|
عصبية زوجك في رمضان كيف تواجهينها
السلام عليكم
تقبل الله منا ومنكم صالح الاعمال أختي الزوجة هل تزداد عصبية زوجك في رمضان؟ وكيف تواجهينها؟ وأنت أخي الزوج هل عصبيتك في رمضان جاءت من تراكمات بداخلك على زوجتك أم لا؟ بصراحة زوجي الايام الاخيرة زادت عنده العصبية وانا عارفة إنها بسبب السكر وبسبب قلة نومه وذهابه للدوام وعشان كذا قاعدة اطنش .. بس من جد صار الوضع مايطاقrfegr يعني مثلا قبل شوي على الفطور كنا نأكل مكرونة بشاميل .. أكل شوي ووقف .. قلته مااكلت .. قال لا خلاص .. أكلت شوي ووقفت .. رجع ياكل هو .. فانا قلت له طيب كان اكلت (لان راح تفكيري إنه يبي يخليها لي) فقال يعني منتي عارفة اني ماابي اكثر عشان السكر لايرتفع يعني باقي ماعرفتي وش فيني .. قلت خلاص معليش .. قال معليش وهو يتشدق .. رمى الملعقة في الصحن وراح يصلي .. ورجع من الصلاة دخل ينام.. أنا ماأعرض مشكلة بقدر ماأعرض حالة وصلت لها حياتنا .. مااعرف هل هذه الحالة عشان الوضع برمضان لأن السكر صار يرتفع عند زوجي كثير من الفطور .. وصرت مااسوي له الا شيء بسيط .. وعشان قلة نومه لأنه يداوم برمضان .. أو هذه الحالة راح تصير عنوان لحياتنا .. الله المستعان نصائحكم |
رد: عصبية زوجك في رمضان كيف تواجهينها
اللي تسوينه مع زوجك تحقيق ماهو سوالف..طيب خليه براحته يأكل او مايأكل..وبعد ماتثيرين اعصابه تقولين ليش زوجي عصبي
|
رد: عصبية زوجك في رمضان كيف تواجهينها
اقتباس:
يعني معقولة ازواجنا يبوننا ريبورتات مثل الالات لها برمجة معينة نمشي عليها .. |
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
تحملي
والله يعينه ويشافيه |
رد: عصبية زوجك في رمضان كيف تواجهينها
نعم زايدة عصبيته خصوصا اخر النهار
احاول اتجاهل عصبيته وكأنها شيء طبيعي بكل البيوت اقلل الاحتكاك فيه قد مااقدر صرت افتح له مكيف مجلس النساء علشان يبعد عن ازعاج العيال بالصالة وروائح المطبخ هالاشياء توتره.. وعلى فكرة زوجي مايكل الاحبتين او 3 علشان الدايت ماالزم عليه لانه برضو يعصب انه المفروض اكون فاهمه نظامه الغذائي.. |
رد: عصبية زوجك في رمضان كيف تواجهينها
معروف ان مريض السكري يصير عصبي و يتعب في رمضان خاصه
و دامه مريض حاولي تتحملي عصبيته و تحتسبين الأجر الله يشفيه |
رد: عصبية زوجك في رمضان كيف تواجهينها
الله يهديك و يعين زوجك و يصبره
كلامه جداا منطقي يعنى جد ماتعرفين ايش فيه ؟!! وبعدين ليش مسويه له مكرونة بشمل و انتى عارفه انها ماتناسبه ..!! و بعد تاكلين مافكرتي فيه ... ^_^ كان سويتى مكرونة ساده اقلها .. زوجك معه حق يعصب اولا السكر ثانيا اكل مايناسب مريض السكر وثالثا اسئلة مادرى ايش اسميها صراحه ... |
رد: عصبية زوجك في رمضان كيف تواجهينها
لازم تنتبهين لاكله ويبتعد عن التمر
