|
زوجي والسلبيه اللي بتذبحني مستجدات الرد11
السلام عليكم جميعا هذي اول مشاركه لي معاك بس حبيت تفيدوني بموضوعي اللي ماعرفت له حل انا متزوجه عن علاقه من سنه ونص تقريبا زوجي من النوع الكتوم مايتكلم ومستعد يزعل شهر كامل ولايحكي معاي عن موضوع زعله مني واي موقف صار المهم جلسنا حوالي 6 شهور وضعنا عادي بعدها جته فتره مايحكي معاي ودايم مع نفسه وسرحان ويفكر واحيانا لما اسال يبكي ولا حاول يوضح لي شي الى جا يوم وصار بينا مشكله وجلس بعدها يمكن 3 اسابيع يبنام برا الغرفه بعدها انا طفشت من كثر ماسال ولا يرد علي قلتله الموضوع لازم ندخل احد فيه يحله لنا وطلبت منه نروح لاهله نعلمهم باللي يصير بعدها قال خليني لحالي فتره وروحي لاهلك بعدين امه قالتلي انه محسود وراح عند شيخ يقرا عليه والشيخ قالهم فيه حسد وعين وبعدين قالي انه صار يحلم ان في واحد يجيه بالحلم ويقوله ليش اخذتها مني وطول عمرك ماراح تعيش مبسوط لان انا كنت ابيها وانت اخذتها حلم بذا الحلم يمكن 3 مرات وانا وقتها شكيت بأحد وجبت غسال منه وكل مره يتغسل فيه يحلم بالرجال هذا انا عارفه الشخص بس ماقدر اقوله منهو وبعدها جلست عند اهلي تقريبا 7 شهور وهو بطل يروح لشيخ بحكم انه مو جالس يتحسن بعد فتره علاج 3 شهور , وقرر انه يتوكل على الله ويعيش من غير مايتعالج عن مشايخه وبصراحه ماحسه حريص على الموضوع هذا هو مشكلته انه شخص سلبي جدا جدا جدا علما انه يمر بضروف ماديه صعبه وانا ساعدته ووقفت معاه وماقصرت بس لي فتره مليت من هذا الجفى والبعد اللي بينا حتى لما نجلس مع بعض مافي اي مشاركه بيننا كل واحد لاهي وانا مليت من المبادره بكل شي حتى بالاشياء الخاصه انا اللي ابادر بس كل شخص وله قدره تحمل وانا للحين ساكته بس مو حل السكوت من الطرفين كلهم . علما ان مابعد حملت وهو اللي مأجل الموضوع . ابيكم تساعدوني وش الحل معاه انا معاد عرفت وش يبي مايبي عيال الحين ومايبي يتعالج !! ابي مشورتكم ودعواتكم لاتبخلون علي مستجدات الرد 11 http://66n.com/forums/showpost.php?p...4&postcount=11 |
رد: زوجي والسلبيه اللي بتذبحني
زوجتي تشبه زوجك ... حاس بمعاناتك
مالك الا الصبر الامور هذي ماتنحل بسهول .. وعليكي بالدعاء وكثرة الاستغفار فهي دائما تريح القلب وتزيل الغمه |
رد: زوجي والسلبيه اللي بتذبحني
ممكن يمر بإكتئاب ومحتاج دكتور نفسي؟
|
رد: زوجي والسلبيه اللي بتذبحني
اقتباس:
وشكرا على المشاركه Glk |
رد: زوجي والسلبيه اللي بتذبحني
اقتباس:
لان الصبر بدا ينفذyyy |
رد: زوجي والسلبيه اللي بتذبحني
اقتباس:
لكن انتي حاولي الى آخر رمق وحاولي تصلحين قد ماتقدرين عشان بعدها لو حصل انفصال لا قدر الله يكون الشخص سوا الي عليه وارتاح ضميه ( الواحد يفعل بالأسباب والباقي على رب العباد ) |
رد: زوجي والسلبيه اللي بتذبحني
اقتباس:
وانا لي فتره جالسه افكر بموضوع الانفصال لان زوجي عنده سلبيه بكل الامور وجالسه اقول اطلع من غير اطفال احسن ولا يصير في تشتت بعدين وجالسه استخير وربك كريم |
رد: زوجي والسلبيه اللي بتذبحني
صباح الخير
وين باقي الاراء من الاعضاء الكرام احتاج اراء كثيره ممكن تساعدني بأيجاد حل (الرسمي) ممكن تعطيني رايك بموضوعي .. وشكرا |
رد: زوجي والسلبيه اللي بتذبحني
مرحباً أختي
