معاملتي لعمي ابو زوجي مستجدات الرد32
 

السلام عليكم ورحمة الله وبركاته

اولا لا أدري اذا كان هذا المكان المناسب لموضوعي ام لا وارجو من الإشراف وضعه في المكان المناسب

بما اني بعيده عن اهلي منذ اسبوع تقريبا فأحتاج الى فضفضه .... ومالقيت غير هذا المنتدى الذي احتواني وارشدني للطريق الصواب ...

انا عند اهل زوجي بمنطقة تبعد عن اهلي 4 ساعات سنقضي رمضان عندهم وبرضو العيد ... وزوجي واهله معاملتهم لي في احسن مايكون وخاصة عمي وزوجته ... مايبغوني احس اني فقدت ابوي الله يرحمه ولا يبغوني احس اني غريبه عليهم ... لدرجة القى تلميحات من بنات عمي ان امهم وعمي يعتبروني بنتهم اكثر منهم طبعا التلميحات كانت مجرد مزحه .. باختصار اهل زوجي من صغيرهم لكبيرهم مافي اروع واطيب منهم ومو من الحين لا من زمان هما كذا ... المشكله مو فيهم المشكله فيني انا ... اجلس معهم اسولف واضحك بس مجرد ما شوف عمي تجيني الضيقه ماقدر اجلس معاه ابدا مو بارادتي غصبا عني ... والله اني احس بموت اذا جلست معه اكثر من 5 دقايق واول مايدخل البيت على طول اروح غرفتنا ... او اذا قرب موعد وجوده بالبيت أروح اسوي نفسي نايمه ... واضطريت هذا الاسبوع اسوي نفسي صايمه عشان ماشوفه وقت الغدا .. كل هذا كوم وفي الليل وقت النوم كوم ثاني ... لي اسبوع على هذا الحاله بكا بأخر الليل قبل مانام ... فاقده لابوي أكثر كل ماشوف عمي اشتاق له اكثر ... مدري احس شي من جوا قلبي يتقطع .. نَفَسِي يضيع كل ماحس انه مو موجود ... كل ماتذكر ان اارمضان جا وانا مارح اشوفه... كل ماتذكر ان العيد جاي وهو مو موجود ... وصلت لدرجة اني احسد بنات عمي ... اقول بنفسي حظهم عايشين بجو اسره متكامله ... والله ماحب احسد احد ولا احب هالنوع ... قبل يومين صحيت الصبح قابلتني بنت عمي شافتني انفجعت تقول عيونك منتفخه ليكون كنتي تبكين .. صديت عنها غصبا عني ...وحسها زعلت مني ويمكن قالت لزوجي وجا يكلمني ويسالني اذا احد زعلني .. قلت له لا .. وقال لو عشان نومة الليل خلاص رح يجي ينام عندي ... هو في الليل يجي متاخر يمكن الفجر مدري كم الساعه بالضبط لان يسهر مع اخوانه وخواته ... وانا قلت له مو عشان كذا واقوله روح اجلس معهم بس عيّا يروح .. كان قلبي بينفجر بكا وانا كاتمه عشانه ... حاولت حاولت ماقدرا تعبت من البكا ... مدري هو انا مريضه او ايش .. النهار كله مافيني شي والوضع طبيعي بس يجي الليل احس كأن قلبي خالي والله مو عارفه كيف اوصف لكم ... زوجي يسألني وانا مو عارفه وش اقوله... وانا مابغى يقول عني نكديه احاول ادور رضاه بأي طريقه بس كل ماشوف عمي ينقلب حالي حتى سلام ماقدرت اسلم عليه زين وقالت لي بنت عمي .. ترى ابوي يظن انك زعلانه منه ... ومارديت عليها لاني مالقيت جواب ارد عليها ... وزوجي مره وحده اللي هي اول يوم جينا عندهم شافتي ماتكلم مع عمي مع اني زمان اغلب وقتي معاه سوالف ولعب وكل شي ... سألني وش فيك غريبه ماجلستي مع ابوي وتمزحين معاه ... قلت له تعبانه بسبب الطريق ... ومن يومها مايسالني ... مع انه يلاحظ اني اتجنبه ... حتى وزني نزل بشكل ملحوظ وزوجة عمي تعاتبني وتقول اللي يشوفك بيقول انك مو مرتاحه عندنا واول مره نشوفك كذا هاديه وتسألني في احد زعلك ولا لا ... ومثل ماقلت لكم اني احاول قد ماقدر اسولف معهم واجلس بس مو مثل قبل ... وعمي ماجلس معاه اكثر من 5 دقايق اذا مسكني بالصدفه او ماشوفه خير شر .. وبناته وزوجي كل مره يقولون لي ترى ابوي سال عنك اليوم ..

