|
زوجي والهدية تم الصلح الرد 119
اول شي زوجي مايرضى اروح السوق لحالي
لازم هو يوصلني ورجله على رجلي بكل محل وبنفس الوقت مايحب استلم غرض من مندوبين رجال قبل يومين طلعت مع زوجي السوق وفاجأني انه شرى لي حاجة خاطري فيها من زماااان وقال اعتبريها هدية ذكرى زواجنا قلت له لسى ذكرى زواجنا باقي له يومين قال خلاص هديتك وصلتك بدري هالسنة وانا مره فرحت وشكرته ودمعت عيني من الفرح امس قررت احتفل معه بذكرى زواجنا جهزت شموع وورد مجفف وزينة وخبيتها لليل وطلبت هدية من وحدة بالانستقرام على أساس توفرها وتغلفها وتوصلها بنفس اليوم وانا سبق تعاملت معها ميزتها انو البنت تجي للبيت بنفسها وحددت موعد الاستلام قبل رجعة زوجي بساعة لكن تأخرت البنت وانا خفت تجي مع دخلة زوجي والاسوأ من كذا دق باب البيت الا رجال برا على طول اخذت منه الكيس وقفلت الباب لان دافعه على الانترنت المهم بعد 10 دقايق دخل زوجي وراح يريح قبل الفطور وانا كنت مبسوطة ضميته ونومته ورحت المطبخ اكمل شغلي افطرنا وكل شيء تمام وجلست اسولف واتدلع على زوجي بعد التراويح وهو معطيني جوي بعدين قلت له ايش مشتهي عالسحور؟ قال لا معزوم بتسحر برا ! قلت غريب بالعادة تقول من بدري قال معليش نسيت ولازم اروح.. قلت الله معك ودعته وقلت عوافي على قلبك وقلت يابنت فرصة اذا جاء يلقى الترتيبات كاملة وجلست ارتب وارتب وازين واعمل ديكورات وقلوب وبطاقات وزحمة صارت الساعة 2 وما جاء زوجي أرسلت له واتس اب سهرة سعيدة حبيبي اذا جيت شيك عالمكان الفلاني تاركة لك حاجة بسيطة بمناسبة ذكرى اهم يوم بعمري ارسل لي وردة وانا قلت بنتظر الصلاة اصلي وانام بعد الفجر جاء البيت قلت حبيبي تعال نم الصباح رباح راح فتح الهدية وقال كيف جبتيها؟ قلت له طبتها من وحدة انستقرام ومين جابها؟ هي البنت اقصد كيف استلمتيها؟ قلت من الباب هي عطت اياها؟ ايه فجأة انفجر علي: يا كذاااااابة انا شايف سياره جيب ابيض برا وشفت رجال نازل وسلمك إياها انتي كذابه انتي محتاله حتى هديتك سخيييفة وغبيه مو من مستواي ولو تكررت حركتك ترى الباب يوسع جمل!! انا كنت ساااااكته ومصدوووومه من ردة فعله قلت له الوضع الطبيعي اول ماتدخل البيت تسأل عن السيارة وانا وقتها برد لك وأقول لك كل شيء لكن انت اللي قررت ماتكون صريح وتخدعني انا نيتي من الترقيعه اني ما اعكر صفو الليله وانت كانت نيتك تترصد وتعمل لي مكيد وتضغطني واذا هديتي حقيرة بنظرك فانا اعتذر هذا ذوقي وهذي امكاناتي قال بعد بتغلطيني؟ هاتي اشوف المحادثة عطيته جوالي وتأكد اني طول الوقت كنت اكلم بنت واني كتبت لها بعد التسليم: ليه ماجيتي بنفسك زي كل مره؟ قالت: اعذريني تعبانه وماقدرت فارسلت اخوي هو هنا قال المفروض قلتي هذي التفاصيل بصراحة قلت له انت داخل وبرأسك سؤال مغلم لو قلت الصدق بتزعل ولما قلت رد يناسبك زعلت صح تصرفي غلط بس ما اقدر اعتذر لك وانت مهددني بالطرد من البيت! جملتك قوووويه كأني مسويه جريمة انت كنت تراقب برا الموقف اخذ ثانتين كان بيني وبينه حجاب وماخضعت بالقول ولاشي شرعا وعرفا ماغلطت.. بس خفت اصارحك تعصب والله كان اكبر همي تكون ليلة وذكرى حلوة بينا عطاني ظهره وجلس يلعب بالجوال وانا عطيته ظهري وسكت تم الصلح الرد119 http://66n.com/forums/showpost.php?p...&postcount=119 |
رد: زوجي والهدية
قلبي دوماً معكِ يا كنافة.
