|
زوجي حظرني من الواتساب بسبب مزحي معه
السلام عليكم
كل مافي الامر امس كنا نسولف في الواتساب ومزحت مزحه صغيره وهي إني قلت له بكره ابروح زواج قال لي وين قلت له في الرياض على سبيل المزح قامت الدنيا عنده انتي كذابه وانتي مريضه وانتي وانتي قلت له هدي هدي امزح معاك مالها داعي كل هالدراما وبعد ماقال كل خرابيطه قال يلا باي انا مو فاضي انغبنت انا وقررت ارسله كلام بالواتساب ومتى ماقام يقراه. ارسلته وقلت له كل اللي بخاطري والاهم اني انا صابره على سفره وبعده المفروض القى شوية تقدير وإهتمام وكلام كثير بدون ما اغلط عليه والله قمت لقيته مرسل لي وانا بعد صابر ومسويلي بلوووووك (حظر) هنا سكت انا وقررت اسويله بلوك هو كمان ولا كيف تنصحوني اتصرف رفع ضغطي مليون بالميه تم تعديل العنوان ليتناسب مع المضمون |
رد: فهمونـا وين تبون توصلون يامعشر الرجال 💔
الحل هو التطنيش
يعني لما يزعلك زوجك بشي بدل ما تكبتي بنفسك وتكرهي حياتك تعاملي مع الموقف وكأن شيئا لم يكن. لا تحطي ايدك عخدك وتنوحي كأنو الدنيا خربت. ابكي شوي بتطلعي الطاقة السلبية وبعدها مارسي حياتك واشغالك عادي طلعي شوفي صاحباتك عملي اي شي يغيرلك نفسيتك |
رد: فهمونـا وين تبون توصلون يامعشر الرجال 💔
شايفين لعبة تركيب الأشكال سهله ؟
ولا لأني كتبت كائن لطيف طلعت عايشه في العسل😂 كل رجل له شكل في هاللعبه وعليك تركيب هذا الشكل عاد كل وحده تتخيل شكل رسمة زوجها في اللعبه الي عليها تركيبها احياناً يا ابتسامة ورد تضطري من الانفجار تنفضي مكعبات الشكل كامله بعد التعب والسهر في التركيب لكن تشعري بإرتياح وتلاحظي تغير جذري في حياتك ولما تفكري ترجعي لزوجك قصدي ترجعي تركبي الشكل من جديد تبدأي بطريقه غير الي استخدمتيها قبل بتلاقي نفسك نجحتي |
رد: فهمونـا وين تبون توصلون يامعشر الرجال 💔
والله الرجال مغلوب على امرهم اذا عصب سرعان مايهدأ ولا كأن شي حصل ولايشيل بقلبه شي ابداً ...!
واذا عرفت الزوجه تتعامل معاه وتراعيه صدقيني كل الي بجيبه يعطيها وهو مبتسم 😃...! ويلبي كل حاجاتها ...! فهو سهل لمن تحسن التعامل..! وسهل ممتنع لمن لاتحسن وتدور على نفسها ..! |
رد: فهمونـا وين تبون توصلون يامعشر الرجال 💔
انا مو متزاعله ولا شي بس كلامي بعد تجربه سنوات ..
