|
اهمال زوجتي لي بسبب حملها
السلام عليكم
اخواني و خواتي انا أعاني من إهمال زوجتي و بنظري إهمال تعدى حدودة طبعا انا متزوج لي 7 اشهور و أعاني من مشكلة انها ب كثره تروح تنام عند جدتها او اَهلها أسبوعيا مثلا تروح الخميس ولا ترجع الا السبت بالليل و لما يجي الاثنين تروح لمها و ابوها و تنام ارجع اخذها الثلاثاء بالليل تصور الامر صارت تروح و تنام اكثر من كذا و اقول ما يخالف عشانها حامل و يمكن تتوحم بس كل مالها و تزيد في النوم لدرجة إنّو جبتها أمس و قالت ب اروح اليوم لهلي و انام بدون مشاوره صارت مشكله بينا و في مشكله ثانيه في البداية كنت أساعدها في الغسيل سوا ملابس ولا مواعين من باب شفقي لها و حبي لها أساعدها بس تطور الامر الا انها معد تغسل ملابسي بسبب اهمالها لي و كثره نومها برا البيت ثاني نقطه إنّو اشوف أني اهتم لها اكثر ما تهتم لي يعني ما تقلق علي او تتتصل تشوف صاحي قايم مأكل شارب طول ماهي جالسة عند اَهلها ما تلقيني اي بال و لاتهتم لجولها اتصل كم مره ي تكون حاطته صامت ي ما ترد او مقفل انا تعبت معها تعبت لدرجة أني احاول احصل حل ما تبي مصره انها تعاند مثلا عند موضوع المستشفى وًمراجعة المستشفى ابي اوديها ترفض تعاند اي مستشفى اختاره ترفض ما تبي الا مدينة الملك فهد الطبية و انتو عارفين العلاج فيه ب امر ملكي و تعبت معها حتى اكل ما تاكل مدري هي تعاند ولا تبي يموت الجنين اكل ما تاكل انا ويها مشاكل ب الاكل و الشرب تخيلو ما تاكل الا و جبة ب اليوم و موية يالله تشرب كاس ب اليوم معها جفاف وش الحل افيدوني علما أني ما اقصر معها ب الطلبات اجيب لها الي تبي و حتى ب الكلام الحلو و الكلام زين يعني انا احترت معها اقول لها شايفه علي شي تقول لا اقول مقصر عليك بشي تقولي لا اقولها ليش انتي دايم مصره انك تقصرين معي تسكت و يالله تتكلم حتى سواليف ساكته ما تسولف احترت معها تم تعديل العنوان ليتناسب مع المضمون |
رد: تكفون ي شباب و ي بنات افيدوني وش الحل [عا
كم شهر حامل؟
|
رد: تكفون ي شباب و ي بنات افيدوني وش الحل [عا
الحين دخلت ف بداية الشهر الثالث
|
رد: تكفون ي شباب و ي بنات افيدوني وش الحل [عا
اخوي لازم تحدد زيارتها عند اهلها مثل ماتفضلت تروح الخميس وترجع السبت اشوف بالزمن هذا جداً مناسب واما بقية الايام متواجده بالبيت ، وبخصوص اهمالها للبيت لابد توضح الشي هذا لها وتبين حق الزوج عليها ، ومادام هي بالاشهر الاولى من الحمل فشي طبيعي متعبه تمهل عليها والافضل تتكلم مع امها او ابوها شوف الاقرب منها وتقعد معاها وتشرح لها الشرح الوافي ...
