|
طليقي وكلامه عني
مدري اش اكتب مازلت اعيش بصدمه او ماادري ايش
تزوجت من شخص اخذني عن حب منذ الطفوله كنا حديث المجتمع بعد الزواج ماادري كنت اعيش بحالة عصبيه غصب عني وضيقه واحس مش متقبلته شي غصب عني هو يحبني بس عصبي كطبيعه وبعد الزواج بفضل الله غيرته وغيرت معاملته مع اخوانه وخواته وامه للافضل وهم شاهدين ع ذالك الحمدلله طبعا كان معي عصبي اغلب الوقت فقلت ماعمره تصرف مع انثى تغير شوي شوي اعيش بوقتها ضغوط كثير منها ماديته جدا صغيفه وماكتت ابدا اضغطه بشي ابدا ابدا ابدا لدرجة يمر الشهر والشهرين والثلاثه مااطلب منه كان مقر عمله بمنطقه وانا بمنطقه اخرى وايضا صبرت يجي ويكند ويقضيها مع اهله هو اجتماعي جدا ومافي انثى بتربط الرجل اكيد لكن معظم وقته يقضيه مع خالته بشكل استفزني لدرجة اثرت عليه بتتبع القيل والقال هذا شي مايجوزلي ابدا تأخر الانجاب وكان عندنا جميعا مشاكل لكن هو اكثر كانت خالته تقط على وهو ضحك ! عقب سنتين وكم شهر تحسنت الماديه قليل ورحنا نسوي انابيب وافشلت قلب علي ومتضايق وزعلان انا ايش ذنبي !!! تعبت نفسيتي اخذ اجازه وقتها اول بديات الشتاء فقلت حابه اطلع معك اتمشى رفض وتحجج احاول اجلس معه جلسه هادئه مايعطيني فرصه اممم اجهز قهوته الصباح ويمرني ويروح لخالته المهم اني بصباح يوم اجزم ان ابليس كان بيننا بحق وحقيقه صحيت ع حلم مرعب وناطرته لينه يلبس بيطلع ماكنت ادري انها نظرت مودع واخر بوم حكون نايمه ببيتي بعد ماطلع اتصلت عليه وقلت خذني معك الجو كان مطر وقالي بعيد ! فقلت حروح لبيت اهلي علشان امي عندها موعد نفخ علي وقال روحي فجئه اتصل وقال انزلي انا تحت واخذي اغراضي علشان تنامين عندها قالت لاليش انام وانت موجود وايام بسيطه وماشي لدوامك قال كذا هنا اخذتني الكرامه ومشيت لامي قعدت كم يوم هو مااتصل ولا انا لين انتهت اجازته وراح يداوم وبعد اسبوع اتصل ومارديت مقهوره ارسل مارديت رجع ثاني مارديت اتصل ع امي وجت تهزئني ومااتصل وانقطعنا اشهر انا جواتي منهاره نفسيا جدا جدا الانثى زي الورد لازم تسقى بالماء حسيت انه حملني ذنب مو ذنبي مدري هل تصرفي كان يستحق الطلاق طبعا اهلي تدخلوا واخواني كانوا معه المهم والاهم اتصلت عليه وكسرت تلفونه بالاتصالات ولا رد ارسلتله رساله لاول مره اتخلى عن كبريائي واكتب رساله من القلب اامل ان تصل للقلب لكن مسحها بدون مايفتحها احس بألم يعصر قلبي اخذت ايام وارسلتله رد علي بالطلاق توقعت لحظه طيش كم يوم وصك الطلاق طالع من المحكمه ! الالم هو انا نفرقنا وانا ماشرحتله ايش مضايقني وايش اللي ابغاه كنت فقط اطالب بإهتمام فقط احس اني مرغوبه لذاتي احس لي كياني مو رجل عايش مع اهله لحد يقولي اهله لاتلوميه والله اني احب الرجل البار بأهله بس مو لدرجة يلغي وجودي المشكله