اكتشفت ان الرجل غلط تتعاملين معه بطبيعتك وتتكلمين معه باريحيه لازم تكوني ممثله حاذقه ومتصنعه معه طبقا للصفات التي يرغبها علشان تاخذين شهادة الشرف منه لازم تكونين منافقه عاد فيه اللي تتقن التمثيل وتنجح بحياتها وفيه اللي تفشل ولاتعرف تمثل وترسب في تعاملها معه .. |
رد: فهمونـا وين تبون توصلون يامعشر الرجال 💔
اقتباس:
وانا راح أرجع لنفس الاسلوب اتبعته فتره وفعلا نجحت وكنت مرتاحه ومبسووطه مريحه راسي لكن حصلت ظروف وتدخلات خربطت مخي وغيرت تعاملي الان اكتشفت مالي غير النفاق والتمثيل حتى لو قلبي محترق او نقصني بحقوقي بالكلمه الطيبه والتعامل الحسن والدلع ان شاء الله كلووو يجي وربي يوفقني ويوفق الجميع يارب |
رد: زوجي حظرني من الواتساب بسبب مزحي معه
حبيبتي عروس الروض
حاولي ماتشدين مع زوجك والله الشد والمد ماراح يجيب الا الحظر وراح يقهرك اكثر بكل بساطه لما يجي عندك خليك مبتسمه هاااديه. ولاتجيبين سيرة الحظر انسيه لفتره لين تهدأ الامور وتحسينه راح يتقبل منك الكلام وقتها اطلبي انه يشيل الحظر ولا عاد تكررين مزحك انتي شكلك مزحتي والوضع اساسا متوتر بينكم الله يوفقك |
رد: زوجي حظرني من الواتساب بسبب مزحي معه
أختي الكريمة عروس الروض
المزح بالكذب صفة مقرفة لا يحبها الرجل الصالح وأظنه غضب من الكذب وضعي علامة على كلمة (الرجل الصالح وليس الرجل الفاسد) تجنبي الكذب جده وهزله فالكذب مفتاح كل شر وخطيئة |
رد: زوجي حظرني من الواتساب بسبب مزحي معه
حبيبتي أريحك
يا كثر ما يعملها الرجال المتزوجين يبغى يريح راسه من كثرة الكلام .. رساله من عندك رساله من عنده .. يقوم يحظر ويريح راسه وبعدين ممكن ترضون ع بعض وترجع المياة لمجاريها وتستغربي ليش ما شال الحظر .. لأن شخصيته كذا مو .. ينسى بسرعه .. مو دقيق والأمور اللي تفكري فيها مو على باله مليون بالميه .. وممكن لما ارسلتي الرسالة كان التوقيت غلط .. منزعج من شي ثاني وحط حرته فيك 😂 الخلاصه وسعي صدرك .. وريحي بالك .. وتجاهلي الموضوع بالكامل ولا تكبريه ولو نسي مثلاً وما شال الحظر 😅 لا تحطيها بقلبك .. قولي برسل له نصي وهو بينتبه للموضوع وبيعدله من نفسه .. حبيبتي حافظي ع حياتك ولا تكثري المشاحنات مع زوجك والله يا قمر فيه أمور أصعب من كذا ليت كل المشاكل الزوجية مثل مشكلتك الله يسعدك ويسخره لك .. |
رد: زوجي حظرني من الواتساب بسبب مزحي معه
طنشي حبيبتي ولا يجي على بالك .. لاتسوي له حظر ولاشيء .. ولاتطلبي منه يفك الحظر ولاتناقشيه بشيء .. بكرة من نفسه يفكه ويكلمك .. كبري رأسك وطنشي وعيشي حياتك..
وعلى فكرة هو مازعل وسوالك حظر من المزحة هو زعل من الكلام اللي كتبتيه بالرسالة بعد موقف المزحة .. عموما كبري رأسك واشتري راحتك |
رد: زوجي حظرني من الواتساب بسبب مزحي معه
انت ادرى بنفسك وماحدث بالفعل
