عايزة خطة للتعامل الجديد مع زوجي
 

السلام عليكم ورحمة الله وبركاته انا صبرت علي زوجي كتير مع تغيراته وغربته واستهتاره وحاجات كتير بس هو للاسف مقدرش كل ده شاف اني عشان صبرت كتير عليه خلاص بقي عادي انا خدت ع الوضع ويومين زعل وهترجع زي ما هيا وابقي كويسة وبضحك وبهزر بس نسي اني انسانة وليا قوه تحمل عايزه اغير من نظام حياتي معاه اعرفه اني خلاص مش هقبل بكل حاجة وانا اللي اجي علي نفسي وبس وهو عايز يعمل اللي يقدر عليه بس لكن يجي علي نفسه ازاي لا ميجيش علي نفسه عشان خاطر حد حتي لو الحد ده انا او ابنه وسعادتنا برغم اننا جينا علي نفسنا في كل حاجة اغير نفسي معاه ازاي اعمل ايه اعبر بيه اني خلاص هتمرد ومع العلم انا مرتبطه بيه جدا في كل حاجة ومش بفارقه

رد: عايزة خطة للتعامل الجديد مع زوجي
 

رد: عايزة خطة للتعامل الجديد مع زوجي
 

صدقني يا اخي ابو مريم انا استحملت كتير وهو مش عايز يتعب ولا حتي يجرب يشوف هيتعب ولا كل همه نفسه وانا ابقي سعيده امتة حين ميسرة انا لو حكيتلك حكايتي وده اللي نفسي احكي لحد يبقي جمبي ويقوللي اعمل ايه واتصرف ازاي هتعرف اني استحملته كتير وهو دايما اناني وانا جوايا هموم الدنيا وهو مش حاسس واهله حسبي الله ونعم الوكيل امال يلاقوه بياخد قرار يزنه عليه بعكسه ومش مهم الانسانه اللي معاه تعبت والله تعبت

رد: عايزة خطة للتعامل الجديد مع زوجي
 

الله يربط على قلبك

لكن أين المشكلة هذة المرة كل الي فهمناه من كلامك انك صابرة ومتحملة لكن صابرة على ايش بالضبط عشان نقدر نساعدك ؟؟

الي فهمته من مواضيعك السابقة انك ماتحاملة على زوجك بسبب عدم قبوله السكن مع اهلك

رد: عايزة خطة للتعامل الجديد مع زوجي
 

مبدئيا اقرأ/ي ردي عليك في الموضوع الاخر الخاص بالسكن ثانيا اللي صبرت عليه كتير اولا انه استهتر بيا في البدايه ومش رضي يعمللي فرح كويس ولا شبكة كويسه بحجة ان فلوس اهله وانه هيعوضني ثانيا مخرجنيش ولا يوم في شهر العسل وكل ده تحت بند هعوضك برغم ان حالته المادية كانت كويسه قعدنا اربع سنين ولا سافرنا اتفسحنا ولا مره ما اتفقناش علي غربة ووافقت عشان خاطره تحت مسمي هعوضك في ولادتي كنت بتمني امي تبقي معايا رفض يجيبهالي ورفض اني ارجع مصر ليها واولد عندها غير اباحيات بيشوفها وبستحمل واعدي وانا ممنوع اي حاجة غير استهتاره دايما بزعلي وعمره ما جه يصالحني لا بعد المشكله يقعد يوم مكشر وينام ويصحي وكأن مفيش حاجة حصلت وكنت بعدي عشان بحبه وحياتنا تمشي ابقي في غربة وممنوع اصحاب ممنوع عمل غير في اول جوازنا قالي مبحبش حد يزورني وخلاني اتكسف اقول لاهلي يجيو عندي ليحرجهم وقلت بكره نتغير واهلي فهمو طبعا ومحدش جالي علاقته بأهلي بعيده وقليلة حتي لما اقوله ساعات كلمهم في المناسبات يقعد يقولي التافهات دي ومره والدي كان تعبان يقوللي مش تعبان اوي يعني اني اكلمه واقوله الف سلامة وسافرنا وجينا ومعانا ابننا انا طبعا اللي متحمله تربيته واحنا في المملكة قعد فتره طويله بعيد عني مش بيجي البيت غير علي النوم ورغم ان دي مش عادته واستحملت وحاولت ارجعه اختي اتجوزت مهانش عليه يجي معايا نبارك لها حتي في جنازة خالي وجنازه جدتي كان جاي معايا وهو مضروب بالنار برغم ان المسافه اقل من ساعه غير وعود كتيره جدا منفذهاش تقريبا كل وعوده ومش بيخرجني ولا بيديني مصروف يقوللي كل حاجة اجبهالك وانا مش بعرف اطلب منه وماما قالتله وانا قلتله اني بتكسف اطلب منه وهو معترف بتقصيره معايا جدا بس امته هيتغير الله اعلم اما نفسيته تتغير وده اللي في بالي وغير مواقف كتير بس ده اللي متذكراه في عجالة سريعة وجزاك الله كل خير علي دعائك واهتمامك

