|
تجاهلت زميلتي بعد إحراجها لي على الواتس اب
/ السلام عليكم ورحمة الله وبركاته
. بصراحه تزعجني شغله في الواتس وهي ان البعض يرى رسالتك في الواتس ولا يرد عليها لو بكلمة واحد تحفظ ماء وجهك رغم انها عباره عن سؤال وليست سواليف وبكل صفاقة وجه يريدك ان تكون معه طبيعي لو قابلته!! احكي موقف مر بي عندي جروب ورغم كرهي للجروبات لكني اضطررت له لامور العمل المهم نسولف انا والموظفات احيانا فيه سالت انا مره وحده منهم سؤال بخصوص تخصصها واحرجتني ولا ردت ويوم احتاجت شي مني جت تسالني على الخاص شوفوا ....علشان اذا رديت لها الحركة ما تتفشل امام البقية ومحد يعرف غيرها قمت انا جاوبتها على القروب وتعذرت انه لكي يستفيد الجميع فقلت هذا جواب سؤالك يا فلانه وضعته هنا ليستفيد الجميع فهل تصرفي صح ؟؟ احس انه من ابسط حقوقي اجل تفشلني وما ترد عليه وانا ارد عليها عادي على الخاص قلت خليها على الاقل يعرف الجميع انها جتني تسالني على الخاص ويعرفوا انها عارفه غلطها وما هو شعوركم حين يتجاهل احد رسايلكم على الواتس وخصوصا اذا كانت سؤال منك وليس مجرد دردشه ؟؟! بصراحه اراها قمة سوء الادب واحد يسالك خلاص جاوبيه حتى لو تقول ما اعرف اما تتجاهل ومبين عنده انك شفت الرساله قلة ادب وقلة ذوق بصراحه! تم تعديل العنوان ليتناسب مع المضمون |
رد: هل ردت فعلي صح..؟
هههههههههه
والله انكم حساسين بزود يالحريم عادي ردات والا عساها ماردات سوا على الخاص او العام كم مرة تصير معي وعاااادي جدا ولا كن شي صار وبقولك شغلة دائما القروبات فيها حزازيات ونفسيات حتى عندنا يالرجال هههه مو انتم وبس اذا كنتي من النوع الي ما يتحمل انصحك تحذفينها عشان تريحي راسك..والله يوفقك |
رد: هل ردت فعلي صح..؟
اقتباس:
هذي ما انتظر عليها لا شكر ولا حتى تعليق لكن سؤال!!! توجه له سؤال وبالاسم ما نقول سؤال عام للجميع فمن حقه يسكت لا حددته يا فلان ممكن كذا وكذا ويطنش!!! لا والله ما اشوفها حساسية الا شعور في محله |
رد: تجاهلت زميلتي بعد إحراجها لي على الواتس ا
يمكن ماقرتها يا كوكتيل أحيانا إذا المحادثات طويله ماأرجع أقراها وأحيانا عيالي يستلمون الرسايل عني إذا تبين منها شي إسأليها خاص .
|
رد: تجاهلت زميلتي بعد إحراجها لي على الواتس ا
اقتباس:
الجروب مو ذاك الزحمه احيانا تمر ايام محد يكتب فيه شي لانه جروب رسمي تقريبا مو جروب صديقات وميانه وان انكتب رساله او رسالتين في الاسبوع بكامله فعذر كثرة الرسايل منتفي ومتاكده وارسالها لي على الخاص اكبر دليل لانها خافت اسوي زيها واطنشها وتتفشل يعني عارفه انها تفشيله انها ما ترد على اللي يسالها |
رد: تجاهلت زميلتي بعد إحراجها لي على الواتس ا
كبري عقلك حبيبتي ..
|
رد: تجاهلت زميلتي بعد إحراجها لي على الواتس ا
اقتباس:
بينما لو اني جاوبتها على الخاص كان جلست بقلبي تعذبني ولعلمك ندمت اني جاوبتها اصلا بس حبيت ان الجروب يعرفون انها جت تسالني على الخاص خباثة حريم😆 لا والله وانا اختك الزم ما عليه صحتي اردها لها واصغر عقلي وارتاح ولا اكبره واتعذب لوحدي😅 |
رد: تجاهلت زميلتي بعد إحراجها لي على الواتس ا
كوكتيل حبيبتي..