ان كنت اخطئت في حقه تأسفي منه برساله نصيه ولاتذكري شيء آخر غير الأسف وان رأيت انك لم تخطئي في شيء ايضا تأسفي منه من باب انه زوجك وحبيبك ولايهون عليك زعله وتذكري فمن عفا وأصلح فأجره على الله ماأجمل ان تكون حياتنا الزوجيه مبنية على المودة والرحمه والاحترام وعدم النديه الزوج حقه عظيم عند الله والتذلل له والتودد اليه والخضوع بحب واحترام يرضي الله ثم يكسبك محبة زوجك وبها ترتاح نفسك من المشاكل والمشاحنات ماضيع الأسر المستقره الا كلام المخببين من أناس لايخافون الله كمثل خوذي حقك منه ،، راسك براسه ،، مساواة الرجل بالمرأه ،، خليك قويه ،، وووو الله المستعان امهاتنا رحم الله من توفي منهن وغفر لهن واطال عمر من على قيد الحياة منهن ع عمل صالح كنا حكيمات عاقلات يتبعن وصايا القران والسنه في معاملة الازواج وبكل حب وتذلل ورحمه فكانت البيوت مستقره وآمنه اما الان كأننا في حرب من ينتصر ومن يخسر لابد من التغافل والتنازل وسر قوة المرأه في ضعفها لزوجها وتوددها له وتغليب هواه ع هواها هنا تكسب قلبه وعقله وتدوم العشرة بينهما بتوفيق الله 🌹 |
رد: زوجي حظرني من الواتساب بسبب مزحي معه
اقتباس:
كلامهها صحيح ... انا زوجي كذا اذا طال اارسايل وبوقت غلط وهو مو رايق يسوي لي حظر ... وعادي طنشي بس وهو بيفكه ... واذا بعدين قال لك هاه وش رايك بالحظر ... قولي له انت حاظرني !!؟ تصدق مانتبهت لاني مارجعت ارسلت لك ... عشان تردين اعتبارك شوي 😅 ... دايما اقول كذا وصار مايسوي لي حظر الا نادراً بعد ماكان يسويه أسبوعياً ... بس هالشي اذا كان حاظرك لمدة ساعات قليله مو ايام .. واحمدي ربك انه ماحظرك الا بعد مارسلتي له رسالتك ... انا يحظرني وانا لسى ابي اكتب ... يعني لسى المشكله تكون حاميه ونبدأ نتراسل والاقيه قفلها بوجهي بحظر ... بس مثل ماقلت لك بعد مايفك الحظر ويسألني ... اقوله اصلا مانتبهت لاني طلعت من الواتس ... عشان ما احس بالاهانه .. ولا قلبي شاب حريقه بس ساكته .. |
رد: زوجي حظرني من الواتساب بسبب مزحي معه
قلتي كل اللي في خاطرج في الوقت الغلط يا عروس.
فطبيعي يقلب الطاولة عليج. والحظر كان هو الوسيلة المتاحة جدامه باعتبار أنكم مب مع بعض .... لو كان معاج في البيت مثلاً كان تركج وطلع. |
رد: فهمونـا وين تبون توصلون يامعشر الرجال 💔
اقتباس:
كلامك صحيح 100٪ 👌🏻 الرجال مايبون الصادقه والصريحه يبون اللي تمثل وتلف وتدور عليه |
رد: زوجي حظرني من الواتساب بسبب مزحي معه
والله انا قرفت صرت مااعرف كيف اتعامل
اطنش او اتودد والله كأني بدوامه انا ما احس اني غلطت بحقه من مجرد مزحه ما اعتبر اني غلطت يمكن صح كلامكم ان مزحي جاء بوقت غلط بالمسبه له بس انا مو اعلم الغيب اذا مزاجه يسمح او لا |
رد: زوجي حظرني من الواتساب بسبب مزحي معه
لا اعتقد هالمزحة تزعل الا اذا حصل قبلها حضرتي
زواج بدون علمة فهنا زعلة في مكانة والبك جا بالوقت المناسب بخصوص صبرك على بعدة هذا كلام مو صحيح انتي من فرض هالشي بشروطك علية مو هو ...زوجك الي صابر عليك |
رد: زوجي حظرني من الواتساب بسبب مزحي معه
اقتباس:
مهره حبيبتي الوحده فينا خصوصاً وان الطرفين بعاد عن بعض يعني مو متقابلين كيف تعرف ان مزاجه مو تمام انا مو شايفته قدامي يعني كيف اقدر هذا الشي وخصوصاً انه ماصار بيننا كلام قبل المزحه عشان اعرف اذا حضرته متنرفز او لا |
