|
يقولون النظره الاولي خطييييييرة جداً ،،،، افيدونا يا أهل الخبرة
مرحبا الى جميع من في المنتدى
الصراحة كان ودي اعرف واكسب فكره او بالاحرى خبره ، عن النظره الاولي للخاطب الى خطيبته ،او بمعنى اخر / عند ما راح الشاب ( المكسوف جداً ) الى الفتاه ( المكسوفه جداً ) عند اهلها طبعاً ، عشان يشوفها اذا هي تناسبه او لا والعكس ايضا . اللي مر بهذي التجربه لا يبخل على المقبلين على الزواج ، يقول لنا عن ايش كان احساسه عند ما قابلها ايش كان شعوره او شعورها هي عند ما قابلته، بس ياليت اللي بيكتب عن تجربته في النظره الاولي ( يكتبها بالتفصيل المللللللللللللللللللللللللللللللللل ) . |
النظرة الشرعية بين الخاطب والمخطوبة هي من أجل ان يكتشف كل منهما الاحساس لديه بقبول الطرف الآخر والانجذاب اليه .
|
بالنسبه لتجربتي لما جا شافني عند اهلي كان جاي مع 2 من خواته وامه وعمته وكان في بيتنا امي وجدتي فلما دخلت ما خلوني اقعد الا جنبه وقمت ارجف وكان يضحك علي واحرجوني لما قالولي طالعي
بس اتصدقوا كان موقف سعيد وللحين نتذكره ونفرح اشلون كنا نطالع بعض اهو طلع من الباب قال انه يبيني وانا بعد ؟؟؟؟احلي ايام |
السلام عليكم..
انا تجربتي كانت سريعه.. دخلت المجلس و خالي و امي معاي كنت مستحيه و مب قادره اتنفس من الربكه دخلت و قعدت سألني شلونج قلت له الحمدلله قال لي بديتي امتحانات؟؟ قلت له لا لحين.. و بس بعدين الوالده قعدت تسولف وياه الموضوع كله ما تعدى الخمس دقايق!!! طبعا الشعور لا يوصف تحسين انج طايره و الحمدلله ارتحت له وهو بعد ارتاح لي :) |
النظرة مفيدة لمعرفة مدى قبول كل طرف للاخر ولكن لا بد من تبادل الكلام لتاكيد الامر ومعرفة مدى الارتياح بين الطرفين.
|
هل الرؤية لها مدّة معينه؟؟؟؟
وهل يكفي يشوفها وهو واقف ويرجع!!!؟؟ أسئلة مهمه!!!!! |
السلام عليكم و رحمة الله و بركاته .... الحالة الاولى .... اخي الفاضل .... < الملازم > .... طبعاً بصفة عامة النظر ... سهم من سهام إبليس .... فلذلك ... النظر إلى ما حرم الله هذا سهم ... و السهم هذا... يؤدي إلى زنى العين .... قال رسول الله صلى الله عليه و سلم (( العين تزني و زناهما النظر .... الحديث )) صدق رسول الله الكريم .... و هذا كله يؤدي لا سمح اله إلى الزنى الفعلي لقول الرسول صلى الله عليه و سلم في تكملة الحديث (( و الفرج يصدق ذلك او يكذب )) صدق رسول الله الكريم ..... الحالة الثانية ..... ولكن إن كان في النظر إلى المخطوبة النظرة الشرعية.... فهذا لا بأس به ... و عن المغيرة بن شعبة - رضي الله عنه - أنه خطب إمرأة , فقال له رسول الله صلى الله عليه و سلم (( أظرت إليها )) قال: لا , فقال (( انظر إليها فإنه أحرى أن يؤدم بينكما )) صدق رسول الله الكريم أي:- أجدر أن يدوم الوفاق بينكما ..... فيجب بأن نفرق بين الحالتين .... و شكراً ..... |
السلام عليكم ورحمة الله ..