هنا تكمن بأنه فضضضح فيني بالله وخلقه 😢💔 وذكر شي غير صحيح وشي صحيح كان من ضمن السوالف اللي بيننا وانه حفيظ اسراري اشعر ياساده بإحباط *من ضمن الاشياء اني ماازور امه وانا بالويكند اكون ببيتي وقهوتي المغرب والعشا مع امه الا ماندر جدا جدا لاخر الليل اسهر مع امه بس ماكان يرضيه !!! يقول ودي تكوني معها الصباح والظهر والعصر والمغرب والعشاء بكل وقت انزلي حسسيها بوجودك حاولت لكن كذا مشقه علي وطنشت بس بالاساس امه طلعاتها كثيره مره يعني مااحصلها الا ع المغرب مع ذالك يبغى وجودي تحت هل كان مع حق اني ماكنت اسمعله كثير المضحك المبكي انه جحد كل شي وكل وقفه وقفتها معه اظهر للناس اني محرضه له ع اخته ويشهد الله اني تعاوشت معه علشان اخته وبما وقفت معها اظهر للناس اني اغار من فلانه وفلانه لانهم يسافرون وانا كنت اتكلم عفوي وكنت اقول شوف فلان زوجته معه ع طول من باب التحفيز له لاني كنت ابغاه اوقات ياخذني ووصل السالفه لفلان ومرته ومرته بدورها احضرتني من برامج التواصل الاجتماعي !!!! ايضا اخبرته مره اني مثلا ماابي احد يدري اني مسويه عملية انابيب لين تظهر النتيجه وياسلام سلم بعد الطلاق اوضح للناس اني غثيته من كثر مااخبي ع اهله واوصيه انه مايخبر احد ياجماعه في شي بالدنيا مقلوب انا صح ولا غلط هل فعلا الطلاق هو الحل لحياتي ولا المفترض اني صابره !؟ صبرت على ان خصوصيتي منتهك.. جدا لكن خصوصية اهله جدا مقدسه مرتبط بطريقه عجيبه بخالاته حد انها تضايق امه خالتي عقلانيه وتصرفات ولدها مر ع اي حال ترضيها وكانت تظهرلي استغربها بكثرت زيارات خالته مدري ليه اكتب بس كل اللي حولي ومن ضمنهم اخوتي قالوا كنا معه ضضضضدك لانه طنشتيه لكن مجرد ماتدخلنا وطلق مو رجل ينشد فيه الظهر اخواني هل استحق الطلاق ويكون جنب اسمي مطلقه ؟ وهل تحسون باعني برخيص!او انا استاهل !؟ بالنسبه لكلامه عني هل اخبر اخواني ويتصرفون معه بسسسس مااحب ابدا المشاكل ام ارسله ام ارسله اختي الكبيره ترسله والله كان يحكي عن اخوتي فلان مغرور بعد مااخذ منصب واخوك فلان نفسيه ووو الخ عمري ولا فكرت اخبر اخواني واخرب علاقته فيهم والله حرف واحد فيه ماقلت لا عند اخواني ولا بابا هل اللي سويته صح ولا المفروض غاسله شراعه 😢💔 مدري محتاجه افضفض واسمع شي يخفف علي |
رد: طليقي وكلامه عني
الله يفرج همك ويبطل حزن فرحا
|
رد: طليقي وكلامه عني
الله يفرح همك حبيبتي
الافكار هاذي بتتعبك خلاص انسي كثري استغفار وقربي من الله ماتدرين وين الخيره الله يكتب لك ايام سعيده وحلوه يارب |
رد: طليقي وكلامه عني
كرري حسبي الله ونعم الوكيل