رد: زوجي حظرني من الواتساب بسبب مزحي معه
اقتباس:
لا طبعاً ما احضر زواج بدون علمه اهو معطيني الاوكي دايم اعطيه خبر ومايعترض |
رد: زوجي حظرني من الواتساب بسبب مزحي معه
اقتباس:
يمكن كان مزاجة مو اوكية ساعتة..والمفروض مزحك يكون بالوقت المناسب |
رد: زوجي حظرني من الواتساب بسبب مزحي معه
صاحبة السعادة
ما اجمل كلامك حبيبتي |
رد: زوجي حظرني من الواتساب بسبب مزحي معه
اقتباس:
مزحتج زعلته صحيح .. لكن ما أعتقد إنها هي سبب الحظر يا عروس. سبب الحظر ـ في اعتقادي ـ كلامج اللي قلتيه عقب ما أنهى الحوار وقال لج يالله باي .. هذا الكلام اللي قصدت إنج قلتيه في وقت غلط. اقتباس:
كان المفروض بعد ما أنهى الحوار تسكتين أو تقولين مثلاً: (مثل ما تحب حبيبي .. بس تراني والله كنت أمزح) .. رد فعلج الهادئ كان ممكن يخليه يفكر بينه وبين نفسه هل مزحتج كانت مستاهلة كل هالدراما اللي عملها؟ .. وكان ممكن يرجع يكلمج بعدين ويعتذر أو يلطّف الجو. لكن هو أنهى الحوار وهو لا يزال حار ومعصب .. وإنتي ـ من الغبنة ـ انفجرتي وطحتي فيه عتاب ولوم على أمور مالها علاقة أصلاً بالموقف السابق (المزحة ورد فعله الغاضب) فطبيعي يصعّد الموقف ويبدأ في الهجوم المضاد. |
رد: زوجي حظرني من الواتساب بسبب مزحي معه
اقتباس:
ياخوي انا ما اعلم الغيب ولا هو قدامي عشان اعرف ان مزاجه تمام او متعكر |
رد: زوجي حظرني من الواتساب بسبب مزحي معه
اقتباس:
تصعيده للمواقف مو غريبه عليه حتى لو الموقف صغير لازم يطلعني غلطانه صح كلامك المفروض اكون اهدء من كذا بس نرفزته استفزتني |
رد: زوجي حظرني من الواتساب بسبب مزحي معه
اقتباس:
هذا اليوم الثالث للمشكلة حسبما أظن .. صح؟ بعده حاظرج؟ |
رد: زوجي حظرني من الواتساب بسبب مزحي معه
اقتباس:
صحيح هذا اليوم الثالث ولازال حاضرني تكفين مهره شسوي فيني حره ودي احضره خل عشان لما يفك الحضر ينصدم ان حتى انا حاضرته حركته بايخه ونرفزته بعد بايخه ومالها اساس اصلاً |
رد: زوجي حظرني من الواتساب بسبب مزحي معه
اقتباس:
مو كيف تنتقمين منه وتسوين له حضر يااختي ترى العناد مايجيب الا عناد والمشكله تبدا صغيره تافهه وتكبر كان بامكانك تنهين المشكله بساعتها بقولت انك تمزحين معه وتعتذرين وبس |
رد: زوجي حظرني من الواتساب بسبب مزحي معه
قلت له انا امزح ترا
هو شب وانفجر لما قلت امزح وانتي وانتي وووو صح كلامكم كان المفروض من ساعتها انا اطنشه عشان مايكبر الموضوع يعني معنى كلامك ماتشجع فكرة اني انا احضره بعد طيب شسوي عطوني حلول ارسل له رساله نصيه واقول اسفه وبس ولا اطنش الموضوع كله ولا شسوي |
رد: زوجي حظرني من الواتساب بسبب مزحي معه
اقتباس:
خليه يحظر ومتى ما انطحن الحب اللي برلسه بيشيل الحظر انتي اعتذرتي وانتهى الموضوع منتى مسؤوله عن حركاته الطفوليه اتركيه وكان الموضوع مو هامك ولا تعتبريه مصيبه اما تلحقيه بالرسايل النصيه بتكبرين راسه |
رد: زوجي حظرني من الواتساب بسبب مزحي معه
طنشي الى ان الله يفرجها
ولا تجيبين للسالفة طاري ابد |
رد: زوجي حظرني من الواتساب بسبب مزحي معه