بالنسبة لماذكر حول عدد مرات الرؤية فهذه فتوى الشيخ / عبد الرحمن بن عبدالله العجلان المدرس بالحرم المكي كم مرة يجوز للخاطب أن يرى مخطوبته الرؤية الشرعية؟ وجزاكم الله خيراً. يرى الخاطب مخطوبته مرة واحدة، ولا تجوز الخلوة بها، وإذا تيسرأن يراها بدون علمها فلعله أولى؛ لأنه أصون لحيائها، وخشية ألا يرغب فيها، فإن لميرغب فيها بعد رؤيتها أثر ذلك في كسر قلبها، فإذا لم تعلم كان أحسن وأرفق بها. وعلى هذا سارت الأمة ,,, والسلام عليكم ورحمة الله .. |
albatool الاخت /
مشكورة على مرورك ، وفعلاً النظرة الشريعية هي لشكف الاحاسيس تجاه البعض ، لكن انا كان ودي اعرف وش هذي الاحاسيس ، او ايش اللي دار بينهما . مها الكويت / شكرا على طرح تجربتك ، واكيد هناك مواقف لا يمكن ان ينساه الانسان خصوصاً اذا كانت مواقف مشتركه مثل هذي المواقف واللي تكون مبينة على السعاده الزوجية . والله يحلي ايامك على طول . الدار المكنون / شكراً على مرورك اخوي ، ومثل ما قلت في اشياء ما تنسي من ذاكرتنا ونتمناه تعود !! كريم الطباع / اؤيدك اخوي بس اعتقد انها لازم تكون في حدود النظره الشريعية المعروفه . ومشكور على المرور . كريم الاخلاق / فعلاً اسئلة مهمة ، واعتقد الاخ وليد ما قصر اجاب عليها . وشكرا على المشاركة . الاخ game over / شكرا اخوي على التوضيح من طرفك ، بس اعتقد انه اذا راح الخاطب الى خطيبتة وفي وجود اهلها اعتقد انه في هذي الحالة هي النظرة شرعية ، وانا ما قصدت غير النظرة الشرعية الاولى . والمقصد من هذي المشاركة وطرح هذا التساؤل هو مثل ما قالت ( الاخت / البتول ) هي لمعرفة احاسيس الطرفين تجاه بعضهما . والله من وراء القصد الاخ وليد 7 / مشكور جدا على التوضيح اللي صراحة كنا نجله ، واطلعت على الرابط اللي وضعته وكان جداً مفيد يعطيك الف عافيه . |
|
لالااخ good man1
لازم ترجع تفكر بموضوعك مرة تانية مو اختك ولا امك الى رح تتزوج انت وعلى شان هيك لازم يكون فى شعور لاانك ممكن بعد ما تززوج تلاقى مع وحدة تانية ساعتها رح تكون المشكلة بجد |
السلام عليكم
انا كان الموضوع عندي في البداية عادي , بس يوم الزيارة في الصباح بدت الأمور تتغير شوي , رحت لهم انا والوالد وأول شي صادفنا لقينا الكهرب طافي من عندهم بسبب الصيانه او شي ,, احمد ربي ان الكلام هذا العصر,, واذا انكم تبون الحق عمي (اللي هو ابو المدام) راعي مزح كثير وكنت مفكر انه مطفي الكهرب علشان يهبل فيني ,, بس اشوى جلسنا خمس دقايق واشتغل الكهرب واكتشفت المفاجأة!!!!!!!!!!!!!!!!!!!!! كانوا حاطين فيديو كام (كاميرا فيديوا) في المقدمة حقت البيت لأنني يوم دخلت اشوف عمي يقول لي انت اجلس هنا (ويأشر بإصبعه على مكان معين) أثرني متكي وخشتي قدام الكاميرا على طووووول,,طبعا علشان مايطلع شكلي مو حلو قدام الكاميرا جلست اشرب من الشاهي والقهوة (مسوي فيها ماستحيت)ناهيك عن العصير اللي لتحت نصف الكاس,, مالكم بالطويلة جا عمي وقال بالكلمة الوحدة(تقهويتوا!! خلصتوا!!) قلنا له( كثرخيرك) , جا ونادى ولده الصغير وقاله خذ عمك فلان وودة للمجلس ,,طبعا عمه ابوي مو انا :) ودخل عمي ينادى المدام ,,,,,,,,,,,, وفجأة!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! اللي اذكرة اني انا في هذيك اللحظه صدعت ,, والله صار للسالفه هذي الآن 3 شهور وقسمابالله ماني قادر اتذكر منها الا مايقارب 10 ثواني بس وانا تقريبا جلست فوق الخمس دقايق,,,,, عموما صدقني انها لحظات ولا احلى منها وراح تنبسط ,, بس اسمع كلامي وخلك حمش يعني خلك بالعربي (قوي وجه )و والله يوفقنا ويوفقك |
شكـــــــــــرا لي صاحب الموضوع
بنسبه لي انا والله ما شفتها ولا شافتني مو عن شي بس العادات كانت ما تسمح بذلك بس الحمد الله وجتها نعم الزوجه بما تحمله هذي الكلمه..واشكر الله عزا وجل نعم المرأه وا نعم المربيه ولا كنت ا عرف منها لي اسمها وعمرها فقـــــــــــــــــــــــــــــــــــــــــط الله اما لاحســـــــــــــــــــــــــــــــد ههههههههههههههههههههههههههه تحيا تي ريان ــــــــــــــــــــــــــ 2000 |
أخي الكريم اسئل مجرب (أكثر من مره) هي كما قلت النظرة الأولى متى ما أحسست بارتياح في نفسك وتوافق بعض متطلباتك في زوجة المستقبل فأقبل مباشرة ولكن إحذر كل الحذر من أن تسلم نفسك لعواطفك أو شهوتك فهناك ستجد نفسك في ما بعد نادماً أشد الندم هذه باختصار وموفق بإذن الله.
