|
بصبصه الزوج للشغاله
تعرفون مشاكلي السابقة مع زوجي
وانا مقتنعه اني مو سيئة ولا هو سيء لكن بينا تنافر عجيب بالشخصيات ودايما احس اني مو الانثى اللي كان يتمناها مع كذا الحياه ماشيه والحمدلله على كل حال لكن في شي شاغل بالي اهل زوجي جتهم شغاله جديده فلبينيه جميله وفيها دلع لااافت وهم تاركينها بدون ما تلم شعرها فطول الوقت تلعب باطرافه (طويل وناعم) اللي مستفزني بالموضوع نظرات زوجي اذا مرت يرتبك اذا جلست تتدلع وهي تشيل شي او وهي تلعب ولدي لقيته ياكلها بعيونه من تحت لتحت والشغاله مو مقصره تسلم اذا شافته (هاي سير) وانا ما تسلم علي وتتجاهلني وكل اسبوع عامله لها لوك جديد مره قاصه الغره من قدام مره رافعتها ببنسه انا ماهمتني بس زوجي مستفزني ولا مره كلمته بس قبل شوي مرت وهي تتدلع باطراف شعرها وزوجي كان بياكلها بعيونه تخيلوا التفت وراها وانا بعيده ما انتبه لي وحتى محد يفهمني غلط انا اجيب دايما شغالات لبيتي اشكال والوان وعمري ماتضايقت من اي شغاله بس هذي مو مضبوطه وعيون زوجي تفضحه لاول مره اشوفه كذا !! مليت من هالوضع قبل شهر كلمت امي وقالت لي طنشي ولا تهتمي الخ طيب انتم ايش رايكم؟ |
رد: بصبصه الزوج للشغاله
انبه زوجي يضبط نفسه اذا شافها
او ماله داعي؟ انا احس بقهر وبنفس الوقت ما ابغى افتح عيونه او احسسه اني حاطه راسي براسها |
رد: بصبصه الزوج للشغاله
الحل تسحبينها على جنب وخلك واضحه وصارمه ، وقول لها من تشوفين مستر أباك أتلفين وجهك وتغطين عيونك ، وفي شي تعال كلمني انا ، هذي الجنسيه بالذات تجي الوحده تحسب نفسها ملكة جمال الكون
|
رد: بصبصه الزوج للشغاله
اقتباس:
تخيلي ام زوجي كلمته قبل اسبوع وقالت لزوجي يروح مع الشغاله تطلع شريحه جوال وراحت معه وانا سكت زوجي متعود يخلص مستلزمات الشغاله وهذي رابع شغاله تجيهم من تزوجت بس هذي بالذات مو مضبوطه تحاول تلفت نظره وهو يرتبك مره بوجودها |
رد: بصبصه الزوج للشغاله
طيب كيف تدخل عندكم وتخدمكم !
|
رد: بصبصه الزوج للشغاله
بعض الازواج ماينلامون اذا الخادمه هي الي تريقه وتغديه وتعشيه وتغسل له ملابسه وتكويها وترتب له شغله بالكامل وأم العيال هداها الله مسلمتها الخيط والمخيط بالطريقه راح يصير احتكاك الزوج بالخادمه احتكاك مباشر طبعاً هذا الي اعانيه انا صراحه والمقصود ليست الاخت الكريمه صاحبة الموضوع ، لكن حبيت انبه لانه حال كثير من الزوجات مسلمات ازواجهن للخدم للاسف
|
رد: بصبصه الزوج للشغاله
اذا كنت زايره اهله
تدخل تجيب القهوه الشاي تحط العشاء ترتب المكان تجيب ادويه ام زوجي الخ الخ يعني داخله طالعه وتتميلح يزياده تبوس يد ام زوجي وتمسج راسها وام زوجي مايته عليها وزوجي يتلخبط وانا جالسه اغلي |
رد: بصبصه الزوج للشغاله
اقتباس:
هذي شغاله اهل زوجي ازورهم مره بالاسبوع وزوجي يزور اهله 3 مرات بالاسبوع وانا صايره اختنق اول مايقول لي بزور اهلي |
رد: بصبصه الزوج للشغاله
واااي يا كرههم .. حرتني وآنه ما لي خص
ابو زوجج وينه ؟ |
رد: بصبصه الزوج للشغاله
اقتباس:
وزوجي الابن الخدوم |
رد: بصبصه الزوج للشغاله
مسكينه ام زوجك على نياتها ما تدري عنهم ، لا تسمحين تلاعب ولدك ومن تسلم عطيها نظرات
|
رد: بصبصه الزوج للشغاله
من ساكن مع امه في البيت ؟
|
رد: بصبصه الزوج للشغاله
شوفي ، مرة كنت ببريطانيا و معايا شغالتي الأندونيسية في المطار ..