اعملي اكل خاص له الحمد لله زوجي مو عصبي بس ابتعد عن اي شيء ممكن ينرفزه بس انا اللي صرت اعصب من دخل رمضان مانمت ساعتين على بعض ونومي بعد العشاء لحد 12 |
رد: عصبية زوجك في رمضان كيف تواجهينها
اقتباس:
بعدين انا ماعارفة وش فيه وكلامي شفت إنه عادي ماكنت اقصد إنه ماعرف وش فيه.. |
رد: عصبية زوجك في رمضان كيف تواجهينها
اختي جا دورنا الحين نتدلع شوي وتحملونا ^_^
مو انتم دايم تقولون المراءه وهي حامل او اثناء الدوره لاتواخذها لانها نفسياً تكون مش ولابد هذا حنا برمضان لاتواخذونا اكثر الرجال كذا وخصوصاً اللي يدخن ياستار اعرف واحد يقول العصر برمضان اذا صحيت اطلع برى البيت اخاف اذبح العيال هههههههههههه على العموم الله يشفي زوجك يارب وانتبهي على صحته واطبخي له شي يناسب وضعه الصحي |
رد: عصبية زوجك في رمضان كيف تواجهينها
عادي ماغلطتي تسولفين معه
ماله داعي يعصب ويقوم زعلان بس زوجي نفس النوعيه ومن اول يوم برمضان عمل لي مشكله عالفطور كتبت عنها هنا بعدها اخذت موقف الزعلانه وهجدت شياطينه رجع مره زعلني حطيت له القهوه والحلا بعد الفطور وتركته بعدها بساعه هو روق وقال خلاص تعالي احسه صار يحاول يخفف توتره وعصبيته عشان مايصير البيت نكد وانا اذا شفته مروق صرت اوزع ابتسامات واهم شي ما اسولف معه عالفطور نفطر ساكتين وبعد الصلاه نتقهوى ونسولف كذا اريح لي وله جربي اسلوبي يمكن يناسبك والله يهدي هالرجال ويرزق الزوجات الصبر |
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
ما اشوف انك غلطتي بشيء طنشي وكأن ماصار شيء
الله يعينك |
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
اقتباس:
|
رد: عصبية زوجك في رمضان كيف تواجهينها
سوي له شاورما بالقرصان
بيتزا فطائر بطحين البر سمبوسه البر مع سلطه عندك خيارات كثيره |
رد: عصبية زوجك في رمضان كيف تواجهينها
في سؤال تبادر لذهني من نصائح الاعضاء ومن المواضيع اللي دايم نقرها هنا .. ليش دايم الزوجة هي اللي تصبر وتتحمل وتطنش وتعدي؟
ليش مايتقاسمو الزوجين هالأمر يعني مرة هي تطنش ومرة هو يعدي وهكذا؟ دايم الزوجة هي اللي تصبر وتحتسب وتطنش وتعدي عشان تمشي حياتها الزوجية مع إنه ممكن احيان تكون تعمل وعندها ضغوط بالعمل وبالبيت واحيان ممكن تساهم مع الزوج في مصاريف حياتهم من باب المشاركة او اقل شيء تساعده بأنها تشيل نفسها ومصروفها؟ |
رد: عصبية زوجك في رمضان كيف تواجهينها
قولي له ( إيش بك تصرخ ؟ ما قلت شي يزعل .. )
و تجاهليه و كملي اكل و خلاص ارجعي بعدين عادي و تكلمي ما كأنه فيه شي .. مشكلتك انك تعبي في نفسك و بعدين تكشري .. . . أنا زوجي مرة بارد و هادي .. و في رمضان صاير عصبي و كم مرة يرفع صوته .. و أنا برمضان العكس سبحان الله .. أكون هادية جداً و الحمد لله .. المهم أمس كنا نازلين من السيارة و أنا أشيك عالصف اللي وراء ما نكون ناسيين شي ؟ و زوجي من بعيد واقف قدام باب العمارة و يصرخ مرتين ( ايش فيك واقفة ؟ ) و هو ما عمره كذا يكلمني .. و الشغالة جنبي انفجعت .. مشيت قدامها ، و ما رديت عليه و عديت من جنبه .. و قلت له ( ما عاد ترفع صوتك علي بالشكل هذا مرة ثانية ) .. ( لانه فيه الشغالة و كنا بالشارع .. و ما يرفع صوته علي قدامها .. و لا كان ممكن امشيها له ) و هو من بداية رمضان و أنا ساكتة له ، و أمس بشويش و أنا بالمطبخ برضو كلمني بنفس الطريقة .. قلت له بهداوة .. ايش بك كل شي متنرفز ؟ و قبلها بكم يوم ، قلت له بشويش لما اتنرفز بدون سبب .. ترى صاير ترفع صوتك كل شوي .. و ما ابتسمت له و كملت شغلي و قام انتبه و صار يلطف الجو .. و بداية رمضان برضو نفس الشي ، معصب من غير سبب .. لكن امس عديت من جنبه ، و قلت له ( ما ترفع صوتك علي مرة ثانية ) و مشيت قدامه و ما كلمته ، لكن رجعنا نتكلم عادي و هو خلاص ينتبه بعد كذا على نفسه .. لإنه بجد لو سواها من جديد .. ما راح اقدر اسكت ، زودها .. كل يوم و كل شوي ينفخ ؟ كأنه الوحيد الي صايم برمضان ؟ مشيها له يا ( لست كغيري ) |
رد: عصبية زوجك في رمضان كيف تواجهينها
اقتباس:
لو يجي زوجك يشتكي بقول له نفس الشيء بس بعد ترى الرجال يتحملوا بعد بعضهم عصبيه زوجاتهم احيانا تعبهم فالزوجه بعد تتحمل ولا بتصير الحياه نكد اذا زعل بدون سبب منتي ملزومه تعتذري اتركيه يهدى لحاله واذا هدى ورجع يتكلم طبيعي ارجعي كلميه عادي باختصار طولي بالك وطنشي لان هالسوالف لا تقدم ولا تاخر خلي النقاش و العتب و المصارحه بامور مفصليه اكثر اهميه |
رد: عصبية زوجك في رمضان كيف تواجهينها
اقتباس:
وهى عارفة وضع زوجها بس تفضفض .. زوجها مريض سكر و ضغط دوام و ارهاق جسدي و نفسي و صحي معروف مريض السكر تثور اعصابه و قت الهبوط ووقت الارتفاع وغصب عنه .. يعنى الوضع صحي بحت و ليس سوء خلق او تعمد منه .. مايحتاج تقولين له ايش فيك ولا تزيدين تازمه .. عادى لحظة ثوران و تمر و يعود كل شي طبيعي .. فقط تراعي وضعه اصحى واعتبرى سكوتك و مرعاتك له من بابا الاحتواء ... الله يشافيه و يشفى كل مريض .. |
رد: عصبية زوجك في رمضان كيف تواجهينها
معيش اختي زوجك الله يشفيه معذور حاولي تمرري
اللوم على الي يقولك هذا انا تحمليني كلنا عندنا اعصاب تحب اطلعهم عليك مرة عشان تتاكد من وجودهم الله يهدينا |
رد: عصبية زوجك في رمضان كيف تواجهينها
احس عادي الموقف اللي ذكرتيه وعصبيته معقوله ماتعتبر عصبيه تقريباً نرفزة
لا تدققي كثير مو على طول الواحـد بيصير بحالة وحدة |
رد: عصبية زوجك في رمضان كيف تواجهينها
اقتباس:
و يتحجج بالأمور هذه لما يزودها ، لإنه كان هادي مرة .. و مع رمضان زاد حاله و أنا اتجاهل و اعذر .. لإنه لما يهدأ و يفطر ، يرجع طبيعي .. و كل شي اسكت ، لكن ما يغلط علي قدام الشغالة أو قدام أهله أو الأولاد أو اصحابه أو أي احد .. |
| الساعة الآن 11:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©