|
مرحبا....
بالنسبة لتجربتي الخاصة ... قبل ما ادخل قلت لاخوي لازم نتفق على حركة علشان تسويها واعرف وقتها ان المده انتهت يعني اقوم واطلع قال اخوي انا باخذ معي الجريده اقراها ( طبعا السبب الاول من الجريده انه يخلي الرجال ياخذ راحته بالقزقزه :cool: ) ، واذا نزلت الجريده افهميها وقومي ، قلت انا طيب .. طبعا بعد ما اخذت خريطة المجلس كامله يعني هو وين جالس واخوي وين جالس وانا وين بجلس دخلت ووالله لو هم مجلسين واحد من اخواني بداله كان ما دريت :confused: لاني بس لمحت ان فيه احد جالس طبعا كانت المسافيه بين الباب والكنب كأنها كيلو ما صدقت اني وصلت سألني عن الدراسه وغيره وغيره لكن اللي اذكره والى الحين اهلي يضحكون علي اني بعد ما طلعت رحت حضنت امي وجلست اصيح وتقول وش فيك ؟؟؟؟ قلت يمه يقول اسمي (طبعا هو يوم جلست قال لي كيف الحال يا فلانة ) وانهبلت انا اول مره واحد يناديني باسمي غير اخواني طبعا ،وقتها اخوي انسدح من الضحك وامي صارت تقرا علي .... والحمد لله تم كل شي على خير وكلها ان شاء الله اشهر واستقبل اول مولود ... :d *** ملاحظة *** اخوي وهقني وما نزل الجريده الظاهر انه انسجم مع موضوع :rolleyes: |
الاخ goodman1 /
مشكور على مرورك وعلى مشاركتك ، وصراحة كلامك او تجربتك هي اللي ادور عليها واللي ودي اثيرها واطرحها للمناقشه ، لانه بالفعل نواجه احياناً ضغوط من قبل الاهل ، واحياناً ايضاً يقومون الاهل بتجميل وتمديح البنت ليش ؟ يمكن لاسباب كثيره منها القرابه او الصداقه بين العائلات وغيرها ، ونتيجة لهذه الضغوط او الاوامر تنتج مشاكل لا حصر لها بسبب هذه الزيجه . ولكن اخي / عسى ان تكرهوا شيئاً وهو خيراً لكم ، مثل ما قلت اخي زواجك ما صار عليه اكثر من اسبوعين تقريباً يعني لسه في بداية مشوارك ، والسعاده الحقيقية تاتي بعد الزواج ، وانصحك اخي بالتكيف مع حياتك الجديدة والتأقلم معها . وتشيل اي فكره من بالك تكون لها اثار سلبيه مالها داعي . والله يوفقك ان شاء الله الاخت ranaa2002 / اشكرك على مرورك ، وعلى نصيحتك للاخ قود مان الاخ sinior / شكرا على مشاركتك ، بس عسى الكهرب ما هي طافيه الا الان ؟؟!!!! ( مزحة ترا ) الاخ ريان 2000 / هذا حال اكثر الزيجات عندنا ، تحكمها العادات والتقاليد اللي ما انزل الله بها من سلطان ، لكن الحمد الله امورك مثل ما قلت جات مثل ما تبي انت . الاخ asm500 / شكرا على مرورك والنصيحة ، ويعطيك العافيه الاخ planet / شكرا على مشاركتك ، وبالفعل في حياتنا امور وتجارب لا يمكن ان ننساها ، وفي مثل هذه الامور خذ تلبيخ على احراج على مقالب على نكت وهنا تجي حلاوة الموقف . ومبروك مقدماً على المولود والله يتمم لكم بالخير / وايش تبي تسميه عشان نناديك به . |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