لو أنها بالفعل قرأت سؤالكِ وتعمدت عدم الرد .. فالمنطقي قبل أن تكلمكِ على الخاص أن تبادر بالاعتذار أو حتى التحجج من تصرفها السابق .. ثم تطلب منكِ حاجتها بعد ذلك. أرى أن تلتمسي لها العذر .. إلا إن كانت لها سوابق مماثلة معكِ. في أحد مواضيعي السابقة قرأت الرد الأخير فيه .. ولم أتمكن من التعليق في ذات الوقت .. ونويت أن أعود لاحقاً للرد. ونسيتُ الأمر تماماً إلى أن وُضعت مشاركة جديدة في الموضوع مما رفعه إلى رأس قائمة المواضيع الجديدة .. فدخلت واكتشفت أنني بالفعل نسيت ذاك الرد السابق الذي كنت أنوي التعليق عليه. ترا فقدان الذاكرة منتشر هالأيام. ;) |
رد: تجاهلت زميلتي بعد إحراجها لي على الواتس ا
اقتباس:
مو كل الناس نيتهم طيبه زيك اسعدك الله ترى البعض ياخذها وجاهه اني ما ارد على كل من يسالني بزعمهم مشغولين!!ومو شايفين الرسايل لا وبعضهم تاخر الجواب واعرفها لا شغله ولا مشغله بس حتى تبين نفسها ثقيله ما جاوبت على طول😅 هذي الاشكال كرهتني في الوتس والمشكله " كنت " اجاوبهم بسرعه رغم اني اكون احيانا مشغوله لكن علموني من خباثتهم فصرت ااخر الرد على الوحده لنص يوم احيانا وارد عليها وفعلا ينضبطوا ويردوا بدري يعني نضطر احيانا نزل لمستوى ووضع مو وضعنا حتى نعلم البعض الذوق واحترام الاخر لحد ما ينضبطوا ونرجع لطبعنا الاول اما قولك لو انها شافتها لقدمت الاعتذار قبل ان تسال حاجتها يا حبي لك يا مهره انتي هنا تتكلمي عن الناس الذوق الا قولي من وسع الوجه جايه تسال وهي مطنشه سؤالي اللي بقي تقريبا يومين ما جت بعده اي رساله حتى التمس لها عذر انها ما شافت سؤالي لزحمة الرسايل بعده!!! مالها عذر ابدا وواضح انها عارفه عملتها من باقي تعاملاتها معي |
رد: تجاهلت زميلتي بعد إحراجها لي على الواتس ا
أنا مثلك مهره ..
قبل كم يوم كنت نايمة العصر فتحت عيني بنص نومي أشوف الساعة .. شفت وجود محادثة جديدة بقروب خواتي اللي غير نشط ومانسولف فيه كثير .. لقيت أختي تطلب مني اصور لها غرض عندي .. قلت بقلبي بعدين أصوره لها .. وسكرت القروب وكملت نومي .. ماتذكرت الطلب إلا ثاني يوم العصر لما أختي الثانية تحدثت بالقروب .. |
رد: تجاهلت زميلتي بعد إحراجها لي على الواتس ا
عادي ياقلبي ياما تصير لي بس اطنش ...عندي زوجة اخوي 24 ساعه ماسكه جوالها ... أحيانا اراسلها ترد علي بسرعه واحيانا لا ... مره كنت ابغى منها شي ضروري وأرسلت لها ... وفتحت الرسالة وبعد 3 او 4 ايام ردت ... وترجع ترسل لي تسالني او تطلب ارد عليها بسرعه إذا الجوال معي ... عادي والحياه ماشيه ... صحيح تقعد بالقلب بس نلتمس لهم العذر ..