اعتذر طولت عليكم بس مالي غيركم افضفض له


مستجدات الرد 32

http://66n.com/forums/showpost.php?p...6&postcount=32

رد: معاملتي لعمي ابو زوجي
 

رد: معاملتي لعمي ابو زوجي
 

رد: معاملتي لعمي ابو زوجي
 

الله يهنيك فيهم ولا يغير عليكم يارب وهم اكيد متفهمين وعارفين بس لو وضحتي لهم انه لم تشوفيه تتذكري ابوك عشان كذا ماقدرتي تقابليه مو لسبب ثاني ولو اني اتوقع انهم عارفين السبب
وانتي حاولي تشغلي نفسك بأي شيء ووقت جلستك معهم لا تمشي مع افكارك
اشغلي وقتك معهم في المطبخ
مع الوقت ماراح اقول تنسين لان محد ينسى حبيب وغالي عليه لكن راح تنشغلين بالحياة

رد: معاملتي لعمي ابو زوجي
 

اللهم آمين...

مهره غاليتي الحمدلله على نعمه .. ماتعودت افضفض لأحد غير امي .. عجبني فكرتك بس والله استصعبها لاني اعرف نفسي مارح اقدر اتكلم اذا شفته مع ان مافي شبه يينهم بس مدري كل ماشفته احس تجيني الضيقه .. يعني اذا جيت بكلمه رح ابكي وماحب أحد يشوفني كذا ولا احب الاستعطاف منهم .. وام زوجي قبل شوي تقول اذا مانتي مرتاحه بخلي ولدي يرجع لمدينتكم وتجلسيت عند اهلك ... وفهمتها اني مو متضايقة منهم وبالعكس مرتاحه معهم ..

رح احاول اتكلم مع عمي اذا قدرت ...

اشكرك عزيزتي

نرجسيه ... ماعتقد انهم فاهمين شي لان عبالهم اني زعلانه منهم او زعلانه من زوجي او اني مكرهه على جيتي عندهم من قِبَل زوجي ... هذا اللي فهمت من طريقة كلامهم لي ... شاغله نفسي معهم وبالقراءه وبالتصفح بالنت بس اطفش واقفل كل شي لاني احس بضيقه بخنقه مدري كيف

اشكرك عزيزتي

رد: معاملتي لعمي ابو زوجي
 

رد: معاملتي لعمي ابو زوجي
 

ان شاء الله يامهره رح احاول قد ماقدر ... عشان مايفهموني غلط

اشكرك عزيزتيddg

رد: معاملتي لعمي ابو زوجي
 

اؤيد نصيحة مهره

ولو تفضفضين لحدى خوات زوجك اقرب لك من عمك ..على الاقل تخففين عن نفسك هالكتمه اللي بقلبك
احسك محتاجة فضفضه لا اقل ولا اكثر
محتاجه احد يحضنك ويخفف عنك

رد: معاملتي لعمي ابو زوجي
 

وعليكم السلام ورحمة الله وبركاته

الحل بسيط إن شاء الله...

وأنتي جالسة مع عمك عبري عن مشاعرك تجاه والدك...
أبكي وفضفضي وطلعي اللي بقلب...
الموضوع عادي مو عيب ولا حرام...

