|
اخي رجل الرجال و اخي ابو مريم
السلام عليكم ورحمة الله وبركاته ممكن الاقي عندكم حل للمشكلة دي بس يكون حل ليهم عشان يكملوا مع بعض مش يسيبو بعض برغم كل الظروف اللي هما فيها لانهم بيحبو بعض وبينهم طفل عمر الزوجة ٣٠ والزوج ٣٠ مدة الزواج ٦ سنين وعندهم طفل اربع سنين مشكلتهم بدأت لما الزوج ادمن المخدرات عانت معاه كتير وخناقات بس عمره ما مد ايده عليها بس طبعا كان مقصر ماديا جدا واهله اللي بيدفعوله وهو تايه علي طول وكل ما يعملوله مشروع يخربه بسبب المخدرات اتدخلو الاهل كتير وفي الآخر دخل مصحة واتعالج وخرج بعد ثلاث شهور وعشر ايام وكان المفروض يقعد كمان ثلاث شهور بس خرج بعد عشر ايام لانهم نقلوه مكان بعيد وحياة صعبة وكان بس باقي العلاج السلوكي المهم الكل اول ما خرج فرح بيه بس تقريبا رجع ياخد حاجات مسكنة وبيشرب دخان عملوله تحليل قبل كده بعد ما خرج لقوه مش بياخد بودره وطبعا هو مدخلش المستشفي الا بعد سنة وشوية في محاولات وضغط عليه وشخصيته هو حنين اه وبيحبها جداااااااا بس فيه طبع انه كداب بيحب يألف قصص ويكدب حتي لو حاجة مش مستاهلة ويزود كلام عن اي حاجة ده طبع من صغره وهو طفل وغير كده مستهتر ومتدلع جدا لانه ولد وحيد ومامته دلعته فوق اللازم لدرجة انها ممكن تدخل السجن عشانه وباعت كل حاجة ومضت بداله ومسمعتش لابوه ولا اخواته ودايما شايفاه كويس والكل ظالمه لانه بيحب يتمسكن اوي دايما تعبان ومنمتش وما أكلتش من الصبح واما يروح يشتغل اتنصب عليا ويقول بيشتغل وهو مش بيشتغل ومعتمد علي اهله ساب بعد ما خرج من المستشفي بلد اهله وراح عاش في بلد اهل مراته مستحملش كان كل يوم هناك وقال انه شغال شغل بيخليه لازم يجي بلد اهله وكان بيجي هنا طبعا عشان اصحابه وياخد من اهله فلوس وحاليا قاعد عند اهله بحجة انه بيخلص شغلانة ومراته عايزاه يروح يحلل وهو بيتهرب منها جدا وهي منهارة وتعبت نفسيا من اللي بيحصل وكل يوم يكلمها كذا مرة ويقعد نفس الكلام انا تعبان ومكالتش ومنمتش ولو غلطت سامحيني نفس كلام كل مرة وامه بتساعده وبتكدب عشانه وهو بيقعد يكدب علي مامته ويقولها مراته ظالماه وبتعامله وحش وعايز يطلق ويكلم مراته ويقولها عايزك وتقوله مش عايزين نتكلم عشان منتخانقش خلي كلامنا علي قد عاملة ايه انتي وابنك وبس وهو يقعد يتمسكن وكل ده عايز يصعب علي مامته عشان تخليه عندها وعشان تديله فلوس وامه عارفة انها بيشرب حشيش وبياخد مسكن مخدر وبتقول هو اما يخلص الشغلانه اللي في ايده هيبطلهم وانه محتاج حنية ومراته قاسية عليه وممكن فعلا مراته قاسية بس من كتر وعوده اللي بيخلفها ومن كتر استهتاره وانه مش حامل المسئولية بجد وبيتدلع وابوه ساعات بيكدب عشانه عشان مراته متزعلش وميوقعش بينهم وليه اخت بتساعد مراته وتقولها حاجات هو بيكدب فيها عشان يحاولو يصلحو الموقف والمشكلة ويعرفو ازاي يتعاملو معاه مراته فعلا شخصية قوية وهو شخصيته مهزوزة شوية ودايما يقول انا فقر عمري ما هشتغل شغل كويس والدنيا مقفله في وشي بس مراته وقفت جمبه وحاولت معاه بقاله كذا شهر خارج ولسة مستهتر قالتله النهارده