|
رد: تكفون ي شباب و ي بنات افيدوني وش الحل [عا
اقتباس:
|
رد: تكفون ي شباب و ي بنات افيدوني وش الحل [عا
انا اذا حملت اجلس عند اهلي اول 3 شهور
وحم وغثيان وقرف وتعب وما اقدر اتحرك وزوجي بالدوام صعب يقابلني فاروح للوالدة اصبر عليها مسكينه بكريه اول حمل ولسى عروس ويمكن الوحم قوووووي معها لو بظرف ثاني كان عطيناك حلول بس الحين مالك الا الصبر كلها شهر او شهرين بالكثير وترتاح لان السادس غالبا يروح الوحم |
رد: تكفون ي شباب و ي بنات افيدوني وش الحل [عا
يمكن كرهتك او كرهت ريحتك بسبب الوحم
ولا تريد ان تجرحك هذا شئ وارد جدا تمر به الحوامل وفي الاخير تجيبلك ولد نسخة منك اذاتستاهل تصبر عليها حتى تقوم بالسلامة ان شاء الله وتتعدل الاوضاع |
رد: تكفون ي شباب و ي بنات افيدوني وش الحل [عا
وعليكم السلام ورحمة الله وبركاته
ما أسرعك يبن الحلال توك 7 شهور وتبي تطلق .، المفروض من البدايه تضع حدود للموضوع .، عمومًا الكلام هذا ماعاد ينفع الأن انت فلت الحبل حبيبي أمنع ثم أمنع ثم أمنع سالفة النوم خارج بيتها ما رضت عاندت رح لأبوها ووضح له المشكله وصدقني انه مايرضى هالشئ أكيد .. وبعدين تغسل وتكنس هالشئ مو عيب ولا أنكره عليك لكن صار عكسي عليك وماقدرت اللي سويته .. وقف كل شئ كنت تسويه لها ماعدا أحترامها لايسقط أبداً أستخدم الشدة شوي وأرسم هيبه لشخصيتك وأنا أخوك وبيهداها الله وتزين إن شاء الله وشيل فكرة الطلاق من رأسك نهائياً .، 🌷 |
رد: تكفون ي شباب و ي بنات افيدوني وش الحل [عا
اقتباس:
و الغالب ان زوجتك لها نفس الاعراض ترى الوحم ماهو دلع مثل ما يتصور اغلب الرجال هرمونات متلخبطه و نفسيه صعبه و الاكل ما يدخل المعده الا وهو خارج منها ربي يجازينا و امهاتنا الجنه |
رد: تكفون ي شباب و ي بنات افيدوني وش الحل [عا
تصويتي كان بصبر
هذا انتم يالازواج تعطونها الخيط والمخيط في بداية الزواج وبعد ماتروح السكرة تجي الفكرة وتعال عدل لازم تعرف زوجتك انها متزوجة ومسؤلة عن بيت وزوج وحدد لها اوقات الزيارة والنوم خارج البيت ممنوع كذا تضبط حياتك لكن فالت الحبل على الغارب وتجي تشكى الان هذا غلط |
رد: اهمال زوجتي لي بسبب حملها
اصبر عليها بما انها حامل ..
لكن كيف كانت معاك .. قبل الحمل ؟؟؟؟ |
رد: اهمال زوجتي لي بسبب حملها
اذا تغير اسلوبها في الحمل
فقط حرام اصبر ترا بعض الحريم بالحمل مايطيقون يمسكون شماغ الريال حتى ريحته ما تقرب صوبه ابد والله اعرف ناس انها في غرفه وهو فغرفه وذا شافت شي من ملابسه تكرهها وفي ناس اخف وفي ناس مايصير شي اما موضوع النوم اذا حملها فيه تعب يعني الجنين نازل ولا تحس بالام انت قولها ادري انها ها الشي من الحمل وراح اصبر لين تجيبين النينو وتخلصين النفاس ترا بيكون تعامل ثاني مب تدلعين جبها بسلوب ضحك ولا اذا بينك وبين عمتك او عمك اسلوب كذا ضحك ونغزات تكلم بمزح مب تبينه بضيقه ولا اذ حد من اهلك خواتك ولا امك تكلم قدامها قولها يمه ليش كذا