|
رد: زوجي والهدية
انت سويتي من طيبتك حبيتي تفرحيه مثل ماا فرحتي انت .... يا اختي صيري مثل هل نسوان الي ياخذون وما يعطون .... ربي يصبرك
|
رد: زوجي والهدية
الصدق منجاة
|
رد: زوجي والهدية
و عليكم السلام كنافة
قلبي معاك حبيبتي كان الله في عونك |
رد: زوجي والهدية
كنافه عزيزتي .. زوجك مثل زوجي .. لازم كل شي معاه .. واذا دؤى اني تعاملت مع غريب يقوم الدنيا .. بس ماشاء الله زوجك هدأ بنفس الوقت وماسواها مشكله ولا قالك روحي بيت اهلك ...
الحمد لله انك مامسحتي الرسائل وقرأهم ... لان في بعض الازواج الله يهديهم يتحسسون بهالمواضيع ... اما بالنسبه للهديه عندي وعندك خير .. مايحب الهدايا اللي مالها قيمه وكم مره اعطيه هديه واحس من كلامه ان بلاش تضييع الفلوس على شي فاضي .. مع انه ماصرح فيها بس حسيت بهالشي .. تدرين الحين وش اسوي لي اكثر من سنتين بكل مناسبه اذا معي مبلغ حتى لو 100 ريال احطها بظرف واكتب عليه عبارات واهديها له .. وبكل مناسبه تختلف طريقة اعطائه الظرف .. اشوف يفرح اكثر من الهدايا .. فبدل ماتحطين نفسك بموقف وماتدرين وش اللي مايعجبه ووش اللي يعجبه حطي له مبلغ وكثر الله خيرنا .. والله مره من المرات حطيت له 50 ريال ماكان معي غير هالمبلغ ولما وصلت له قال تنفع رصيد 😁 ... اذا بينفع مع زوجك طريقة الفلوس بالظرف بيكون احسن ... وحاولي تنسي اللي صار البارحه وسوي يوم جديد ذكرى جديد مو شرط نفس التاريخ ... خلي كل ايامك ذكرى سعيده .. بالتوفيق 🌹 وربي يهدي زوجك ... |
رد: زوجي والهدية
مصيره يوصل لل40 ويركد ويعرف ان الله حق ويهدأ اكثر من كذا بكثير
كلنا نكون متحمسين اول سنين زواجنا وخايفين على زوجاتنا نخاف نعطيها جوال نخاف نعطيها مصروف نخاف نخليها تروح مع سواقين وبعد مايتقدم العمر ويعقل الواحد يتخلى عن كل هذه الحواجز والاحتياطات |
رد: زوجي والهدية
انتو تستنوا الزلة ع بعض هو وانتي كمان
|
رد: زوجي والهدية
الله يكون بعونك حبيبتي..