تعالي لو باقي علي جوازنا نعمل التحليل بكرة قالها المشكلة ان مسافر بكرة مع امي وورايا شغل النهارده وهو اساسا محدش بيثق فيه نهائي ولا كلامه تتصرف معاه ازاي وتعمل ايه مع العلم ابوها قالها لو اتدخلت المرة دي هتبقي طلاق وهي قالت انه لو طلع التحليل بيشرب بودرة هتتطلق ازاي نتعامل مع شخص زي ده ونبعده عن مامته او نخليها تبطل تصدقه لانه ساعات بيعمل نفسه بيعيط عشان يصعب عليها ويقولها تعبان وهموت نفسي وبيتمسكن بطريقة رهيبة بس امه بتصدق كدبه ومقتنعه ان الكل جاي عليه وهو عايز يبقي كويس واما مراته تقوله حاجة تزعله امه تقول يعني المفروض تعامله بحنية وهو كده مش ممكن ينزل يشرب امه مضيعاه وهو حابب ده وعشان كده قاعد جمبها ايه العمل معاه وازاي نعرف نتصرف معاه وازاي نفهمه ونوقفه عند حده جزاكم الله كل خير واحنا تحت امركم في اي استفسار
|
رد: اخي رجل الرجال و اخي ابو مريم
ابنتي الكريمة
مما ذكرتي تم تدمير المذكور بالكامل فبفقد العقل بالمخدرات يضيع كل شي ويتم دعم التدمير بوالدته ودورها كزوجه أن تتق الله فيه إذا اتقى الله فيها فإمساك بمعروف أو تسريح بإحسان وهو لم يفعل والانسحاب من حياته بابن واحد خير من المتابعة وليس من مسؤوليتها علاجه بل مسؤوليته هو وأهله والهروب من كلمة طلاق ليس مبرراً للسكوت على مثله حيث هو خطر عليها وعلى ابنهما ولا يعولهما. أدرك أن هذا تحريض على الطلاق أخبروا أمه وأخبروه بأنه إذا لم يتعدل فسيتم طلب الطلاق وحضانة الولد لعدم أهلية الاب للحضانة. |
رد: اخي رجل الرجال و اخي ابو مريم
اقتباس:
جزاك الله كل خير اخي علي ردك وفعلا هو كل حاجة اتدمرت بسببه وهو مش حاسس بأي حاجة ومش هيحس غير اما يخسر كل حاجة ساعتها هيعرف قيمتهم هي اتفقت مع والده ان يوم الاحد القادم هتروح عندهم وابوه هيخليه يديها عينة ادام عينهم وتاخدها تحللها لقت فيه بودرة هتتطلق لقت مفيش هيبقي في قاعده كبيره بينهم كلهم والاباء واخر فرصة ليه يروح يعيش ادام عينها يشتغل ويحاسبوه بالورقة والقلم ويتابعوه علي الاقل خمس شهور عشان بس علي الاقل تثق فيه وفي خلال المدة دي هو يبقي مجبر يمشي علي مزاجهم ويبعد عن والدته حضرتك رايك ايه تمام كده ولا ممكن نعدل علي الفكرة باي حاجة وجزاك الله كل خير ورزقك الجنة |
رد: اخي رجل الرجال و اخي ابو مريم
اهلا آختى الكريمة اسأل الله العلى القدير ان يتم عليه الشفاء انه قادر على كل شىء اولاً اتشرف بالرد عليك آختى الفاضله كما انى اتشرف ان اشترك فى موضوع مع الاخ العزيز رجل الراجل حفظه الله والله يا آختى ما ذكرتى مصيبة بكل المقايس والمعاير ولا حول ولا قوة الا بالله وان لله وان اليه راجعون هذا الشاب فى ضياع تام ولن يشعر بالكارثة التى يمر بها الا اذا لا قدر الله فقد امه الممول والصدر الحنون الذى يعطف عليه ولكن مع الآسف هى ضيعة سامحها الله ولكن لا تحزنى آختى الكريمة فالله عز وجل قادر على كل شىء لذا عليك بالدعاء له وخصوصاً فى الثلث الآخير من الليل والله هذا سر من اسرار ديننا الحنيف {أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ}النمل62 