|
احب شراء الذهب هل انتم مثلي؟
السلام عليكم
الذهب وما ادراك ما الذهب احبه اعشقه وودي اشتري تاج ذهب زي هذا👸hthd تصدقون احس بسعادة يوم اشتري ذهب احس اني سعيده مدري ليش:23: اسالتي لكم.. كم طقم ذهب عندك..؟ هل تشعرين بسعادة مثلي حين تشرين الذهب..؟ و هل اشتري طقم ذهب وانا مازلت فتاة..؟ احس طقوم الذهب تصلح للمتزوجاتhgh انا اشتري سلاسل وتعليقات وخواتم لكن طقم باقي ما غامرت وسويتها لكن افكر اسويهاfgfg تنصحوني اسويها واشتري طقم ذهب..؟ وهل تلبسين الذهب بالبيت ام فقط المناسبات..؟ انا البسه في البيت 😊 هيا لننتعش قليلا مع الذهب وسيرتهhyi انتظركم خواتي.. |
رد: هل تحبون شراء الذهب مثلي..؟
ومن لا تحب الذهب ؟؟ fffsg
الذهب غذاء الروح للمرأة .. hyg |
رد: هل تحبون شراء الذهب مثلي..؟
ههههههه
زادك الله من نعيمو يا مريم اي والله استمتع وانا اشتريه ولا اندم على اي قطعه اشتريها طيب جاوبي كم طقم ذهب عندكgnn وباقي الاساله😎 |
رد: هل تحبون شراء الذهب مثلي..؟
اقتباس:
انعشتينا والله جزاك الله خير.. وحمستيني أروح أشتريلي قطعة ذهب جديدة .. dfh |
رد: هل تحبون شراء الذهب مثلي..؟
نقلت لكم موضوع فوائد لبس الذهب على شان ما تقولون شخبار الذهب ..
كلنا نعرف ان هرمون الاستروجين (هرمون الانوثة) هو أهم ما يميز المرأة في سن الإنجاب، فهذا الهرمون هو المسؤول عن انوثة المرأة اي بمعنى آخر الدورة الشهرية ووظائف الاعضاء التناسلية، كما انه مهم للبشرة لدى السيدات ولتكوين العظام والمحافظة على قوتها وكثير من النساء يعانون من انخفاض شديد لهرمون الانوثه يعني تتلخبط الدوره عندهم او تقل الخصوبه يعني في حريم وايد يتزوجون ويطولون على ما يحملون هذا معناه ان هرمون الانوثة منخفض عندها. حتى في بعض الحريم يحملون و بعدين يتعبون فيروحون حق الطبيب ويعطيهم ابر الثبيت للبيبي..وهذي الابر فيها هرمون الاستروجين(هرمون الانوثه) حتى الملامح الانثويه في جسم المرأة هذا الهرمون هو اللي يبرزها والكل طبعا يبحث عن شي او بالاحرى علاج يزيد من هرمون الانوثه!! واهوا بصراحة موجود عندنا ... الا وهو ((الذهب)) سبحان الله ... الرسول صلى الله عليه وسلم قال: "حرم لباس الحرير والذهب على ذكور أمتي وأحل لإناثهم" و حسب دراسات علمية وجد ان الذهب يصدر اشعاع يزيد من هرمون الانوثة بالجسم عشان جذي الرسول عليه الصلاة والسلام حرم لباس الذهب على الرجال لانه يزيد هرمون الانوثه عندهم فكل وحده من الحين تروح تلبس لها خاتم ذهب او تراجي او اسورة ..... عشان يصيييير عندها هالهـــــــــــرمون مرررررررررتفعععععع منقول .. :) |
رد: هل تحبون شراء الذهب مثلي..؟
ايوه اشتري يا مريم
احس متعه حتى وانتي تتنقي وتتخيري فيه وبعد ما اشتري القطعه اجلس اسبوع اناظر فيها وانا لابستها كل شوي عيني فيها تقولين اول مره تشتري ذهب😆 |