رد: عايزة خطة للتعامل الجديد مع زوجي
 

- ما هي مميزات زوجك ؟
- هل تحبينه ؟
- هل يحبك ؟

سهل الله امورك و رزقك السعادة .

رد: عايزة خطة للتعامل الجديد مع زوجي
 

اختي الغاليه،،،الخطه والنجاح في الحياة تبدأ بترك انشغالك بزوجك ،،والبدء بانشغالك بنفسك...اهتمي بنفسك اشتري كتب جديده تحبينها واقري فيها ..دللي نفسك لنفسك مو عشان احد اهتمي بشعرك بشرتك ...اعتمدي مبدأ (انا ومن بعدي الطوفان)..كثر التفكير والاهتمام الزايد بالزوج يجعله يتمرد ويحس باهميته ويتغلا عليك ..وهالشي مكروه حتى في الدين ( من تعلق بشئ غيرالله عذب به) اتركيه ولاتفكرين فيه اهتمي فقط بترتيب البيت وطبخ الوجبات له وبعدها انصرفي وانشغلي بتطويرنفسك بدلا من الركض خلف زوجك ..صدقيني بعدها بيحس انو في شي تغير وبيتهتم فيك اكثر

رد: عايزة خطة للتعامل الجديد مع زوجي
 

حبيبتى ربنا ييسرلك الحال ويهديلك زوجك
امين يا رب
اصبرى واحتسبى اجرك عند الله

رد: عايزة خطة للتعامل الجديد مع زوجي
 

والله يا هند بفرح جدا اما بشوفك بتردي عليا ربنا يباركلك
مميزات زوجي
اني عارفة ومتاكده انه كل مليم معاه بيصرفه بيننا بالنص انا وهؤ وابنه ولا بيفضل نفسه ولا بيفضلنا الا في الضروريات ساعات يبقي طيب وساعات يبقي اناني بيحاول يتقي الله علي اد مايقدر وهو بصراحه مش بيقرب من ربنا اوووي مش كريم اووي ماديا الا معانا ولو معاه فلوس لكن علي الغير حريص الا طبعا مامته وباباه لانهم بيساعدونا كتير ماديا مش لاقية اي مميزات اخري ليه لانه بيفضل نفسه وراحته عن اي حد
والحب انا وهو بيننا حب كبير المفروض بس اعتقد انه مات جوانا من المشاكل وجمود الحياه بقي ابني هو الحب بالنسبالي
جزاكي الله كل خير علي مساعدتك ليا

رد: عايزة خطة للتعامل الجديد مع زوجي
 

والله يا زهرة انا فعلا الاول كنت وراه وراه مش بسيبه لحظه وجربت فتره انشغل عنه وهو اللي بقي ورايا ورجعت تاني بس حاليا انا حاسه ان كل حاجه ماتت جوايا ولا بقيت وراه ولا بقيت مشغوله بنفسي وهو بحكم انه مش بيشتغل قاعد في البيت طول اليوم مش بينزل ولا ليه اصحاب وقاعد امام التليفزيون وانا قاعده الاعب ابني وقاعده ع النت بقرأ حتي من يوم ما اجل النقل منضفتش الشقة وكلها متكركبة بقيت حاسة اني ماليش نفس اعمل اي حاجه هو اللكل وابني وبس حتي مش ماليش نفس اهتم بنفسي ولا شعري بس هحاول لاني لازم اتغير مش هستناه هو يغير حياتنا وهعرفه انه خلاص من كتر مابيخلف وعوده مبقاش فارق معايا ولا هستني سعادتي منه بس يااارب اقدر لاني حاليا متحطمة نفسيا جزاكي الله كل خير علي اهتمامك

رد: عايزة خطة للتعامل الجديد مع زوجي
 

شكرا لدعائك غاده ومالناش غير الصبر والدعاء وربنا يفرجها علي كل المسلمين

رد: عايزة خطة للتعامل الجديد مع زوجي
 

السلام عليكم ورحمة الله وبركاته..