ولكن ليس اى دعاء ولكن دعاء الملهوف والذليل وذو الحاجة المحتاج .. ادعى انتى وزوجة ليس من آجله فقط ولكن من آجل آبنة المسكين ابنه وهذا ان شاء الله سيكون من اسباب معافة ابوه بقدر الله اضغطوا عليه بابنة استعملوا الولد ورقة ضغط عليه مهم جدا تقوية الوازع الدينى ولو فى امكانية ان يحضر له اى من الشيوخ الثيقات ويدعوه ويتقربوا له لكى يبتعد على ما هو فيه نقطة آخيرة اين ابوه من كل هذا وهل اهل زوجة على علم بحالة وكم له على هذه الحالة وهل من قبل الزواج ام من بعده اعانكم الله وسدد خطاكم وهداه وصرف عنه صحبة السوء .. والله على كل شىء قدير |
رد: اخي رجل الرجال و اخي ابو مريم
اقتباس:
الشرف لينا اخي ابو مريم انك تكرمت بالرد والاهتمام انا يعني سمعت عنك خير كثير من ابنة خالتي وتشيد بعلمك وحكمتك وطبعا الاخ رجل رجال جزاكم الله كل خير علي نفعكم لكل محتاج ويجعله في ميزان حسناتكم فعلا هو في ضياع كثير بس علي الظن الاكبر انه مبقاش بيشرب بودرة لانهم بيقولو مبقوش بيشوفوه مسطول زي الاول بس بيعترف انه بياخد مسكنات ودخان عافاه الله فعلا امه دمرته حتي بنتها اليوم بتقولها يا أمي زوجته هتتركه وهيبقي مضطر يدفع نفقة وايجار الشقة تقولها دي بتحلم مش هيا اللي كارهة ومش عايزاه وكل ده عشان عايزين انه يبقي تحت سيطرتهم كام شهر لحد ما يرجعو يثقوا فيه تقول من امتة الست تتحكم في زوجها ومش حاسة هيا اد ايه بتضيع ابنها برغم ان الكل ضده وهو برده فظيع انا اعرفه شخصيا وعشت معاهم وهو اخو سارة بيتمسكن ويعمل غلبان وبيمثل بطريقة رهيبة وامه حنينة وبتحبه اوووي وطول عمرها تظلم اخواته عشانه بس بنحاول نقنع الام اهو انها تسيبه في حاله وربنا يسهل وهو وافق وقال هيروح معاهم يوم الاحد يعمل التحليل ويقعدو ويشوفو هيعملو ايه وبالنسبة للاب في حكم انه سايبهم دايما مشغول بين عيادته والمستشفي بس سارة بتقول انها كلمت باباها وقالتله ان مراته كلمتها وقالتلها تخلي باباه يوقف معاها وتيجي ويخليه يديها العينه غصب رد عليها وقالها انا تعبت منه وزهقت وهو مش نافع وضايع ده بيصحي العصر ومش بيشتغل وبيشرب حاجات تانية بس في الاخر وافق واتفقو علي يوم الاحد بس بتقول عشان يوافق راح ياخد رأي امهم الاول يقولها ايه رايك ابنك عنده استعداد نعمل كذا وكذا والام بصراحة مضيعة ولادها كلهم وبعدت ابوهم عنهم لانه كان مشغول ولما يتدخل تقوله ولادي انا فاهماهم اكتر ووخلته ميتدخلش في امورهم بس الاب غلبان بيسعي علي رزقه لانه لو قعد يوم مش هيلاقو يأكلو غير مرضه وسنه وكله بسبب ابنه البنك بيحجز علي معاشه غير ديون كتير بس ايه اللي ممكن يعمله الاب يقدر يسيطر بيه علي الوضع يعني نقوله ايه كاقتراح ممكن يبقي غايب عنه عشان اما يقعد مع اهلها وعشان يظبط ابنه وبالنسبة للضغط عليه بابنه زوجته بتقول انه ساعات بينسي يسال عليه ويفتكر لما يقفل ويطلب تاني وبقاله اكتر من اسبوعين ما راحش يشوفه والمسافه بينهم تلت ساعه والوازع الديني مش بيصلي وبيشتغلهم كتير ويقولهم هصلي ويحلف انه صلي ومعروف انه كداب كبيررر اوي عايزين نفهم شخصيته نتعامل