رد: هل تحبون شراء الذهب مثلي..؟
قبل ما أتزوج ما كنت أفكر في الذهب كثير .. وقليل اللي كنت أشتريه .. وغالباً فضة أو ذهب أبيض. (سلاسل في الغالب .. أو طقم سلسلة وحلق)
حتى لما كنت أشتري ذهب زواجي كان ذهب أبيض .. اشتريت خمسة أطقم متفاوتة الحجم والوزن. وخلال سنوات زواجي أهداني زوجي ذهب مرات قليلة .. أحياناً كعيدية مثلاً .. أو بمناسبة ترقيته في الشغل .... كان يهديني خاتم أو عقد .. مب طقم كامل .... وبأمانة ما كنت أدقق ولا يهمني .. المهم إنه أهداني جزاه الله خير. لكني حبيت الذهب فجأة من حوالي ثلاث سنوات أو أقل شوي ;) كنا في شهر رمضان .. وطلبت من زوجي يشتري لي ذهب. (كانت أول مرة في حياتي أطلبه يشتري لي ذهب وكان لهدف في نفسي مب إني حابة الذهب في حد ذاته) .. وزوجي ما قصر الله يجعله ذخر لعياله وخذني السوق واشترالي طقم ذهب محترم وله وزنه. gnn من يومها انطلقت. :D كان عندي مبلغ محترم .. اشتريت فيه كله. دخلت جمعية مع أمي وبناتها .. ولما استلمتها اشتريت بالمبلغ ذهب .... رحنا البحرين واشتريت من هناك طقم muy.. وزوجي ما قصر وزادني لأن المبلغ اللي عندي كان قاصر. مب ضروري أشتري طقم .. ممكن أشتري خاتم .. أو اسوارة .... يعني على حسب المبلغ اللي عندي وعلى حسب اللي أشوفه في السوق ويعجبني. ومرات أبدّل .. يكون عندي شي ما قمت أستخدمه كثير وأبدل بشي ثاني. وعملت سلاسل لي ولبناتي بأسامينا .. واشتريت لكل وحدة منهن اسوارة .... ولما تجمّع عندهن مبلغ من عيدية العيد الماضي اشتريت لكل وحدة حلقين من فلوسها. حالياً عندي خمس أطقم .. إلى جانب الخفايف. ;) وغالباً ألبس في المناسبات .. أما في البيت فغالباً ألبس السلسلة اللي عليها اسمي .. وأضطر أخلعها لما تهيج الأكزيما عندي. ;) وأنتظر أستلم فلوس جمعية أمي عقب شهرين بإذن الله عشان أشتري المرتعشة أو المرّية. gnn http://www10.0zz0.com/2016/04/04/10/594785980.jpg http://www10.0zz0.com/2016/04/04/10/461268979.jpg |
رد: هل تحبون شراء الذهب مثلي..؟
و من منا لا يحب بريق الأصفر الجميل :d >>>>>> و صار منه أبيض و ألوان لا تدققو
بأمانة يعجبني و أحب شراءه و لكن ليس إلى حد الهوس و ما عندي ولا طقم يعني اجابة السؤال 0 طقم hthd فقط قطع متفرقة و ليست بالثروة في الحقيقة khh |
رد: هل تحبون شراء الذهب مثلي..؟
ما احب البسه و انسي حتي لو نويت الا اذا مناسبة او عرس البس شيئ بسيط
امي دائما تهاوشني اذا رحت لها من غير ما البس حتي لو قطعة واحدة تقول مو زين عليك تطلعي كدا اشتريه ايه احب اقتنيه و مثل مهرة ما يهمني طقم اشتري شروي غروي الي عجبني اشيله http://e.top4top.net/p_94fyph0.jpg هذا اخر مشترياتي من اسبوعين حلق عجبني في المحل |
