الزواج من اجل الهروب من الواقع نقاش
 

السلام عليكم ورحمة الله وبركاته... تحية طيبة للجميع
ارجو من الجميع المشاركة في هذا الموضوع:
انا سبق ونزلت موضوعين بخصوص مشاكلي من خطيبتي ( متملك ) واستفدت من الاعضاء وجربت جميع السبل الي نصحوني فيها ثقل وا وا الخ...
لي متملك الان 6 شهور ولحد الان نفس الوضع مافي تحسن البنت مازالت ترفض الكلام اسلوبها استفزازي بشكل غريب احسها تتعمد عشان نتهاوش مع بعض
تخيلو 6 شهور مافي يوم سمعت كلمة حلوة منها طبعا مكتفين بالواتس اب فقط وترفض المكالمات نهائيا بدون سبب طبعا جربت جميع السبل محاولت لكسب قلبها لكن لاتعليق
جيتها للبيت زيارة وسالتها انتي مجبورة علي قالت لا انا ابيك طيب ليش كذا ماترد
المهم بعد مشاورات مع نفسي ومع الاقارب قالو ان البنت من الممكن انها لاترغب بالزواج
ولكن تريد الخروج من مجتمع اهلها خصوصا اذا كان يوجد عنف لفظي وجسدي
طيب وش رايكم بالتحليل هذا هل تشوفونه صحيح ؟
ماذنب الزوج بالحالة هاذي ياخذ وحدة ماتبغاه لكن تريد الهرب باي طريقة
ومالطريقة للتعامل معها؟

رد: الزواج من اجل الهروب من الواقع نقاش
 

انا خايف زواجي يفشل تماما لاقدر الله
واكون انا الخاسر الاكبر ):

رد: الزواج من اجل الهروب من الواقع نقاش
 

ماشفت موضوعك لكن سؤالك بشكل عام أذا الواحد بيتزوج عشان يخرج من الواقع الي عايشه يفترض إنه يميل بقوه للزواج يعني المفروض تبين تمسكها وتعلقها فيك

الهروب من شي هو التمسك بالشيئ الآخر

رد: الزواج من اجل الهروب من الواقع نقاش
 

وضعها غريب تبيك ولا هي مغصوبة ولا يوجد تفاعل
مدري كيف افهمها ...عموما تكلم مع ابوها اذا فعلا البنت
مغصوبة لاتواصل لانها حياة مصيرها الفشل الحياة الزوجية الناجحة
تكون بتراضي بين الطرفين لكن واحد يبي الزواج واحد لا هذي مشكلة
لازم تحدد مصيرك معها قبل الزواج

رد: الزواج من اجل الهروب من الواقع نقاش
 

لا اراه تحليلا منطقياً ...

رد: الزواج من اجل الهروب من الواقع نقاش
 

اذا هي من بيئته محافظه يمكن هذا السبب ، انها ما تتواصل ، او يمكن هي مشغوله في دراستها مثلا ، لما تزورها اذا كانت من النوع الخجول يزيد على بيئتها المحافظة ، يعني مثلا تخجل تضع تضع عينها بعينك ، هذا احتمال ايضا.

رد: الزواج من اجل الهروب من الواقع نقاش
 

هي تقريبا من بيئه محافظة
الزيارة تمت مرة واحد فقط وكانت منزله عيونها بالارض
الله يستر بس
وبخصوص المدرسة البنت عاطله عن الدراسة
يعني بالبيت لاشغل ولا مشغله
ايضا موفر لها هاتف + شريحة ( عام)
لكن لاتجاوب

رد: الزواج من اجل الهروب من الواقع نقاش
 

ليش لا .. ليش تستغربون !

ممكن كانت تبي تطلع من وضع سيئ وقبلت الزواج ولكنها شافت انها وضعت نفسها في مأزق اصعب ومؤبد

الاشخاص تتفاوت حاجتهم للزواج

منهم يحصلونها فرصه ومنهم هروب والقليل يجدون اللؤطه والاقتناع به

اللؤطه خلص خلاص :d

رد: الزواج من اجل الهروب من الواقع نقاش
 

يمكن احد قالها اثقلي عليه.. بعدين يشك فيك.. ويحسب انك راعية علاقات.. ويمكن تكون صغيرة بالعمر غير مبالية

رد: الزواج من اجل الهروب من الواقع نقاش
 

ثقل ثقل لين متى .؟
مليت انا متملك وماني متملك
):

رد: الزواج من اجل الهروب من الواقع نقاش
 

أخوي تسمعها كلام حلو؟ اذا جوابك نعم, تقول لها الكلام بشكل مستمر؟

في حال انك زرتها؟, هل انت تبادر وتتغزل وتضحك معها؟
لازم تكون فكاهي ومرح في اسلوبك وكلامك وزياراتك ولا تكون رسمي ابداًاًاً...

..