حبيبتي أمولة، يوجد ميزة جميلة جدا بإنه زوجك لا يستطيع أن يصرف شيء إلا لازم يقاسمك أنت وطفلك وكيف تقولي غير كريم :)

بالرغم من السنوات التي عشت فيها معه مازالت في داخلك تراكمات كيف تزوجتي و ووو تلوميه على أشياء مضت وهذا بحد ذاته متعب جدا لك وله،

الأمر الآخر تعلمي أنت أصعب مرحلة عندما يكون الرجل عاطل لا يعمل، حاولي أنت تحفزيه للعمل بأي شيء حتى يلقى الشيء المناسب،

عتابك له الأشياء الماضية سيكبر الفجوة التي بينكما ويختفي الحب..

وجود زوجك في البيت عبء لنفسه وعليك،حتى إنك تكاسلت عن أداء مهامك الشخصية الإهتمام بنفسك،

لا تجعلي وجوده يبهتك عالعكس عيشي يومك وأنت في كامل حيويتكومع صغيرك..

ابحثي عن حبه في مواقفه معكم الإيجابية وستجدي بإنه موجود لم يمت لكن فقط كل ماتحتاجيه أنت وهو كسر الروتين وتجديد في كل شيء

حينها تدركي الحب موجود وبعدها ستواجهي الظروف أنت وهو باريحيه دون عتب على ما مضى عزيزتي.

رد: عايزة خطة للتعامل الجديد مع زوجي
 

انا مقدرش أنكر ان دي ميزة فيه ودايما بقوله اني بحب فيه كده وان ده كويس وقليل الرجال اللي كده في الزمن ده بس هو مثلا مع الغير بيستخسر ممكن ميحبش يروح لحد في المناسبات عشان الحاجة البسيطة اللي هيجيبها ويجيب من اماكن رديئة وللاسف اهله هما اللي بيقولوله كده رغم انهم عشان نفسهم احسن حاجة وبيحرجني ادام اهلي اما يعمل كده
وفعلا انا جوايا تراكمات كتيره جداااااا وهو للاسف كل كلامه انتي تافهة وبكره اتغير وبيسمع من هنا ولا كانه سمع حاجة وعمره ما بيتغير ولا بيسمع كلامي ولا بينفذ رغباتي دايما اناني جدا ويعمل اللي هو عايزه وبس حتي لو مش مضطر وكتير اقوله الموقف ده بيزعلني متوعدنيش بحاجة وترجع تصدمني وهو بيكرر ده تقريبا في كل حاجة وهو لو بيسمعني ويحاول يتغير كان حالنا بقي احسن كتير والمشكله اما تبقي في مشكله جديده وافكره بالقديم ولا اقوله انت عملت كذا عمره مبيشوف نفسه غلطان ابدااا حتي في انه بيشوف اباحيات ميشوفش انه غلط في حقي واني ليا حق ازعل حتي لما بيخلف وعوده انا بس كان نفسي يحبني زي ما بحبه يحاول يسعدني بيعترف كتير انه مقصر في حقي جامد بس عمره ما بيحاول يعوضني فيها ايه لو كان اهتم بيا وبمشاعري ده انا حتي طلبت منه يجيبلي هديه كذا مره قلتله لو بريال معملهاش بلاش هدية اما ازعل يقدرني ويصالحني ليه يتجاهلني فعلا التفكير متعب جدا ليا عشان كده نفسي اخلص منه واغير حياتي واعيش لنفسي وبس ابعد عن سيطرته علي عقلي وكل حياتي
وقعدته جمبي فعلا خلتني مكسله اعمل اي حاجة وده تاعبني اهمالي في نفسي جدا وحاسه اني اكتئبت من شكلي وشكل البيت ومش قادره اعمل اي حاجة وبالنسبه للعمل هو اللي مش عايز يشتغل ويقول انا مريح شهرين عشان اهله بيساعدونا وقلة العمل مش تاعباه نهائيا لانه متدلع من اهله
بحثت عن حبه لقيت زمان لكن من سنين مشوفتش ده كله وعود مش بتتنفذ انا عندي استعداد للتغيير بس هو مش عايز يساعدني ولا عايز يتحرك ولا يعمل اي حاجة واولع انا ويجيلي اكتئاب عادي والله لو عنده ذره واحده للتغيير وكسر الروتين بجد كنت ارتحت لكن هو مأجل كل حاجة برغم انه مش مضطر نهائي للتأجيل ولا ماديا ولا ملتزم بأي حاجة واما اتكلم بكره هعوضك ووعود وكلها كلام كان نفسي يحس بيا عشان اعيش معاه واديله كل حياتي لاني مش حابه حياتي كده ليه مش نعيش لبعض ونحس ببعض كنت هديله كل حياتي واتعب عشانه فوق ما يتخيل بس لو كنت لقيت اي تقدير او اي حاجة بالعكس ندمني علي كل حاجة
كلامك بجد جميل وبيوصف حالي بس اعمل ايه فيه وهو مش عايز يغير اي حاجه ربنا يكرمك وجزاكي الله كل خير علي ردك الجميل واهتمامك بس قوليلي اعمل ايه