اقتباس:
انا هذا اللي افكر فيه اخليه لين ينطحن حب راسه على قولتك بس حابه اوضح شغله انا للحين ما اعتذرت يعني ماقلت له آسفه هل تنصحون ارسله كلمة آسفه فقط بدون مقبلات ولا ما ارسل شي خير شر |
رد: زوجي حظرني من الواتساب بسبب مزحي معه
اقتباس:
اطنش ولا ارسل شي ابد !؟ |
رد: زوجي حظرني من الواتساب بسبب مزحي معه
خلاص ما دامك ما اعتذرتي امرنا لله
ارسليله انا اسفه كنت امزح معك بس احتمال يكون زعله من باقي كلامك وليس من المزحه |
رد: زوجي حظرني من الواتساب بسبب مزحي معه
رايي ان تصبري ولا ترسلي شيء
لو يعلم انه الموضوع ماثر فيك لهده الدرجة رح يستعملو كاسلوب عقاب في كل مرة لا تبيني ابدا انك تاثرتي بالموضوع العكس بينيلو انك كنت مبسوطة مع بنتك واهلك |
رد: زوجي حظرني من الواتساب بسبب مزحي معه
اقتباس:
محتاجة منه شي هاليومين؟ عندج مشوار محتاج استئذان مثلاً؟ |
رد: زوجي حظرني من الواتساب بسبب مزحي معه
اقتباس:
انا بعد اقول كذا ان زعله وحضره من باقي الكلام مو من المزحه بس يعني شنو اطق وانقهر وكلام في قلبي ما اقوله!!!! اذا ماقلت له اجل لمنو اقوله ومو اول مره اعاتبه انا وارسل له عتبي حتى لو ماعجبه واحياناً يطنشني ومايرد على كلامي واحياناً يرد ويرسل كلام مستفز بس مايحضرني من الواتساب كلش |
رد: زوجي حظرني من الواتساب بسبب مزحي معه
اقتباس:
يعني ميمي تتوقعين اذا مابينت اي اهتمام بيتغير الوضع !!؟ انا ماتأثرت بالموضوع والنقاش العقيم كثر ما تأثرت بالحركة البايخه حركة الحضر عيب حنا كبرنا ووعينا على هالحركات |
رد: زوجي حظرني من الواتساب بسبب مزحي معه
اقتباس:
لا ماعندي شي هاليومين |
رد: زوجي حظرني من الواتساب بسبب مزحي معه
ياختي الموضوع بسيط
الحمدلله لا شتمك ولا لعنك عمل لك حظر في برنامج لا قامت الدنيا ولا جلست ماني فاهمه لي زعلانه لهالدرجة وكأنه عامل مصيبة تصرفه زي تصرف الرجل اللي وقت المشكله يترك البيت ويطلع لحد ماتهدى النفوس افضل الف مره من اللي يجرح او يضرب هو هرب من الواتس حتى مايتمشكل معك بعدين انتي منهاره ومتضايقه ياختي حسسيه انه هو الخسران اذا رجع لا تكلميه ابدا بالحظر وخلي نغمه رسايل الواتس تلعلع وارسلي لكل اللي عندك وسولفي معهم هو من نفسه بينحرج ويشيل الحظر انا ملاحظه الرجال اذا سافروا تقسى قلوبهم بدل مايكون احن وصدره وسيع ومشتاق هذا الشيء اللي جد مالقيت له تفسير الله يعينك |
رد: زوجي حظرني من الواتساب بسبب مزحي معه
اقتباس:
نبا مدخل مناسب. وأاكد على كلام ميمي .. لا تبينين أبداً إن حركة الحظر قهرتج .. والأفضل ما تطرينها أبداً. لكن لو تمت تقرقع في قلبج فبنشوف لها صرفة بعدين على حسب المستجدات. |
رد: زوجي حظرني من الواتساب بسبب مزحي معه
اقتباس:
حبيبتي كنافه انا ماني منهاره لان الموقف بسيط على قولتك انا اللي مزعجني ان الحركة طفوليه مو حلوه تصير بيننا ونتعوده وصدقتي لما قلتي اغلب الرجال قلوبهم تقسي وقت السفر بدل مايحنون ويشتاقون كلامك سليم 💯 👍🏻 |
| الساعة الآن 03:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©