و شفنا فلبينية كبيرة بالعمر .. ما تتكلم اندونيسي و شغالتي ما تتكلم فلبيني .. فاضطرت الفلبينية تكلمها بالإنجليزي و انا سامعتهم .. قالت لها : ما أخدتي لك - بوي فريند - سعودي ؟ شغالتي قالت لها .. لا ما أبغى ، أنا متزوجة قالتلها الفلبينية .. دوري لك - بوي فريند = يعني صاحب لك رجال = .. عشان عندهم فلووووووووووووس كثيرة .. . . المهم انتبهي و احذري .. |
رد: بصبصه الزوج للشغاله
يا اما انج تكلمين الخدامة بأسلوب صارم وتخوفينها
او كلمي ام زوجج وحطي السبب على الخادمة وان زوجج بريء وماله ذنب بس أهي اللي تبي تغويه والله يعينج |
رد: بصبصه الزوج للشغاله
بصراحه انتي في موقف لا يحسد عليه أنا أشوف إنك لما تروحي عند أهله تراقبي نظرات زوجك بدون مايحس واذا لفت عشان تروح تابعيه لو صديه كشري وازعلي وفي البيت تكلمي معاه بحزم لا تبكي ولا تتكلمي بخوف عليه لا ياقلبي خليه يعرف إنه فعلاً غلطان
وضحي له إنك ماتبغي تصدقي عيونك لكن كل مره يتضح انه بالفعل قدرت تغريك هالشغاله وضحي له انه حركاتها حركات وحده دنيئه قذره إذا بتمشي وراها وتتبع خطاويها تأكد إنك بتخرب حياتك بنفسك هذا الي ناقصني زوجي أعجب بشغاله وإذا راح لوحده حلفيه بالله وبولده إنه مايلتفت لها خليه يتذكرك لما يشوفها كل مره كلميه عن حركاتها اذا رحتو قولي شوف الوسخه شوف الله يستر لا يكون تعودت تصيد الرجال هذي حركات وحده قذره واخيرا الدعاء انه ربي يصرفها عن زوجك ويصرف زوجك عنها |
رد: بصبصه الزوج للشغاله
اقتباس:
ياخوي تزوج ولا تحط عينك ع شغاله الله المستعان |
رد: بصبصه الزوج للشغاله
كنافة
يمكن الشغالات اللي فاتوا كن عاديات و ما فيهن حركات الدلع و زوجك كما عرفت من مواضيعك السابقة فيه رومانسية و الظاهر هي جت على نقطة ضعفه و قاعدة تستغلها احسن استغلال الحل لما تكشفيه المرة الجاية علميه انك شفتي و مو اول مرة صارحيه باللي شفتي و بيني زعلك من تصرفاته و لا تقصري فيها قدامه خلك صارمة و علميها مقامها الله يعينك من جد بلوى |
رد: بصبصه الزوج للشغاله
ان اقول ان كانت ام زوجك متفهمة كلميها تُحّجبها من باب الدين وخوفيها على ولدها منها يمكن تسحره المهم اضبطيها جيدا مع ام زوجك
وزوجك ان كان يحب يسفتزك لا تبينين انك متضايقة والله ارتفع ضغطي منها وانا بعيدة |
رد: بصبصه الزوج للشغاله
الصراحه موقفك صعب لكن مالك الا الدعا إدعي الله كل ليله إنه يصرفها عنه ،