رد: عايزة خطة للتعامل الجديد مع زوجي
 

السلام عليكم ورحمة الله وبركاته..

أمولة عزيزتي لما كل هذا الحديث السلبي؟!

كي لا تنصدمين منه مرة أخرى اخفضي سقف توقعاتك، حتى لو لا يريد العمل لا يكون ذلك دافع في إهمال نفسك

وتذكري قول الله تعالى :إن الله لا يغير مابقوم حتى يغيروا مابأنفسهم.

أنت في نعمة عزيزتي حتى ولو كانت بعض الإبتلاءات تذكري نحن لسنا قي جنة، اوقفي كليا عن معاتبته

من أسوأ ما يحدث أن نربط حالتنا النفسية بسبب ردة فعل الآخرين، عالعكس عودي كما كنت أهتمي وافعلي مايحلو لك

فعندما يراك هكذا سيدفعه ذلك على العمل، طالما يوجد معاتبة وأنت أناني و ووو لن يعمل وسيكون معك عنيد...

ولا تعودي تكرري متدلع ولا أي حاجة من ده الكلام السلبي أمامه..

اصنعي سعادتك بنفسك ولا تنتظري الآخرين يصنعوها لك.

وفقك الله..

رد: عايزة خطة للتعامل الجديد مع زوجي
 

بإذن الله اعمل بنصايحك واحاول اغير نفسي وده اللي بدور عليه نفسي الاقي خطة امشي عليها جزاكي الله كل خير

رد: عايزة خطة للتعامل الجديد مع زوجي
 

بما أن شهر رمضان المبارك اقترب
استغلي شهر شعبان بالإستعداد لشهر رمضان

ضعي قائمة بالأنشطة التي تريدين عملها في شهر رمضان
سواء كانت عبادات أو غيرها

و وزعيها في جدول يومي و أسبوعي لشهر رمضان
و ابدئي من الآن التعود عليها بالتدريج حتى يأتي شهر رمضان و أنت على أتم الإستعداد

و كذلك بإمكانكِ تجهيز بعض الأكلات في شعبان و تجميدها في الفريزر
حتى تغتنمي الوقت أكثر للعبادة في الشهر الفضيل
و أيضاً نظفي بيتكِ تنظيف شامل من الآن .. حتى تستغلي العشر الأواخر
للعبادة .. و لا يبقى عليكِ إلا التنظيف اليومي و الأسبوعي في شهر رمضان .

انشغلي بهذه الأشياء الجميلة و المفرحة عن التفكير بمشاكلك مع زوجكِ
و كل عام و أنتِ بخير .

رد: عايزة خطة للتعامل الجديد مع زوجي
 

والله انتي بجد جميلة اوي فعلا فكرة جميلة وهبتدي من اليوم في التفكير في الجدول وانظمه ولو عندك مثلا افكار او ترتيب لجدول معين ممكن تساعديني جزاكي الله كل خيرا

رد: عايزة خطة للتعامل الجديد مع زوجي
 

حبيبتي
شاركينا موضوع الاستعداد لشهر رمضان المبارك و أرجو أن تستفيدي معنا
و هذا الرابط :

http://www.66n.com/forums/showthread.php?t=267125

جزاكِ الله خير الجزاء .

رد: عايزة خطة للتعامل الجديد مع زوجي
 

جزاكي الله كل خير اختي بجد انتي جميله وشكرا علي الرابط وبإذن الله ابقي من اول المشاركين لاني بجد كنت محتاجة موضوع زي ده يساعدني ويحمسني اكتر ربنا يكرمك ويرضيكي