وكذا وكذا ولعلمك اعرف ناس من اهلي والله ع مغذيات ابر وكذا مايقدرون ياكل وبعد بعضهم تجيهم حموضه بالمعده وتتعبهم الله يكون بعونها اول شي شكله الحمل هالكها والله يعينك ويصبرك اوقف معاها الحين علشان توقف معاك وقت الشده بس تفاهم معاها قولها مابغاك تنامي برع البيت حسك بالبيت شي ثاني قوله انك اشتقت لها وبدونها كل شي صار مب اوكي محد يسوي لك شي ومثل انه مافيك صبر بها الشغالات حق الحريم وكذا باسلوبك الحلو لها والله يعين ان شاء الله يروح قريب ها الوحام وترجعو لعيشكم الاوليه يااارب ويسعدكم ويسهل عليها ويخلي النينو لوقته باذن الله ذريه صالحه سليمه معافاه وولاده مسهله باذن الله المعذره طولت <ان تكلمت ما توقف😁 تحياتي |
رد: اهمال زوجتي لي بسبب حملها
تكلم وياها بشويش وقول لها مشتاق لك
|
رد: اهمال زوجتي لي بسبب حملها
يارجال افهمو شيء واحد
والله مودلع الوحم موووووت بطيء كل شوي يتشكل على صوره النووووم والغثيااااان والم المعده والمزاج المتقلب والحرمان من الاكل وبنفس الوقت الجوع زوجتك لما تروح عند اهلها اكيد ترتاح نفسيا اشوف زوجتك طبيعيه مع حالي اتنوم بالمدينه الطبيه شهر ولااكل نهاااائي غير نقص سوائل الكبد بسبب الترجيع والم الابر والمغذيات والدوخه والاغماء كنت اتمنا امي بنفس المنطقه اروح ارتاح عندها لان البيت يجيب الهم والضيقه بخصوص المدينه الطبيه ماتنلام اهتمام ونضافه واطبا ممتازين وغير الاخلاق الحلوه |
رد: اهمال زوجتي لي بسبب حملها
ماراح تجربون تعب الحمل ولا يمكن تتصورونه
حملي الاول كانت متعبة حدا الشهور الاولى اغلب وقتي ياعند اهلي ومايمر اسبوع الا لازم اروح المستشفى مغذيات وابر من التعب واحتمال كبير تكون كارهه البيت وماترتاح الا عند اهلها ما انصحك تكلم اهلها لانك راح تخلق فجوة بينكم وتاخذ بخاطرها عليك .. لازم تراعي نفسيتها .. النفس تتعب وقت الحمل من غير شيء 😟 |
رد: اهمال زوجتي لي بسبب حملها
والله اني رحمت زوجتك المسكينه
هي تتعذب وحم وغثيان ودوخة وتعب كل هذا حتى تجيب لك بيبي تفرحون فيه وانت تفكر بالطلاق وعامل استفتاء بعد !! اخوي اقرأ عن تعب الحمل بقوقل اسأل امك.. خواتك.. الله يعين زوجتك ويرزقها الجنة |
رد: اهمال زوجتي لي بسبب حملها
انا اتمنا الازواج يذقون الوحام يومين بس ماراح يتحملون
|
رد: اهمال زوجتي لي بسبب حملها
مدينه الطبية فيه ناس تدخلها بدون امر ملكي عن طريق الاسعاف
|
رد: اهمال زوجتي لي بسبب حملها
ياصاحب المشكلة مدآم إنك تهاونت معاها من البداية
انسى بقية حياتك يكون لك كلمة عليها..تتوحم معليه.. لكن حتى اتصال عليك ماتتصل ؟؟ ولا تدري عنك انت في ارض وإلا سما من المعروف إن البنت في بداية زواجها تكون طايرة بزوجها ومستعدة تسوي اي شيء عشان ترضيه... غريب امرها.... إلا إن كانت صغيرة بالعمر..في مرحلة المراهقة ماتعرف حقوق وواجبات الحياة الزوجية هذا كلام ثاني.. |
رد: اهمال زوجتي لي بسبب حملها
الله يتمم الحمل على خير ويرزقكم بالذريه الصالحه السلميه