|
رد: تجاهلت زميلتي بعد إحراجها لي على الواتس ا
اقتباس:
انا اتكلم عن زميلات عمل يجمعنا العمل والرسميه والاحترام يعني ما فيه ميانه حتى تشوف السؤال وتطنش ولو انها ردت حتى لو بعد اسبوع عادي لكنها ما ردت نهاءيا ولو كنت اسات في تفسير نيتها كان شفتها تعاملني عادي لا واضح انها عارفه عملتها شكرا لك مره اخرى |
رد: تجاهلت زميلتي بعد إحراجها لي على الواتس ا
اقتباس:
انا من عادتي ارد اول ما اشوف الرساله لكن صرت مع الناس اللي مسوين ثقل اعاملهم بالمثل شكرا لك سموره الاموره |
رد: تجاهلت زميلتي بعد إحراجها لي على الواتس ا
أكره ذا الحركة أكرها أكرها أكرهاااا وللأبد .. قلّة أدب أحد يكلمك وتسحب وماترد بالذات لو الكلام ع الخاص ولين جت مصلحة الشخص يجي يتميلح عندك النوعية ذي تعلمت كيف أطنشهم .. عندي شخص من محارمي فيه هالطبع المخيس وأنا أرسله قليل بين فترة وفترة سؤال عن الحال والأحوال الأخ في الله طناااش أسكت وأمشيها ولو كلمني أرد مجرد ماأشوف المحادثة وأغلب كلامه معي مصلحة بالأخير صرت أسوي زيه يكلمني أقرا وماأرد ههههههههههههههههه مره من القهر سبني وطنشت عشان يتأدب أنا بيني وبينك طفشت من المجاملات وماعاد عندي خلق أستحمل أحد جيت على نفسي في أمور كثير وليتني أستفدت عشان كذا صرت أسوي اللي يريحني واللي بيزعل بسلامته
|
رد: تجاهلت زميلتي بعد إحراجها لي على الواتس ا
اقتباس:
اخيرا حد حس فيه والله انها قلة ادب وبس |
رد: تجاهلت زميلتي بعد إحراجها لي على الواتس ا
احسني الظن
و لو كانت فعلا تقصد التجاهل فبتعاملك الطيب انت معها بتعطيها درس بحسن التعامل أرتقي بتعاملك معها او من تظني انه يتقصد تجاهلك |
رد: تجاهلت زميلتي بعد إحراجها لي على الواتس ا
احمل اخاك المؤمن على 70 محمل...
أحيانا يكلموني و ما ارد بالأيام .. لأني اساسا مو قاعدة ارد على احد بسبب اني تعبانة صحيا و نفسيا ما لي مزاج ارد حتى على كلمة شلونج... او افتح المحادثة واقول بعدين بارد وانسى... او ياهل مسك التيلفون و فتح المحادثات وما اشوف بعدين لان ما انتبهت... اشياء وايد واردة... |
رد: تجاهلت زميلتي بعد إحراجها لي على الواتس ا
عامل الناس بأخلاقك لا بأخلاقهم .
|
رد: تجاهلت زميلتي بعد إحراجها لي على الواتس ا
التغافل شيء جميل و مريح
ووسائل التواصل الإجتماعي لا تعبر عن حقيقة شخصية مستعمليها غالباً |
رد: تجاهلت زميلتي بعد إحراجها لي على الواتس ا
اقتباس:
لكني صرت اعامل كلن بنفس اسلوبه واظنه هذا ليس بخطا بل اسلوب ناجع اتى بنتيجه جيده معي |
رد: تجاهلت زميلتي بعد إحراجها لي على الواتس ا
اقتباس:
|
رد: تجاهلت زميلتي بعد إحراجها لي على الواتس ا
اقتباس:
اعرف اعامل كلن واسلوبه واظن هذي الطريقه اصلح للي ما يتحمل تصرفات البعضbht |
رد: تجاهلت زميلتي بعد إحراجها لي على الواتس ا
اقتباس:
وحده تسالني مشغوله اليوم ارد بكره بعد بكره بعده اما اتجاهل بشكل نهاءي قلة ادب وقلة ذوق |
رد: تجاهلت زميلتي بعد إحراجها لي على الواتس ا
ارجو اغلاق الموضوع
طلعت اللي بقلبي😀 |
رد: تجاهلت زميلتي بعد إحراجها لي على الواتس ا
هذه المقوله لاصحاب الردود المثاليه
لا تحكم على شخصيتي من*اسلوبي* فشخصيتي هي*انا واسلوبي انت*الذي*تحدده*بتعاملك |
رد: تجاهلت زميلتي بعد إحراجها لي على الواتس ا
مو موضوع مثالية ..
لكن فلنكن شوي واقعيين مع حمل الآخرين على محمل الخير... مثال واقعي صار لي قبل فترة .. صديقتي سألتني سؤال في قروب بنات المدرسة .. وصار لنا فترة ما نتكلم فيه بحكم إن اغلبهم مسافرين فتحته وقلت راح ارد بعدين مرت أيام بدون ما ارد ... ونسيت الموضوع تماماً .. وبعد أيام صار كلام في القروب وما انتبهت لكلامها وموضوعج ألحين ذكرني فيها |
رد: تجاهلت زميلتي بعد إحراجها لي على الواتس ا
اقتباس:
ومستحيل اسويها لازم ارد على اي شخص المهم ممكن تقفلين الموضوع بما انك مشرفه😊 |
رد: تجاهلت زميلتي بعد إحراجها لي على الواتس ا
اقتباس:
يغلق------------ |
| الساعة الآن 06:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©