لو كنت بمكانك جاوبت مثلك مع اني دايم انقفط بس ياخي نكره النكد😣 صااادق لماذا نتزوج زوجي من قرب ال40وهو واحد ثاني ناحية الغيرة والتساهل اكل شبابي بالنكد والحين كل شيء عادي.. ربي يعينك |
رد: زوجي والهدية
اداكي جوك ولاتكلم زوجك متعب
ماجا فبالك إنّو شاف الرجال وسكت ماشاء الله تبارك الله ربي يهنيكي بنفسك |
رد: زوجي والهدية
أكثر شي لفت انتباهي بالموضوع ردة فعلك
هديتي كثييييير ، وصرتي تعرفين تمتصين غضبه عموماً انتهى الموقف ، وتعيشين وتاخذين غيرها |
رد: زوجي والهدية
عزيزتي كنافة بالجبن)احب الكنافه😘
غاليتي الخطأ مو منك ولا من زوجك الخطأ من البنت لما هي تعبانه كان عطتك خبر انها ماراح تجي راح يجي شخص ثاني حتى انتي تعتذري وتقولي لها تأجلها لأن حتى اخواني كدا يرفضون ان احنا من يستلم اي حاجة اذا كان المندوب رجل عديها ي اختي والله يسخركم لبعض |
رد: زوجي والهدية
انا اتوقع جاني تبلد
صحيت ولا كلمته وهو شافني كذا صار يكلمني بالضروريات وانا ارد عليه عادي حاول يفتح سوالف ارد عليه على قدر السؤال بالنسبه للهديه ناويه اعطيها اخوي حبيبي يستاهل بمناسبه العيد لان زوجي بعد مارمى الهديه عالطاوله اخذتها الصباح وحطيتها بدولابي وناويه ارجع اغلفها عالسريع مع كارت مرتب |
رد: زوجي والهدية
اقتباس:
حاسه ان زوجك سبب لدخولك الفردوس الاعلى ان شاء الله على فكره حاولي تخلي نفسك حزينه شوي مو زعلانه لا حزينه خلي نظراتك مسرحه وفيها مسحة حزن (وانتي فعلا حزينه) حتى يحس بتانيب الضمير واذا راضاك لا ترجعيله الهديه ابدا حتى ما يتعودها ويحس انه يلطش وانتي تضحكين وهذي المره مو بالعصبيه بالحزن وكانك خلاص ازريتي فيه خليه يفهم ان لتصرفاته ثمن ويصير يوزنها |
رد: زوجي والهدية
اقتباس:
وما زال محاصرها بالغيره الزايده الى الان هي وبنتها |
رد: زوجي والهدية
اقتباس:
الأفضل تاركيها مكانها و لا تفكري فيها و سيأخذها و بالنسبة لأخوكي خذي له هدية ثانية |
رد: زوجي والهدية
ماشاء الله ردو فعلج ممتازة.
هو الغلط في ردة الفعل. لكن انتي بعد غلطتي لما ما خبرتينه بالحقيقة لما سالج.. كان لازم تخبرينه الحقيقة حتى يوصل له مسج انج واثقة |
رد: زوجي والهدية
انا اللي قهرني تمثيله علي وقت طويل
من العصر الى مابعد الفجر وهو يمثل علي يعني لا لمته على سهرته برا ولا استعجلته يجي ولا طلبت منه شي والله مامسحت مكياجي الا قبل دخلته بنص ساعه ضاق صدري على نفسي اقلقت عمري عالفاضي وانا اساسا ماكنت ناويه احتفل ولاشي بس هو اللي ذكرني فرحت ان زوجي متذكر هاليوم واسعدني بهديه مرتبه كنت حابه اسعده مثل ما اسعدني كانت نيتي صافيه لكن توبه اذا شريت له هديه لا يلدغ المؤمن من جحره مرتين |
رد: زوجي والهدية
صح اتركي الهديه مكانها