مع واحد زي ده ازاي بكدبه واستهتاره وابوه حاول معاه كتير بالضغط لدرجة انه بكي امامه وحرمه من المال بس الام كانت تديه من وراه وكان بيروح يبيع حاجات بيتهم وياخد فلوس بالربا بهدلهم وخرب حياتهم ودخل المستشفي بالضغط بالطلاق وحاله ده بعد الجواز باربع سنين يعني بقاله سنة وكام شهر وبعد سنة دخل المستشفي بس قبل ادمانه للبودرة كان غالبا بياخد مخدرات تانية بس مش مدمرة زي البودرة واما طلع من المستشفي رجع ياخد حشيش ومسكنات وحاجات اخف ده غير كدبه واستهتاره وانه مش عايز يشيل مسؤلية بيته وبالنسبة لاهل الزوجه اه عرفو من زمان وابوها خدو عنده فتره قبل دخوله المستشفي يخليه يحاول يبطل ومضاه علي وصل امانه بالعافية بالاجبار وكان بيقول بيعاملوه وحش بس بيقولو انه ممكن يبقي كداب وعشان يمشي من عندهم ويرجع لاصحابه وللامانة هما اسلوبهم صعب معاه شويه خاصة الزوجه بس دي معذورة لانها متدمره لكن امها رهيبة لدرجة انها رفضت انه يشتغل مع زوجها وبتملي دماغ ابنها لكن ابو مراته كويس معاه وبيحاول يساسيه وبيحاول يهدي الامور بس يستاهل اللي يحصله منهم لاني عمري مشوفت واحد باستهتاره ربنا يهديه وغير استهتاره كداب ومش حاسس باللي بيعمله وقمة الانانية فيه وحنيته كلام وبس الله يكون في عون زوجته واهله لانه مدمر الكل ربنا يحفظنا ويحفظ جميع المسلمين وجزاك الله كل خير |
رد: اخي رجل الرجال و اخي ابو مريم
جزانا الله واياكم آختى الكريمة .. واسأل الله ان يغفر لى ما لا تعلمون ويجعلنى احسن مما تظنون اللهم آمين لا حول ولا قوة الا بالله والله حاجة تحزن نسال الله السلامة وان يحفظ ابناء المسلمين وشبابهم من هذه الشرور التى تقتل فيهم كل جميل وحسبنا الله ونعم الوكيل فى من ينشر هذه البلاوى او يسهل دخولها البلاد او يتاجر فيها عموماً من كلامك لا فائدة من امه وكذلك ابوه ليس بيده حيله ولا حول ولا قوة الا بالله العلى العظيم اتذكر ان سارة ذكرت لى بعض التفاصيل عن علاقة والدها مع الام اذن ليس لنا الا الدعاء والتضرع الى الله عز وجل ان ينتشله من هذا الوحل المضجع الذى يعيش فيه ثم زوجة بإذن الله يجب ان يكون لها دور ودور حاسم بإذن الله يتم الاتفاق معها بدون علم اى احد ان تطلب الطلاق وتصر عليه وترفض الرد عليه او مقابلة وتحرمه من لقاء ابنه وتهدده ان تصرف اى تصرف انها ستبلغ عنه الشرطة ويستمر هذا الوضع شهر او اكثر حتى تشعروا انه خلاص سيموت خوفاً من ضياع اسرة وقتها تتدخلى انتى او اخته وكأنكم وسطة خير وتملىء هى شروطيها عليه واسأل الله الواحد الاحد .. الفرض الصمد الحنان المنان ان يهديه وكل شباب المسلمين وان يصرف عنه وعن جميع المسملين السوء والهم والضياع ويجعله زخر للاسلام والمسلمين اللهم آمين اهم شىء حاولى تجفيف اى طريق يحصل فيه على المال ابعدوا اصدقائه عنه بارسال رسائل من مجهول انه سيتم الابلاغ عنهم او تلفيق التهم التى تغيبهم داخل السجون لكى يقطعوا كل صله معه حاولوا تشغيل الرقية الشرعية فى اماكن تواجده واسالوا ابوه وامه الاستمرار فى الدعاء له وضحوا لامه ان ما تفعله سيجعلها تفقدة الى