كل الالم الي تعيشينه جربته وبكل مرارة عانيت لوحدي طليقي اخذ ذهبي وباعه وراح فتح محلات ويكسب الوف من ورى خدعته فيني يقول مديون وبينسجن واثاريه يشتغل ع الثقيل وماخذ وضعيه الضعيف ويوم توظفت بعقد في وظيفه حكوميه تقريبا خمس شهور نزل لي مبلغ مرتب وصرفت منه تلي احناجه انا وياه ولااولادي وحفظت حدود الثلاثين الف وبخدعه اخذ صرافتي يقول احتاجها عشان اخويه يحول لي مبلغ عليها وكلام كثييييير من ثقتي عطيته بعد كم شهر شيكت من الهاتف المصرفي لقيت رصيدي صفررررررر تخيلي وقتهاااا انتظرته ولما كلمته جازاني بالظرب والاهانه والتجريح واخرتها الطلاق وفوق هذا اخذ اولادي وتزوج بعدها ب اسبوعين ويشهد الله ع كلامي وكله من فلوسي رحت بيت اهلي يد ورى ويد قدام مصدوووومه من الي صار عايشه زي الميته عشان اولادي اتذكر انه اخذ مني كل شي كل شي كل شي وفوق هذا يشوهون سمعتي بين الناااس سنه كامله ماشفت اولادي ولاادري عنهم وكل ماكلمت امه الظالمه تقفل السماعه بوجهي ااااااه ذكرتيني بوجعي قبل سبع سنين الي ابغى اقوله لزمتتتتتتت الدعاء ليل نهار ويشهد الله كلها سنه واتوظفت معلمه وبنفس مدينه اولادي ودخلت ناس عشان اقدر اشوفهم وربي لك الحمد والشكر والفضل والمنه صرت غرقانه ب الالوف وربي بارك لي في رزقي لذلكك ياحبيبه اختها اصبري وربي يربط على قلبك ذكرت لك جززززززء من قصتي بعد طلاقي وربي فرجها علي وماتدرين يمكن ماتنتهي العده الا وربي مسخره لك ويرجع عشان ياخذك توكلي على الله 🌹 |
رد: طليقي وكلامه عني
اقتباس:
|
رد: طليقي وكلامه عني
اقتباس:
|
رد: طليقي وكلامه عني
اقتباس:
ياقلبببي علي الله يعوضنا خير منا فقدنا بس الان القانون تغير مو زي اول تقدري تاخذي اولادك ورغم عن انفه والحمدلله عوض الله اجمل وزين وظيفتك بعد طلاقك لان مبين انك ع النسه ولا كان اللن تسددين قررضك ماخذتها له 😖🙄 واسسفه اني ذكرتك بالالم 😭💔 يالله شرررر وزااااال 💔 |
رد: طليقي وكلامه عني
😂بعيد الشر عنكم معي قلق وارق ماانام
واستخدم فوني مش اللاب لما اشوف اخطائي الاملائيه اقول الله يصبرهم بس علي💔 |
رد: طليقي وكلامه عني
تربية حرمه
وش تتوقعين منه خالته ورى هذا كله تكلمي عن خالته شوي |
رد: طليقي وكلامه عني
الظلم والخداع والكذب
تؤلم واكثر منها الم انكار الطيب والجميل هذا الرجال فيه من صفات الحريم كثير نقل الكلام والتفتين والله لو تمنيتي الرجوع له غلطانه مايستاهلك ابداً يبي له وحده نفسه بالضبط الله يعوضك والجميع خير |
رد: طليقي وكلامه عني
اقتباس:
لكن وحده كلمتني قبل يوم منهم وقالت اكاد احطها بذمتي ان خالاته الثنتين لهم يد بطلاقك وان خالته بالمجلس تحكي ان راح تسمعون بخبر طلاق وحده وتضحك بطريقه مستفزه جدا جدا مابيني وبينهم شي ابدا من تزوجت خالته الصغيره هذي ماشفتها الا ثلاث مرات فقط وخالته اللي بنفس منطقتنا علاقتي فيها حلوه احترمها واقدرها واعزمه بس ترد العزيمه تعزمه وتسحب علي😅 ةوتقط كلام بس فسرته ان اسلوبها جفششش بس الان يقال انها تسعى تزوجه لبنت اختها .. مايهمني ابدا ابدا ابدا بس السوال اللي عجزت احصل له اجابه ليش التخطيط والتنفيذ من وراء ظهري !؟ مثلا كان يتفقون علي انهم مايعزموني ليش طيب الله اعلم !!! سألت قريبتهم هذي قالت اي احد مميز يحقذون عليه !!!! |
