تمزق في الولاده الطبيعية
 

السلام عليكم ورحمة الله وبركاته
انا اختي ولدت من اربع ايام تقريبا وهي بتولد طبيعي حصل تمزق وخيطولها جسمها من تحت وقالولها متتحركش اسبوع وهي اساسا مش قادره تقعد حتي نايمة علي طول وبترضع النونو وهي نايمة ومش عارفة تشيله وعشان تدخل التواليت لازم نسندها وبتتالم جامد جدا والخياطة من فتحة المهبل جاية للجنب من اليمين يعني حتي وهي بتتبول كانها بتتبول من الجنب الايمن وطبعا بتحس بحرقة واودوها مسكنات مش بتاثر وبتفضل تعبانه جدااا والجرح وارم وجنبها اليمين بيوجعها اووي وبتعرف تمسك نفسها عن التواليت بس مش اووي ياتري هي كده في حاجة في عمليتها غلط ونوديها لاطباء ولا ده عادي من اثر الجرح برجاء الرد سريعا

رد: تمزق في الولاده الطبيعية
 

طبيعي الألم ويبدأ يخف تدريجياً تقريباً بعد أسبوع من ولادها يخف ان شاء الله أعطوها بروفين طبيبه اعطتني إياه يخفف عليها

اذا مكان الخياطه تحس فيه ورم لازم تراجع
وتستخدم ميبو وتضيف عليه نقاط من العسل يسرع الشفاء ان شاء الله

ولما تروح التواليت المويه الي تغسل منها لازم تكون دافيه والله يشفيها

رد: تمزق في الولاده الطبيعية
 

بالنسبه للجلوس المفروض ماتجلس ولما تجلس تجلس تكون ضاغطه ع جهه وحده بحيث ماتكون جالسه بإتزان ع مكان الخياطه

انا جلست في أحدى ولاداتي وتعبت شهرين بعدها من الالتهابات

رد: تمزق في الولاده الطبيعية
 

انا في ولاظاتي الثلاث حدث تمزق واستخدمت ميبو جدا ممتاز ..
بس الافضل انها تراجع الطبيبة تتأكد من سلامة الخياطة ..

رد: تمزق في الولاده الطبيعية
 

و عليكم السلام و رحمة الله و بركاته

1- غالبا أختك بكرية
فالطبيبة عملت لها توسيع لجهة اليمين لتفادي حدوث التمزق اثناء الولادة
و هذا شيء طبيعي غالب الأطباء يعملونه .

2- مهم جداً أن ترتاح أختك نفسياً و تعرف أن حالتها طبيعية جداً
لأن التوتر و القلق يزيد من الألم الجسدي .

3- شعورها بالألم نتيجة تورم المنطقة مما يؤدي لشد الغرز
إذا كانت الطبيبة وصفت لها مضاد حيوي و مرهم و مطهر فعليها أن تنتظم في أخذه
و عليها أن تدهن المرهم أو الكريم بشكل جيد على الجرح
و كذلك استعمال الماء الدافئ في التشطيف مهم كما قالت متفائلة .

4- بالنسبة للعسل إن ارادت استخدامه على الجرح فيجب أن يكون عسل أصلي
و ليس العسل الذي يباع في السوبر ماركت .

5- الأفضل أن تراجع اختك طبيبتها للكشف على الجرح و الإطمئنان
و تخبر الطبيبة أن المسكنات غير فعالة .

6- إذا كانت تعاني من الإمساك فعليها بالعسل الطبيعي و الفواكه و الخضار الغنية بالألياف
لأن الامساك يزيد الالم .. و الأفضل ان تخبر الطبيبة .

الحمد لله على سلامة أختك و مبروك عليكم المولود الجديد
جعله الله من اهل السعادة و جعله قرة عين لوالديه .

رد: تمزق في الولاده الطبيعية
 

جزاكم الله كل خير حبيباتي علي افادتكم لينا بس هي حصلها حاجة غريبة وهي بتولد كانت الممرضة بتدخل اصابعها في فتحة الشرج ليه بتعمل كده ومن وقتها وهي حاسة بالم شديد في هذه المنطقة هل ده طبيعي وعادي

رد: تمزق في الولاده الطبيعية
 

وبالنسبة لنونتها بتقوم كتير من النوم مخضوضة اوووي وتتنفض كده ده عادي

رد: تمزق في الولاده الطبيعية
 

والدتك عايشه ؟
حركة الممرضه أكيد لسبب أختي حصل معاها كانت بتتأكد هل حصل تمزق في المنطقه ولالا
لانه بعض النساء ينزل الشق لها ولو تبحثي عن أنواع الشق في النت بتلاقي كلامي صحيح
وأختك اعطوها فواكه وخصروات كثير
الولاده تهيج المنطقه كلها والالم من الولاده مو من أصابع الممرضه فلا تتوهم قولي لها كل الي بيحصل معاها طبيعي