رد: هل تحبون شراء الذهب مثلي..؟
مع اني ماحب اشارك كثير في المنتدى بس موضوعك لمسني ولمس احساسي ومشاعري وقلبي وروحي
مثل ماقلتي انعشتينا اممم كان عندي طقم ذهب من والدي مع اساور وخواتم وطقمين من حق الزواج بس الحين صار معي طقمين وكف واساور وسلسله باسمي ونفسي يشتري لي خلخال ذهب انا من عشاق الذهب البس في البيت بس مو دايما اللي دايما البسه الحلق والسلسله واسواره خفيفه |
رد: هل تحبون شراء الذهب مثلي..؟
اقتباس:
اختي تقول احس طبايعي تزين وتهدا يوم البس ذهب عاد مدري من صدقها ولا يتهيالها:d لا تطفشون من الذهب اذا مره تحسيه ثقيل عليك خذوا خفايف على قولت مهره:d وخليها عليك في البت دااااءما زي حلق صغير خاتم مريح سلسله ناعمه وسواره وكلها خفيفه وناعمه حتى ما تثقلك وتزبط على اي شي تلبسيه حتى لو بجامه لا تشيليه الذهب يحلي اي شي بكذا تكوني احطي نفسك بالذهب وبهرمون الانوثه من جميع الجهات😄 |
رد: هل تحبون شراء الذهب مثلي..؟
اقتباس:
اروح البس لي سلسال لينقطع مني الهرمون كله الا الانوثة khh |
رد: هل تحبون شراء الذهب مثلي..؟
نسيت أجاوب على بقية الأسئلة من الحماسة ههه
كان عندي طقم و أنا بنت و تصرفت فيه و ايضا قطع متفرقة نعم ألبس في البيت غالبا لا أنزعه في المناسبات بحسب المناسبة لكن الاكسسوارات من غير الذهب تبدو لي انسب في التنسيق |
رد: هل تحبون شراء الذهب مثلي..؟
أنا نفس وضع مهرة.. زمان ما كنت أهتم
ومؤخرا من سنتين صرت متيمة بيه😊 لا وأزيدكم من الشعر بيت صار عندي هوس لشي كمان "الدبل" 💜 ودي أصور لكم دبلتي الجديدة هههههههه |
رد: هل تحبون شراء الذهب مثلي..؟
حلفتك بالله يا طموحة كل ثلاث أيام نزلي مثل هالمواضيع
نعنشينا ياختي نعنشينا أبختصر عليك " هوسي "بالذهب بجملة كل عيد أشتري ذهب جديييد لي ولبناتي ولا يمكن يمر عيد ما نلق لق عجوز قاعده أدري ، بس شي كذا من الله انهبل لي شفت الذهب خصوصاً الاصفر |
رد: هل تحبون شراء الذهب مثلي..؟
اقتباس:
صوري وأصور عندي هوسك بالدبل خاصة لما تكون ايطاليةsdd |
رد: هل تحبون شراء الذهب مثلي..؟
سبحان الله ياطموحة تصدّقي انّي مااحب الذهب مدري ليه..
تعجبني أساور الذهب الابيض وبعض تصميمات التعليقات والسلاسل برضو ذهب أبيض ، والاغلب الاقي في الاكسسورات العادية جمال في التصميم مااشوفه في الذهب. عاد مدري عنّي اذا بجلس زي كذا والا اتغيّر بعد الزواج ""gg |
رد: هل تحبون شراء الذهب مثلي..؟
و عليكم السلام