رد: طليقي وكلامه عني
حبيبتي
ماهو حق زواج ولا مسئوليه على قوله شوك تربيه حريم لا سبب يطلق ولا سبب يستاهل يفضح اذا حريم خانت ازواجها رجالهم سترو عليهم وهذا ما يستحي رايح يقول سوالف الحريم للرجال انا زيك تطلقت لاسباب تافهه وطليقي بعد تكلم فيني الله بيغنيك من فضله لاتفكري فيه كثير وابدي حياه جديذه |
رد: طليقي وكلامه عني
اقتباس:
انا من زمان طلعت من العده الحمدلله اللذي جعل لنا من كل ضيق مخرجا ممكن اتمنى ارجعله لاني فقط مابي اتزوج معدد ولا كبير بالعمر ولاغيره ولا فيني ابداء حياته جديده واتكيف ع طبع رجل جديد وممكن اعاني من صفات احاول اغيرهم افكار براسي تروح وتجي الله يرزقني بالصالح اللي يخاف الله فيني |
رد: طليقي وكلامه عني
اقتباس:
وواضح إنك كنت صفحة بيضا ودخلتي على حريم لو وحدة غيرك ما تخليه يعتب لخالته إلا ورجلها على رجله! المهم : ترى ما عليه حسوفة، حتى لو لك نسبة خطأ في الموضوع. |
رد: طليقي وكلامه عني
اقتباس:
كان يزورها الصباح والظهر والعصر وعقب المغرب اوقات تجينا هي وهكذا ! |
رد: طليقي وكلامه عني
لا حول ولاقوة الا بالله الله يسامحه المفروض الحلول ماتكون بالطلاق ابداً ...! نعم المشكله عنده مو عندك اختي الله يعينك ويصبرك هذا ابتلاء كاتبه الله من سابع سماء عليك الالتجاء الى الله
والتضرع ، وعسى ان تكرهوا شيئاً ويجعل الله فيه خيراً كثيرا ، ان مع العسر يسرا ان مع العسر يسرا ، ولن يغلب عسرا يسران ، وهذا شي مكتوب من الله لا بحول منك ولامن طليقك اصبري وابشري بالخير . |
رد: طليقي وكلامه عني
اقتباس:
بسس ايش اسوي معه وحكيه عني !؟ |
رد: طليقي وكلامه عني
وكليه لرب العالمين
وقولي حسبنا الله ونعم الوكيل |
رد: طليقي وكلامه عني
اهلا اختي
الله يفرج همك وهمي وهم كل مسلمه ومسلم تصرفك صح عدم نقل الاحاديث والتفتين بين هذا وذاك الحل اكثيري من الاستغفار والدعاء اجعلي همك الله وحده وليس البشر انسي طليقك ومايفعله لك وكانك لم تتزوجي اصلاً انسي كلمة هل استاهل الطلاق او لا لانك حتما ماتستاهلين بس ومع ذالك انسي وتناسي اذا كانو اهل طليقك من الاقارب ليكن تعاملك رسمي معهم مهما كان وكلي امرك الى الله واحسن الظن بالله لعل في طلاقك خيره لك لربما ربي يعوضك افضل منه |
رد: طليقي وكلامه عني
اقتباس:
مره ربي بيرد كيدهم عنك بإذن الله ، الاهم تفرغي للعباده برمضان واتركي التفكير والقلق ماراح تستفيدي شي بل سيتعبك اكثر واكثر اقطع الافكار السلبيه من راسك ، سجادتك ومصحفك واقرئ القرآن وسترين الفرج |