إذا سألوك قولي تذكرت أبوي الله يحرمه...
بالعكس راح يتفهمون موقفك ويقتربون لك أكثر...
وكذا راح ينكسر الحاجز شوي شوي...

بالتوفيق

رد: معاملتي لعمي ابو زوجي
 

الله يرحم والدك ويسكنه فسيح جناته ويرحم جميع اموات المسلمين ، اسال الله ان يملى فقدك لوالدك يا رب ، وارى انه في مقام والدك ، خاصة انه عمك ، وعادي يا اختي عبر عن مشاعرك الايجابيه كأنه عندما ترينه كانك ترين والدك .

رد: معاملتي لعمي ابو زوجي
 

فعلا ريماس حاسه بكتمه ومحتاجه اتكلم لأي شخص ... يمكن لو تكلمت مع عمي بيكون احسن من اني اتكلم لبناته .. اشكرك عزيزتي ddg

اختي خاطري هو مو عيب ولا حرام بس ادري بنفسي اني ماحقدر اتكلم لكن سأحاول بإذن الله ... اشكرك عزيزتي ddg


اللهم امين اختي ومض القمر شكراا لك عالدعوات ddg

رد: معاملتي لعمي ابو زوجي
 

عزيزتي سموره ، عذرا ، كم صار والدك رحمه الله غير موجود ؟

رد: معاملتي لعمي ابو زوجي
 

شهر تقريبا ....

رد: معاملتي لعمي ابو زوجي
 

ولا تردين ان تعبرين عن مشاعرك ! ، تحتاجين احتواء ، و بما انك ذكرت هم غير مقصرين ، لكن هذا لا يعني ان تكتمين شعورك ، وتتفادينهم ، وتعيشنه لوحدك ، هم لا يعرفون ، ساعديهم ليساعدوك على تخطي ما تشعرين به .

رد: معاملتي لعمي ابو زوجي
 

سموره انتبهي من الاكتئاب
البكاء والانفراد والظلام دليل الاكتئاب
علاجك بيدك الحقي على نفسك
اول شي انتي مؤمنه بالله وبقضاءه وقدره ومن مقتضيات الايمان تسلمين وتؤمنين ان الموت حق
النبي اللهم صل عليه مات والصحابه وهذي سنة الحياه ناس تولد وناس تموت
والدك يحتاج دعائك وصدقاتك
لنفسك حق
انتي واقفه عند نقطة وفاة ابوك لذلك ارى ان وبقووووه ضروره ان تخبري عمك بحقيقة مشاعرك حتى يقفوا معك
وقوفهم احدى درجات وركائز راحتك
اطلبي من زوجك عمره واتركي اطفالك لدى اهلهم
كوني قويه

رد: معاملتي لعمي ابو زوجي
 

صعب كثير والله مدري ليه .... الحمد لله انا مؤمنه بقضاء الله وقدره والحمدلله على كل حال

وقت السحور تجمعنا كلنا بسفره وحده .. وهو قاعد يتكلم على الصيام والكل يقول شي ورأيه بشي وانا ساكته وسألني ... " شاركينا يابنتي بالموضوع " والله حسيت بغصه ورجعت قلت له على ايش .. قال شهر فضيل واللي زعلان من أحد يتسامح و... الخ ... قلت له الحمدلله انا مو زعلانه من أحد ... قال لي أكيد محد مزعلك من اهل البيت !؟ قلت له لا بالعكس انتوا اهلي مازعلت من اي احد وكنت ونزلت دموعي غصب عني والله غصب ماقدرت من اول ماجلسنا وانا كاتمه نفسي .. رجع سالني ولدي زعلك بشي !؟ قلت له لا .. ورجع لفت على زوجي وقال له اذا زعلتها ياويلك تراهي بنت الغالي الله يرحمه... قمت من السفره ورحت الغرفه تعبت ماعرفت اتكلم معه اكثر...

اول ماقريت كلام مهره والباقي قلت اكيد سهله الفضفضة للعم بس والله صعب

لكن الحمد لله من زمان ماجلست معه الجلسه هذي مثل امس ... حسيت بنوع من الراحه ...

