|
أخطب والا اصبر ؟!
السلام عليكم ورحمة الله وبركاته ..
حياكم الله جميعاً .. أولاً : وأشكركم على هذا المنتدى الرائع اللذي وجدت فيه النفع الكثير والمعلومات القيمة والخبرات . ثانياً : أنا سلمكم الله عمري 22 وتوي متخرج من الجامعة وابحث عن وظيفة وبيسرها ربي بإذن الله ، أنا متعرف لي على عائلة من خارج ديرتنا ولي تقريباً ٣ سنوات اعرفهم .. وهم ماشاء الله تبارك الله أخلاق واحترام وطيبة قلب وحبوبين حيل fdgrg وبنفس الوقت مرتاحين لي ويحبونن وينادوني لزواجات عيالهم وبناتهم ومتواصلين معي بشكل مستمر .. السالفة وما فيها اني ودي اخطب منهم dg والاسباب كثيرة : اول شيء انا مرتاح لهم وهم مرتاحين لي ، ثاني شيء : اخلاقهم واحترامهم وامهم اهم حاجه .. سنعه بالحيل ومربية عيالها وبناتها تربية ماشاء الله ثالث شيء عندهم بنت بنفس عمري ولسى متخرجه dvf:D وماودي تروح علي gfn أبغى رايكم اخطبها الحين وبعد مااحصل وظيفة اتملك عليها ونتزوج ان شاء الله :o محتااااار جداً جداً .. فلا تبخلون بردودكم |
رد: أخطب والا اصبر ؟!
وعليكم السلام ورحمة الله وبركاته
الف مبروك اخوي على التخرج واسأل الله أن يوفقك بالوظيفه الزينه .. أخوي بما أنك تعرفهم وتعرف تربيتهم وعلىرتواصل مستمر معهم .. مابقي عليك إلا الأستخارة ثمن طلب النظرة الشرعية وهذي اهم نقطة .. اسأل الله أن يوفقنا ويوفقك لما يحب ويرضى |
رد: أخطب والا اصبر ؟!
اقتباس:
شاف البنت و خلص من زمان؟؟ ما رأي أهلك بزواجك من خارج بلدك؟ وهل التصريح للزواج صعب او سهالات؟ برأيي اذا كل شي متيسر. أخطب |
رد: أخطب والا اصبر ؟!
اقتباس:
بخصوص المسافة ترى كلنا بمنطقة وحدة ديرتنا تبعد عنهم ٥٠ كيلو :d انا اللي محتار فيه اخطب وانا لسى ماتوظفت واقول لهم الملكة ان شاء الله بعد مااتوظف ،، بخصوص النظرة الشرعية أكيد ضروري بالخطبة اني اشوفها .. لكن متأكد انها mhmfdgrg |
رد: أخطب والا اصبر ؟!
اقتباس:
بخصوص النظرة الشرعية فأكيد بتكون بالخطبة .. لكن انا اللي محتار فيه اخطب الحين وأنا مابعد توظفت ؟ يعني اخطب واخبرهم انه الملكة والزواج بعد ما أتوظف ؟ |
رد: أخطب والا اصبر ؟!
اقتباس:
|
رد: أخطب والا اصبر ؟!
اقتباس:
عسى ربي يوفقك |
رد: أخطب والا اصبر ؟!
استخير واستشير اهلك
|
رد: أخطب والا اصبر ؟!
اخطب اولاً بعد الاستخاره !!!
وتوظف ورتب امورك ، ومبروك ياعريس مقدماً .... |
رد: أخطب والا اصبر ؟!
ابو دحيم وراك عجل؟
اقولك عندي بالشغل شباب اطباء اعمارهم فوق الثلاثين ما تزوجو ، لما تسألهم يقولو والله اكبر غلط ما تزوجنا بدري وقلنا نبي نفلها وما سوينا شي.. وعندنا شباب متزوجين من اعمارهم 24.. ولما تسألهم. يقولو لا تتركون العزوبية غلطة الزواج من بدري ما فليناها ومتعنا اعمارنا عزاب !! هههههههه الفكرة ما يهم اي عمر تتزوج، لكن الي يهم انك مستعد فكريا للزواج وقد المسؤولية .. انا عمري 27 واقولك تفكيري لما كان 23 يختلف وكانت فيه اشياء بايخة اسويها .. نصيحة انتظر اشتغل وجمع لك كم قرش.. سوي اي شي كنت مخطط له .. تبي تسافر تتمشى تبي تسوي اي شي.. سويه بعدين تزوج وعمرك 26 مثلا ... جدا مناسب.. والبيوت مليانة بنات يعني ما وقفت على البنت هذي.. |
رد: أخطب والا اصبر ؟!
اخطب واتفق معهم الملكه بعد ماتستقر
|
رد: أخطب والا اصبر ؟!
لا أدري كيف الواحد يعلق نفسه بشي ما يقدر يوصله
أنت حاليا عاطل ويفترض تركيزك على البحث عن الوظيفة وبعدها تركز على الزواج ليش تحرج نفسك وأنت لا تدري متى تجد الوظيفة وتصبح البنت معلقة ومربوطه فيك هل ترضاها لأختك ؟ |
رد: أخطب والا اصبر ؟!
اقتباس:
صاحب الموضوع, اخطب واطلب منهم الانتظار الى ان تستقر, وافهمهم انه الموضوع قد يطول, وهم يرجع لهم القرار النهائي. .. |
رد: أخطب والا اصبر ؟!
توكل علي الله واخطب
ان الله يقف مع من اراد احلاله توكل علي الله واخطب ستجد الله ييسرها لك من جميع الجهات |
رد: أخطب والا اصبر ؟!
اقتباس:
الحمد لله يارب لقيت أحد زي تفكيري ورأي في الموضوع هذا أستخير أولاً وأخيراً .. ونصيحتي لك نفس نصيحة الأخ ياسر والله يوفقك ويكتب لك الخير ويسهلك امورك |
رد: أخطب والا اصبر ؟!
ما شاء الله و ظفر بذات الدين تربت يداك
صدق رسول الله صل الله عليه و سلم بنسبي الك مرتاح و شايف انهم كويسين ما المانع و بنسبي لا وظيفة و رزق و الامور ربنا يسرلك يعني الواحد شو بدو منا بهل دنيا غير انو يلتم على بنت حلال تصون بيتو و تعيش معو على حلو الدنيا و مرها ربنا يوفقك اخي الكريم |
رد: أخطب والا اصبر ؟!
تسلمون على الردود الحلوة .. اجل بإذن الله بتوكل على الله وانطلق لهم ... $:
|
| الساعة الآن 01:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©