تعبت من تصرفات زوجي مستجد رد 22
 

انا صبرت على زوجي كثيرا وراعيت مرضه النفسي كثيرا المهم في الفتره الاخيره يتطنز علي ويقول شعرك مو حلو بنتي شعرها ناعم الي من طليتقته اكيدبنتك زيك المهم مو هذا موضوعي امه جت من السفر وراحت لاخوه قمت دقيت وتحمدت لها بالسلامه وقالت امه تتعالي زورينا انتي وزوجك وللعلم انا بالشهر الثامن وكثير تعبي المهم تخيلوا هو مادق على امه ولاراح لها وهي لها يومين يقول ليه ماعلمتني مو ولدها امه مطلقه ولها اولاد غير وقاعده عند اخوه من امه الي هو راح جابه من سفر وذا قاعد يبي الناس يقدرونه يقول راحت اخوها ماجتني ولادقت ققلت امك ذي لها هي الحق وقام يهوش ليه تدقين ماتعزمينها انتي ماتستحي قلت انت ولدها مادقيت ومارحت قالت انتي راعيه البيت قلت خلاص بدق مشكله وقام يلعن ويهوش قلت راحت عند اخوك وين راحت هي يعني انتي تدافعين عنهم مالك دخل بهم ان تدخلتي انتي طالق ان سافرتي لهم انتي طالق ونهبل علي وقبل ذا الفجر تخيلوا طول الليل ماقال شي جا الفجر وقام يهوش تخيلوا نايمه يقول عزمتي امي قلت خلاص بعزمها وقام يبربر وانا ساكته ويقول مرتي الاوله راعيه واجب وامي تنام عندي وناا ياعمري مايمر شهر الاموديني اهلي ولي خلق افكر باهله والا ادري عنهم ماستقريت عنده افكر باهله واسمعه يطلق مادري على وش ماناقشته خفت منه المهم يوم جا الظهر سلم ومارديت عليه كنت مقهوره منه شي طبيعي حامل واحد يهاوش الفجر ويبربر قلت الحين بيضربني وجا الظهر يبيني استقبلله وشوي مارديت عليه يوم سلم قال ياله خوذي اغراضك وروحي لاهلك قلت وش مسويه قال ليه ماتردين قلت لاعني الفجر وقاعد تطلق وتخربط تبيني ارد قال البسي عباتك ققمت اخذت عباتي وصحت وقام غير لبسه بيققعدو راح روجع قاام يهوش ققلت وش مسويه انا قمت اخذت عباتي قال احسن انا مابيك وقام يقول ان رحتي لهم طالق اصلا مابيك وقعدت اصيبح قال ليه تشوفين قعدت لبستي عباتي قلت الحين تهاوش وتبيني اقعد قال ياله خوذي ذهبك روحي مابيك خوذي اوراق المستشفى معك المشكله جايتنا خالتي وبناتها شلون بدخل عليهم الحمدلله كانوا طالعين رحت وقعدت بغرفتي وجيت اشكي لكم والشكوى لله مادري اعلم امه بالموضوع لا ويقول احسن خليهم ينفعونك يقصد امه وعيالها من امه عشاني ادافع عنهم واقول اخوانك واني بطلقك عشانهم حسبي الله ونعم الوكيل مادري شسوي ادق على امه وش اسوي كرهته اول نقول مريض بالشك الحين شقول لاويقول ربي انتي بنتك لاواليوم بيجي دولاب ملابس بنتي الي مافرحت فيها كل شوي مشاكل انا الي جبته لنفسي وصبرت عليه طقيت ثلاث سنين وماشفت نتيجه لاحول ولاقوه الا بالله حتى ماتوظفت وظيفه تغنيني عنه الله يغنيني من واسع فضله

(تم تعديل العنوان ليتناسب مع المضمون)


(مستجدات الرد22)

http://66n.com/forums/showpost.php?p...3&postcount=22

رد: جزا المعروف سبع كفوف
 

الله يفرج همك ويصلح زوجك

رد: جزا المعروف سبع كفوف
 

الاحول والا قوة الا بالله
وشفيهم الازواج هاليومين
كثرانة مشاكلهم
الله يفرج هم كل مهموم
عندي ملاحظة
ماهو من المرؤة يذكر محاسن
طليقتة ابدا مهما كان الفرق
فا انتي شخصية وطباع وهي كذالك

رد: جزا المعروف سبع كفوف
 

كذاب طليقته جنيه مطلعه عينه كل يوم تروح لاهلها ومتمشكله مع اهله تقعد شهور ماتكلم امه وماتروح

رد: تعبت من تصرفات زوجي
 

الله يهديه ان شاء الله
ماعندي اي تعليق ممكن يفيدك

........