موضوع رائع حكايتي مع الذهب، ابتدت من صغري، الوالدة رحمة الله عليها كان عندها ذهب كثير و للحمد، مرة كان الوالد في حاجة للمال باعته كله و ما خلت الا جقم واحد (حلق و اساور و خات واحد)، و مرت الايام، و في يوم كان الوالد بعد العصر طلع معاها و راحوا اشترى لها ذهب ما هو بنفس القيمه الماليه للي باعته من قبل بس كان أغلى عندها لامور تعنيهم، و بنفس اليوم اشترى لنا انا و اخواتي اول ممتلكاتنا من الذهب مر الايام و اشتغلت و صراحة كان راتبي يروح في الكماليات، على البيت و على نفسي، توفت الوالدة و ابوي رحمة الله عليه و اخواني الذكور تنازلوا لنا على ذهب الوالدة المهم بعد وفاة الوالد بشهرين تقريبا أخذتني بنت خالتي لمحل الذهب و قالت لي بالحرف، لازم كل شهر تشتري قطعة ذهب و الا فكأنما تشتغتلين على الفاضي و بدأ ادمان الذهب عندي و الحمد لله اصبحت عندي كوليكشن منه، و اي واحد من العايلة يحتاج منه يستعير مني و اشتريت ذهب لي و لاختاي، لم افكر يوما ببيع اي قطعة مما اشتريته، و حاليا افكر اروح اشتري ذهب الذهب ما ألبسه الا في المناسبات، و لو كنت على سفر ما البس ذهب اخاف يضيع مني اعتقد انه المرأة تجد في شراء الذهب فرصة للادخار فلهذا تحبه و تحب من يشتريه لها طيب ما لكم في الساعات |
رد: هل تحبون شراء الذهب مثلي..؟
قبل سنة ونصف تقريبا
كنت اكره الذهب .. اكرهه من كثر كرهي له كان فيه مشروع اسوي جمعية مناهضة لبس الذهب 😆 المهم .... وبعدها ابتدت حكاية عشقي للذهب احببببببه احبببه احبببببببببه لا .. مو بس احبه الا مهووسة به ❤ فيه قائمة في بالي اشتريها مثل كرسي جابر و طقم صباح الخير والاشرفي والبنجر والمضاعد امووووت بالذهب التراثي طبعا الدبلة دايما بايدي ما اشيلها وسلسلة عليها اسمي و اسم زوجي واذا بطلع من البيت احيانا البس دبلة ثانية مع الساعة واسوارة |
رد: هل تحبون شراء الذهب مثلي..؟
اللي ما تحب الذهب في انوثتها شك خخ
|
رد: هل تحبون شراء الذهب مثلي..؟
اقتباس:
|
رد: هل تحبون شراء الذهب مثلي..؟
اقتباس:
اتخيل امي لو شافتني شاريتها بتقول البنت جنت واقعدتjye مره شريت خاتم وجيت اوريه امي قالت وش ذا..؟خاتم عجايزkhh خليته فتره وبعته وشريت بناتي ""gg يا حلو سواليفك يا مهره يعيش الواحد معك جو اجل من يومها انطلقتي. :D وفقك الله في مسيرتك وترجعيلنا بالمرتعشه والمريه(والا هم واحد) |
رد: هل تحبون شراء الذهب مثلي..؟
الصورة الأولى هي المرتعشة .. والثانية المريّة. حد يلبس كل وحدة بروحها .. وحد يلبسهن ثنتينهن مع بعض .. مثل أمي. gnn أول أيام زواجي ما كنت أهتم إلا إني أكون مرتبة وأنيقة .. لكن ما كنت أحرص على لبس معين .. وأمي في البداية ما كانت ماخذة راحتها معاي .. فما كانت تعلق أو تنتقد. لما طاحت الميانة صارت تنازعني :d إذا ما كنت لابسة اللبس الرسمي في العزايم اللي نسويها عندنا .. الكندورة المخوّرة والذهب .. تهاوش إذا ما كنت لابسة ذهبي وتقول: شو هذا؟!! طالعة عريانة hgh .. روحي البسي شي في رقبتج. أروح ألبس طقم وأرجع .. تبتسم لي وتمسح على ظهري وتقول: هيه جذي زين وشحلاتج. fdh طبعاً تسوي جذي مع بناتها المتزوجات خصوصاً .. وتلاحقهن عشان يلبسن ذهبهن .. وحدة تسمع الكلام ووحدة متمردة. ;) |