بعذرك انك رجل وماجربت الحمل والوحام و اول مولود لك اكيد ماعندك ادنى فكره عن الحمل .. ولا اكيد راح يكون ردي جارح مثل البعض .. في شي اسمه وحام وبعض الوحام المراه تكره الرجل فيه لا اردياً لاتحب ريحته ولا شوفته ولا سماع صوته حتى يمكن زوجتكك متوحمه عليك بس ماتبي تجرحك اعرف وحده توحمت على زوجها وراحت لبيت اهلها اول ماتشوف رقم زوجها يتصل يجيها غثيان وتتقيئ ( اكرمكم الله ) والوحام بالشهور الاولى معروف قوي جداً والبعض يستمر معاها لاخر شهر يعني لاتستغرب ثانياً النوم شي طبيعي جداً في الحمل كل الحوامل يجيهم خموول ونوم وباقي ماشفت شي باقي النوم راح يجي في الشهر الثامن والتاسع ثالث شي في شي اسمه ( اكتئاب الحمل ) يخلي المراءه تبكي على طول وتتغير نفسيتها ومنعزله ومنفسه ومعصبه " اقرا عنه " شي جداً طبيعي لان كل الهرمونت اللي في الجسم تتلخبط شي فوق ارادة المراه من الله اعذرها و اصبر على الاقل الشهور الاولى يمكن يخف عنها بعدين بعدين انت كاتب في العنوان بسبب الحمل يعني انت متاكد ان هالشي اللي معاها من الحمل ليشش مستغرب كذا ؟ لاتخاف شي طبيعي وراح ربي يجازي صبرك بمولودك او مولودتك الاولى وتفرح فيها ان شاءالله ادعي ربي يتمم لكم الحمل على خير ويرزقكم بالذريه الصالحه السليمه |
رد: اهمال زوجتي لي بسبب حملها
لما كنت حامل كنت انام عند اهلي كل الاسبوع والويك اند اروح عند زوجي البيت ..
وكان يوم السبت أجيب خدامة ترتب البيت كامل وتكوي ملابس زوجي وما إلى ذلك حتى مايحتاج لي وقت أيام الأسبوع والطبخ بالويك اند ابدا ماكنت اطبخ ام زوجي تجيب لنا الغداء والعشاء من برا .. فقط الشهور الأولى ومن بداية الخامس رحت لبيتي .. من رأيي تتكلم معاها بصراحة أنك مللت من الوضع ويحتاج تنظيم والا قد تتصرف تصرف لا يعجبها . حط النقط ع الحروف مثلاً يوم الخميس تذهب لأهلها وتنام معاهم وعصر الجمعة تمر عليها .. وكذلك يوم الأثنين تنام عندهم ليلة فقط واذا رجعت من الدوام مريت عليها .. بلغها تركز اكثر ع البيت وتعاون معاها أو أحضر لها خادمة تعاونها .. حببها ببيتك خلك هين لين واحكي معاها وضحكها خلها تحبك وتتعلق فيك وبحياتها الزوجية الوحم جدا جدًا متعب .. الله يوفقكم ويرزقكم الذرية الصالحة |
رد: اهمال زوجتي لي بسبب حملها
اخي الكريم
بحملي الاول و الثاني صار لي اكثرررررر مما دكرت بكثيير فقدان شهية تام حتى اني صرت استفرغ دم لان المعدة انجرحت ماء لا اشرب ابدا غثيان كرهت ريحة زوجي حتى انو اذا سمعت صوتو بالطابق السفلي جاني غثيان و بمجرد ما يدخل الغرفة استفرغ اشم بالبيت ريحة غريبة كرهت ملابسي و تخلصت منها رغم انها جديدة لاني كنت توني عروس بس البس اثواب امي كرهت شكلي و كانت تمر الاشهر ما اناظر نفسي في المرآة و. ووو كنت ابكي على طول و ودي بس انام عند امي و حتى عندها نفس الشي لا اكل لا شرب لا كلام لا لا بابني الاول جلست هيك 5 اشهر و تطور معي الحال لاكتآب حاد حتىاني حاولت الانتحار لما رفض يودني عند امي وبعدها تعالجت عند طبيب نفسي و ارتحت تماما الحمل الثاني من اول شهر بدت الاعراض وداني امي جلست 7 اشهر بايامها و لياليها كان يجي يزورني و يحزن كثيير لما يشوفني الشهر او الشهرين الاخيرين اتحسن كثيير و ارجع بيتي و نرجع احسن من الاول و ما انسالو فضلو هاذا ابدا اصبر عليها يا اخي تراها تعاني و لك اجر ان شاء الله |
