|
متزوجة وزوجي ياخذ راتبي
السلام عليكم ورحمة الله وبركاتة
عمري 24وعمر زوجي 30 لدي 3اطفال حياتي مستقرة والحمدالله مشكلتي انا موظفه من سنتين راتبي عنده ومااقدر اخذ البطاقة وكل مرة تصير مشااكل عشان راتبي وماقدر اتصرف فيه ومايلبي جميع طلباتي وافكر اسوي مشاكل واروح عند اهلي واخذ بطاقتي واتصرف بفلوسي انا . بس خايفه من الطلاق وخايفه يكرهني . اريد حلاا لمشكلتي تم تعديل العنوان ليتناسب مع المضمون |
رد: اريد حلا
من المفروض من الاول نقودك عندك والبطاقة عندك وان احتاج تساعديه الان الامر صعب شوي ونعم ممكن يصل للكره لكن اخبريه انك تحتاجي مصروف اكثر ربما يتفهم
|
رد: اريد حلا
حبيبتي ايمان حاولي في زوجك بكل الطرق وبالطيب لااخذبطاقتك فهيه ليست من حقه وان رفض فلابد من وقفه صارمه لحل الموضوع ،،لاتسكتي ابدا على هذا الوضع حتى لو اضطررتي لاخذاجازه بدون راتب ،،الله يصلح مابينكم ويسخرلكي زوجك
|
رد: اريد حلا
هلا وعليكم السلام ورحمة الله وبركاته
الله يصلحك لو من البدايه مااديتيلو هو المفروض بيدك حاولي معاه بالبداية جربي بطريقه تقنعيه إنتي ادرى بزوجك وإذا مانفع اعملي حساب جديد وخلي يشبع باللي عندو والله حاله تتعبي واخرتها ياخذها فوق راتبه الله يهديه وأكثري من الدعاء ربي ييسرلك |
رد: متزوجة وزوجي ياخذ راتبي
يا اختي كان الله في عونك انت الي حطيتي نفسك في ذا الوضع لانه من البداية وضيفتك انت وراتبك انت وفلوسك انت والمفروض البطاقة معاك وما تكون معاه هذا حقك وحدك اذا تبغين تعطينه بطيب خاطر جزاك الله خير اما هو يتحكم في راتبك ويمنعك وقت تبغين اشياء معينة فهذا ظلم واجحاف ، نفسي افهم نفسية هؤلاء الأزواج الي يتحكمون في رواتب زوجاتهم وكأن الزوجة بلا عقل ولا وعي يجب ان تقاد ويتم التحكم بها ! أنانية وعنجهية لأبعد الحدود
اختي اذا طلبتي بطاقة الصراف وقلتي من اليوم وصاعدا البطاقة بتكون معاي فانت لم تطالبي الا بحقك شرعا وعرفا وقانونا اذا زعل يزعل فترة ويرجع له عقله بعد وقت اختي اذا بيكرهك عشان طلبت حقك انت تقدري تقيسي الوضع بمعنى يا تصبري وتخلي البطاقة عنده وتنحرمي من حقوقك المادية الي هي بتعبك وكرفك وعملك في سبيل حب زوجك واستقرار حياتكم او انك تطلبين حقك وتاخذين البطاقة باي طريقة وتسيرين تتصرفين فيها بكيفك والله العالم عن نفسية زوجك وتصرفه لكن لا اظن ان في زوج يطلق زوجته اذا اخذت بطاقتها الا شخص متمسك فيها عشان راتبها فقط والله يعينك يارب العالمين |
رد: متزوجة وزوجي ياخذ راتبي
راتبك لك وماله حق اخذ فلوسك بدون رضاك وليه مامنعتيه من اخذ بطاقة السحب الآلي قولي له حلالي وتعبي وشقى عمري مالك حق تأخذه اساعدك ممكن وبشرط تكوني راضيه مو غصب ، عندك خيارين اما تبلغين اهلك وتخليهم يكلمونه ، او طلعي بدل فاقد من البنك قولي بطاقتي ضاعت راح يتم ايقافها وتستخرجين جديده غيرها اصعب شي اشوفه ان بطاقة الزوجه تكون مع الزوج وهي كارهه ومغصوبه على هذا
|
رد: متزوجة وزوجي ياخذ راتبي
سنتين .. والحين مره وحده .. ماعرف كيف الزوج يرضى على نفسه ياخذ فلوسه من حرمه ..