رد: تعبت من تصرفات زوجي
 

مافهمت كلامك ابتسامه

رد: تعبت من تصرفات زوجي
 

انت حالة خاصة جدا
لانه مريض
والسؤال
هل اذا تناول الادوية يكون طبيعي وهاديء
اذا كان الدواء يجيب نتيجة فالحل. تتابعي معه مواعيد الدواء.
لان يوجد اشخاص مبتلين بالمرض وبدون العلاج ثورة وعصبية وتدمير ومع العلاج تتحسن احوالهم.
واظبي معه ع العلاج
والله يشفيه ويهديه ويكتب اجرك

رد: تعبت من تصرفات زوجي
 

شلون يعني ارجع له ولكنه مسوي شي يدري هو عن تصرفه وش مسويه الله واكبر مليت منه مايمر شهر الاهو غاثني ثلاث سنين ذي مادري شلون مرت لاشهر عسل تهنيت لاسفر تهنيت لاحمل فرحت

رد: جزا المعروف سبع كفوف
 

مايحق لك ابدا
نعت اختك المسلمة في غيابها بهذه الكلمة السيئة
لم تؤذك ولم تسبك ولم تضرك

اسالي الله العفو في ماقلتي امام الملأ

رد: تعبت من تصرفات زوجي
 

يعني انتي تعرفينها اوتعرفيني كلها نكات ماتعرفون قاعده اقول وضعي واحد يمدح طليقته واهله اصلا متضايقين منها

رد: تعبت من تصرفات زوجي
 

طيب هذا امر ليس لك به علاقه
علاقتها بااهله ليس من شانك
اهتمي بعلاقتك بزوجك فقط
اما هي ذهبت في طريقها

رد: تعبت من تصرفات زوجي
 

انا قاعده اقول مشكله وابي حل وجايه تقولين لاتتكلمين فيها خلينا بموضوعي

رد: تعبت من تصرفات زوجي
 

امس مرسل يقول متى تجين تاخذين اغراضك عاد مو شي جديد يقوله بس هالمره احسها النهايه مادري شقول لاهلي انا مطلقه مو مطلقه مابي اخذ اغراضي مالي خلق انا استاهل الي صبرت على واحد مريض نفسي مايمر شهر الافلم حملت ماحملت بولد بسافر الله يجازي صبري مادري اراعي مرضه مادري طلاقه الاخير وش وضعه مابي اروح مفتي مليت من سوالفه وش هالعيشه بس ودي يمر حملي زي البنات ودي افرح بمولودي واسوي حفله اسوي حفله وانا مطلقه كلن يقول مسكينه وتحقيق وليه وماليه

رد: تعبت من تصرفات زوجي
 

لاتاخذين اغراضك .. اذا مايبيك اتركيه لحد مايتواصل مع أهلك .. وياأختي إذا مريض فلا تلوميه أصبري واحتسبي .. وإن شاءالله تولدين بالسلامة وهو مصيره بيهدأ ويراجع نفسه بس ضروري ضروري يكمل علاجه..

رد: تعبت من تصرفات زوجي
 

اختي زوجك مريض نفسي والله يعينك بس من ردك على الاخت الناصحة يدل انك شوي عصبيه وما تتحملين حتى كلمة نصح من احد ،،،، ان كنتي شخصيه مرنه وعندك صبر كبير فاقول لك اصبري لعله في يوم من الايام يشفي( ولو ان مرضه نفسي وبلعادة يصعب شفائهم ولكنه ليس على الله ببعيد)
ولكن
ان كنتي ( مثلي) ما عندج صبر وبسرعة تتنرفزين فاقولج حياتج من اليوم الى اخر يوم وانت تعبانه ومقهورة ومتنوفزة وما راح تعيشي حياتك وراح يتعبو عيالج معكم وما راح يكون بيتكم بيت مناسب لتربية اولاد سويين

ويا اختي شدخل الطلاق بالولادة الطلاق نهايه غير سعيدة لاثنين لم يوفقو في زواجهم اما الولادة فهي فرحة ما بعدها فرحة فرحة معجزة وهديه من الله سبحانه وتعالى لعبده احتفلي في ولادته واستانسي وماعليج من احد سواء انفصلتي او بقيتي مع زوجك

رد: تعبت من تصرفات زوجي
 

الحياة الزوجية " شد و إرخي " ...
و يظهر جليا كما اشارت الاخت الحبيبة فلوجة - اعذريني اختي ان صدقتك النصيحة - انك عصبية !!!
و من المعلوم ان حطب و بنزين = نار !!!!

