|
وقف/ي تصرفك هذا ما جازلي !
يقولون خير الكلام ما قل ودل ادري بكم صايمين ومالكم خلق ف ما بكثر بربره كل اللي ابيه المتزوجه تدخل تكتب وش التصرف اللي ما تحبه من أم او اخت زوجها والمتزوج يدخل ويكتب العكس والاخت تكتب اللي يضايقها من زوجة اخوها او اخوها المتزوج واخو الزوجه يكتب وش يضايقه في زوج اخته او اخته المتزوجه وتسذا واذا حبيتو المجال مفتوح لكافة العلاقات لييييش عشان اللي ما يعرف انه بثر يعرف 😏 وعشان نحد من زود البثاره مستقبلاً طبعاً الموضوع مو للي متقصدين الحركات اللي مالها داعي هذولا سلمنا امرنا لله فيهم ويستاهلون ما يجيهم بعدين هو كـ تنبيه لي ولكم وللي يقرا اذا كنا نسوي شي غلط او مو حلو وممكن يضايق احد من غير قصد فما نكرره بعد ما ينكتب هنا وكل واحد ادرى بنفسه وباللي حوله ومو كل ما ينكتب ينطبق عليه * مثلا ما احب انو زوجة اخوي تجي لبيتنا كل شوي ( اكثر من مره بالاسبوع وخصوصا اذا بدون موعد مسبق ) اكره ان اخوي يتكلم بأمور عائليه قدام زوجته وكأنها وحده منا |
رد: وقف/ي تصرفك هذا ما جازلي !
تكتب وش التصرف اللي ما تحبه ....» شدني السؤال وانتظرت سؤال ممكن اقدر اجيب عليه طلع مافيه :D
|
رد: وقف/ي تصرفك هذا ما جازلي !
مافي تصرفات مايعجبني فيهم بالعكس بس وحده من خوات زوجي تحب تدخل بمشاكلنا او بالاحرى تحب تعرف كل التفاصيل ... وهالشي انا لا احبه
وام زوجي فيها طبع انها بارده بل قالب ثلج ... زمان كنت اكره هالصفه فيها ... اما الآن احاول اصير مثلها حبيت هالشي |
رد: وقف/ي تصرفك هذا ما جازلي !
ابي اقول لام زوجي وقفي مدح بناتك قدامي لاني اعرف خبايا و انت تحسبين اني ما اعرف
|
رد: وقف/ي تصرفك هذا ما جازلي !
عادي اعلق🙈
اغلب ما ذكر. "اغلب" عادي و الأفضل ان نغير نحن من أنفسنا لنكون بسعة صدر اكبر و نفهم الطرف الاخر ما الذي يضايق من ان ام تمدح بناتها؟و لو كنّا نعرف عنهن سوء. تربيتهم هي المسؤولة عنها و مدحهم لن يضرنا زوجة الاخ. منا و فينا حقا. لو دخلت البيت في اي وقت عادي. علينا ان نخفف الرسمية حتى لا نشعر بضيق و كأنها غريبة. اي في اللبس و الجلوس. بكلمة انت منا و فينا و عادي تعرفي حوسة التنظيف. مانتي بغريبة انا رايحة غرفتي اريح شوي مصدعة. لنتعتبرها اخت ام زوج باردة نفس الشي لماذا نتضايق الامر ليس مثالي. لكن فقط أتكلم عن نقاط لا ارى بها ضير و ربما هناك نقاط اخرى لاعضاء اخرين فعلا تضايقهم من أنسابهم و معاهم حق في النهاية. نحن نكتب ذلك لتنبيه لنا. |
رد: وقف/ي تصرفك هذا ما جازلي !
من الظهر ما ودي أكتب
بس كلام مسز داني حمسني! ودي أقولها لا تحشرين زوجي بيننا وكل ما توهمتي شي وحتي تقولين له وش في حرمتك تفعل كذا وتسوي كذا وما تبي فلانة وتبي علانة؟! هو ماله شغل، واللي تسوينه يوغر صدره علي وأنت ما تستفيدين شي إلا نفوري منكم أكثر عندك شي تعالي قوليه بوجهي وخلي ولدك على جنب |
رد: وقف/ي تصرفك هذا ما جازلي !