ملكة الإحساس ليش حكمتي على انه اكتئاب ؟

لان بنت عمي قالت لي قبل كم يوم احس فيك اكتئاب لانك مو طبيعيه وماعطيت اهتمام لكلامها !

رد: معاملتي لعمي ابو زوجي
 

تراكي كده بتتعبيهم وتعذبيهم

اكتبي ورقه او مسج لأي واحد منهم ( الاب او الام او الاخوات)

وقولي انا حزينة على والدي وكل ماجلست مع عمي تذكرت والدي مع انه مايشبهه

ساعدوني على تجاوز هذه الازمة يارب مايوريكم مكروه في احد

رد: معاملتي لعمي ابو زوجي
 

الآن هم يعلموا اني لست زعلانه منهم ... قبل قليل جلست انا وبنت عمي وكل شوي تقول لي دامك مو زعلانه مننا تعاالي ساعدينا وسوي كذا وسوي كذا ... لان قبل كذا كل مادخلت اطلب اساعدهم يرفضوا يقولوا مافي شي وهم على بالهم اني زعلانه او متضايقه من وجودي معهم واني مغصوبه على جيتي لهم ... هذا اللي فهمت منها قبل شوي

اعتقد اني مكتفيه دامهم متفهمين الوضع !

رد: معاملتي لعمي ابو زوجي
 

اسمعي الكلام وبلاش تضييع وقت بلا دلع ودلال زايد

استحرمي شوي وخليكي شعر ( تقال للحريم المدللات) ( اخترعتها للتو لاني لم اجد بديلاً)

على وزن

استرجلي شوي وخليكي شنب ( تقال للرجال المدللين )

تراكي نكدتي عليهم وقلبتي رمضان عليهم هم وغم

استهلكتي كل رصيدهم في المجاملة

استرجلي ياشيخة عشان ابوكي الله يرحمه يفتخر فيكي لو كان عايش

اقصد استحرمي

ان شاء الله حتى لو تكتبي الورقه وترميها داخل احدى حبات السمبوسه

المهم انهي مسلسل البؤساء قبل لاتطلع عيارة عليكي ويتمتمو بينهم وبين نفسهم لما تجي ويقولو : اوشششش جات وجه الهم والغم والنكد ، عليها وجه يقطع الخلفه ياشيخه اعوذ بالله من غضب الله )

رد: معاملتي لعمي ابو زوجي
 

اذاً فعليَّ ان اتكلم معهم وجهاً لوجه اذا كان فعلاً هذا كلامهم لي من وراء ظهري!!!

لكن للتوضيح ليس دلع وربي يعلم هالشي ...

سأوضح لهم كل شيء افضل من الرسائل هذا اولا ... وثانيا انا لست وجه نكد وغم بالعكس اجلس معهم واضحك واسولف بس بوجود عمي يختلف شوي .. وانفرادي برضو

اشكرك اخي

رد: معاملتي لعمي ابو زوجي
 

انتي مشكلتك في المواجهه وانه لسانك ينعقد وصدرك ينقبض وقلبك يتوقف

عشان كذا نستخدم الورقه فقط لذكر العنوان الا وهو ( متألمة لفراق والدي واتذكره عندما ارى عمي )

رد: معاملتي لعمي ابو زوجي
 

لا يا اخي بالعكس بس ماكنت حابه ابكي قدام احد وهذا الشي اللي مانعني افضفض لأي شخص ... لاني اذا تكلمت وفضفضت راح ابكي .. ومتأكده اذا فتحت لهم قلبي بلساني سوف ارتاح اكثر ... ومثل ماقلت طبيعة علاقتي مع الجميع طبيعيه لكن مع عمي تحديديا شبه منقطعه ... لكن ان شاء الله سأفعل مثل مانصحتوني اخرج مابقلبي لعمي لكي ارتاح ويعوضني لو قليلا عن والدي رحمه الله وغفر له

طريقة الرسائل لا أحبها كثيرا اشعر انها لا تعبر كل مابداخلي لذا ارى اتكلم بلساني افضل حتى لو بكيت فهي دقائق معدوده ... المهم لا ينظروا الي بأنني منكده عليهم عيشتهم ! ..