على العموم .. راتبك من حقك كامل مكمل .. ولا يحق له ياخذ منه درهم واحد .. فحاولي معاه بالطيب .. وان ما وافق شدي عليه شوي ... وان ما وافق ف يا ادخلين حد من اهلك في الموضوع وانا انصحك في ها الحاله تروحين البنك وتطلعين لك بطاقة ( بدل فاقد ) وخلي البطاقه عنده يتصور معاها سلفي .. ولما تقولين تخافين يكرهك يعني هو ما خاف تكرهينه على حركاته اللي يسويها لا وما يلبي كل طلباتك .. انتي شو كان تفكيرك لما اعطيتيه البطاقه .. نقول مساعده بمبلغ بنمشيها بس راتبك كامل .. وان شاء الله مب صاير طلاق .. الا اذا كانت حياتكم مرتبطه براتبك فالله يكون بعونك .. يعني مو مستاهلك .. |
رد: متزوجة وزوجي ياخذ راتبي
شكرا لكم جميعا على ردودكم
انا صحيح غلطت واعطيته بطاقتي ماتوقعت بتكون ملكه وبيتصرف فيها بدون الرجوع لي واذا قلت ابغى شي منها ومبلغ عشان كذا ومحتاجة يعطيني فلوس قليله عشاني وعشان عيالي وهو زعلان ويجلس فترة مايكلمني وهي فلوسي انا . . |
رد: متزوجة وزوجي ياخذ راتبي
واخيرا
سمعت من احد اقاربه انه بيتزوج عشان انا اضايقه بلمصروف والاغراض الكثيرة ايش اسوي انا في حيرة وتشتت ذهني |
رد: متزوجة وزوجي ياخذ راتبي
شكله بيتزوج عليك من فلوسك .... قلت لك روحي طلعي بدل فاقد للبطاقه وانتهى الموضوع ..
|
رد: متزوجة وزوجي ياخذ راتبي
كلمي البنك يوقفون البطاقة اللي معاه قولي ضاعت ..
وبعدين مع أحد أخوانك روحي البنك طلعي بطاقة ثانية ولا تعلمينه .. وإذا عمل مشكلة قوليله ماراح أطلع بطاقة ثانية .. ونشوف وش بيسوي .. حل ثاني .. أول مايتحول راتبك تروحين البنك وتسحبينه كامل وتخلينه عند أحد اخوانك .. أو عن طريق النت تحولينه إلى حساب ثاني لك مايدري عنه .. المهم لا تسكتين له ولا تسمحين بهالوضع يستمر .. ولو كبرت المشاكل تكبر بس مايستغلك بهالشكل .. |
رد: متزوجة وزوجي ياخذ راتبي
اقتباس:
ويعني الزواج حل ألحين ؟ إلا بتزيد عليه المصاريف .. امسكي فلوسك عنه .. بكرا لين تزوج ما بينفعك إلا راتبك .. |
رد: متزوجة وزوجي ياخذ راتبي
لا حول ولا قوة الا بالله ... شوفي اختي بخصوص انه بيتزوج وقلك احد اقاربه هذا الكلام فاحتمال كبير يكون زوجك الي قله عشان تخففين عنه المصاريف يعني لعبة من زوجك عشان يخوفك
نرجع لموضوعنا الاساسي الا وهو حقك في راتبك وفلوسك هذا موضوع مفروغ منه زي ماقالولك الاعضاء روحي البنك الفرع النسائي وطلعي بدل فاقد وحطيه قدام الامر الواقع اذا فعلا سويتي كل الطرق التقليدية وحاولتي معاه وهو رافض قوليله راتبي وتعبي مو من حقك تاخذه وتصرف علي منه بالقطارة يا اختي الي واضح ان زوجك ماهو شاريك وقاعد يشفط في راتبك وانت بحسرتك .. طالما عندك وظيفة ماعليك من احد طالبي بحقك وخلي عينك قوية واذا هددك بالطلاق فمعناته ماهو شاريك ابد وعينه على راتبك .. انتهى |
رد: متزوجة وزوجي ياخذ راتبي
اذا تخافين تاخذين حقك
اتركي الوظيفة اللي مالها فايدة |
رد: متزوجة وزوجي ياخذ راتبي
والله يختي الرجال على ماعودتيه وانا من شفت العنوان قلت اكيد هي عودته .. يعني يمكن بالبدايه فرحه بالوظيفه وكذا سلمتيه البطاقه على انه رجال البيت والخ .. بس هذا غلط ومافيها شي لو طالبتي بحق تعبك يبي يطلق ؟ لو سواها معناه مايبيك ويبي راتبك .. ولو ماطلق و رضى معناه يحبك .. ومثل ماقالوا منتي بحاجته وبالنسبه انه يتزوج يمكن يهددك كذا ويمكن يجمع مهرها من راتبك لاتستبعدين هالشي .. وقفيه عند حده بدون كراهيه تعالي له بكذا اسلوب واذا مانفع تعالي له بالقوه ..