رد: الزواج من اجل الهروب من الواقع نقاش
 

اجاوبك
نعم فيه من تتزوج هربا من واقع اهل مضيقين الخناق عليها
تتزوج هربا من كلام تسمعه منهم
فيه اهالي من لما تكبر البنت يبدؤون بالقول ان مكانها بيتها مو بيت اهلها

سؤالي لك
هل انتما من نفس المدينة
و لماذا زيارتك لها قليلة
هل يمكن ان تبحث عن دورة تعليمية للمقبلين و تسجلوا فيها
او اهديها كتب في هذا الجانب
ادخل لها من باب معرفة هواياتها

رد: الزواج من اجل الهروب من الواقع نقاش
 

بخصوص الكلام الحلو كل شي جميل قلته وهدايا عطور الخ...
كلنا بنفس المدينه
الزيارة صعبة نوعا ما بسبب البيئه المحيطة
البنت خجولة حسب مافهمت وتستحي وهذا سبب رفضها للمكالمات طيب كيف بالمستقبل
اتفاهم معها
انا حاولت اكسر حاجز الخجل لكن عجزت
الزيارة الاخيرة وهي الاولى ( اول مره) كانت امها جالسه وامي جالسه
رفضت تجلس معي لحالها ومتمسكه بحظن امي *_*

رد: الزواج من اجل الهروب من الواقع نقاش
 

تتمسك بحضن أمك ! والله جد شكلها خجولة جدا ،،،
طيب اخوي متى زواجك ؟

رد: الزواج من اجل الهروب من الواقع نقاش
 

تقريبا 5 شهور الى 6 شهور
عطوني رايكم ياخواني وخواتي تكفون
حتى الي الزوار الي يمرون ادعولي ينصلح حالي ):

رد: الزواج من اجل الهروب من الواقع نقاش
 

الله يسر امرك اخي الكريم ويسخر لك خطيبتك
حسب ما شرحت بعتقد السبب خجلها وقريت مواضيع لنساء ببداية زواجهن خجولات
وزيارة وحدة مستحيل تكسر الخجل
وخاصة ان كان التواصل فقط عالواتس
فاذا كانت عاجبتك بشكل عام وبس مشكلتك مع التجاوب
هالشي رح تلاقيه بعد الزواج بفترة

اسأل الله ان يرزقك السعادة دنيا وآخرة


احترامي

رد: الزواج من اجل الهروب من الواقع نقاش
 

طلعت القصه كلها خجل و انت الله يهديك كاتب عنوان الموضوع الزواج من اجل الهروب من الواقع !! ، بادر بزيارتها لكسر خجلها ، و مع رد ميمونه .

رد: الزواج من اجل الهروب من الواقع نقاش
 

انت الي بيدك الموضوع اكثر من زيارتها اكثر من اتصالاتك لها ابتعد عن الواتساب ( وتحلا بالصبر ) فالبنت خجوله جداً من وصفك وتحتاج صبر

وفي حال اخذة عليك وطاحت الميانه بتعيش حياة سعيدة ..

نصيحه اكثر من الزيارات لها واذا بإمكانك ان تاخذها لمطعم او كفي يكون افضل حتي تخف الحواجز بينكم

رد: الزواج من اجل الهروب من الواقع نقاش
 

الله يهديك مستعجل على رزقك اصبر ياخوي خل يحصل دخله وتتعرف عليها وتتعرف عليك وشوي شوي تلاقي الامور الى الاحسن ، من استعجل الشي قبل اوانه عوقب بحرمانه ، سلاااام

رد: الزواج من اجل الهروب من الواقع نقاش
 

السلام عليكم و رحمة الله و بركاته
اخي خذ الموضوع من جانب الاجابي يعني مو لازم تكون فيه اسباب سلبيه لطريقة تعامل البنت معاك
ليش ما نقول البنت حريصة بالتعامل معاك و ماتب تغلط قدامك سواء بكلامها او اسلوبها سواء منها شخصيا او نصيحة اهلها لها وهاذ الشي معروف عند البنات المقبلات للزواج عفواا بس هاذا و اقع و هو ان الام او خواتها اللي سبقوها و تزوجن يقولون لا تعطي للرجال وجه زيادة و لا تقرقرين كثير خله اهو اللي يبادر بالكلام و خذي منه اكثر ما تعطي من باب الخوف عليها بس عشان كذا تلقاها تقريبا زاي مانقول حنا مطنشة و غير متحمسة يعني مو لازم تكون مجبورة او ما تبيك
تفاءل خيرا تجده اخي الكريم و ان شاء الله تزين بعد الزواج فلا تقلق نفسك كثير ووفر تفكيرك و مجهوداتك ذي لبعد الزواج وكيف تكسب قلبا و احترا مها لك
والله يوفقك و يجمع بينكم في خير و على خير

رد: الزواج من اجل الهروب من الواقع نقاش
 

لي اسبوعين ارسلها لها رسايل تقرا بس ماترد
وش رايكم

رد: الزواج من اجل الهروب من الواقع نقاش
 

طيب جربت انك تثقل يعني ما تتواصل معها فتره أسبوعين مثلا ؟ ، هل العرس او الزواج بعيد ؟

رد: الزواج من اجل الهروب من الواقع نقاش
 

تركتها فترة طويلة تقريبا شهر
ماطقت لي خبر
الزواج تقريبا بعد 3 شهور

رد: الزواج من اجل الهروب من الواقع نقاش
 

رجعت لأحد مواضيعك كانت ترد عليك بالواتس وقالت لك انها تخجل و ترتجف وممكن تبكي اذا تكلمت معك بالهاتف من خوفها .. لكن يبدو انها توقفت بسبب قرب موعد الزواج ، و لخوفها الشديد من ان تأخذ راحتك معها في بداية الزواج ، يا اخي ارى ان تصبر ما بقى شي كلها ثلاث شهور ، بعدها غصبا عليها تكلمك و تتجاوب معك بكت ولا ما بكت.