الطفله لازم تلفوها عشان ماتتخض والاضاءه خافته عندها ويكون مافي إزعاج حولها رح تنام بهدوء بإذن الله

رد: تمزق في الولاده الطبيعية
 

الحمد لله الوالدة عايشة ربنا يطول عمرها هي وكل امهات المسلمين هي المشكلة ان اختي موسوسة اوي وخاصة ان كان عندها بواسير وتقريبا رجعت لها قبل الولادة شكرا لكي اختي طمنتينا جزاكي الله خير الجزاء انتي والاخت هند والاخت مريم وربنا يباركلكم في ذرياتكم وتدخلو بيهم الجنة

رد: تمزق في الولاده الطبيعية
 

الله يخليها لكم لازم والدتك تطمنها وتهديها المرأه لما تولد تشتكي كثير ومابيحس فيها إلا الأم أو أخت مجربه

إذاً البواسير هي سبب الألم المنطقه تتهيج وهي طبيعيه بعد الولاده فكيف لو عندها بواسير عموماً لازم تستخدم تحاميل أنا مجربه وحاسه بيها وحتى لو ماتعاني من الامساك انتفاخ البواسير من الداخل يأثر ع الخياطه أنا أصبت فيها مع الحمل وقالت لي أخصائيه راسلتها عن طريق النت أعمل تحاميل بنفسي من العسل تجمدي العسل في الثلاجه وتطلعيه وهو جامد تتركيه شوي بس مايسيح وتحطي ع قد التحميله في قصدير وتلفيه وتسوي كثير وع الفريزر
يخفف انتفاخ البواسير روعه الوصفه إذا انقطعت عنها أتعب مره الله يشفي أختك ويقومها لصغيرتها

رد: تمزق في الولاده الطبيعية
 

الاغلب ان الممرضة كانت بتحاول تدخل البواسير لأن وجودها في الخارج اثناء الولادة يجعلها تتفاقم ..

رد: تمزق في الولاده الطبيعية
 

هي بكرة هتكمل الاسبوع بس مش قادرة تتحمل الالم ينفع تاخد حقن فولتارين وهي بترضع انا قرأت ان في دكاترة بيوصفوها بعد عملياتدالولاده بس برده في بيقولو بيبقي في منها نسبة في لبن الام

رد: تمزق في الولاده الطبيعية
 

خليها تروح لطبيبة باقرب تكشف على الخياطة وعلى البواسير مرة وحدة لان البواسير لازم تتعالج ماتخف لحالها ..
وهي توصف لها الدوا المناسب .. لا تجيبون لها دوا بدون كشف ووصفه..

رد: تمزق في الولاده الطبيعية
 

هي بإذن الله رايحة بكرة للدكتورة بس صعبانة عليا نفسي اجبلها اي مسكن وزوجها رافض عشان النونة متتاثرش لانهم ادوها مسكن للالام الخفيفة ربنا يعينها ويخفف عنها وعن كل مريض شكرا ليكم اخواتي

رد: تمزق في الولاده الطبيعية
 

السلام عليكم انا حامل بشهر الخامس وخايفه من الولاده والتمزق 😢

رد: تمزق في الولاده الطبيعية
 

وعليكم السلام ورحمة الله وبركاته متقلقيش يا حبيبتي بصراحة انا مجربتش الولادة الطبيعية انا ولدت قيصري بس اختي متبهدلة في الولادة الطبيعية وليها اصحابها خرجو في نفس اليوم ومحصلش تمزق ولا حاجة وكانو كويسين جدااا كل واحدة وحسب حالتها انتي بس طمني نفسك ومهما كان الالم هيبقي خفيف بإذن الله الطب تطور جامد والدكتورة هي اللي تقدر تحدد حالتك تولدي طبيعي ولا قيصري ارمي حمولك علي الله مالناش غيره وادعيه يسهل عليكي الولادة وصدقيني لحظة ما تشيلي ابنك ويبقي بين ايديكي هيخف الالم بإذن الله ده لو كان فيه لان الاغلب في الولادة الطبيعية بيبقوا كويسين ومش بيحصل تمزق ربنا يسهلك ولادتك انتي وكل نساء المسلمين

رد: تمزق في الولاده الطبيعية
 

معلش يا اخواتي تقلت عليكم بس عندي استفسار ياريت اللي تعرف تقولي اختي دخلت التواليت اكرمكم الله وهي بتعمل نزل منها من فتحة الشرج حاجة طول الاصابع وزي القش بالظبط وعريضة ولونها اخضر غامق اوووي وانا دورت علي انواع الخيوط كلها رفيعة ياتري ده ممكن يبقي خيط ولا ايه وفي خيوط عريضة كده جزاكم الله خير الجزاء