او اذا سال عنها قوليله شوفها في الدولاب ولا تروحي انتي تجيبيها لانك خلاص مديتيها ورفضها فاكتفي بقولك شوفها في الدولاب مع شوية حزن على وجهك "حزن وليس غضب او عصبيه" حتى ما يعتبر اعطاءك لاخوك انك تذليه وتعاقبيه وحتى ما يكره اخوك او يحقد عليه لانه حقود حسب فهمي عنه |
رد: زوجي والهدية
انتوا تزوجتوا برمضان؟! هذا اللي فهمته من احتفالكم الان بذكرى زواجكم
|
رد: زوجي والهدية
لا احنا نحسبها بالميلادي
مو الهجري انا لسى مو رايحة لاهلي الا بعد يومين وهو اصلا ماقال لي شكرا ويقول مو عاحبته اذا ما سأل عنها خلاص اعطيها اخوي حرام ارمي 600ريال كذا بالزباله ولاحظوا اني ربه بيت مو موظفة والهديه شي للتقدير والذكرى هو ما اعتبرها كذا.. براحته مو غصب ياخذها زوجي برضو اليوم قرر يتسحر برا علمني وقلت عليك بالعافيه وطلع لاحظوا مايبغى يناقش ولا يتكلم ولا شي هو مايعمل كذا الا اذا صار مقتنع انه غلطان بس يكابر انا قاهزتني جملته (الباب يوسع جمل) انا ينقال لي كذا بذكرى زواجي!! مو هاينه علي والله والا طز بالهديه وبالتاريخ وبهالامور |
رد: زوجي والهدية
جوالي يعلق له كم يوم
قال لي قبل التراويح ايش رايك اشتري لك جديد؟ قلت لا شكرا يتصلح.. شغلته بسيطه يعني كذا بيراضيني وهو امس طاردني من البيت |
رد: زوجي والهدية
لاحظي زوجك لم يصعد الموقف
و أنت تسعين لتصعيده الموقف أنتهى لا تكبرينها صحيح هو غلط لكن سبب خطأه أنك (كذبتي بحسن نية ) قلتي مره و اللي عطاك الهدية رجال - الموضوع ليس بسيط - مع حسن نيتك في ذلك و جهدك تشكرين عليه ولكن فعلاً فعلاً وضعك أفضل من قبل ساعدي على تحسينه لا تكوني معول لتهدميه الشيطان بينفخ في رأسك لتكبير الموضوع |
رد: زوجي والهدية
ياكثر ماتصير هالمواقف ياكنافة .. يقتلون فرحتك قتل .. يجيك احساس انك كاسرة خاطر نفسك 😂💔
صح هو غلطان .. وألف غلطان .. لكن زي ماقال أخوي اللي قبلي لا تصعدين الموقف .. وزي ماقالوا اللي قبلي .. بطلي عطاء وخوذي بس .. بكذا ترتاحين أنتِ مشكلتك إنك مثالية ..وهو مليان أغلاط .. بس مشّي ياختي مشّي هذي الدنيا .. الهدية صح عليك ولا يشم ريحتها .. أعطيها أخوك ❤ وجوالك خليه يصلحه .. واطلبي منه سلة تشوكلت كبيرة تاخذينها لأهلك منك ومن عيالك ❤ واطلبي واطلبي واطلبي ع قولتهم الدراهم مراهم 😂 تتلهّين عن ضيقة الصدر .. عشان نفسك وعشان العيد السعيد ان شاءالله وعشان عيالك وأسرتك مشّي هالموقف ولا تصعدينه .. مثلي دور الحزينة .. وراح يبدا بعطاءاته وأنتِ اخذي لا ترفضين . الله يطمن بالك ويهدي زوجك ❤ |
رد: زوجي والهدية
خلاص لا تضغطي على نفسك ولا ترجعيله الهديه
الا لو سال عنها قبل تعطيها اخوك قولي شوفها في الدولاب رح خذها واذا سال عنها بعد ما عطيتيها اخوك قولي انت قلت انها مو عاجبتك وعطيتها اخويه حرام 600 ترمى كذا بعدين ربي يشيل عنا نعمته ولو منك بقول ايه جيب جوال جديد واي شي يعرضه خذيه نفسك تستاهل |
رد: زوجي والهدية
كنافة
