صدمتي في ابوي
 

السلام عليكم
عندي مشكلة وابي تدلوني على التصرف الصحيح ،، اسرتنا مكونة من 4 اشخاص انا واخوي اكبر مني ب 10 سنوات وامي وابوي ،، امي انسانه ابد مو مقصرة في حق ابوي من كل النواحي وابوي مو مقصر معانا من للناحيه المادية ،، متزوجين حوالي 33 سنة
اليوم سمعت ابوي يتكلم بالانجليزي ف التلفون وشكيت من طريقة الكلام ان يكلم بنت علما ان ابوي له سوابق في الخيانة بس امي ما كانت تتكلم ولا اعرف شنو نوع الخيانة بس اللي اعرفه قالت ان تعرف ان يكلم بنات من اول ما تزوجو ،، خذيت تلفون ابوي ع اساس اعدل فيه يعض الاشيا للعلم فيه رقم سري وبصمة وفتحه لي علشان اعدل ،، دخلت ع الواتس اب وشفت اسماء رجال بس الكلام بالانج ،، مجمل الكلام ان في مقابله بين بعض ويتفقوا ع الوقت والمكان ،، كلمت اخوي في الموضوع وقعدنا نشوف الاشيا مع بعض والله اشيا اخجل اذكرها وانا استحيت وانا اقرا مع اخوي توقعت اخوي يقولي انتي تتوهمين ابيه ينفي لي الموضوع صورت المحادثات في تلفوني واخذت الارقام ،، اقول لاخوي شنسوي مارد علي دخل في حالة اول مرة اشوفه فيها يقول مادري شسوي هذا ابوي هو ينصحني مو انا انصحه ،، اول شخص فكرت فيه امي مارضى عليها تكون بهالوضع واتفقنا مانخبرها ،، رجعت بيتي واتصلت في ابوي وخبرته اني عرفت قلت يمكن يستحي على نفسه انكر وانكر وانكر اقوله الادله عندي وما زال ينكر ،، بعدين امي كلمتني وعرفت بالسالفة وما زال ابوي ينكر وامي تقول انا ادري ومو مغفله لكن شسوي طول السنين اللي فاتت كنت ساكته وساتره عليه لكن الحين الله كشفه ،، انا مادري شنو قرارها الحين للعلم امي ماعندها مكان تروح له
الحين مو عارفه شلون اتصرف مع ابوي ؟ من اذكر السالفة والكلام احس باستفراغ ومو قادره افكر من الصدمة للحين مو مستوعبه
وماقدر احس ارجع مثل قبل
هل اعتبر عاقة اذا ما كلمته ؟!

رد: صدمتي في ابوي
 

رد: صدمتي في ابوي
 

ليش فضحت ابوك عند أخوك وأمك ؟؟ ايش استفدت لاانت اللي رادة أبوك عن اللي بيسويه ولا انت استفدت من تشويه صورة ابوك قدام اخوك... على بالك بتقدري توقفي في وجه ابوك وتخلينه يبطل ,, الله يهديك بس

رد: صدمتي في ابوي
 

الدعاء ان الله يهديه ويسد نفسه عن هذه الاشياء

رد: صدمتي في ابوي
 

أسأل الله أن يفرج همك

لا تقطعي علاقتك بوالدكِ كوني بارةً به بل زيد من جرعات البر هذه الفترة
أنت نصحتيه و بإذن الله سيراجع نفسه

أكثري من الدعاء له

رد: صدمتي في ابوي
 

لواط ؟! ولا إِيش ؟

رد: صدمتي في ابوي
 

أتوقع هي صبرت عشان العيال
الشرع عمره ماقال اصبروا ع المنكرات هذي ؟!!

رد: صدمتي في ابوي
 

غلطتي إنك خبرتي أخوك ماتخافي عليه بكره لو جاه الشيطان يوسوس المنكر يتذكر والده ويسوي زيه الله يحفظه

مادري ايش اقلك بس اثبتي لابوك انك شفتي كل شي ارسلي له الصور الي عندك

وانتبهي زوجك لا ينبه هذا ابوك مهما كان
ولا تقاطعيه ولا شي وادعي له بالهدايه

رد: صدمتي في ابوي
 

لو كنت أنا أبوك
كان ماتشوفي إلا الكف إللي مطير راسك

ليه تخدعين أبوك بحجة تضبطين له الجوال ثم تتجسسين إنت وأخوك على أسراره وبالنهاية دخلتو أمكم بالموضوع