لذا ارى منك - جزاك خيرا - و بما انك تطلبين المساعدة ، ان تكوني المحتوية للموقف ، الداحرة للشيطان و لك الاجر بإذن الله !
فإن أمرك اطيعيه ،سايري الموقف و لا تعاندي كأخذ بأسباب الإصلاح من جهة و توسلي الى الله من جهة أخرى ... و بدوري أسأل الله لكما كل خير و فرج !

رد: تعبت من تصرفات زوجي
 

هذه المستجدات طبيعية ، لأنها " مرفقةٌ " للمشكلة الام .. فإن لم تضعي حدا لها ، تسلسلت عليك أخريات قد يكون ختامها مر !!!
فالصبر الصبر يا اختي ، و من منا لا يحيا من دونه!!!

رد: تعبت من تصرفات زوجي
 

انا مو عصبيه بس هي دخلت بسالفه مالها دخل بموضوعي لاني بمشكلتي بالعكس انا محتويته وصابره وبالعكس اداري وضعه واصبر ماطلع الاهو طاردني وقايل روحي لاهلك اخرها مطلقني وقايل روحي ربي بنتك انتي تحسبوني هاوشته اخذت عبايتي ورحت وش اسوي معه اناقشه يسوي فيني شي رحت ودمعتي ماجفت هو يقول محد مثل صبرك اناشاكه بموضوع الطلاق انه خلاص وقع ومالي خلق اروح مفتي معه بوصلها اهلي نبتل لا واليوم مرسل يقول ترى لك رجعه على كيفك انا ماكانه مسوي شي مادري كيف اخليه يعرف قدري

رد: تعبت من تصرفات زوجي
 

افكر ارسل له رساله اهاوشه فيها واقول له تبي زوجتك السنعه رجعها دامها حلوه وسنعه شتبي فيني وبالنسبه للطلاق يبي مفتي وماراح ارجع الابرضاوه وابيه يغير شقتي المخيسه قديمه وهو قادر يجيب افضل زواجه الاول شقه حلوه وانا حاقرني بشقهً قديمه

رد: تعبت من تصرفات زوجي
 

استهدي بالله يا اختي ...
استخيري الله قبل الاقدام على اي قول و فعل مصيري !

رد: تعبت من تصرفات زوجي
 

الله يهديه

رد: تعبت من تصرفات زوجي
 

ارسلت له رساله عتاب وزعل وقلت وضع طلاقك لازم مفتي وماراح ارجع حاليا عشان ارجع اذا شاريني لي شروط قام ارسل وش تبين عندي رجال قمت ماعاد فتحت رسايله اخاف كاتب شي وانا مالي خلق وانا عند اهلي بفتح باليل رسايله

رد: تعبت من تصرفات زوجي مستجد رد 22
 

الله يفرج همك

رد: تعبت من تصرفات زوجي مستجد رد 22
 

حلم وش صار عليك طمنينا ؟؟؟

رد: تعبت من تصرفات زوجي مستجد رد 22
 

والله للحين ماصار شي قال اعتبرينا راجعين قلت لازم مفتي بعدين اقولك شروطي مايذكر انه طلقني الفجر يقول ماطلقت الاالظهر ماذكر اني طلقت وقام يحلف لي قلت انت ماتذكر بس انا اذكر مادري شقول لاهلي لاوقع الطلاق ماودي احد يدري حد ماولد الله يعين

رد: تعبت من تصرفات زوجي مستجد رد 22
 

كلمني امس ويقول راح للشيخ وقاله لازم تجيبها عندي مادري شلون اروح وارجع شقول لاهلي حتى لو ماطلق مابي ارجع معه شقول لاهلي رحت ورجعت احد عنده فكره

رد: تعبت من تصرفات زوجي مستجد رد 22
 

طيب كلمي الشيخ مو لازم تروحي .. او يكلم الشيخ ويسوي مكالمة جماعية وتستفتو كليكما معا. . ما أعرف ماني مرتاحة من أمر ذهابك معه للشيخ من دون علم أهلك .. لتخبري أهلك إذا كان لابد من ذهابك معه للشيخ..

رد: تعبت من تصرفات زوجي مستجد رد 22
 

إذا تبغي تكملي زواجك معاه روحي للشيخ وإذا ماتبغي لاتروحي فكري زين الناس واستخيري عشان ماتندمي

رد: تعبت من تصرفات زوجي مستجد رد 22
 

سؤال هل انتي تزوجتيه تعرفين انه مريض..
ام اكتشفتي مرضه بعد الزواج .. وشلون اكتشفتي انه مريض..
من رأيي الشخصي انك تخبرين اهلك بكل شي حصل .. حتى لايتمادى زوجك عليك بعدين وكل شوي طالق طالق ..
هذا لمصلحتك سوءا استمريت معاه ام طلبتي الطلاق ..
القرار بيدك انتي فقط مو بيد اهلك ..
لاكن من رأيي يجب اخبار اهلك