انا موظفه و وظيفتي راتبها مو ثابت يعني حسب الشغل اطلع راتب و من انخطبت كان شرطي ان ابقى بشغلي و هو وافق ولما تزوجت بعد شهرين من زواجي رجعت للشغل و كان لازم اطلع بطاقه بنك ثانيه و زوجي ماقصر سواها لي و جا عطانياها و اخذتها وشكرته والخ .. هو يعرف الرقم السري وكان هو يسحب لي كل ماطلبت وبالبدايه كان يقول لي ما علمك بالرقم عشان ماتطيرينهم و طيري اللي بالبطاقه الثانيه ( لان عندي صرافتين وكلهم ينزل فيهم فلوس بشكل مستمر ... وكان يقول وحده اجمعي فيها و وحده طيريها بكيفك .. عجبتني فكرته لان بالاصل انا مبذره شوي وقلت له خلص لاتعلمني برقمها وفعلا ماعلمني وجمعت فيها وكنت اقوله اذا احتجت خذ منها بس يرفض يقول عندي راتبي و فوق هذا يصرف علي و راتبي يكون لأشياء مو مهمه و يكون لاهلي .. ولما اهلي احتاجوا طلبته الرقم و عطاني مارفض واكثر شي كان يزعجني لما كنت بشتري شي للبيت كان يرفض يقول انا اعطيك و اشتري اللي تبين انا الملزوم بالبيت .. وكنت ازعل بصراحه لان اخذ راحتي بفلوسي اطير قد ما ابي .. وشكيت لخواتي وقالوا بالعكس احسن وانتبهي لاتعودينه بكره يتكل عليك بكل شي والخ وسمعت نصيحتهم وصرت ما اصر عليه ان احط شي عالبيت .. ومره كان ناسي بوكه بالبيت ومر صرافه ع اساس يسحب ولما مالقى قلت ماترجع للبيت بعد ماقربنا نوصل خذ بطاقتي قال طيب سلف قلت لا مو سلف هالمره الطلعه علي .. قال مو ع كيفك و سحب وطلعنا .. وبعدها يوم يومين ماطالبته لان اصلا مستانسه انه ناسي بعدها بثلاث ايام جا ورجعهم لي وماقلت له ليه رجعتهم .. كنت امزح معه اقول لحظظظه اعدهم اتأكد وهو يضحك .. و صار كل مايتسلف يرجعهم . ذكرت لك هالمواقف لانها مواقف بسيطه ولو اني عودته ع هذا الشي كان ندمت وماقدرت اتراجع .. ومثل مانصحناك اتبعي الحل الانسب لكن الاهم لاتسكتين عن حقك |
رد: متزوجة وزوجي ياخذ راتبي
اختي تصرفه هذا يدل على انه يحب الفلوس اكثر منك واكثر من اي شي اخر
رأيي والله اعلم انك تشدي عليه وهذا حقك وتعبك وكدك ولك ان تتصرفي فيه فتوكلي على الله ودخلي حد من اهلك في الموضوع يمكن يفوق وينتبه وتصلح الامور او انه فقط متزوجك عشان راتبك وهذا ما يجب ان تتخذي قرار في شأنه والله اعلم |
رد: متزوجة وزوجي ياخذ راتبي
الله يعينك على زوجك وهذي النوعيه ما تطلق لا تخافين اقل الخساير بيحسبها اذا اخذتي صرافك بتشيلين عنه مصاريفك وبيرضى واذا زعل على هذا الشي يرضى من نفسه
|
رد: متزوجة وزوجي ياخذ راتبي
زوجك ميت احساسه وشايف انها من كامل حقه اتذكر فيه نموذج مثل زوجك اتصل على الشيخ عالاساس ببيع الارض اللي اشتراها من راتبها وهي ماتدري لانها جابت مليون كان رد الشيخ عليه قوي وقال له هذا ظلم ومو من حقك تلاقين المقطع في اليوتيوب وخليه يسمعه لعله يصحى ضميره