الابد لا قدر الله خوفوها بالله وانها ما تفعله ليس حب او نقول حب الدبة لصاحبها الذى قتلة .. خوفوها بالله طبعا اعتقد والدتك الى الاجدر بالتحدث مع آختها فى مثل هذه الآمور وقولوا لها اذا لم يعتمد على نفسه ماذا سيفعل بعد موتك انتى لن تعيشى له العمر كله ولا ابوه اكيد اما سيدخل السجن او يموت جوعاً او بسبب ما يتعاطاه انه لله وان اليه راجعون المصيبة فى كذبه وتمثيلة مع الآسف هكذا الشخصية المدمنة كارثة من الكوارث اتذكر مسلسل عرض من فترة عن الادمان وماذا يفعل بالشباب اعتقد اكثر من مسلسل اتمنى ان تشاهديهم وتآخذى منه الطرق التى تساعد هذا الولد وآخته وزوجيها على الابتعاد عن هذا الطريق وان كنت اكرر ان المال هو اهم سبب لاستمرار الشخص فى هذا الطريق وارجوا ان تذهب زوجة الى استشارى نفسى او اجتماعى لتاخذ منه النصائح لعودة الولد الى الحياة الطبيعية وهناك الكثير من المواقع والافلام التى يمكن الدخول اليها او الاطلاع عليها للمساعدة فى هذه الآمور اضغطوا على الام لكى ترى كيف النهاية للمدمن وهى اما موته نتيجة الجرعات الزائدة او قتله او سجنة فى احسن الظروف اذن النهاية لا يمكن ان تخرج عن هذه النهايات الثلاثة الموت او القتل او السجن وضياع اسرة وسمعة اكرر دور زوجة هام جدا سواء بالدعاء والبكاء بين يدى الله عز وجل مع الاخذ بالاسباب كما ذكرت سابقا ويجب ان تعلم انها تفعل هذا ليس من آجله فقط ولكن من آجل ابنه ايضا اسأل الله العلى القدير فى هذا اليوم الكريم ان يهديه ويرده الى دينه واسرته رداً جميلاً وكل شباب المسلمين |
رد: اخي رجل الرجال و اخي ابو مريم
اقتباس:
بس انت مردتش عليا في اخر مراسلة للاداره ازاي اساعد ساره كمان لانها بسبب اخوها وكل ده وغير مشاكلها تعبانة بجد ومش عارفة اعملها ايه وجزاكم الله كل خير واي مستجدات هكتبها ونشوف رايكم ايه لانكم بجد بتفيدو الناس ربنا يجعله في ميزان حسناتكم |
رد: اخي رجل الرجال و اخي ابو مريم
خير ان شاء الله ارجوا الا تغفلوا عن اهم علاج بإذن الله وهو سلاح الدعاء ولكن المهم الاخلاص والصدق وتحرى اوقات الاجابة وكذلك الصدقيه بنية ان يشفيه الله كما اوصى الرسول صلوات الله عليه ولا تنسوا اطعام الطعام على الفقراء اما بالنسبة الى الرسالة كنت سأرد ولكن وجدت هنا موضوعك هذا يا آختى ما ذكرت هنا ينطبق على ساره عموماً سارد عليك هناك ان شاء الله فى اقرب فرصة واعتذر منك على التآخير |
رد: اخي رجل الرجال و اخي ابو مريم
السللم عليكم ورحمة الله وبركاته
حاليا الزوجة قفلت تليفونها بقالها اربع ايام ومش بتتواصل مع اخته ومكلموهاش عشان تاخد العينة منه لانها قفلت تليفونها قبلها بيوم وهما اساسا الابن قالهم متكلموهاش غير اما ابطل المسكنات والدخان لانهم هيمسكو في اني باخد مسكنات ويعملوها حوار بس هو بيكدب لان الزوجه عارفه انه بياخد مسكنات تقريبا بيهرب من اهله عشان ميعرفوش انه رجع للبودره المهم امه طبعا موافقاه وقاعد عندها وبيقولو هيقعد اسبوعين يبطل ويبقي بعدين يروح لمراته بس والله اعلم مراته مش هتفوتله الحركة دي انه ميسالش عليهم كل ده حتي لو تليفونها مقفول ممكن يكلم اهلها وعموما لو حدث اي جديد هبقي اكتبه وحضراتكم تقوللنا نعمل ايه وانا بعتت لامه كلامكم عنه لعل وعسي يأثر فيها وانها لازم تبعد عنه بس معتقدش انها هتعمل اي جديد وربنا يهديهم ويهدي الجميع |