رد: تعبت من تصرفات زوجي مستجد رد 22
 

اكتشفت بعد الزواج اكنشفت ان ادويته كلها نفسيه وهو ينكر وجاه الشك وزاد علاج للشك والي قهرني اول زواجي امه الي تقول ولدي مافيه شي اول مره يشك فيكم عين وراحت شهور ونقرا على اساس عين بعدين قمت اشوف وش علاجه اكتشفت انها تصرف لمرض نفسي وصبرت واقنعت نفسي انها مرحله وتروح بس يروح ويجي مرضه وبالاخير تجيك امه تقولي ايه ولدي جايته ضربه براسه يوم هو صغير طيب دامك عارفه انه فيه مرض سابق ليه تخليني ارجع اول طلاقي وعشمتني انه مافيه شي ورجعت على اساس عين كان من اول طللاق تركته وخلاص
بس مكتوب وعدت الايام كل يوم اقول يتحسن هو خف بس تجيه اوفات يعفس الدنيا زي اخر مره
ومليت اروح مفتي ونكلم شيخ هالمره رحنا والشيخ ماكان فيه ورجعت وانا بس ارقع له عند اهلي
احس انه طابت نفسي منه صار مسخره زواجي كل شوي طلق رح شيخ استغفر الله لا والي قهرني ذاك اليوم قلت لي شروط عشان ارجع قال تستاهلين بس يوم اخر مره يوم نروح الشيخ طلبت الف عشان اشتري اغراض للمولود ناقصه ماشريت قام يحقق وش تشترين
اجل لو اقوله ابي ذهب ابي شي يسوى وش يقول صراحه طفيت ولاعاد كلمته وتسب ولاسالته عن وش سوى الله يعين

رد: تعبت من تصرفات زوجي مستجد رد 22
 

مالي خلقه ودي اطلب رضاوه مادري شطلب اخاف يقول لا افكر اطلب مبلغ عشر الاف بس يوم شفته يقول شتبين بالف حق المولود ويحقق قلت شكله مو جايب شي من حقي اطلب منه هو الي مشقيني معه ليه ارجع بسهوله وشرايكم

رد: تعبت من تصرفات زوجي مستجد رد 22
 

رد: تعبت من تصرفات زوجي مستجد رد 22
 

طيب ودي اطلب مبلغ عشر الاف يعتبر رضاوه وهديه نفاسي يعني وهو يقدر اصلا بس ماسك فلوسه اخاف يرفض ويفشلني وققتها شسوي ارجع اروح معه المفتي او اتركه تخيلوا طليقته الاوله طالبه منه ميه الف ريال عشان ترجع بس مارجعها ولاسوى فيها نص الي سوى فيني كانت دلوعه ومدلعها وتتشرط مبالغ hg

رد: تعبت من تصرفات زوجي مستجد رد 22
 

تخيلوا يوم طلبت رضاوه قام يبكاسر له وجه يقول بعطيك خمسه وتراك انتي الي مزعلتني ماشاء الله قلت وش مسويه ياخي اعتبرها رضاوه وهديه نفاس الناس يهدون حريمهم والي تولد بخاص لو غيري كبر الموضوع وعلمت اهلي وطلبت اشياء قال غيري يعطون مصروف وسفروك اوربا قلت كلن يعطي مصروف ويسفر على قد استطاعته من زين مصروفه لازم ينقصه والسفر ليتني مارحت سبق تكلمت عنه ضربني وطلقني واانا بالسفر تخيلوا رجعت له بعد ولاكبرت الموضوع لاني يوم ارجع تفاجات بوفاه ابوي الله يرحمه مابغيت ازيد الهم هم وانكد على امي بس من يقدر طابت نفسي منه ولاعاد ودي اروح شيخ ولاابي رضاوته حسبي الله ونعم الوكيل وش طالبه انا ماراح يلقى احد مثلي يصبر ويراعي مرضه هو الي بيخسرني انا ماراح اخسره

رد: تعبت من تصرفات زوجي مستجد رد 22
 

لايقول بعد خلاص قولي لبنتك انك انتي السبب بالطلاق يعني لانك مو راجعه الا بعشر الاف انا ماسويت شي ماشاء الله

رد: تعبت من تصرفات زوجي مستجد رد 22
 

عجزت انام خلاص طابت نفسي ابي اعلم اهلي مو كفو اصبر عليه عجزت انام من القهر عارفه انه اذا وصلت اهلي
بيتم الطلاق خلاص ماعاد ابيه

رد: تعبت من تصرفات زوجي مستجد رد 22
 

الله يصبرك ويجبر بخاطرك ,ويسخر لك زوجك