|
رد: متزوجة وزوجي ياخذ راتبي
هل عليكم ديون مثلا و كيف راتبه
ممكن تحكين لنا في ظل اي ظروف عطيتيه الكارد |
رد: متزوجة وزوجي ياخذ راتبي
كل الموظفات بطاقاتهم مع ازواجهم
لان هو اصلا الي بيسحب لك كيف بتروحين وتسحبين والي ماهي متزوجة بطاقتها مع ابوها |
رد: متزوجة وزوجي ياخذ راتبي
للأسف الرجل عندنا يقهر المرأه بالزواج عليها حتى لو بالتهديد وتظل طول عمرها معاه في قلق وهم واذا تزوج أنقلبت وتغيرت تماماً ويرجع لها أفضل من قبل مليون مره لكن ماعاد يفيد رجوعه
والموضوع كان بسيط حتى لو أدى للزواج عليك في النهايه الزواج قدر من الله لكن حقك الي تركتيه يتصرف فيه بإمكانك تتصرفي وتاخذيه بدل ماتعيشي نفسك في هم وقلق انه لو أخذتيها بيكرهك وبيزوج عليك يابنت عساه ماحبني يستغل كدي وتعبي وبكل بجاحه بيتزوج مع ألف سلامه الله يعطيه وحده تناسبه ويعرف قيمتي انا عندي بطاقتين ماأطلعهم اذا احتجتهم الا اذا كنت معاه في السياره يصرف قدامي ويرجعها لي |
رد: متزوجة وزوجي ياخذ راتبي
اقتباس:
هذاك زمان وجبر. |
رد: متزوجة وزوجي ياخذ راتبي
اقتباس:
وقريب بتزوج اذا الله اراد وباذن الله ما يشوفها بعينه مش حبا للمال قد ماهي خصوصية وملكية فرديه وابعد عن المشاكل بيننا |
رد: متزوجة وزوجي ياخذ راتبي
اقتباس:
والا يعاف الزواج!! يحسب كل الحريم مثلك (ولا تزعلين حبيبتي) بيبلع فلوسها وهي ساكته ما يدري انه ممكن ياخذ وحده تقشطه تقشيط وهو يضحك |
رد: متزوجة وزوجي ياخذ راتبي
اقتباس:
ايش فائده الوظيفة اجل اكد واتعب و يسحبها زوجي واشحد منه مصروف !! اجلسي بالبيت و يصرف عليك احسن انا اروح اسحب بنفسي لا ابوى و لا غيره الى هالدرجة صعب السحب 88 |
رد: متزوجة وزوجي ياخذ راتبي
راتبك من حقك تعبك قهر تتعبين وآخر الشهر واحد يتقاضى الراتب بدالك ولو كان اقرب الناس حاولي استرجاع بطاقتك بطرق سلمية احسن وان اراد ان تساعديه معليش تفاهموا على ذلك .انا بطاقتي في سيارة زوجي لكن لا يمسها الا ان طلبت ان يسحب لي لكن مرد الفلوس للبيت والاولاد ولو اشترينا كوب او صحن تعتبر مساعدة.
|
رد: متزوجة وزوجي ياخذ راتبي
بإمكانك الدخول على حسابك البنكي من خلال الانترنت وإيقاف البطاقـة وانتهينا. ليس شرطاً أن تذهبي للبنك... لكني اعتقد أن هذه الخطوة صعبـة جداً ؛ لأن المشكلة ليست زوجـك ، بل هي أنتي. أنتي غير قادرة على أن تضعي بينك وبين الآخريـن حدوداً ، وتضحيـن بسعادتك لأجل الآخريـن حتى وإن ظلموك ... وهذه مشكلة كبيرة ، ويجب عليك أن تغيريها ... لا أقول من أجل نفسك -لأني أعرف أنك لا تهتميـن بها- بل أقول من أجل أطفالك ، لأنك قدوة لهم وسيتعلمون من أمهـم كيف يرضون بظلم الآخريـن عليهم . |
| الساعة الآن 09:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©