شكراً لك اخي ..

رد: معاملتي لعمي ابو زوجي
 

انا مصرّ على الرسالة كمفتاح فقط

وخلينا نشوف تقدري على افتتاح المواجهة ام كالعادة تنخنقي وتقومي من الجلسة تاركتهم يضربو اخماس في اسداس شاكين في انفسهم ( ياربي ابلشتنا دي البنت ، طيب لو تقول لنا ايش فيها عشان نقدر نساعدها؟ قبل لايجي وقت حتى لو قالت لنا ماراح نصدق او ممكن توصل معنا انه مايهمنا نعرف وخلي الاجازة تنتهي وتحل عننا )

استمري على طريقتك وتفكيرك وخلينا نشوف فين حنوصل

وعلى قولتهم

ياخبر اليوم بفلوس

بكرة ببلاش

رد: معاملتي لعمي ابو زوجي
 

سأجرب طريقتك في كتابة الرساله كبدايه .. لكن اخالفك الرأي بحديثهم عني فانا اعرفهم جيدا ولا اظن أنهم يتحدثوا عني بهذا السوء ...

ان شاء الله اليوم سأكتبها وأرى النتيجه ...

رد: معاملتي لعمي ابو زوجي
 

لو استمريتي فممكن وقتها يقولون اللي قلته انا

لذا مافي داعي للانتظار حتى تلك اللحظة

اوكي على بركة الله

اختاري اكثر شخص تموني عليه وتقدري تبكي امامه وتضميه لو احتجتي لحظن تطميني

واتكلمي واول ماتشوفي لسانك اتعقد طلعي الورقه من جيبك وسلميها له

شو رأيك؟

حلوين؟!

رد: معاملتي لعمي ابو زوجي
 

توضي وصلي ركعتين خرجي بيها كل اللي بقلبك بإذن الله ترتاحي وماتحتاجي تفضفضي لأحد
ربنا يريح بالك ويسعدك

رد: معاملتي لعمي ابو زوجي
 

اكثر شخص قريب لي الان هي بنت عمي بنفس عمري ... لكن اريد أتحدث مع عمي أفضل... وهذا ما سأفعله ان شاء الله اليوم... اشكرك أخي وجزاك الله خير ...

غسق عزيزتي ... والنعم بالله والله العالم كم بكيت ودعيت من كل قلبي ... ربي يجزاك خير واشكرك ...

رد: معاملتي لعمي ابو زوجي
 

منتظرين نتائج حلوة تليق بهذا الشهر الفضيل

الله يوفقك ويسهّل امرك ويرحم والدك

رد: معاملتي لعمي ابو زوجي
 

نعم مع هذا الرد ، دام انك ما تقدري تعبري عن مشاعرك وخانقتك العبره 💔، مثل ما يقولون أحسن شي تشتكين لله في سجودك و تطلعين كل ما في صدرك ، و لا تعملين لهم مسلسل حزن رمضاني ، في هذه الأيام المباركه ، و تشغلينهم ، خاصة انهم ناس طيبين وعلى نيااتهم وغير مقصرين معك .

رد: معاملتي لعمي ابو زوجي
 

أنا أبوي متوفي ياسمورة من ثلاث سنين رحمة الله عليه رحمة واسعة تعبت كثير بعد وفاته حسيت الدنيا وقفت عند لحظة موته بس الحياة تمشي ياسمورة لازم وزي ماقال اخويا لماذا نتزوج انت فعلا استهلكت رصيدهم في المجاملة معاك وراح تفتحي باب مو كويس للتأويلات فصارحي عمك عشان لاياخذ بخاطره عليك .
الله يرحم ابوي وابوك ويجعلهم في عليين .