يعني جبتي مشكلة لأبوك وأمك وأخوك ولك

بتهدمين حياة مدتها 33 سنة راحت في خيرها وشرها

وأمك الله يجزاها خير صابرة سنين وفي ظنها أن الأمر بينها وبين زوجها

تقومي أنت الآن تشربكي العائلة في بعض وتسودي وجه أبوك

حاولي إصلاح ما أفسدتيه وهدئي الأمر بين أبوك وأمك وبعد كده لا تتدخلي بحياتهم

خلهم يقضون حياتهم على خير إلى نهاية عمرهم

رد: صدمتي في ابوي
 

الله يهديكي المفروض ماتكلميه لانو ملك كلمه عليه هوا ابوكي يعني بيخاف منك ويسبو ولا آيه
فتحتي عليكم باب ماتقدري تسكيه ادعيلو بالهداية والصلاح
الله يصلح حالكم ويرفع عنو

رد: صدمتي في ابوي
 

كلنا كنا شاكين من تصرفاته وحركاته مو انا اللي اكتشفت الموضوع ومحد كان يعرف فيه ،، اخوي سبق وشاف له محادثات شكينا بس كانت غامضة
وممسوحه وامي كذا مرة تسمعه وهو يتكلم معاهم
بس لان هو استغل الفرصه لان امي ماتعرف اللغة اللي هو يتكلم
فيها بس تعرف من الصوت بس لان الكلام اللي شفته
ما ينسكت عنه واكبر من اللي كل مرة اشوفه وانا خفت على امي
وما زال هو ناكر للموضوع ومسح كل المحادثات من تلفونه لكن انا صورت المحادثات والادلة عندي

رد: صدمتي في ابوي
 

رد: صدمتي في ابوي
 

رد: صدمتي في ابوي
 

اخطأتي جدا

رد: صدمتي في ابوي
 

نفس الشيء أنا
لو كنت أنا أبوك
كان ماتشوفي إلا الكف إللي مطير راسك
مسويه محقق مع أبوك ماشاء الله
الأب مايسمع من الابناء
ممكن يسمع من زوجته أخوه أبوه

رد: صدمتي في ابوي
 

سلسلة من الأخطاء بداية من التجسس ثم هتك الستر الى خطاب التهديد في حق الوالد و اسقاط هيبته عند ابنائه
لو انك استشرت اهل علم و فضل ثم استخرت
عصفت باركان العائلة هداك الله و غفر لك
من المواقف ما ييسر سبل العودة الى الحق و منها ما يعين الشيطان ويغذي العزة بالاثم
لا املك لكم سوى الدعاء بالفرج و ان يدبر المولى امور عائلتكم و يهدي قيمها و يرده اليه ردا جميلا

رد: صدمتي في ابوي
 

اهم شيء انك طربقتي بيت اهلك وبكل بساطة تروحين لبيتك !

رد: صدمتي في ابوي
 

شكرا على ردودكم
واللي تهجموا علي اقولهم قل خيرا او اصمت
انا ماكان هدفي اني اتجسس ولا فكرت في يوم اني اتجسس كانت الاسيا تظهر لي عندي بس كنت اسكت وامشي الموضوع ع اساس ان نزوة ومابي اسةي مشاكل لكن لما وصل الحوضوع وشفت بعيني الكلام ان الخيانة وصلت لاقصى شي مارضاها على امي ومارضى ع امي ينقل لها مرض او شي واتوقع محد يرضى على امه تنصر وخصوصا اعرفها انها انظلمت الله ستر عليه طول 30 سنة لكن خلاص وصل كل شي حده

رد: صدمتي في ابوي
 

رد: صدمتي في ابوي
 

تكلمت معاه وواجهته وقالت له ان هي عارفه بهالشي
بس كانت ساكته علشانا ،، قالت له خلك صريح للاسف سرد قصة وتبريرات ما يصدقها حتى الطفل وكل الكلام كان متناقض لان جذب
وفتحت معاه الموضوع مرة ثانيه واعترف بللي سواه وقالها انها تقدر ترجع بيت اهلها يعني خلاص بايع
وامي قررت انها تبقى بالبيت علشانا وقالت له لما تطلقني برد بيت اهلي

رد: صدمتي في ابوي
 

ماهي تبريراته؟