صح فيه تصرفات تكون عاديه من وجهة نظر البعض لكن لناس ثانين غير مقبوله واصل الموضوع المقصود فيه مو نقد الشخصيات بذاتها او صفات الشخص لكن السلوكيات اللي ممكن تنعكس علينا سلباً مسز زوجة اخوي هي زوجة اخوي مو اختي وما يعني تزوجته خلاص اخذت تذكرت الدخول لعائلتنا بحيث تعرف الصغيره والكبيره لها اهل تفضفض لهم وتقولهم وش خصوصياتنا من ضمن سوالفهم ولأهلها معارف وش يمنعهم يتكلمون باسرارنا صار نشر غسيل 😖 اما مسألة جيتها للبيت كل شوي صراحه انه شي مزعج حياك كل اسبوع مره وخلاص مو كل يومين ناطه بالنسبه لي ما احب التلزق الزايد واكره اي انسان ينشب لي كثير يع اصلا ما يمديك تشتاقين هذا غير ازعاج البزران وحوستهم 🙆 شوك هاذي حركة الجبناء واكرهها وبشده وممكن تصير بالعكس الزوجه تدخل زوجها في شي بيني وبينها خلاص اللي بينا بينا يعني هو اللي بيردني عنك !! شي مستفز وتبين الصدز اللوم على السبيكه اللي يسمع ويجي يتفلسف وهو ماله دخل ليله هادئه خليها تمدح لين تقول بس دام ما ضرتك بشي او حطتك في موقف بايخ سموره حركة التدخل ذي تخننننق 😤 ملكه نورتي حبيبي |
رد: وقف/ي تصرفك هذا ما جازلي !
ما في شي مضايقني من أهل زوجي. ;) ليسوا ملائكة بالطبع .. لكن كما قالت مسز داني .. صدري واسع وأجد في نفسي المقدرة على الاستيعاب والتفهم والتغاضي. خاصةً أنني أعلم أنهم يحبونني ويحترمونني .. ولهم معي مواقف جيدة .. لذلك أرى أن أي موقف مزعج هو من قبيل سنة الحياة ;) .. وليس أنهم يتعمدون إزعاجي أو مضايقتي. في نفس الوقت أنا أيضاً لست ملاكاً بالتأكيد. |
رد: وقف/ي تصرفك هذا ما جازلي !
ودي اقول لحماتي ليش بعد كللللللللللل اللي سويت لك ياه ... سويت لك اشياء انصدمتي فيها لانك ماحلمتي بيوم حدا يسويلك ياه خصوصا كناينك الثانيين و لا حتى اولاد بطنك
ليش بعد كل هاذ ... و بس لاني طلبت حق مشروع لي .....قلتي لابنك طَ........لِّ.........ق...........هاَ |
رد: وقف/ي تصرفك هذا ما جازلي !
اقتباس:
تمدح براحتها ....لكن مو قدامي و بطريقتها المستفزة تبي توصل رسالة ان كل الصفات الايجابية و الجميلة اللي بذكرها في بناتي ناقصتك تخيلي تسوي هيك في عز احساني لها مثل ما يقول المثل السعبي عندنا انا بالعسل لفمه و هو بالعود لعيني العود يعني غصن صغير |
رد: وقف/ي تصرفك هذا ما جازلي !
إذا جيتكم قفلتوا كل غرف بيتكم ، وكل واحد يدور بمفتاحه
وإذا جيتوا لمي سويتوا جولة تفتيشية ببيتي وإنا بالمطبخ أجهز قهوتكم عيب |
رد: وقف/ي تصرفك هذا ما جازلي !
كل شي حلال عليكم خوات زوجي وحرام علينا
|
رد: وقف/ي تصرفك هذا ما جازلي !
ليلة هادئة يمكن تبغا ك تخطين لاخوك من بناتها
الله يعين على هالحياة |
رد: وقف/ي تصرفك هذا ما جازلي !
كنت سأكتب صفحات مما يزعجني وزعجني لعشر سنوات وحدث ما اوقفني البارحة اخذت فطوري وذهبت لبيت حماتي باقتراح من زوجي بعد ان ذهب للتراويح بقيت مع حماتي اعطتني قطعة ذهب عبارة عن قطعة نقدية ذهبية وعندما هممنا بالمغادرة قالت لزوجي دير بالك على وفا هي كنز والله اني استغربت لم استطع النطق ولو بكلمة ولا اعلم ما غيرها
المهم فرحت اللحمد لله من قبل ومن بعد |
رد: وقف/ي تصرفك هذا ما جازلي !