وبعديييين😏 كنتي ماشية صح يااااكثر ماتصير هالمواقف عادي خلاص تعودي المشاكل ماتأخذ حيز كبير من حياكم خلاص سكريها وتعاملي معه عاااادي والهدية لاتعطينعا أحد خليه له بس هو يكابر.. ردة فعله طبيعية جداا انه فيه رجال جاي للبيت ولافيه احد يستقبله الا انت وانتي برضو ماغلطتي لانك طلبتي على اساس هي بتوصل يعني اصلا مافيه خطأ بالموضوع اللهم خلل بالترتيبات كلامه مو جديد وحاول يعتذر لما طلب يصلح جوالك.. قبل أمس بنتي تجهز طاولة الفطور وجابت مشبك استخدمه للبوفيهات لما يكون عندنا ضيوف عند السخانات اكيد عرفتيه كتبت حياكم الله على الفطور الشهي المهم لما جلسنا على الطاولة ابوها ماانتبه للمكتوب اخذ الورقة وحطها بالزبالة يحسبها من خرابيطها العادة وانكسسسر خاطرها قلت لها وهو يسمع ياماما ياااما كسر مجادافي جاء دورك😅 المهم استوعب انها مقصودة له وراضاها اللي احب اوصله لك ياااااما استعدينا وركضنا والنتيجة عكسية لذلك انا بطلت مفاجأت حتى الهدية تخيلي اشاوره فيها علشان مايقول كان بخاطري كذا والا لو داري انك بتدفعين هالقيمة كان وصيتك على كذا.. الحياة دروس بس لايمتد الزعل💐🌼 |
رد: زوجي والهدية
لا فض بؤك يا نبض الدان
|
رد: زوجي والهدية
جزاكم الله خير
ويارب ماتتعرضوا للموقف اللي تعترضت له احس قلبي ضاق من اللي صار لكن بسمع نصيحتكم واعدي الموقف |
رد: زوجي والهدية
انكسر خاطري مكانك
مشكلتنا نحنا النساء ما نصدق نفررح يعني لما هداك زوجك كان اكتفيتي بالهدية وخليتي حالك تعيشين جو الفرح والسرور اللي قدمته لك هديته لكن انت او بالاحرى كلنا نطمع بالاكثر ونبي نبسط الطرف الاخر زي ما بسطنا وشوفي النتيجة! خلاص المرة الجاية اذا هداك انبسطي ومو ضروري تحتفلين وترجعين له الهدية ها الامور هي لي بتخرب علينا كاننا بنعين حالنا ههههه وخلاص دامو يكلمك لاتصعدين الموقف والمسامح كريم |
رد: زوجي والهدية
اقتباس:
بالنسبة للموقف هو غلطان... بس ما فهمت كيف انتي شفتيه متغير وماشكيتي انه شافك.. وحكيتي الحقيقة لوجود هذا الاحتمال؟ هو غلطان ويكابر لان تفكيره راح بعييييد ولما هبرتيه لازمو وقت ليستوعب.. خلي المياه ترجع لمجاريها.. والهدية حطيها بدولاب في مكان ما.. |
رد: زوجي والهدية
اقتباس:
لا تشيلين بخاطرك المهم نيتك طيبة |
رد: زوجي والهدية
صح انا مثلك انقهرت ليش يوم شاف الرجال ما سالك
ساكت وكانه عارف انك جايبتله هديه وهذا دليل انه واثق فيك وان الرجال جايب شي طلبتيه ولا كان شفتي ردت فعل اخرى ويمكن سوى شي للرجال لكنه واثق فيك جدا لكن سكوته ثم يفاجاك انه عارف ان رجال اللي جابه تقهر لكن ما عليه عديها له.. يمكن حب يختبرك انتي بتقولي الصدق ولا لا لكن هو عارف انك ما كذبتي الا اتقاء شره ونقطة اخرى صادقين الاخوات اللي قالوا لو انك فرحتي بهديته واستمتعتي بها وبشعور ان زوجك يطلب ودك ولا رديتيها له ماديا بل معنويا من اهتمام وحب وحنان وووو بعض