رد: اهمال زوجتي لي بسبب حملها
اقتباس:
|
رد: اهمال زوجتي لي بسبب حملها
اقتباس:
كانت امي تترجاني ارد عليه و انا ابكي من جهة راحمتو لانو يبي يطمن علي و قاعد لحالو بالبيت ومن جهة ما اقدر اسمع صوتو و حتى اذا كلمتو بالجوال اشم ريحتو اللي بالبيت كنت ابكي الليل و النهار اشتاقلو بس ما اقدر ارجع البيت رغم اني عارفة ان مو هيك الوضع الطبيعي ابدا |
رد: اهمال زوجتي لي بسبب حملها
اقتباس:
انا توحمة على ريحتي الله يقطع شيطانها واول مرة امر في هالحالة وكنت اتوقع انها عيارة منها وطرحة موضوع هنا بالمنتدى لاني استغربت وماقصرو الاعضاء تفهمت الوضع وسكنت بالملحق ههه اول سبوع رحت وشريت عطر جديد وتفركت عدل وحطيت عطر قلت بجرب ولكن مافية فايدة تقطع جلدي ولازال الوضع كماهو اخر شي استسلم شاطي الراحة لمدة ثلاث اشهر متتالية اتذكر جاني الوالد والوالدة الله يطول بعمارهم على طاعتة ويخليهم يتقهوون عندي بعد المغرب وكنا جالسين بصالة ونا جالس بعيد قالي الوالد ليش ماتقرب قلت الريحة قال وش قلت هالي سمعت الوالدة قامت تضحك قالت اقولك بعدين قلت للوالد امور مانفهمها لكن لاخلي وليدك تراني بالملحق ههههههه |
رد: اهمال زوجتي لي بسبب حملها
انا كنت استفرغ لما زوجي يتصل لي وهو بالعمل ..
|
رد: اهمال زوجتي لي بسبب حملها
ههههه مساكين حتى صوتهم يجيب غثيان
الحمد لله لم امر بهذا رحمة من الله بي |
رد: اهمال زوجتي لي بسبب حملها
اقتباس:
على صبرنا وكفاحنا من اجل راحتكم وحمكم بس اهم شي وحم ريحة الزوج مانبية لان فية مأسي:jj |
رد: اهمال زوجتي لي بسبب حملها
خذ بنصائح الحريم
لانه الحريم ادرا ببعض وكيف وضع الحرمه بالحمل دامك تبي اطفال تحمل ولا تبووون يجي بارد مبرد وقلتها حاااااامل ترا اذا ما وقفت مع شريك عمرك وهو تعبان ويش باقي الحرمه ماتبي تجرحك وتقولك مااطيقك ولا ربحتك ما تعجبني يعني لا تسمع كلام الرجال لانه بعضهم ماعندهم احساس حتى لو مرضت حرمته وشافها ع فراش الرحمن وربي مايعبرنا بالاخير اكيد المره تكون تدعي عليه ليل ونهار والله كذا احس بعض الشباب مايتوفقون في حياتهم ولا بعملهم بسبب قهر زوجاتهم |
رد: اهمال زوجتي لي بسبب حملها
الوحم صعب واعراض زوجتك اعراض وحم شديد بس اغلب حالات الوحم يخف
بنهاية الشهر الرابع زوجتك تلجا للنوم لانه ليس فيها طاقه الغثيان والاستفراغ وعدم الاكل يهد الحيل الوحدة تشرف على الموت وتنجي الحمد لله الله يكتب لنا الاجر |
| الساعة الآن 11:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©