اقتباس:
اما الحين صارت قدوتي حبيت هالصفه اما اخت زوجي هي لساتها صغيره 18 سنه وانا وهي اصحاب كثير يمكن عشان كذا تحب تعرف تفاصيل حياتنا وتدخل بمشكلاتنا ...لكن عموما اهل زوجي مافي اطيب منهم وعلى قولة مهره الاشيا اللي تزعجنا نعتبرها من قبيل سنة الحياة... وثل ماقلتي نكون صدرنا أوسع من كذا ... واخيرا انا برضو عندي عيوب واكيد هم منزعجين مني بشي واشياا . |
رد: وقف/ي تصرفك هذا ما جازلي !
اقتباس:
انا العكس ....انا اعطيت حماتي ذهب و هي طعنتني بخنجر مافي احد منو الحمد لله من قبل ومن بعد |
رد: وقف/ي تصرفك هذا ما جازلي !
اقتباس:
ستعمل عملية بعد رمضان ربما لتريح ضميرها ايا كانت نيتها الله يشفيها وبالنسبة للمدح معليش خليهم يكفينا مدح امهاتنا وسعي صدرك حنونة راك في عطلة ghg |
رد: وقف/ي تصرفك هذا ما جازلي !
فيه فكره عند بعض الحريم وهي ان اهل زوجها مسؤلين عن عيالها وراميتهم عندهم اربع وعشرين ساعه بحجة انو عيالهم يتحملونهم او اذا ملت منهم ترسلهم فما ادري يعني هل اهل زوجك هم اللي قايلين لك صيري فقاسه ولا وش وضعك ! عيالك زي ما جبتيهم ضفيهم الله لا يهينك ووصلت في بعضهم الوقاحه انها ترميهم على ام زوجها اللي كبيره في سنها يعني مو مكفيها اللي ربتهم وطلعت روحها لين كبرو وقالت خلاص بأرتاح تجيبين بزارينك انتي يامال الحصبه 😒 بجد هالفكره تغيضني واكثر من وحده اسمعها منها مو وحده ولا ثنتين لا كثير وللأمانه اني اعطيهم كاش ويزعلون 😅 لا وربعنا يسوونها 😤 والله ما رادني الا ميمتي ولا كان علوم |
رد: وقف/ي تصرفك هذا ما جازلي !
طيب بما انك طلبتي مننا نكتب الي يضايقنا عشان تكتشفي اذا فيك صفات تضايق الآخرين وانت ماتدري فعندي نصيحة لك والله من زمان ودي أقولها أتمنى تتقبليها بصدر رحب عَنِ النَّبِيِّ صَلَّى اللَّهُ عَلَيْهِ وَسَلَّمَ ، " مَا كَانَ الرِّفْقُ فِي شَيْءٍ إِلا زَانَهُ ، وَلا نُزِعَ مِنْ شَيْءٍ إِلا شَانَهُ " وقال الله تعالى مخاطبا رسوله صلى الله عليه وسلم فَبِمَا رَحْمَةٍ مِنَ اللَّهِ لِنْتَ لَهُمْ ۖ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ
أنا في كل ردودك ألاحظ عصبيتك الشديدة الغير مبررة وألفاظك كأنك داخلة حرب والله حتى تعليقاتك الي كتبتيها من سنوات مو قادر أنساها من قوة وشناعة الكلمات (أتوطى في بطنه - واذا كنتي حابة وحدة جدا وبتنصحيها ودي اكفخك ....الخ) والله أكتر انسان حيتضرر من العصبية الشديدة انت ترى والله تجيب ضغط وسكر وأمراض نفسية كتير وبتحرق أعصابك ودمك لأتفه الأسباب دا غير انها بتنفر الناس منك بشدة أتخيلي معاي لو خطيبك قرأ احد ردودك هنا ايش بيتخيل أنا والله آسف جدا لو قسيت في الرد والله أريد مصلحتك واذا حابة اعطيك خطوات تساعدك في التخلص من العصبية بإذن الله أنا جاهز |
رد: وقف/ي تصرفك هذا ما جازلي !