معطيات موضوعك كالتالي : 1- متزوجة عن علاقة تعارف لمدة سنة ونصف .. منها 11 شهر عند زوجك .. 7 شهور عند أهلك 2- مشكلتك بدءت بعد 6 شهور 3- وضعه المادي سيئ 4- لا يتكلم معك ودائماً صامت وسرحان ويفكر ويبكي بعض الأحيان وأنتِ لا تعرفين السبب 5- هناك أعتقاد أنه محسود ويرى رجل يتردد عليه في الحلم يهدده .. وأنتِ تقريباً تعرفين هذا الرجل ولا ترغبين تخبرين عنه 6- تصفينه بالسلبية وأنه دائماً أنتِ المبادرة بالكلام أو اللقاء 7- مليتي من الجفاء والبعد وتفكرين في الإنفصال أختي حاولت أن أرتب لكِ سلسلة الأحداث الموجودة في موضوعك وأرجو منك أن تحددي بالضبط أين مشكلتك الأساسية وماهو الحل في وجهة نظرك بارك الله فيك |
رد: زوجي والسلبيه اللي بتذبحني
القصد ان مدة الزواج سنة ونصف وبعد الزواج بستة اشهر بدأ بالتغير
ارغب بحلول لاعادة زوجي كما كان قبل الزواج وتفسير التصرفات التي تصدر منه وقت شرحتها ببداية الموضوع هل هو محسود فعلا وهذا تأثير الحسد ام يضع اللوم على الحسد وهذي الامور او عدم تحمل مسؤلية |
رد: زوجي والسلبيه اللي بتذبحني
مستجدات الموضوع انني قمت بمحاورته قبل يومين عن اخر الحلول في الوضع الحالي وقمت بطرح فكرة الانفصال وابدى رايه انه افضل الحلول لوضعنا ولاكنني تفاجأت من سرعة قبول الفكره ولم يعطيني اي افكار او محاولات لتغير الوضع للافضل احسست اني لااعني له شيئا فلم يتمسك فيني ارجوا ان تفيدوني ..
|
رد: زوجي والسلبيه اللي بتذبحني مستجدات الرد11
هذه تبعات العلاقة المحرمة و التي كانت اكيد من دون علم الاهل
وقبل الزواج اكيد بيكون شيء اخر دامها بالحرام الحلول اكثري من التوبة و الاستغفار والاقرار بالذنب و اسالي الله الفرج |
رد: زوجي والسلبيه اللي بتذبحني مستجدات الرد11
وعليكم السلام
اهلا اختي اولا // عليك بالقراءه على نفسك وعلى زوجك بدون مايعرف زوجك يعني اقرئي على ماء و عصير والشاهي ....الخ اي شيء تشربينه او يشربه قبلها اقرئي عليه سورة الفاتحه 7 مرااات معروف اثرها سبحان الله واستمري بالقرائه لاتملين الامر الثاني عادي وش فيها اذا كنتي انتي المبادره لكثير من الاشياء صح المفروض هو يبادر بس اذا مابادر انتي تجعلينها مشكله الطلاق لاتفتحينه مره ثانيه سولفي معه واضحكي وعااادي ماكأنه صار شيء اما سالفه زواجكم والعلاقه شنو طبيعة العلاقه بالضبط هل فيه صور وكلام حب .....الخ ام لا والشخص اللي تعرفينه ويبيك شنو يقربلك وكيف يعرفك والله يفرج همك |
رد: زوجي والسلبيه اللي بتذبحني مستجدات الرد11
الله يفرج عليك
ويصلح امركم ويسخره لك ويسعدكم كثري استغفار |
رد: زوجي والسلبيه اللي بتذبحني مستجدات الرد11
الآخت الكريمة كيف نعطى لك حل ولا توجد تفاصيل يمكن ان نعتمد عليها بعد الله عز وجل كيف بدأ التعارف مع زوجك كم استمر والى اى مدى كانت العلاقة هاتف لقاءات واين هل كانت بها تجاوزات كيف كان اثناء العلاقة وبعد الزواج اى فى الستة شهور الآولى تعتقد ما سبب تغيره من وجهه نظرك هل لديه اى عحز او ضعف فى الاشياء الخاصة كيف دينه وصلاة وانتى كذلك كيف حجابك وتدينك برجاء الاجالة بصدق حتى نتمكن من تشخيص الآمر وافادتك بتوفيق الله عز وجل |
رد: زوجي والسلبيه اللي بتذبحني مستجدات الرد11
وش فيهم الرجال صاروا يبكون كثير !!!
|
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©