وعوضيه أنتي إذا كان شبعان ماراح يطالع برى نصيحه الجنسيه هذي قذرات وفاهمات الجنس عدل ويتفنن فيه خليك مثلهن وعوضيه . |
رد: بصبصه الزوج للشغاله
انا اشوف انك ماتجيبين طاري لزوجك ولا تحكين له
وكلمي ام زوجك بما ان علاقتك فيها كويسة وقولي انها مو مضبوطة ابدا! لانها تحت وصايتها.. واي تصرف من ناحيتك يعتبر مو من حقك فممكن تعاند بعدها اقترحي عليها تحجبها.. وماتطلع من المطبخ اذا في رجال بالبيت "من ضمنهم زوجك" واذا في شي بينشال من المكان اللي انتو فيه او بينجاب من هناك انتي او وحدة من خواته ياخذونه من المطبخ كل هذي الامور بدون الاشارة لولدها.. واذا اصرت وتمادت بعدها خلاص بالصريح لاتطلعين عنده.. لاتحارشينهم لان دمهم حاار بس استفيدي من الموقف ياشيخة وافهمي مهما كانت جميلة انتي عارفة كويس ان هالجنسيات مواصفاتهم محدودة استخدمي انوثتك.. انتي قلتي انك جدية وصارمة الحين عرفتي مفهوم الانوثة عند زوجك استغليه ولاتتصرفين مثل التصرفات اللي قبل ضيعته منك! كنافة.. زوجك غالبا مو شبعان ببيته.. انتبهي... |
رد: بصبصه الزوج للشغاله
اذا كلمتيه أو كلمتيها بينتبهون للموضوع زياااده كذا طبع بني آدم سبحان الله
إذا تمونين على أم زوجك كلميها سواء من ناحية دينية أو ذكر بعض المواقف المستفزة للخادمه واظهري ان زوجك البريء الغافل لا تتكلمين عليه عند أمه وتمسكي بالدعاء هذي الأشكال ماهي هينه والله إذا حطت براسها شي كملته والرجل ضعيف قدام المرأة الفاتنه |
رد: بصبصه الزوج للشغاله
في مثل يقول
لو الواحد شبعان في بيته ما راح يكمل اكله في المطعم و ارجو انك تفهمين المثل صحيح شبعي عيون زوجك علشان ما ياكل اكل غيرة |
رد: بصبصه الزوج للشغاله
دائما رددي اللهم اكفيني شرها
|
رد: بصبصه الزوج للشغاله
انتي مافي يدك شيء او حل لنه ليس ذنبك اذا زوجك عيونه طويله او يفضل امراه او شغاله عليك انا اشوف الغلط من زوجك انت رجل متزوج وتحط عينك على شغاله او امرأه ثانيه اتعجب منه يفضل شغاله على حرمته مهما كانت في جمال افضل منها حقيقي طبيعة الرجل مهما بلغ من حب امراه فيي جمالها وعشقها اذا تزوجها كلها كم شهر او كم سنه يطفش منها ويمل ويناظر في غيرها وحتى لو تزوجها يعيش ويمل وهكذا وهكذا الى الرجل العاقل الي يحكمه دينه يعرف الصح والغلط المهم انتي مافي يدك شيء الغلط على زوجك تماما نصيحه لاتكلمين الشغاله ابعدي عن زوجي من هذا الكلام هي كذا بتشوف نفسها وتزيد لاكن كل ماتشوفيها امريها بشغل وحقريها حاولي تبعديها
|
رد: بصبصه الزوج للشغاله
الله يصبر قلبك ..