رد: اخي رجل الرجال و اخي ابو مريم
لاحول ولا قوة الا بالله والله الولد حالة يحزن ولا حول ولا قوة الا بالله سامح الله آمه ومع الآسف هى لم تحسب اى حساب ماذا سيفعل اذا توفيت فعلا يا بخت من بكانى وبكى على ولا ضحكنى وضحك الناس على اسأل الله له الهداية انه سميع قريب ومنتظر جديدك بارك الله فيك |
رد: اخي رجل الرجال و اخي ابو مريم
اقتباس:
جزاك الله كل خير علي دعائك الجديد طبعا بعد مماطلة من الزوج انه يروح يعمل التحليل وقالهم كذا معاد وخلفه بالامس والد الزوجة كلم والده وقاله النظام ده مينفعش ولازم تشوفلك حل والزوجة كلمة والد الزوج وبكت كثيرا لحد ما اغمي عليها وطبعا والد الزوج كان محرج جدا من تصرفات ابنه جاب ابنه وقعد معاه وبهدله وقاله عايز تدخل مصحة ندخلك لكن كده مش هينفع وانت لسه بايظ باماره كذا وكذا وفلوس حدتها من ورانا ومشاكل كتير يا تطلقلها يا تتعدل وانت بقالك شهر مشوفتش ابنك وبيتحجج ان مراته بتنكد عليه ابوه قاله تستحمل انت اللي عملت كده فيها وانا مش هساعدك يا تفوق وتتعدل ياتبعد عننا كفاية ديونك اللي بنسددها بالعافية واتفقوا انه يروح اليوم مع زوجته ويعمل التحليل وفعلا راح اليوم الصبح اخيرا وطلع مش بياخد اي حاجه لانه كان بطل المسكن قبلها بكام يوم بس ساره بتقول بما انها عارفاه وحافظاه انه واخد حاجة بتبين في التحليل انه مش بياخد مخدرات وحاليا هو عند اهل زوجته وهيتفقوا ويشوفو الدنياهتمشي ازاي ومامته بتفكر تسفره بره الامارات او السعودية لان عندنا الشغل قليل والمرتبات مش بتكفي اي حد وخاصة ان شهادته مجالها حاسب الي وده عندنا مش مطلوب اوي ولسة هنشوف ايه اللي يحصل وربنا يعمل اللي فيه الخير للجميع |
رد: اخي رجل الرجال و اخي ابو مريم
ما شاء الله اخبار ممتازة اسأل الله له الهداية والصلاح والتوفيق والسداد آقتراح آمه ممتاز وهذا ما اتمنى من ساره ايضا ان تفعله وهو ترك ارض المعصية والذهاب الى ارض آخرى صالحة ما يحزنى فى الحقيقة زوجة مسكينة جدا وواضح انها تحبه مع الآسف ولا تريد الانفصال وحرمان الطفل من حضن ابوه اعتقد يجب تهديده بابلاغ الشرطه عنه اذا لم يتب ويجب من وقفه للاب مع والد الزوجة حتى يشعر ان الكل يعمل فى نفس الاتجاه وينصرف عن استغلال المشاعر واللعب بكل طرف واظهار ان المظلوم المضهد لانه مع الضغوط يرضخ بحمد الله لذا يجب الاستمرار فى الضغط والطرق والحديد ساخن المهم اشعار الام انها ستفقد الولد ام بسجنه او موته حتى ترتدع وتتوب عن مساندة والوقوف معه ضد الحق وضد مصلحة ولا تغفلوا عن سلاح الدعاء اسأل الله له ولاخته ولكل شباب وبنات المسلمين الهداية والصلاح |
رد: اخي رجل الرجال و اخي ابو مريم
السلام عليكم ورحمة الله وبركاته