رد: هل تحبون شراء الذهب مثلي..؟
اقتباس:
لكن الحين انهبل عليه 😍 ممكن اندم اذا رجعت من السوق محمله بخلاقين لكن ابدا ابدا ما اندم اذا رجعت بقطعة ذهب وحده ان شاء الله بعد هذا الموضوع تنفتح نفسك للذهب اكثر وتشتري لن تندمي ggl |
رد: هل تحبون شراء الذهب مثلي..؟
اقتباس:
لان الكلام عن الذهب يفتح نفس الواحد يشتريه ادمان عبر الموجات الهواءيه:d ملبوس العافيه تصدقين اول ما شفت الصورة ظنتيها اساور لين قلتي انها حلق""gg |
رد: هل تحبون شراء الذهب مثلي..؟
اقتباس:
والله اني اتعجب من بعض المعلمات تكرف سنين جدي ثم تلاقينها ما على يدها ولا رقبتها قطعة ذهبhty وياليت تقولين تلبس في البيت لا هي بنفسها تقول ما عندي ذهب!! قال ايش نجمع .. نبني..ناثث..نزوج مدري من عساه لا تزوج وانا ان شاء الله متى استمتع بحياتيhty<<<تحمست:d |
رد: هل تحبون شراء الذهب مثلي..؟
يازين الذهب 😍 مين مايحبه
شفتي الدقة الجديدة اللي نازلة دقة الالماس لاتفوتك روعه و شكلها مميز |
رد: هل تحبون شراء الذهب مثلي..؟
اقتباس:
يا إلهي ... ما احب الذهب و لا الفضة و لا النحاس و لا الزنك و لا القزدير ههههه يعني وش تصنفيني يا توليب ؟ |
رد: هل تحبون شراء الذهب مثلي..؟
اقتباس:
خلينا نهبش منها الشهر الجايdfh |
رد: هل تحبون شراء الذهب مثلي..؟
اقتباس:
الاكسسوارات والخرزان والحبال خليها للزيارات الصديقات والجارات (وبرض ممكن ذهب):d والذهب خلي الناعم منه للبيت والفخم للمناسبات الكبيره |
رد: هل تحبون شراء الذهب مثلي..؟
اقتباس:
لا جد انصدمت😦 الحين الدبل تتغير؟؟!!! يعني تبيعين دبلتك وتشترين دبله اخرى حسب الموضه..؟؟!! هذا اللي فهمته منكم بس انا اللي اعرفه الدبله ما تتغير ابداااا فهموني هل اللي فهمته منكم صح حطي حطي صورة دبلتك يا حلوه وشوك تحط دبلتها ونشوف دبلة مين احلى<<<<تحريش:d ننتظر صورة دبلتك وذهبك يا اشراقه كله اذا بغيتيdfh |
رد: هل تحبون شراء الذهب مثلي..؟
اقتباس:
شخصياً كان عندي دبلتين: دبلة ألماس ودبلة ذهب .. دبلتي الألماس ضاعت من سنين .. أظن سلطان كان عمره سنة وشوي أو سنتين .. واشتريت غيرها ـ من باب الالتزام الزوجي :d ـ بس كانت مرصعة بالزيركون .. ومليت منها بعد فترة ولا رجعت ألبسها .. وبعدها بدلتها واشتريت شي ثاني (ما أذكر شو هو بس مب دبلة) وما رجعت اشتريت مرة ثانية. أما دبلتي الذهب فلبستها فترة بداية زواجي لما كنت أروح الدوام .. وبعدها دخلت في عالم النسيان. ;) أحنّ أحياناً للبس الدبلة .. لكنه حنين داخلي ماله علاقة بأي مؤثرات خارجية. gggh |
رد: هل تحبون شراء الذهب مثلي..؟
بخصوص الدبلة..