الناس يا اختي وليس فقط الزوج اي احد زوج اخت صديقه اي احد بعضهم وليس كلهم يحب يركض وراك ما يحب تركضين وراه وعن نفسي من زماااان ارى ان الزوجه لا تهدي زوجها اي شي "مادي" بل هو المفروض يهديها ويغرقها هدايا ودلع وهي تعتبر نفسها اكبر هديه له و تكتفي بالاهتمام به وببيته وعلاقتهم الخاصه اشعر شخصيا ان الحياة كذا مستقيمه لان الهدايا طلب ود وهذا دور الرجل ان يطلب ود الانثى داءما وهي تكتفي باعطاءه ما طلب من الود" المعنوي" فقط وليس المادي فالمادي دوره هو ومنها توفري على نفسك الم الخذلان والخيبه |
رد: زوجي والهدية
حظي حلو
اخر فقره بردك تنكتب بماء الذهب المشكله انا مقتنعه فيها مدري ايش قردني وخلاني اعمل هوليله عشانه والمصيبه احرجت نفسي حسيته قارن قيمه هديته بهديتي ولكذا اتمسخر |
رد: زوجي والهدية
الله يعينه عليك ويعينك عليه تدورون الزله على بعض
|
رد: زوجي والهدية
اقتباس:
كلام جميل👏👏👏👍👍👍 |
رد: زوجي والهدية
زوجك كويس، لكن اعتقد انه ما عنده مشكله لو ما تقدمين له هدايا..
مره ثانيه سوي حفله مرتبه وحركات وبدون هدايا واتوقع يكون وقعها عنده كبير وكويس، وبذلك تكونين كسبتيه ووفرتي فلوسك.. زوجك يحبك ويغار عليك ويحب الوضوح وما يبغى تلعبين من وراه حتى في أتفه الأمور.. يعني مثلا هالموقف لو ما جبتي هديه كان الامور ع قلبه مثل العسل، هو خلاص دامك تعرفين انه ما سحب هالامور لا تسوينها وريحي راسك.. انا اعتبره درس لك اللي صار، وصدقيني بعض الرجال ما تهمه الهديه أبدا ويختلف اختلاف كلي عن تفكيركم.. بالتوفيق |
رد: زوجي والهدية
طنشي حبيبتي
وعلى طبع زوجك الحمدلله ماعملها مشكله كبيره عدي الموضوع احسن والهديه خليها قدامه لانه بيرجع يستخدمها ان عطيتيها اخوك بتصير مشكله الله يهديه ويسعدكم |
رد: زوجي والهدية
تبغي تفرحيه قلبها نكد عليكي
يقولو انو احنا الحريم عقولنا ناقصه والرجال يضحكو علينا وعلى هدايانا ترا الرجال مايبغو كل دي القلوب والهدايا والحفلات لو سألتيه راح يقول انتي بسطتي نفسك ولا الرجال بسطته انك ماتدفعي وتخسري كل دي الخساير ويوصله الحب بإنك تكوني مطيعه وفري فلوسك |
رد: زوجي والهدية
على قد ما كنت مزعوجة من ردة فعل زوجي على هديتي
بس انحرق قلبي عليك وهانت علي ردة فعله. الله يعينك حبيبتي ويقويك ويرزقك الصبر أنا لما شاف الهدية قال شاريتها لك مو لي لأني كنت أبغى شي مشابه بس حسيته أحوج مني وماطالع فيها حتى وأكدت انها له ويكرر لا لا واضح شاريتها لك زي اللي يقول خذيها وإلى اليوم مركونة على جنب ولا كلف نفسه يفتحها أو يقول كلمة شكر. |
رد: زوجي والهدية
اقتباس:
لان النساء عاطفيات اذا فرحك انسان تبين تفرحينه بنفس الشي لكن مع الزوج بالذات لا لكل واحد دوره في الحياة الزوجية فالزمي دورك ترتاحي بل وتستمتعي |
| الساعة الآن 05:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©