|
رد: بصبصه الزوج للشغاله
طيب ، عندي فكره بس مجنونه ، دوري لها عيب طلعيه من تحت الارض طبعا اغلب الظن هاذي عندها بلاوي ، يعن اذا ما تنظف زين ، اذا تبصبص وتتدلع على احد غير زوجك ، هاتي وحطيه عند اهل اوجك لكن بطريقه لبقه
|
رد: بصبصه الزوج للشغاله
والله وأنا أخوك هذول مالهم أمان .. رحت يم ديرتهم
وأعرفهم وأعرف طباعهم .. هم من النوع اذا حبت الرجال تسوي المستحيل عشان توصل له ،، ولا يهمهم وشلون وكيف .. شوفي وأنا أخوك انتي مالك سلطة في بيت أم زوجك .. ولا تقدرين تفرضين عليهم شئ هذا مفروغ منه .. ولو أقول لاتروحين يمهم ما انحلت المشكله لأن زوجك على كلامك يزورهم 3 مرات بالأسبوع .. جربي الطريقه اللي اكتبها لك وعسى الله يكتب لها وتنجح ويفكك الله من هالبليه .. اذا جلستي في بيت أهل زوجك ..أحرصي يكون تواجدك مقابل لزوجك بحيث لو طالت عينه وقام يطالعها من يرد وجهه ونظره إلا تكون عينك بعينه ..لاحظي ردة فعله اصبح مرتبك فهي فرصتك ،، اوقفي وعطيه اياه في وجهة ماهقيتك والله انك كذا ي ابو فلان ومن كلام المعاتب وانك مستغربه .. مو كلام تجريح .. ويستحسن تطلبين منه يوصلك لبيتك عشان تستفردين وبيني أنك تشوفينه شئ كبير وكذا .. راح يرجع له عقله إن شاء الله ويركد .. ويبطل من طوالة العين .. والله يحفظه ويخليه لك ولايحرمكم من بعض .. |
رد: بصبصه الزوج للشغاله
ألصقي فيه وخلك داايما جنبه أو مقابلته ومنتبهة له عشان مايتجرأ ويلتفت صوبها ..
وروحي معاه في الثلاث أيام .. خل نشوف آخرتها معاه .. |
رد: بصبصه الزوج للشغاله
اقتباس:
|
رد: بصبصه الزوج للشغاله
مشكورين اخواني لردودكم الطيبة
المشكله هو متعود يخلص امور الشغاله لان ام زوجي عندها ولدين الكبير بمنطقه ثانيه والصغير زوجي وبنتها الوحيده متزوجه فكل شي على زوجي بهالامور وهي كبيره بالسن فماتطلع متكله على زوجي ومره قلت لزوجي اروح معك ورفض على اساس هو تعود كذا وانا ماحبيت اعانده وسكت الشغاله واضح منتبهه لنظرات اعجاب زوجي المرأه تنتبه كويس لهالنظرات ويمكن هذا اللي معطيها فرصه تكمل والموقف اللي جد قهرني قبل اسبوعين اتصلت على زوجي وقالت له جايها طرد هديه بمناسبه يوم ميلادها وعطته رقم الطلبيه عشان يستلمها بارامكس زوجي علمني وانا غليت نار مدري هي صادقه والا كاذبه بس حسيت تبي تبين انها مرغوبه وقلت لزوجي: هي لاقيه تاكل عشان تحتفل! قال مدري يمكن البوي فريند حقها اللي قالوا زوجك مو شبعان واني جديه وصارمه وزيدوا عليها زوجي يقول مغروره ودايم متوتره واصارع ذباب وجهي طبعا هو يبالغ عشاني اشد عالعيال ولاني معظم الوقت احس بضغط نفسي لكن قالوا زمان: وعين السخط تظهر المساويا انا مو هاينه على نفسي اكلم اهل زوجي احس اهانه لي خصوصا لانه بطبعهم ترك الحبل عالغارب بيفهموني غلط وزوجي عنيد ما ابي احط الشغاله بباله يمكن افضل حل اني اراقبه واذا صدته .. اعاتبه وبعدها اطنش الموضوع لكن لو زاد عن حده هنا عاد كلام ثاني |
رد: بصبصه الزوج للشغاله
كلمي ام زوجك تحجبها وما تطلعها لزوجك
