|
هل اخبر زوجة صديق زوجي بالحقيقه ؟؟
السلام عليكم
جدا محتاره من موضوع واخاف اتهور واندم .... زوجة صديق زوجي صديقه لي وحبيبه وو المهم كلمتني وتبي تقابلني قالت زوجي مسافر الدوحة وابي اقابلك خلصنا مكالمة قلت لزوجي فلانه كلمتني وتسلم وتبي تقابلني قال اي زوجها مسافر النمسا صراحة عورني قلبي عليها وهي اثناء المكالمة تشتكي من كذب زوجها وطبعا هي حامل وحملها صعب ممكن تولد اي وقت وكنا نسولف قالت زوجي ماعنده سناب وانا اشوف سناباته عند زوجي يعني كاذب عليها بشيئين السفر وين وعنده سناب رجعت راسلتني قالت زوجي مع زوجك؟؟ قلت لا زوجي متواجد المهم رجعت تسولف بالواتس انه زوجها كذب عليها وقال بروح الخبر يومين وتتفاجىء يكلمها يقول الدوحة وانا اعرف انه بالنمسا احس اني غشاشه واكذب عليها لانها طلبتني اعرف لها الحقيقه واعرف هل لديه سناب احترت اعلمها او اسكت اخاف اعلمها توصل للطلاق او يطيح الي ببطنها وتتعذب لحد رجوعه او اسكت وماارضاها ع نفسي عطوني شوركم |
رد: هل اخبر زوجة صديق زوجي بالحقيقه ؟؟
لاتدخلين بينهم
وتعذري ان زوجك مايعطيك اي معلومه عنه ولا عن غيره من زملائه. ترا الموضوع مب سهل ممكن تكون عواقبه عليك كبيرررررن انك تدخلين بكيفها هي وزوجها |
رد: هل اخبر زوجة صديق زوجي بالحقيقه ؟؟
وممكن تعلمينها وتخسرين بيتك وتتطلقين انتي
انتي ماتدرين ايش رده فعل زوجك لو عطيتها اي معلومه عن زوجها ولاتثقين فيها مهما كان هي تبي مصلحتها بعد انا دايم ضد علاقه مع زوجات زملاء الزوج افضل تكون سطحيه جدا |
رد: هل اخبر زوجة صديق زوجي بالحقيقه ؟؟
ريفان صادقه بس حطيت نفسي مكانها
|
رد: هل اخبر زوجة صديق زوجي بالحقيقه ؟؟
لا طبعا لا تتدخلي
واذا هي تشتكي لي انصحيها بالصبر وتوكز على المولود و الحمل |
رد: هل اخبر زوجة صديق زوجي بالحقيقه ؟؟
تدخلك في حياتهم راح يسبب لك مشاكل مع زوجك
انتي في غني عنها ... |
رد: هل اخبر زوجة صديق زوجي بالحقيقه ؟؟
مالك علاقه فيها وفي زوجها هداك الله اشتبين بحياتهم يكذب عليها او مايكذب انتي ابعدي نفسك لاتصيرين مرسال بين زوجين ، قولي زوجي مايعطيني أي معلومه ولا ابي اتدخل بينكم نهائياً
|
رد: هل اخبر زوجة صديق زوجي بالحقيقه ؟؟
انسي الموضوع و لكل كذاب يوم
|
رد: هل اخبر زوجة صديق زوجي بالحقيقه ؟؟
لا تتدخلي
تعرف من غيرك ولاتعرف منكِ |
رد: هل اخبر زوجة صديق زوجي بالحقيقه ؟؟
لا تتدخلي بينهم
|
رد: هل اخبر زوجة صديق زوجي بالحقيقه ؟؟
رايي من رأي الاخوة
انتي ممكن تتسببي في خراب بيتها + خراب العلاقة بين زوجك وزوجها وغالبا خراب بيتك ايضا لا تتدخلي بين زوج وزوجته , وما عليك اي ذنب بالعكس انتي كذا طبقتي حديث الرسول " من حسن اسلام المرء تركه مالا يعنيه " بالتوفيق |
رد: هل اخبر زوجة صديق زوجي بالحقيقه ؟؟
الله يجزاكم خيير
صراحة كنت بتهور واعلمها بس قلت استشيركم لانها تراسلني حتى وقت متاخر انها متهاوشه مع زوجها وتبي تعرف وجهة سفره الحقيقيه عشان ترتاح بس بعد ردودكم خلاص مابعلمها بشي والله يكون بعونها |
رد: هل اخبر زوجة صديق زوجي بالحقيقه ؟؟
الأفضل ماتعلمينها .. حزنت عليها وعلى استغفال زوجها لها
بس انتبهي بما انه صديق زوجك الخوف انه يجر زوجك لحركاته و عقب يكذب عليك مثل صاحبه |
رد: هل اخبر زوجة صديق زوجي بالحقيقه ؟؟
انصحك مثل غيري
لاتدخلين.. وممكن مايكون سافر النمسا وماعنده سناب.؟؟؟ علشان كذا لاتدخلي افضل.. لان مو شرط المعلومات الي عندك صحيحة |
رد: هل اخبر زوجة صديق زوجي بالحقيقه ؟؟
زوجها ما عنده احساس
الله يعينها و يكشف كذبه. |
رد: هل اخبر زوجة صديق زوجي بالحقيقه ؟؟
اصلا الي مخوفني بالموضوع زوجي
خايفه هالكذبه والسفره تسحب زوجي اما بالنسبه للسناب انا شفته وزوجي يشوفه وشفت تصويره وسفرته البارح قلت لزوجي وريني سناب فلان احب اشوف تصوير السفر اعيش جوهم وشفت صراحة حزنت عليها والمشكله لسى بعد شهرين تكمل سنتين زواج الله يعينها جد عالعموم اخذت قرار مااعلمها واشكر كل من افادني ونصحني ارجوا اغلاق الموضوع مشكورين |
رد: هل اخبر زوجة صديق زوجي بالحقيقه ؟؟
اقتباس:
وانت حبيبتي ملكة الإحساس جزاك الله خيرا على نواياك الصادقة يغلق |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©