رد: طليقي وكلامه عني
رايتك بيضاء يا تباشير ، وانتِ بشر لك طاقتك ، مو نحاسبك على الصغيرة والكبيرة
والغلط يركب زوجك ، هو إللي راح وراء الكلام وصاير كأنه حريمي من السوالف إللي طلعها عليك مايستاهل ضيقتك أبد ، اشغلي نفسك ، وتستحقين الأفضل مو شرط معدد ولا كبير سن ، الحياة مو متوقفة عند أحد ربي يسعدك ويشرح صدرك dgn كم عمر زواجكم؟ |
رد: طليقي وكلامه عني
ودام قلتِ يحبك من الطفولة ، بيرجع لك بعد مايفيق
|
رد: طليقي وكلامه عني
شوفي يا تباشير والله ان مافيك الا العافية
احمدي الله واشكريه واللي تنقل لك كلام الكذوب ذا وقفيها او شوفي صرفه معاها مايخرب عليك إلا النميمة ذي اعوذ بالله منها ومن صاحبها.. وعيشي حياتك بسعادة بدل ما قال فلان وقال منهو عشان توقفين حياتك عشان أقواله!! وتأزمين نفسك وتفكرين تردين عليه!! السفيه عطيه أشكل وامشي بارك الله لنا ولك في رمضاننا وأعاده الله علينا وجعلنا منن يحسن اغتنامه بالطاعات والبعد عن المنكرات |
رد: طليقي وكلامه عني
طليقك ردي
احمدي الله انك افتكيتي منه دامه مايجالس الا الحريم راح يقلبوه عليك بسهوله خصوصا اذا بينك وبينهن احتكاكات وسوالفه عنك لا تهتمين فيها معروف بيبري ساحته واذا مو من العائلة ماراح توصل سوالفه لعائلتك وقرابتك |
رد: طليقي وكلامه عني
من اول ما شفتك كاتبه عن خالته و انا حسيت ان عندهم بنت يبغونه ياخذها
عموماً ما عليه حسوفه و مرده يرجع له عقله و يموت بحسرته وانتي ربي يعوضك باللي يستاهلك و يعرف قدرك |
رد: طليقي وكلامه عني
اقتباس:
اللي مثل طليقك ماينبكي عليه وانا اخوك بكره ان شاءالله ربي راح يرزقك برجال بمعنى الكلمه وساعتها راح تقولين كيف انا كنت عايشه مع هذاك الانسان رجال تقدرين تشدين ظهرك فيه ويصير لك كل شي بحياتك يحترمك ويصونك وتحسين بانوثتك معه حنا الحين بايام فضيله ادعي ربك وماخاب من توكل على الله وانسى كل اللي صار لك من طليقك وحطي ببالك انه هو الخسران |
رد: طليقي وكلامه عني
بصراحه ما عليه حسايف، انا رجل واقولها لك بالفم المليان، اللي مثلك يحمد الله انه ما ارتبط في هالرجل بأطفال، وانا اعتقد ان الامور مشت في صالحك يوم ما انجبتوا والا كان تورطتي..
توك بنت صغيره وفرصتك في الزواج كبيره وتذكري ان اللي صار لك خيره، وطليقك علاقته بخالته غير طبيعيه، وبصراحه طريقته تدل ع انه ما ينشد فيه الظهر ولا ينفع للزواج.. لذلك ارفعي ايدينك لربك واحمديه واشكريه. ع نعمه عليك وابشري بالخير ان شاء الله.. |
رد: طليقي وكلامه عني
بقلبي حرقه ابيه ومابيه
ابي انساه ومابي انساه ودي اسامحه بس ودي يرجع حسبنا الله ونعم المولى ونعععععم الوكيل |
| الساعة الآن 01:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©