رد: معاملتي لعمي ابو زوجي
 

أنا شايفة إنك تجيبي مشاكل لنفسك ، و تبحثي عن النكد ..
أهل زوجك طيبين ، و ماله داعي تعملي لهم ( دراما و حزن و تنكيد ) ..

و تقدري تتحكمي بنفسك .. ( لو رغبتي بذلك )

رد: معاملتي لعمي ابو زوجي
 

بنت طيبه ... الله يرحمهم ويغفر لهم ..

اللهم امين اخي لماذا ... ويوفق الجميع

ومض القمر وروح الطير .. مو عشان كذا انا جايه ادور حل لنفسي عشان مانكد عليهم الرمضان ... مع اني اجلس معهم واسوي نفسي طبيعيه قد ماقدر ... تراني مو حابه العيشه اللي انا عايشتها ودي ارجع مثل زمان ..

امس صديقات بنت عمي اجو عندنا ونفسيتي تغيرت كثير ... حسيت نفسي مرتاحه ورحت عند عمي وزوجته وجلست معهم .. كنت حابه يكون عمي لوحده بس استحيت اطلب من زوجته تخلينا لوحدنا واعتبرتها امي ... وتكلمت وقلت لهم كل اللي بقلبي ... والحمد لله مسكت نفسي مانهرت من البكا مجرد دموع .. كنت خايفه من الانهيار اللي يجيني وقت البكي ... عمي وزوجته ماقصروا والله معاي ربي يجزاهم خير ... وعمي قال انه كان حاس بهالشي بس مارضي يضغط علي ومخليني براحتي ...ووقت السحور كان جميل والعايله كلها بسفره وحده ماحسيتها الا امس ... والحمد لله انكسر الحاجز اللي كان موجود وزوجي كان مبسوط برضو بس مو عارف اللي صار وماعرف اني تكلمت مع عمي ...

اشكركم جزيل الشكر ..

رد: معاملتي لعمي ابو زوجي مستجدات الرد32
 

رد: معاملتي لعمي ابو زوجي مستجدات الرد32
 

شكراً عزيزتي مهره ddg اول ماعرضتي علي اتكلم مع عمي... قلت بنفسي مستحيل وصعب ومدري إيش ... بس لقيتها سهله وخاصة اذا معتبرينك بنتهم ... واكييد ان علاقتي مع زوجي ماتأثر علاقتي مع اهله ابدا حتى لو تخاصمت معاه... اشككركك مهره الله يفتح لك ابواب السعاده مالها نهآيه ddg

رد: معاملتي لعمي ابو زوجي مستجدات الرد32
 

تمام عليكي

الله يعطيكي العافيه

وسامحيني ان قرصت عليكي حبتين في الكلام

عشان ادفعك خارج الصندوق

والحمد لله وصلنا لنتائج منتازة

وشي احسن من شي والحمد لله

اقصد صح الحين ماراح يقولون جات وجه النكد والحزن

ولكنهم اول مايشوفوكي زعلانه

راح يركضو ركض للبقالة

عشان يشترو صحيفة اليوم

ويفتحوا صفحة الوفيات

ويقولون

خل نشوف مين مات لها هذه عشان كذه مبوزة

;)

رد: معاملتي لعمي ابو زوجي مستجدات الرد32
 

ربي يعافيك يا أخي ويفتح اك ابواب السعاده ... بعض القسوه توقظنا مما نحن عليه ... وانا الحمد لله مو من النوع النكد الا اذا شي زعلني ... اما اذا عند اهلي او عند أهل زوجي فلا اعرف للنكد عنوان.. ان شاء الله نتغير للافضل وهذا بفضل ربي ومن ثم لكم .. صرت اقدر اتحكم بنفسي وبعصبيتي ... قد تعلمت الكثير من المنتدى واقرأ النصائح التي تساعدني من مشاكل غيري واطبقها وبإذن الله لن تكون هناك مشاكل اخرى لي ولا للجميع..

شكرا لك اخي ..


وربي يحفظ الجميع ولا ارى في أحد مكروه يارب