wa1121 شي جميل انها تغيرت وحابه تفتح صفحه جديده ياليت لو تكتبين بعض مما كان يضايقيك بشكل عام العبقري الألمعي يا ساتر كل ردودي 🤔🤔 وأي خطيب انا مش مخطوبه اصلاً واذا قصدك مستقبلا مو مشكله خله يحسب لي حساب 😝 اذا كنت تقصدني شخصيا ومنت بملخبط فأي رد اكتبه ما اعنيه بالحرف مجرد اكشن واستعباط وهياط لا اكثر واللي يتابعون ردودي صح يعرفون قصدي واسلوبي 🤓 وصحيح عصبيه بس مو بالشكل اللي تتصوره ! ياليت لو تكتب خطواتك بس بأقسام المراسله عشان ما نغير مسار الموضوع اكثر وشكراً |
رد: وقف/ي تصرفك هذا ما جازلي !
مهره رد ممتاز ما شاء الله الله يديم المحبه والتفاهم بينكم طبعاً محد كامل كلنا لنا اخطاء وهفوات ليله هادئه مدري وش اقولك 💔 حكيمه بإذن الله وضحي اكثر مثل ؟ سدومه 🌹🌹🌹 |
رد: وقف/ي تصرفك هذا ما جازلي !
اقتباس:
عذرا على المداخلة بس يا ليت تفتح موضوع خاص حول كيفية التخلص من العصبية و رح اكون لك من الشاكرين |
رد: وقف/ي تصرفك هذا ما جازلي !
ما أفكر كثير بتصرفات أهل زوجي أحسهم ناس طبيعيين عادي !
بس عندي نقطة لجزئية عيال الأخ .. أنا بنتي يوميًا أنزلها بطلب من جدها وجدتها وأخوات زوجي ما يمسكونها ولا أطلب منهم ..عادي يقبلونها ويحكون معها بعدين اذا وحدة منهم بتطلع تطلع او اللي ترقى لغرفتها .. يعني أنتِ مو ملزومة إنك تنتبهين لهم وتلاحقينهم .. البيت لأخوك زي ماهو لك ولا أحد طلب منك انك تنتبهين لهم او تأكلينهم الخ ولو فعلاً طلبت منك زوجة اخوك ارفضي باسلوب عفوي وعاادي خذي الامور ببساطة ❤ |
رد: وقف/ي تصرفك هذا ما جازلي !
^ السالفه مو سالفة طلب لما يكون اخوك واهله ساكنين ببيت منفصل بنفس الحي وترسل لكم زوجته عيالها وهي ببيتها من العصر للساعه 10 - 11 بالليل يومياً بهذا الوقت كله معقول تتركينهم من غير اكل او ترمينهم باي مكان من غير تنتبهين لهم !!!! ولما تجين تبين ترجعينهم بيتهم صراخ وبكا وزحمه وحتى لو حصل ونجحتي تقنعينهم نص ساعه بالكثير وهم راجعين لك ولا حق تعب لبس العبايه ومرمطة السواق 😔 وطبعاً في حال ما قمتي بهذا كله امك بتسويه خصوصاً انها ترفض تدخل الخادمات في هذا كله 😤 او حتى ان اخوي يوصله خبر ان الوضع مو عاجبنا 😖 ترا ما اتكلم من عباطه انا شي مستفز اتحدا احد يتحمله وغير انك تصرحين وتلمحين وتهاوشين من غير فايده مدري غباء ولا استغباء ! ولما يكون طفل واحد غير لما يكون 2-3-4 😬😬 |
رد: وقف/ي تصرفك هذا ما جازلي !
اكره مقولة اهل زوجي هم اهلي وامه مثل امي
طبعا مع احترامي لهم لكن مافي مثل الاهل وامي وحده لاتتكرر لكن المبالغه بالميانه شي مزعج |
رد: وقف/ي تصرفك هذا ما جازلي !
على زوجة الاخ ان تتصل على خالتها << ام زوجها
ماتقطع بها اسابيع وما كأن ولدهم متزوج اذا ماتقدر على الزياره اقلها اتصال |
| الساعة الآن 11:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©