحاكي مونهاية العالم

اصبري بيخف تعبك اول ما يبدأوا عيالك يعتمدوا علي انفسهم في الحمام و الاكل

الله يعينك حبيبتي حاسة فيك و كلنا مررنا بمرحلة التخبط و الاحباط و تجاوزناها الحمد لله و تعودنا علي مسؤولية البيت و العيال

لسانك ما يفتر عن التسبيح و الاستغفار الذكر له اثر عجيب علي الانجاز و يطرح البركة في الوقت


الصبر الصبر حبيبة و طولي بالك الحلم بالتحلم و العلم بالتعلم و مأجورة عليهم

رد: احس نفسي مو قد المسؤولية والزواج 💔
 

في نفس عمرك بالضبط كان عندي اربعه ابناء بنتان وولدان
كانت اموري نفسك وحالتي حاله وكنت ادرس
بعد الاربعه ركبت لولب لمدة طويله من الزمن ارتحت شوي بس زادات عليه بعض الامور لان مشاغل الام ما تنقص حتى لو كبرو عيالها ايضا اتتني بعض الامراض أهمها الضغط وانزلاق غضروفي لاني كنت اجهد نفسي ولا احب الخادمات
نصيحه مني لا تكررين طريقتي حاولي فيه اذا اموره زينه يجيب لك خادمه تريحك وكمان خلي اعصابك في ثلاثجة فريزر وابسطي عمرك
هذا اللي عندي

رد: احس نفسي مو قد المسؤولية والزواج 💔
 

اطلبي منه يجيب لك شغاله تساعدك
واذا مايقدر يجيب غسالة صحون عالاقل ترتاحين من غسل الصحون يصير يبقى عليك ترتيب البيت
والاطفال انتي حشرتي عمرك ليش ورا بعض كذا وانتي لسى صغيره
مبدئيا وقفي انجاب عالاقل ست سنوات واذا شفتيه مصر عالاطفال اصري عالخدامه تشيل عنك شغل البيت وانتي تتفرغين للبيبي
بعدين احسك حوسه نظمي وقتك اذا نظمتيه راح يسهل عليك كل شي

رد: احس نفسي مو قد المسؤولية والزواج 💔
 

اغلب البنات زيك مش وحدك كذا
مايوصلون 22 الا قد هم مسؤولين عن بيت و زوج و اطفال
لكن انتي مش متعوده على التنظيف و الترتيب في بيت ابوك عشان كذا تعبتي
وانا عمري 22 ولدي البكر كان في الروضة و انا ادرس في الجامعة
المهم التنظيم و تربية العيال على المساعدة
انا اذا جيت انظف اخلي اولادي يساعدوني و اذا خلصوا لعب اخليهم يشلون العابهم عشان يحف الشغل علي
و المهم تنظيم الخلفة العيال اللي وراء بعض متعبين

رد: احس نفسي مو قد المسؤولية والزواج 💔
 

انا ايضا أم ثلاثة مصارعين :d
و انا المصارعة الرابعة بدون منازع هههههه
الحمد لله حمدا كثيرا طيبا مباركا فيه
أشعر تماما بمعاناتك ، ما لنا غير الصبر و الصبر العظيم بعد ....
كانت معكِ لوفتي من قلب الحلبة ....:D

رد: احس نفسي مو قد المسؤولية والزواج 💔
 

جيبي شغاله،،،،

رد: كرهت الزواج بسبب مسؤولية البيت والاولاد
 

لا تزعلي بلعكس لازم تفرحي لانك انجبتي اطفالك وراح يكبرو معاكي...
اي انك لما تزوجينهم راح تكوني في عز الشباب
ريحي اعصابك وحمدي الله على نعمة الزوج والاطفال فهما شيء ثمين لا يملكه الكثير
اما بالنسبة لشغل البيت قولي لوجك يساعدك وخصوصا في الاطفال وقسمي وقتك باليوم .كلي جيدا والشغل اللي حسيتي انك خلاص ماكي قادرة تكمليه اتركيه ماراح يصير شيء انا اقول احسن من الشغالة ومشاكلها .والله المستعان

رد: كرهت الزواج بسبب مسؤولية البيت والاولاد
 

الله يعينج ويبارك لج ويبلغج بعيالج


عشان جذي ما احب الزواج المبكر ،، الهم ايي حق البنت واهي بعمر الورد

رد: كرهت الزواج بسبب مسؤولية البيت والاولاد
 

طيب ما الحل برأيك؟؟؟

ليش تزوجتي اجل وانتي مو قد المسؤولية والعيال !

رد: كرهت الزواج بسبب مسؤولية البيت والاولاد
 

يا اعضاء المطلوب رفع المعنويات مو تحطيمها شوقة متزوجة ومسوولة عن بيتها وزوجها وعيالها سيدتنا عائشة رضي الله عنها كم كان عمرها لما تزوج به النبي صلى الله عليه وسلم
خلو السيرة النبوية قدوتنا والله ان نسبة العنوسة متفشية في مجتمعاتنا العربية
كفنا ما نغلط بعضنا البعض

رد: كرهت الزواج بسبب مسؤولية البيت والاولاد
 

كان ينقصك بعض الترتيب والتخطيط في حياتك. مثل ان العيال ما يكونو ورا بعض يعني يكون فيه فترة بينهم وكذا...
لكن ماعلينا من الي راح..
ماعليك الحين جدولة وقتك..

بالنسبة للكنس والمسح مو لازم يوميا.. كنس الصالات والمجالس ممكن تكون مرتين اسبوعيا على حسب ما تشوفي مناسب.. الا اذا العيال يوصخونهم..
..
الحمام برضو..

ممكن زوجك يساعدك ويشيل عنك يوم من الايام في التنظيف... المطبخ حاولي ما تحوسين فيه وانتي تطبخي.. يعني خليك نظيفة اي شي تستخدميه اغسيله وقته ولا تحوسي المكان.. ولا تراكمي المواعين..
بالبنسبة لوضعك لازم على زوجك ان يتفاهم ويساعدك شوي..


نصيحة مهما كان الشغل متعب.. جدولة المهام والتخطيط تسهل كل شي.. العمل بدون خطة ولا جدولة لا ينفع ويراكم الامور ويصعبها.

رد: كرهت الزواج بسبب مسؤولية البيت والاولاد
 

حبيت أقولك ان هذا احساس طبيعي خاصة للزوجات اللي تزوجوا في سن مبكر انا تزوجت في سن 17 والآن في أواخر العشرينات
ويجيني هالشعور بين فتره وفتره ان مليت وتعبت من المسؤولية ..خاصة في بيت اهلي كان فيه خادمه تساعد اما في بيتي كل شي يكون عليك بعد شتسوي يااختي..الحل ان زوجك يساعدك شوي يخفف عنك ياخذ العيال يطلعهم مكان يلعبوا فتره طويله ع اساس ترتاحي شوي وتفضي لنفسك.....شغل البيت مو لازم يومياً لأن عندك أطفال ..خصصي ايام مافيها شغل واطلبي من زوجك يجيب من بره.. اطلبي منه الأجهزة اللي تساعد مثلا غسالة صحون..قدر الضغط الكهربائي ..تحاوري مع زوجك ان يتغاضى عن تقصيرك ويساعد شوي في البيت..