اخي ابو مريم نريد استشارتك في شيئ بخصوص هذا الموضوع الزوج من الواضح انه بقي كويس بس طبعا مش اوي لكن زوجته بقت قاسية عليه اووي وزودتها وهو راحلهم وقالها تعالي معايا انا رايح اعمل مقابلة عشان اسافر السعودية وبعدها نروح نعمل تحاليل رفضت وغير كده هي مش بتكلمه نهائي ولما يسافرلهم بلدهم لانه شقته في بلد غير بلد اهله تحبس نفسها في غرفة وتخلي الطفل يكلمه ويقوله بابا انا جعان ومفيش اكل علي الرغم انه موديلها اكل وفلوس وهي قاعده عند اهله لانهم بجانب شقتها وتخلي اختها تكلمه وتقوله ابنك تعبان ومحتاج فلوس وهو مش بيشتغل لانه مستني حاليا اخر مقاباة لسفره السعودية يوم الاحد القادم وبياخد من اهله اللي فيه النصيب وبيوديهولها وحارماه من نفسها اول امبارح ابنه تعب بليل واختها كلمته وقالتله هو طبعا مخنوق ان الدنيا مقفله في وشه وهو واد متدلع اووي وبيقعد يبكي لامه مش مسترجل كده وكل كلامه قنوط ويأس وكل ده عشان غلطة غلطتها محدش بيرحم المهم كلمها تاني يوم العصر مردتش قالها انا عايز اطمن علي ابني برده مردتش وكلمت اخته وقالتلها عايزة عنوانهم الجديد من غير ما تقولي لحد وانها عايزة تطلق هو راحلها امس بعد الفطار حبست نفسها في قوضه وقالتله لو بابا اجبرني علي الرجوع برده مصممة علي الطلاق تعب واستفرغ دم كتير راحت معاه للمستشفي قالوله يا جدار المعده فيه حاجة يا مرض وحش هي قالتله كويس انك عارف اني عايزه اتطلق لتقول هسيبك عشان تعبان وهو شاريها ونفسيته تعبانه ياتري تنفع معاها اشاعة انه هيتجوز ولا نعمل ايه كل همنا الطفل الغلبان بس بيني وبينك زوجها ده محدش يثق فيه |
رد: اخي رجل الرجال و اخي ابو مريم
وعليكم السلام ورحمة الله وبركاته آختى رددت عليك فى الموضوع الآخر ولكن ماذا تقصدى فى الاقتباس التالى هل تقصدى غلطة غلطها فمفيش حد بيرحمه اما تقصدى شىء آخر اقتباس:
|
رد: اخي رجل الرجال و اخي ابو مريم
اقصد ان ده كلامه هو دايما يقول كده ودايما قانط من رحمة ربنا والله اعلم بيتمسكن علي مامته عشان يصعب عليها لان حصل حوار يدل علي انه مش تمام وهيخلي اخته تساعد مراته بيقول انه اما تعب واستفرغ دم وراح المستشفي مع زوجته وقاله الدكتور يا تعب في جدار المعده او مرض خبيث وزوجته قالتله كويس اني طلبت الطلاق قبل ما تعرف انك تعبان عشان متقولش اني سبتك عشان تعبت لما امه حكت لاخته علي الموقف قالتلها متعرفيش زوجته انك تعرفي انه تعبان
فانا بصراحة قلت لسارة هو بيكدب ومش عايزك تعرفي مراته انك عارفة تعبه لانها طبعا هتنكر ان ده حصل ولو عشان زي ما بيقولولك هتقوله كل حاجة بتروح تقولها ليهم دي مش حجة لان المفروض ان اهله هيعرفو انه تعبان بس مش عايز يتقفش ادام امه وعامل فيها غلبان وتعبان وسارة واختها قالولي كلامك صح لان كلنا فاهمينه الا امه مصدقاه رغم ان حواراته متخيلش علي طفل صغير لسة معندوش عقل الكدب في دمه وبصراحة الطلاق لمراته رحمة ربنا يبعده عنها وتلاقي راجل بمعني الكلمة يربيلها ابنها وميحوجهاش لحد ويبعده عن امه واخواته حواراته بتنرفزني جدا حسبي الله ونعم الوكيل وربنا يصبر مراته علي مصيبتها فيه |
| الساعة الآن 10:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©