مرة ضاعت دبلتي وبغيت اخذ غيرها وكلما دخلت محل الذهب اشوف الدبل احس ماينفع اخذ دبلة جديدة اما دبلتي الاصلية والا مالها طعم لأن الدبلة في قيمتها المعنوية .. نقش حروفنا عليها وتاريخ الملكة والاهم انه لبسني اياها .. تقريبا 4 او 5 مرات اقرر اشتري دبلة ولما اروح المحل اختار واهون واطلع بدون ما اشتري .. والحمدلله لقيت دبلتي بعد كم شهر من الضياع .. مالبسها دايما لأنها واسعة على صبعي وكم مرة تطيح واذا فيه مناسبة ولبستها البس فوقها خاتم اضيج عشان يمسكها .. |
رد: هل تحبون شراء الذهب مثلي..؟
هههههههههه كنت شاكه بنفسي إني غير عن باقي الإناث وبعد موضوعك هذا تأكدت 😂😂
اممم تاريخي مع الذهب سيّء !! أول ذهب دخل بحياتي حلق او أقراط المهم كانوا هدية من أبوي الله يرحمه ويغفر له بمناسبه نجاحي طبعاً جاب لي ولخواتي ربي يجعل مثواه الجنه وينعم بنعيمها ❤ الغاليه رفضت تلبسني الا بعد ماتفتح لخواتي آذانهم ، عشان ماتكسر بخاطرهم ، المهم أنتظرت وأنتظرت فرحانه فيم لأنهم من حبيبي وكنت ابي أوري صديقاتي بالمدرسة وش جاب لي ابري بمناسبة النجاح 😍 والحمدلله فتحوا آذانيهم ولبسناهم لكن يوم لأنه الأميرات ضيعن حلقهم وأمي قررت ترفع حقي لايضيع معهم 😢 ( كبرنا وضاع مع العفش 😰) وهدية ثانيه من عمي أهدانا أساور ذهب لكل بنت آسوارتين كبرنا عليهم وضاقن ومدري وين أختفوا بعدهم 😂 المهم بعد هذا ماعدت ألبسه ولا أطيقه يعني الذهب غير أساسي بحياتي ولا حتى بإهتمامي 😆 |
رد: هل تحبون شراء الذهب مثلي..؟
أنا من صغري أحب الذهب عشقته من عشق أمي له ..وها الأيام طايحه في الخواتم اللي فيهم أحجار كريمه أحبهم حييل يعني
يكون خاتم ذهب ويتوسطه حجر كريم مثلاً عقيق, فيروز, أو ياقوت... |
رد: هل تحبون شراء الذهب مثلي..؟
الله يهديك ياطموحه فتحتي باب مارح يتسكر💔
جاني رغبه اكثر ابي ذهب لو شي بسييط بس 💔 بالنسبه للدبله دبلتي حق الزواج كان شكلها رهيب وجديد بالنسبه لعايلتنا والكل كان عينه عليه يعني حلو وهيكا وتكلموا عليه وبالاخير صرت كل ما البسه يطلع لي مثل الحساسيه باصبعي واشيله واجلس كم يوم من غيره ويروح واذا لبسته يرجع 💔 وراح باعه واشترى لي واحد مرررا عادي انقهرت الحمدلله هذاني لابسته اكثر من سنتين ولا صادني شي لو خلاه ماباعه واشترى وحده ثانيه كان احسن بس الظروف 💔 في دبل اشكال والوان وفي الذهب البحريني هذا عشقي ومثل ماقالت مريم يفرز هرمون الانوثه 😍 |
رد: هل تحبون شراء الذهب مثلي..؟
اقتباس:
يلا الحمدلله طلع في احد زيي مايحب الذهب |
رد: هل تحبون شراء الذهب مثلي..؟
اقتباس:
|
رد: هل تحبون شراء الذهب مثلي..؟
سموووورة الذهب البحريني عششششق ❤
انه عندي 3 دبل دبله عادية جدا جدا .. احنا نسميها صبه ما فيها ولا شيء مجرد حلقة ذهبية .. احبها وايدددد وهي دبلتي الاساسية مكتوب داخلها اسم زوجي وتاريخ ملجتنا والدبلة الثانية فيها فص .. وصايرة مثل السوليتير بس ذهب اما الثالثة فهي من الذهب البحريني والصياغة البحرينية اسمها الدبلة المرامية .. عجيييييبه اذا صار لي خلق باصورهم لكم مثلج انه طموحة ممكن اندم على كل شيء اشتريته الا قطعة الذهب |
رد: هل تحبون شراء الذهب مثلي..؟
اقتباس:
انتعشي يا شوك انتعشي تراها دنيا زاليه ومحد فيها يستاهل غير انفسناjyjy لقلقي ولقلقي بناتك بعزك dfh المهم ارموا النكد والرجال ورى ظهوركم واقبلوا على الذهب وسيرتهgnn وننتظر دبلتك انتي والاشراقهjyjyjyjy |
| الساعة الآن 05:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©