ما نفع؟ امسكي الشغاله على جنب وحطي عينك بعينها وحاولي تكون عيونك حمرا وقتها وفتحيها بشكل مخيف وهزيها بكلمتين جامده انك لو ناظرتي زوجي مره ثانيه او اتصلتي فيه عيونك هذي بشلعها لك حسسيها انك من النساء المجنونه اذا قربتي من زوجها وهم يعرفون هذا زين ما تقدرين؟ خلاص استودعيه الله وكل ما رحتوا لهم حاولي ان زوجك ما يشوفها --------------------------------------------- ------------------------------------------------ ------------------------------------ بس زوجك رومنسي وسريع الذوبان هذي هي |
رد: بصبصه الزوج للشغاله
طبقي رد مريم +رد طموحه
وهل الشغالة بأسم زوجك؟؟ اذا الإجابة نعم اعتقد تقدرين تصرفين فيه مثل تطلبي من زوجك ييبيعهاواشتروا ثانيه لام زوجك |
رد: بصبصه الزوج للشغاله
كنافة
لاتصرين عالاسلوب السابق وتستغربين ان النتيجة ماتغيرت هذا انتي عارفة ايش ينفره.. فلا تسوينه |
رد: بصبصه الزوج للشغاله
اقتباس:
اوافق فانتي زوجش يعاني من جوع عاطفي وممكن اي وحده فيها شوية انوثه تضيعه المشكله مو في الشغاله حتى لو راقبتي او وبختي يعني في كل مره تروحين بيتهم بتسوين هالموال لا تحطين راسش براسها وتصغرين روحش انتي زوجته افعلي ما يحب زوجك كوني مايعه :d |
رد: بصبصه الزوج للشغاله
شيء مستفز الله يعينك
اختي اهم شيءء انك ماتبيني انك غيرانة منها ولا تكلميها حتى لا تحطي من قيمتك امامها اذا شفتي زوجك يطالع فيها انظري له نظرة اشمئزاز وكانه طاح من عينك لانه يطالع في شغالة وبيني له من تصرفك انك ما تعيريها ذرة اهتمام لانه كل ممنوع مرغوب وفي نفس الوقت راقبيهم حتى لو لا قدر الله تطورت العلاقة تعرفي تتصرفي الله يوفقك |
رد: بصبصه الزوج للشغاله
وبالنسبة للاهانة
الاهانة الفعلية مو انك تكلمينهم عن قلة ادبها.. لان هالشي ماينسكت عليه سواء صار لولدك او زوجك او ولد اخت زوجك قدامك! الاهانة الحقيقية انها تتمصع وتتدلع قدام زوجك وانتي زي الجدار عندها مو حاسبة لك حساب 😊 |
رد: بصبصه الزوج للشغاله
اقتباس:
ماقدرت ما اعرف ودخلت دوره مخصوص لهالموضوع وماعرفت وزوجي خلاص تبرمج على شخصيتي صورتي الذهنيه بباله: جامده متعالية رسميه بس البصبصه لبرا شي جديد ما اخفيكم انا نفسي تلفتني هالشغاله في فرق بين الدلع العفوي والمفتعل يوه يا كوكي جملتك اثارت شجوني نصيحتك مو بالبساطة اللي تتصوريها |
رد: بصبصه الزوج للشغاله
اقتباس:
المشكله هم عندهم عادي لان ابوهم متوفي والعيال متزوجين وتنطق زوجه الولد تاكل تبن وتسكت للاسف هذا تصورهم لو ابو زوجي عايش والله ماخلوها كذا تتقصع وتتغنج وتتبسم وتناظر بقوة عين المشكله هي راحت والا جت شغاله بس تبقى انثى زوجي يناظرها كأنثى وباله معها من اول ماندخل لحد مانطلع |
رد: بصبصه الزوج للشغاله
اقتباس:
شكلها مو مكروفه .. هي عندها حيل تتقصع ووتغنج معليش رمضان عالابواب :d خليها تاخذ راحتها وراح تنسى الدلع كله khh |
رد: بصبصه الزوج للشغاله
اقتباس:
روحي معاه وادعي اللهم من ارادني بسوء فاشغله في نفسه واستودعيه الله |
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©